പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള ബി.ജെ.പി സര്‍ക്കാരിനോട് രാജ്യത്തെ ജനങ്ങള്‍ക്ക് കടുത്ത അതൃപ്തിയാണുള്ളത്. മോദിയുടെ പ്രഭാവം എന്നത് രാജ്യത്ത് ഇല്ലാതെയായി. അതേസമയം പ്രതിപക്ഷത്തുള്ള കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ ജനപ്രീതി ദിവസംതോറും വര്‍ധിക്കുകയാണ്. രാജ്യത്തെ ജനങ്ങള്‍ക്ക് സ്വീകാര്യനായ പൊതുസമ്മതനായി രാഹുല്‍ ഉയര്‍ന്നു. രാജ്യത്തിന്റെ ബഹുസ്വരതയും മതനിരപേക്ഷ കാഴ്ചപ്പാടും ഉയര്‍ത്തിപ്പിടിക്കുന്ന രാഹുലിന്റെയും കോണ്‍ഗ്രസിന്റെയും നിലപാടും, രാജ്യത്തെ പ്രശ്‌നങ്ങള്‍ പരിഹരിക്കാനുള്ള കൃത്യമായ കാഴ്ചപ്പാടോടെയുള്ള പ്രകടനപത്രികയും കോണ്‍ഗ്രസിന് ഗുണം ചെയ്യുന്ന പ്രധാന ഘടകങ്ങളായി വെബ്‌സൈറ്റ് പറയുന്നു.

ഏകാധിപത്യനിലപാട് രാജ്യത്തെ ജനങ്ങളുടെ മേല്‍ അടിച്ചേല്‍പിക്കുന്ന തരത്തില്‍ നടത്തിയ മോദിയുടെ പ്രവര്‍ത്തനങ്ങള്‍ തെരഞ്ഞെടുപ്പില്‍ ബി.ജെ.പിക്ക് കനത്ത തിരിച്ചടിയാകും. കര്‍ഷകവിരുദ്ധ നിലപാടും തൊഴിലില്ലായ്മയും മുതല്‍ നോട്ട് നിരോധനവും റഫാലും വരെ ശക്തമായ മോദി വിരുദ്ധതരംഗം രാജ്യത്ത് സൃഷ്ടിച്ചു. ഈ സാഹചര്യത്തില്‍ ബി.ജെ.പിയെ പരാജയപ്പെടുത്തി കോണ്‍ഗ്രസ് അധികാരത്തിലെത്തുമെന്ന് മീഡിയം.കോം പ്രവചിക്കുന്നു. ആകെ പോള്‍ ചെയ്യുന്ന വോട്ടുകളുടെ 39% കോണ്‍ഗ്രസ് നേടുമ്പോള്‍ ബി.ജെ.പിക്ക് 31 ശതമാനം മാത്രമേ നേടാനാകൂ എന്ന് സര്‍വെ വ്യക്തമാക്കുന്നു.

An American website quotes a survey done by an “unknown” UK Survey company publishing a “Prediction Poll” right in the mid of the election cycle. Going viral.

Completely exposes the limitations of ECI guidelines. Now wait for “others” to do the same.https://t.co/qUciu0HrQ6

