മുഖ്യമന്ത്രി യോഗി ആദിത്യനാഥിന്റെ കാലത്ത് തന്നെ പുനര്‍നാമകരണം നടത്തും. ആദിത്യനാഥ് ശിവജിയുടെ പിന്‍ഗാമിയാണ്. ശിവാജിയുടെ പിന്‍ഗാമികള്‍ ഉത്തര്‍പ്രദേശില്‍ വന്നിട്ടുണ്ട്. സമര്‍ത് ഗുരു രാംദാസ് ശിവാജിയെ ഇന്ത്യക്ക് നല്‍കിയതുപോലെ, ഗോരഖ്നാഥ് ജി യോഗി ആദിത്യനാഥിനെ ഉത്തര്‍പ്രദേശിന് നല്‍കിയെന്നും സിങ് കൂട്ടിച്ചേര്‍ത്തു.

ദേശവിരുദ്ധ മനോഭാവമുള്ള ആളുകള്‍ക്ക് ഒരു പരിഗണനയും നല്‍കില്ലെന്നും ഇന്ത്യയുടെ മഹത്വത്തെക്കുറിച്ച് സംസാരിക്കുന്നവര്‍ മാത്രമേ നേതാക്കന്‍മാരാകൂവെന്നും സുരേന്ദ്ര സിംഗ് പറഞ്ഞു. നേരത്തെയും സുരേന്ദ്ര സിംഗ് ഇത്തരത്തില്‍ വിവാദ പരാമര്‍ശങ്ങള്‍ നടത്തിയിട്ടുണ്ട്. പെണ്‍കുട്ടികളെ സംസ്‌കാരശീലരായി വളര്‍ത്തിയാല്‍ പീഡനമുണ്ടാകില്ലെന്നാണ് ഹാത്രസ് സംഭവത്തെക്കുറിച്ച് സുരേന്ദ്ര സിങ് പറഞ്ഞത്.

ബല്ലിയ മണ്ഡലത്തില്‍ നിന്നുള്ള ബി.ജെ.പി എം.എല്‍.എയാണ് സുരേന്ദ്ര സിംഗ്. ഇദ്ദേഹം നേരത്തെയും മുസ്‌ലിം വിരുദ്ധ പരാമര്‍ശങ്ങള്‍ നടത്തിയിട്ടുള്ള നേതാവണ്.

#WATCH Surendra Singh, BJP MLA from Ballia: In Muslim religion, you know that people keep 50 wives and give birth to 1050 children. This is not a tradition but an animalistic tendency. (14.07.2019) pic.twitter.com/i3AJa9ZSxw

— ANI UP (@ANINewsUP) July 15, 2019

നിരന്തരമായ വിവാദ പ്രസ്താവനകളിലൂടെ കുപ്രസിദ്ധിയാര്‍ജ്ജിച്ച നേതാവാണ് സുരേന്ദ്ര സിങ്. ഭഗവാന്‍ രാമന് പോലും ബലാല്‍സംഗം തടയാന്‍ കഴിഞ്ഞിട്ടില്ലെന്ന് നേരത്തെ സുരേന്ദ്ര സിങ് പറഞ്ഞിരുന്നു. പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയെ ‘ശൂര്‍പ്പണഖ’ എന്ന് വിളിച്ചതും വിവാദമായിരുന്നു.

2024ല്‍ ഇന്ത്യ ഹിന്ദു രാഷ്ട്രമാകുമെന്നതായിരുന്നു സുരേന്ദ്ര സിങ്ങിന്റെ മറ്റൊരു പ്രസ്താവന. ‘ഭാരത് മാതാ കീ ജയ്’ എന്ന് വിളിക്കാന്‍ തയ്യാറാവാത്തവര്‍ പാക്കിസ്ഥാനകളാണെന്നും സുരേന്ദ്ര സിങ് പറഞ്ഞിരുന്നു.