— Yashwant Deshmukh (@YRDeshmukh) April 27, 2019

52% പുരുഷന്മാരും 48% സ്ത്രീകളുമാണ് സര്‍വേയില്‍ പങ്കെടുത്തത്. രാജ്യമൊട്ടാകെ 20,500 പേരെ കണ്ട് യു.കെ ഗവേഷണ സംഘം നടത്തിയ സര്‍വേയെ ആധാരമാക്കിയാണു മീഡിയം.കോമിന്റെ തെരഞ്ഞെടുപ്പ് പ്രവചനം. നിത്യോപയോഗസാധനങ്ങളുടെ വിലക്കയറ്റം, രൂക്ഷമായ തൊഴിലില്ലായ്മ, നോട്ടുനിരോധനം, കര്‍ഷകദ്രോഹനയങ്ങള്‍, ഇന്ധനവിലവര്‍ധന, ന്യൂനപക്ഷങ്ങളോടുള്ള അവഗണന തുടങ്ങിയ വിഷയങ്ങളെല്ലാം സര്‍വേയില്‍ പങ്കെടുത്തവര്‍ മോദി സര്‍ക്കാരിന്റെ വീഴ്ചകളായി ചൂണ്ടിക്കാണിച്ചു. അതേസമയം രാഹുല്‍ ഗാന്ധിയിലാണ് രാജ്യത്തിന്റെ പ്രതീക്ഷയെന്നും സര്‍വെ വ്യക്തമാക്കുന്നു. രാഹുല്‍ ഗാന്ധിയും കോണ്‍ഗ്രസും മോദിയുടെയും ബി.ജെ.പിയുടെയും ജനദ്രോഹനിലപാടുകള്‍ക്കും ഏകാധിപത്യത്തിനും മറുപടിയാകുമെന്ന് വോട്ടര്‍മാര്‍ കരുതുന്നു. മതനിരപേക്ഷതയും ഐക്യവും മുന്‍നിര്‍ത്തിയാണു രാഹുല്‍ ഗാന്ധി വോട്ട് തേടുന്നത്. ന്യായ് പദ്ധതി പോലെ കൃത്യമായ കാഴ്ചപ്പോടോടെയുള്ള കോണ്‍ഗ്രസിന്റെ പ്രഖ്യാപനങ്ങള്‍ ഗുണം ചെയ്യുമെന്നും സര്‍വെ വ്യക്തമാക്കുന്നു.

ലോക്‌സഭാ തെരഞ്ഞെടുപ്പില്‍ 303 സീറ്റുകളില്‍ കോണ്‍ഗ്രസ് മികച്ച നേട്ടമുണ്ടാക്കുമെന്ന് മുതിര്‍ന്ന നേതാവും മുന്‍ കേന്ദ്ര ധനമന്ത്രിയുമായ പി ചിദംബരം കഴിഞ്ഞ ദിവസം പറഞ്ഞിരുന്നു. കോണ്‍ഗ്രസ് 50 സീറ്റില്‍ ഒതുങ്ങുമെന്ന പ്രധാനമന്ത്രി നരേന്ദ്രമോദിയുടെ പ്രസ്താവനയോടുള്ള പ്രതികരണമായിട്ടായിരുന്നു ചിദംബരത്തിന്റെ അവകാശ വാദം. ബി.ജെ.പിയുടെ വ്യാജ വാഗ്ദാനങ്ങള്‍ ജനം തിരിച്ചറിഞ്ഞു കഴിഞ്ഞു. ഈ തെരഞ്ഞെടുപ്പില്‍ ജനം അവരെ ബഹിഷ്‌കരിക്കുകയാണ്. ഉറങ്ങുമ്പോള്‍ മോദി പല സ്വപ്‌നങ്ങളും കാണുന്നുണ്ട്, ഉറക്കില്‍ നിന്ന് ഉണര്‍ന്നാലും അദ്ദേഹം സ്വപ്‌നം കാണുന്നത് തുടര്‍ന്നോട്ടെ. പക്ഷേ രാജ്യം ഇത്തവണ കോണ്‍ഗ്രസിനെ വരിക്കുമെന്ന കാര്യത്തില്‍ തര്‍ക്കമില്ല. കോണ്‍ഗ്രസും സഖ്യ കക്ഷികളും തെരഞ്ഞെടുപ്പില്‍ വലിയ നേട്ടമുണ്ടാക്കുമെന്നും ചിദംബരം പറഞ്ഞു. മുംബൈയിലെ കോണ്‍ഗ്രസ് ആസ്ഥാനമായ ഗാന്ധിഭവനില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.

അടുത്ത വര്‍ഷം രാജ്യം പൊതുതെരഞ്ഞെടുപ്പ് നേരിടാനിരിക്കെ നരേന്ദ്ര മോദിക്കെതിരെ പ്രതിപക്ഷനിരയില്‍ പ്രധാനമന്ത്രി സ്ഥാനാര്‍ത്ഥിയായി ആരെ ഇയര്‍ത്തിക്കാട്ടും എന്നതായിരുന്നു സര്‍വെ വിഷയം. പ്രതിപക്ഷ നിരയില്‍ നിന്ന് മോദിയെ നേരിടാന്‍ രാഹുല്‍ ഗാന്ധിയാണ് വേണ്ടതെന്ന് സര്‍വേയില്‍ പങ്കെടുത്ത 46 ശതമാനം പേരും അഭിപ്രായപ്പെട്ടു. അതേസമയം വിശാല പ്രതിപക്ഷത്തിന്റെ പ്രധാമമന്ത്രി സ്ഥാനാര്‍ത്ഥിയായി ഉയര്‍ത്തിക്കാട്ടുന്ന തൃണമൂല്‍ കോണ്‍ഗ്രസ് അധ്യക്ഷ മമതാ ബാനര്‍ജിക്ക് വെറും എട്ടു ശതമാനം വോട്ടുമായി രണ്ടാം സ്ഥാനത്ത് ഫിനീഷ് ചെയ്തു.

സമാന സര്‍വേ 2016 ഫെബ്രുവരിയിലും ഇന്ത്യ ടുഡെ നടത്തിയിരുന്നു. അന്ന് 32 ശതമാനം ആളുകളാണ് രാഹുല്‍ ഗാന്ധിയെ തെരഞ്ഞെടുത്തത്. എന്നാല്‍ ഇപ്പോള്‍ 14 ശതമാനം അധികം ആളുകള്‍ രാഹുല്‍ ഗാന്ധിയെ മോദിക്ക് പകരം നില്‍ക്കാന്‍ യോഗ്യതയുള്ള നേതാവായി കണക്കാക്കുന്നുവെന്നാണ് പുതിയ ഫലങ്ങള്‍ വ്യക്തമാക്കുന്നത്.

സര്‍വെയില്‍ പങ്കെടുത്ത 47 ശതമാനം മുസ്‌ലികളും രാഹുല്‍ ഗാന്ധിയെ പിന്തുണച്ചപ്പോള്‍, സര്‍വെയില്‍ പങ്കെടുത്ത 45 ശതമാനം ഹിന്ദുക്കളും രാഹുലിനൊപ്പം തന്നെ നിന്നു. ബി.ജെ.പിക്ക് കാര്യമായ വേരോട്ടമില്ലാത്ത
കേരളം, കര്‍ണാടക, ആന്ധ്ര ഉള്‍പ്പെടുന്ന ദക്ഷിണേന്ത്യയില്‍ നിന്നാണ് രാഹുല്‍ ഗാന്ധിക്ക് കൂടുതല്‍ പിന്തുണ ലഭിച്ചത്. ഈ മേഖലയിലുള്ള 56 ശതമാനം ആളുകളാണ് രാഹുല്‍ ഗാന്ധി മോദിക്ക് പകരക്കാരനാകാന്‍ യോഗ്യനാണെന്ന് അഭിപ്രായപ്പെട്ടത്. പടിഞ്ഞാറന്‍ മേഖലയിലെ 52 ശതമാനം ആളുകളും ഇതേ അഭിപ്രായം പ്രകടിപ്പിച്ചപ്പോള്‍ ഉത്തരേന്ത്യയില്‍ 32 ശതമാനത്തിന്റെ പിന്തുണയേ രാഹുല്‍ ഗാന്ധിക്ക് ലഭിച്ചുള്ളൂ. രാജ്യത്തിന്റെ വിവിധ ഭാഗങ്ങളില്‍ നിന്നുള്ള വ്യത്യസ്ഥ ശ്രേണിയില്‍പ്പെട്ട 12100 പേരാണ് സര്‍വെയില്‍ പങ്കാളികളായത്.

രാഹുല്‍ ഗാന്ധി, മമതാ ബാനര്‍ജി, പ്രിയങ്ക ഗാന്ധി, സോണിയാ ഗാന്ധി, പി ചിദംബരം, അഖിലേഷ് യാദവ്, അരവിന്ദ് കെജ്രിവാള്‍, ശരത് പവാര്‍, നവീര്‍ പട്‌നായിക്, മായാവതി, ചന്ദ്രബാബു നായിഡു, ചന്ദ്രശേഖര റാവു, നിതീഷ് കുമാര്‍, മുലായം സിങ് യാദവ് തുടങ്ങിയ ദേശീയ നേതാക്കളുടെ പട്ടികയില്‍ നിന്നാണ് സര്‍വെയില്‍ പങ്കെടുത്തവര്‍ രാഹുല്‍ ഗാന്ധിയെ തെരഞ്ഞെടുത്തത്.

സര്‍വേയില്‍ കോണ്‍ഗ്രസ് മുതിര്‍ന്ന നേതാവ് പി ചിദംബരം, രാഹുല്‍ ഗാന്ധിയുടെ സഹോദരനി പ്രിയങ്ക ഗാന്ധി എന്നിവര്‍ക്ക് ആറ് ശതമാനം വോട്ടുകള്‍ ലഭിച്ചപ്പോള്‍ സമാജ്‌വാദി പാര്‍ട്ടി നേതാവ് അഖിലേഷ് യാദവ്, ദില്ലി മുഖ്യമന്ത്രി അരവിന്ദ് കെജ്രിവാള്‍ എന്നിവര്‍ക്ക് നാല് ശതമാനം ആളുകളുടെ പിന്തുണ ലഭിച്ചു.

അതേസമയം അടുത്ത പ്രധാനമന്ത്രിയാരാകണം എന്ന ചോദ്യത്തിന് അധികമാളുകളും നരേന്ദ്ര മോദിയുടെ പേരാണ് നിര്‍ദേശിക്കുന്നത്. 69 ശതമാനം ആളുകളാണ് മോദിക്ക് അനുകൂലമായി സര്‍വേയില്‍ പിന്തുണച്ചത്.

സര്‍വേയോടു പ്രതികരിച്ചവരില്‍ 60ശതമാനം പേരും റമദാന്‍ ആശംസകള്‍ സോഷ്യല്‍മീഡിയ പ്ലാറ്റ്‌ഫോമുകള്‍ മുഖേന പങ്കുവെയ്ക്കുന്നവരാണ്. സോഷ്യല്‍മീഡിയ ഏറ്റവുമധികം ഉപയോഗിക്കുന്നത് ഖത്തരികളും കുവൈത്തികളുമാണ്. കുവൈത്ത്, ഒമാന്‍, ഖത്തര്‍, ടുണീഷ്യ, അള്‍ജീരിയ എന്നിവിടങ്ങളിലെ 1400ലധികം പേരാണ് സര്‍വേയില്‍ പങ്കാളികളായത്. ഭാവിയില്‍ റമദാനില്‍ ഊരിദൂവിന്റെ ഡിജിറ്റല്‍ ഓപ്ഷനുകളില്‍ മാറ്റംവരുത്താന്‍ സര്‍വേഫലം പ്രയോജനപ്പെടുത്തും. സര്‍വേ ചെയ്യപ്പെട്ട രാജ്യങ്ങള്‍ക്കിടയില്‍ പെരുമാറ്റഘടനയില്‍ സമാനതകളും വൈരുദ്ധ്യങ്ങളും പ്രകടമായി.

റമദാനില്‍ സോഷ്യല്‍മീഡിയ, ഇന്റര്‍നെറ്റ് ഉപയോഗം പൊതുവെ വര്‍ധിക്കുന്നുണ്ട്. പ്രിയപ്പെട്ടവര്‍ക്ക് സന്ദേശങ്ങളും ആശംസകളും അറിയിക്കുന്നതിനും മതപരമായ കാര്യങ്ങള്‍ അറിയുന്നതിനും മനസിലാക്കുന്നതിനും ടിവി സീരിസുകള്‍ കാണുന്നതിനും ഓണ്‍ലൈന്‍ ഷോപ്പിങിനുമായെല്ലാം ഇന്റര്‍നെറ്റ് ഉപയോഗപ്പെടുത്തുന്നുണ്ട്.

ടെക്സ്റ്റ്, വീഡിയോ സന്ദേശങ്ങളേക്കാള്‍ സോഷ്യല്‍മീഡിയയിലൂടെ സന്ദേശങ്ങളും ആശംസകളും പങ്കുവയ്ക്കാനാണ് കൂടുതല്‍പേരും താല്‍പര്യപ്പെടുന്നതെന്ന് സര്‍വേ വ്യക്തമാക്കുന്നു. മതപരമായ ആശയങ്ങള്‍ കൂടുതലായി പങ്കുവയ്ക്കുന്നു. ഭക്ഷണത്തിന്റെ ഫോട്ടോകളും ഷെയര്‍ ചെയ്യുന്നുണ്ട്. സര്‍വേയില്‍ പ്രതികരിച്ചവരില്‍ 64ശതമാനം പേരും ഫോട്ടോകള്‍ ഷെയര്‍ ചെയ്യുന്നുണ്ട്. ഇവരില്‍ 25ശതമാനം പേര്‍ മാത്രമാണ് ഭക്ഷ്യസംബന്ധമായ ഫോട്ടോകള്‍ റമദാനില്‍ ഷെയര്‍ ചെയ്യുന്നത്. സര്‍വേയില്‍ പ്രതികരിച്ചവരില്‍ 55ശതമാനം പേര്‍ ഓണ്‍ലൈന്‍ മുഖേന ഷോപ്പിങ് നടത്താന്‍ താല്‍പര്യപ്പെടുന്നു.

പ്രത്യേകിച്ചും ഇഫ്താറിനുശേഷമാണ് ഓണ്‍ലൈന്‍ ഷോപ്പിങ്. കുടുതല്‍ ഷോപ്പിങും ഇലക്്‌ട്രോണിക് ഉപകരണങ്ങള്‍ക്കായാണ്, 53ശതമാനം. വസ്ത്രങ്ങള്‍ക്കായി 52ശതമാനം. റമദാനില്‍ ആഴ്ചയില്‍ ഒരിക്കലെങ്കിലും വ്യായാമം ചെയ്യുന്നുണ്ടെന്ന് 58ശതമാനം പേര്‍ പ്രതികരിച്ചു. റണ്ണിങ്, ജോഗിങ് തുടങ്ങിയ വ്യായമങ്ങളാണ് കൂടുതല്‍ പേരും ചെയ്യുന്നത്.

സംസ്ഥാനത്ത് ദ്യൂരപ്പയുടെ കീഴില്‍ ബി.ജെ.പി 95 മുതല്‍ നൂറുവരെ സീറ്റുകള്‍ നേടി ഏറ്റവും വലിയ ഒറ്റകക്ഷിയാവുമെന്നും 80 മുതല്‍ 85 സീറ്റുകള്‍ നേടി കോണ്‍ഗ്രസ് രണ്ടാം സ്ഥാനത്തെത്തുമെന്നും 40 സീറ്റുകള്‍ നേടി ജെ.ഡി.യു മൂന്നാം സ്ഥാനത്തെത്തുമെന്നുമാണ് വ്യാജ സര്‍വേ ഫലം പ്രവചനം. അതേസമയം കര്‍ണാടക മുഖ്യമന്ത്രി സിദ്ധരാമയ്യ രണ്ടു സീറ്റുകളിലും തോല്‍ക്കുമെന്നും വെബ്സൈറ്റ് ഫലത്തില്‍ പറയുന്നു. കഴിഞ്ഞ ഏപ്രില്‍ 30ന് സി-ഫോര്‍ അവരുടെ സര്‍വേഫലം പുറത്തുവിട്ടിരുന്നു. കോണ്‍ഗ്രസിന് വ്യക്തമായ ഭൂരിപക്ഷം ലഭിക്കുമെന്നായിരുന്നു അവരുടെ സര്‍വേ റിപ്പോര്‍ട്ട്. 118 മുതല്‍ 128 വരെ സീറ്റുകള്‍ നേടി കോണ്‍ഗ്രസ് സര്‍ക്കാര്‍ രൂപീകരിക്കുമെന്നായിരുന്നു സി-ഫോര്‍ പ്രവചനം.

വ്യാജവാര്‍ത്ത നല്‍കിയ വെബ്സൈറ്റിനെക്കുറിച്ച് കൂടുതല്‍ പരിശോധിച്ചപ്പോള്‍ യു.എസിലെ വ്യാജഫോണ്‍ നമ്പര്‍ ഉപയോഗിച്ച് ഒരുമാസം മുമ്പാണ് ഈ വെബ്സൈറ്റ് ഉണ്ടാക്കിയത്. ഒരു പേജ് മാത്രമുള്ള സൈറ്റില്‍ ‘എബൗട്ട് അസ്’ സെക്ഷന്‍ ഇല്ല. കോണ്‍ഗ്രസിനെ മോശമായി ചിത്രീകരിക്കുന്ന വാര്‍ത്തകളാണ് ഈ വെബ്സൈറ്റിലെ ഭൂരിപക്ഷവും. newsbangalore-herald.com എന്ന് സര്‍ച്ചു ചെയ്താല്‍ bharatpositive.in എന്ന സൈറ്റിലേക്കാണ് എത്തുന്നത്. ഈ സൈറ്റിനെക്കുറിച്ച് whois.comല്‍ സര്‍ച്ചു ചെയ്താല്‍ ഒരു ഇന്ത്യന്‍ സെല്‍ഫോണ്‍ നമ്പര്‍ കാണാം. ട്രൂകോളറില്‍ മുകുള്‍ ജിന്ദാല്‍ എന്നു കാണിച്ച നമ്പറിലേക്ക് വിളിച്ചപ്പോള്‍ ഇങ്ങനെയൊരു വെബ്സൈറ്റുമായി തനിക്ക് യാതൊരു ബന്ധവുമില്ലെന്നാണ് ജിന്ദാല്‍ പറഞ്ഞതെന്ന് ബൂംലൈവ്.ഇന്‍ റിപ്പോര്‍ട്ടു ചെയ്യുന്നു. ഇങ്ങനെയൊരു വെബ്സൈറ്റിന്റെ പേരുപോലും താന്‍ കേട്ടിട്ടില്ലെന്നും എങ്ങനെയാണ് തന്റെ നമ്പര്‍ ഇതില്‍ വന്നതെന്ന് അറിയില്ലെന്നുമാണ് അദ്ദേഹത്തിന്റെ പ്രതികരണം.

38000 പേര്‍ പങ്കെടുത്ത ട്വിറ്റര്‍ പോളിങ് സര്‍വേയില്‍ പ്രധാനമന്ത്രിയെന്ന നിലയില്‍ മോദി പരാജയമാണെന്ന് 58 ശതമാനം ആളുകള്‍ അഭിപ്രായപ്പെട്ടു. ഇതില്‍ പലരും മോദിയുടെ പ്രകടനം അതീവ മോശമാണെന്ന് അഭിപ്രായപ്പെടുന്നവരാണെന്നും, ചേതന്‍ ഭഗത് പറയുന്നു.

പ്രധാനമന്ത്രിയെന്ന നിലയില്‍ നരേന്ദ്ര മോദി പ്രകടനം എങ്ങനെയുണ്ടെന്ന ചോദ്യമാണ് ചേതന്‍ ഭഗത് ട്വിറ്ററില്‍ ഉന്നയിച്ചത്. ഏപ്രില്‍ 16നാണ് താരം സര്‍വേ പോസ്റ്റ് ചെയ്തത്.

In your honest opinion, compared to what you expected in 2014, the performance of the Modi govt has been:

— Chetan Bhagat (@chetan_bhagat) April 17, 2018

നിങ്ങളുടെ സത്യസന്ധമായ അഭിപ്രായത്തില്‍ 2014 ല്‍ നിങ്ങള്‍ പ്രതീക്ഷിച്ചതിനേക്കാള്‍ മോദി സര്‍ക്കാറിന്റെ പ്രകടനം എപ്രകാരമാണെന്നായിരുന്നു ചേതന്‍ ഭഗതിന്റെ ചോദ്യം.. ചോദ്യത്തിന് താഴെ അഭിപ്രായം രേഖപ്പെടുത്തുന്നവര്‍ക്കായി നാല് ഓപ്ഷനുകളുമുണ്ടായിരുന്നു.

എന്നാല്‍ നിലവില്‍ നാല്‍പ്പത് ലക്ഷത്തോളം ആളുകള്‍ പങ്കെടുത്ത സര്‍വേയില്‍ 58 ശതമാനത്തിലേറെ പേരും “പ്രധാനമന്ത്രിയെന്ന നിലയില്‍ മോദി പരാജയം”, “മോദി വന്‍ പരാജയം” എന്നീ രണ്ടു അഭിപ്രായങ്ങളാണ് രേഖപ്പെടുത്തിയത്.

“2014ലെ മോദിയുടെ വിജയം ആദ്യം പറഞ്ഞതിലൊരാള്‍ ഞാനായിരുന്നു. അത്തരത്തില്‍ ശുഭകരമായ ഒരു അന്തരീക്ഷമല്ല ഇപ്പോള്‍. 2019 ല്‍ നമ്മള്‍ പുതിയൊരു തെരഞ്ഞെടുപ്പിനെ നേരിടാന്‍ പോകുകയാണ്. ബി.ജെ.പിയെ സംബന്ധിച്ച് കാര്യങ്ങള്‍ അത്ര എളുപ്പമല്ല. ആരുടേയും പക്ഷം പിടിച്ചല്ല ഞാന്‍ ഇതുപറയുന്നത്. ജനങ്ങള്‍ മോദിയെ കൈവിടും. ഇതാണ് യാഥാര്‍ത്ഥ്യം”, സര്‍വേ സംബന്ധിച്ച് എന്‍.ഡി.ടി.വിയോട് ചേതന്‍ ഭഗത് പങ്കുവെച്ചു.

Over 38k votes in this twitter poll. 58% believe Modi govt performance below expectations, many even calling it well below. somewhat unusual Twitter result where Modi supporters outnumber others. https://t.co/Dq9Djltg4u

— Chetan Bhagat (@chetan_bhagat) April 18, 2018

ട്വിറ്റര്‍ സര്‍വേയില്‍ കുറച്ച് ശതമാനം ആളുകള്‍ മാത്രമാണ് മോദിയുടെ പ്രകടനം മികച്ചതാണെന്ന് അഭിപ്രായപ്പെട്ടത്. അതേസമയം ഇത് തന്റെ സര്‍വേയാണെന്നും മോദി ഭക്തര്‍ സര്‍വേ നടത്തുമ്പോള്‍ ജയ സാധ്യത കൂടാന്‍ സാധ്യതയുണ്ടെന്നും 44 കാരനായ ചേതന്‍ ഭഗത് പരിഹസിച്ചു. “സമൂഹത്തിന് മുന്നില്‍ ഒരു കണ്ണാടിയായി മാറുക എന്നതാണ്
എന്റെ ജോലി, ആ കണ്ണാടിയില്‍ എന്താണോ കാണുന്നത് അതാണ് സത്യമെന്നും”, ചേതന്‍ ഭഗത് പറഞ്ഞു.

2014 ല്‍ ബിജെപി അധികാരത്തില്‍ വന്നതിനുശേഷം പ്രധാനമന്ത്രി നരേന്ദ്രമോദിയുമായി വലിയ അടുപ്പം പ്രകടിപ്പിച്ച എഴുത്തുകാരനായിരുന്നു ചേതന്‍ ഭഗത്. അധികാരത്തിലെത്തിയതിന് പിന്നാലെ ചേതന്‍ ഭഗതുമൊന്നിച്ചുള്ള സെല്‍ഫി ഷെയര്‍ ചെയ്തുകൊണ്ട് മോദി ചേതന്‍ ഭഗതിന് 40-ാം പിറന്നാള്‍ ആശംസകള്‍ അറിയിച്ചിരുന്നു.

എന്നാല്‍ 2019 ലെ പൊതുതെരഞ്ഞെടുപ്പ് അടുക്കെ ബി.ജെ.പിയേയും മോദിയേയും വിമര്‍ശിച്ച്‌
രംഗത്തെത്തിയിരിക്കുകയാണ് ഇന്ത്യയില്‍ ഏറ്റവും കൂടുതല്‍ വായനക്കാരനുള്ള എഴുത്തുകാരന്‍.

ന്യൂഡല്‍ഹി: ഗുജറാത്ത് നിയമസഭാ തെരഞ്ഞെടുപ്പില്‍ ബി. ജെ. പി അധികാരം നിലനിര്‍ത്തുമെന്ന് എ.ബി.പി ന്യൂസ്-ലോക്‌നിതി-സി.എസ്.ഡി.എസ് സര്‍വേ.
അതേസമയം കഴിഞ്ഞ ആഗസ്റ്റില്‍ നടത്തിയ സര്‍വേയെക്കാളും കോണ്‍ഗ്രസ് ബഹുദൂരം മുന്നിലെത്തി നിലമെച്ചപ്പെടുത്തിയതായും സര്‍വേ പറയുന്നു. ഒക്ടോബര്‍ അവസാന വാരം നടത്തിയ സര്‍വേ അനുസരിച്ച് ബി.ജെ.പി 113-121 സീറ്റുകളുമായി അധികാരം നിലനിര്‍ത്തും. എന്നാല്‍ കോണ്‍ഗ്രസ് 58-64 സീറ്റുകള്‍ നേടുമെന്നും സര്‍വേ ഫലം വ്യക്തമാക്കുന്നു. ബി.ജെ.പിക്ക് 47 ശതമാനം വോട്ടു ലഭിക്കുമ്പോള്‍ കോണ്‍ഗ്രസ് 41 ശതമാനം വോട്ടുകള്‍ നേടും. ഇത് ആഗസ്റ്റിലെ സര്‍വേയേക്കാളും 12 ശതമാനത്തിന്റെ നേട്ടമാണ്.
ആഗസ്റ്റില്‍ നടത്തിയ സര്‍വേയില്‍ കോണ്‍ഗ്രസിന് പരമാവധി 30 ശതമാനം വോട്ടായിരുന്നു പ്രവചിച്ചിരുന്നത്. ബി.ജെ.പിക്ക് അനുകൂലമാണ് സംസ്ഥാനമെന്ന് പറയുന്ന പ്രവചനം കോണ്‍ഗ്രസിന് അനുകൂലമായ തരംഗം തെരഞ്ഞെടുപ്പ് അടുത്തിരിക്കെ സംസ്ഥാനത്ത് രൂപപ്പെട്ടു വരുന്നതായും വ്യക്തമാക്കുന്നു.
സൗരാഷ്ട്ര-കച്ച്, വടക്കന്‍ ഗുജറാത്ത് മേഖലയില്‍ കോണ്‍ഗ്രസ് ശക്തമായ തിരിച്ചുവരവ് നടത്തുമെന്നാണ് സര്‍വേ പറയുന്നത്. സൗരാഷ്ട്രയില്‍ കോണ്‍ഗ്രസും ബി.ജെ.പിയും 42 ശതമാനം വോട്ടുമായി ഒപ്പത്തിനൊപ്പം നില്‍ക്കുമ്പോള്‍ വടക്കന്‍ ഗുജറാത്തില്‍ ബി.ജെ.പിയേക്കാളും ഏഴു ശതമാനം വോട്ട് കോണ്‍ഗ്രസ് അധികം നേടുമെന്നാണ് സര്‍വേയുടെ കണ്ടെത്തല്‍.
182 അംഗ നിയമസഭയില്‍ 107 സീറ്റുകളാണ് ഈ രണ്ട് മേഖലയില്‍ നിന്നായുള്ളത്. മധ്യ ഗുജറാത്തിലാണ് ബി.ജെ.പിക്ക് കാര്യമായ നേട്ടമുണ്ടാക്കാനാവുകയെന്നാണ് സര്‍വേ പറയുന്നത്. ഇവിടെ ബി.ജെ.പി കോണ്‍ഗ്രസിനേക്കാളും 16 ശതമാനം വോട്ടു കൂടുതല്‍ നേടും. ദക്ഷിണ ഗുജറാത്തില്‍ ബി.ജെ.പിക്ക് 51 ശതമാനവും കോണ്‍ഗ്രസിന് 33 ശതമാനം വോട്ടുമായിരിക്കും ലഭിക്കുകയെന്നുമാണ് പ്രവചനം.