ന്യൂഡല്‍ഹി: മുതിര്‍ന്ന ബി.ജെ.പി നേതാവും മുന്‍ കേന്ദ്രമന്ത്രിയുമായിരുന്ന സുഷമ സ്വരാജ്(67) അന്തരിച്ചു. ആരോഗ്യനില അതീവ ഗുരുതരമായതിനെ തുടര്‍ന്ന് സുഷമ സ്വരാജിനെ ഡല്‍ഹി എയിംസ് ആസ്പത്രിയില്‍ പ്രവേശിപ്പിച്ചിരുന്നു. ഹൃദയാഘാതത്തെ തുടര്‍ന്നാണ് അന്ത്യം. ഒന്നാം മോദി സര്‍ക്കാരിന്റെ കാലത്ത് വിദേശകാര്യ മന്ത്രിയായിരുന്നു. ഏഴ് തവണ ലോക്‌സഭയിലേക്ക് തെരഞ്ഞെടുക്കപ്പെട്ട സുഷമ, ഡല്‍ഹിയിലെ ആദ്യ വനിതാ മുഖ്യമന്ത്രി കൂടിയായിരുന്നു. 2009ല്‍ ലോക്‌സഭാ പ്രതിപക്ഷ നേതാവായി.

ഏഴുതവണ ലോക്സഭാംഗമായ സുഷമ, 25-ാം വയസ്സില്‍ ഹരിയാണ മന്ത്രിസഭയിലാണ് ആദ്യമായി മന്ത്രിയാകുന്നത്. ഡല്‍ഹിയുടെ ആദ്യ വനിതാ മുഖ്യമന്ത്രിയും സുഷമയാണ്. 1996-ല്‍ 13 ദിവസംമാത്രം അധികാരത്തിലിരുന്ന എ.ബി. വാജ്പേയി മന്ത്രിസഭയില്‍ വാര്‍ത്താവിതരണ പ്രക്ഷേപണ മന്ത്രിയായിരുന്ന സുഷമയാണ് ലോക്സഭാ ചര്‍ച്ചകള്‍ തത്മയം സംപ്രേഷണം ചെയ്യാനുള്ള വിപ്ലവകരമായ തീരുമാനമെടുത്തത്. 15-ാം ലോക്സഭയില്‍ പ്രതിപക്ഷനേതാവായിരുന്നു. ബി.ജെ.പി.യുടെ അഖിലേന്ത്യാ സെക്രട്ടറിയും ഔദ്യോഗിക വക്താവുമായിരുന്നു. വിദേശകാര്യമന്ത്രിയായിരിക്കെ സമൂഹികമാധ്യമമായ ട്വിറ്ററിലൂടെ അടിയന്തരമായി പ്രശ്‌നങ്ങള്‍ പരിഹരിച്ച് സുഷമ ജനകീയയായി. കേന്ദ്രമന്ത്രിപദവിക്ക് മാനുഷികമുഖം നല്‍കിയവരില്‍ പ്രമുഖയായിരുന്നു അവര്‍. മികച്ച പാര്‍ലമെന്റേറിയനുള്ള ബഹുമതി രണ്ടുതവണ നേടിയ ഏക വനിതാ അംഗവും സുഷമയാണ്.
1952 ഫെബ്രുവരി 14-ന് ഹരിയാണയിലെ അംബാലയിലാണു ജനനം. അച്ഛന്‍: ഹര്‍ദേവ് ശര്‍മ, അമ്മ: ലക്ഷ്മി ദേവി. ആര്‍.എസ്.എസ്. അംഗമായിരുന്നു അച്ഛന്‍. അംബാല കന്റോണ്‍മെന്റിലെ എസ്.ഡി. കോളേജില്‍നിന്ന് രാഷ്ട്രതന്ത്രവും സംസ്‌കൃതവും മുഖ്യവിഷയങ്ങളായെടുത്തു ബിരുദം നേടി. പഞ്ചാബ് സര്‍വകലാശാലയില്‍നിന്ന് എല്‍.എല്‍.ബി. ബിരുദവും നേടി. 1970-ല്‍ എസ്.ഡി. കോളേജിലെ മികച്ച വിദ്യാര്‍ഥിക്കുള്ള പുരസ്‌കാരം സുഷമയ്ക്കായിരുന്നു.

വിദ്യാര്‍ഥിനേതാവായാണ് സുഷമയുടെ രാഷ്ട്രീയപ്രവേശം. പ്രസംഗപാടവവും പ്രചാരണമികവും മറ്റുള്ളവര്‍ക്കിടയില്‍ അവരെ വേറിട്ടുനിര്‍ത്തി. ബി.ജെ.പി.യില്‍ ചേര്‍ന്നശേഷം അടിയന്തരാവസ്ഥയ്ക്കുനേരെ സമരം ചെയ്തു. ഇന്ദിരാ ഗാന്ധി സര്‍ക്കാരിനുനേരെ ഒട്ടേറെ പ്രക്ഷോഭങ്ങള്‍ അവര്‍ നയിച്ചു. 27-ാം വയസ്സില്‍ ബി.ജെ.പി. ഹരിയാണ ഘടകത്തിന്റെ അധ്യക്ഷയായി.

2016-ല്‍ വൃക്കമാറ്റ ശസ്ത്രക്രിയയ്ക്കു വിധേയയായ സുഷമ, ആരോഗ്യകാരണങ്ങളാല്‍ ഇത്തവണത്തെ ലോക്സഭാ തിരഞ്ഞെടുപ്പില്‍ മത്സരിച്ചിരുന്നില്ല.

ദേശീയകക്ഷിയുടെ വക്താവാകുന്ന ആദ്യ വനിത, കാബിനറ്റ് മന്ത്രിയാകുന്ന ആദ്യ വനിത, ആദ്യ വനിതാ പ്രതിപക്ഷനേതാവ് എന്നീ ചരിത്രസ്ഥാനങ്ങള്‍ക്ക് ഉടമയാണു സുഷമ. അഭിഭാഷകനായ സ്വരാജ് കൗശലാണു ഭര്‍ത്താവ്. ഭാംസുരി സ്വരാജ് ഏകമകള്‍.

എ.ബി.വി.പിയിലൂടെയാണ് രാഷ്ട്രീയ ജീവിതം ആരംഭിച്ചത്. 1953 ഫെബ്രുവരിയില്‍ ഹരിയാനയിലാണ് ജനനം. 25ാം വയസ്സില്‍ ഹരിയാനയില്‍ മന്ത്രിസ്ഥാനത്തെത്തി. പഞ്ചാബ് സര്‍വകലാശാലയില്‍ നിന്ന് നിയമത്തില്‍ ബിരുദം നേടിയിട്ടുണ്ട്.

വൈകീട്ട് ഏഴു മണിക്കാണ് നരേന്ദ്രമമോദി സത്യവാചകം ചൊല്ലി അധികാരമേറ്റത്. രാജ്‌നാഥ് സിങ് ആണ് തൊട്ടു പിന്നാലെ സത്യപ്രതിജ്ഞ ചെയ്തത്. മൂന്നാമതായിരുന്നു ബി.ജെ.പി അധ്യക്ഷന്‍ അമിത് ഷായുടെ സത്യപ്രതിജ്ഞ. നിതിന്‍ ഗഡ്കരി, നിര്‍മ്മലാ സീതാരാമന്‍ എന്നിവരും തുടര്‍ന്ന് സത്യപ്രതിജ്ഞ ചെയ്ത് അധികാരമേറ്റു. ഘടകകക്ഷികളില്‍നിന്ന് എല്‍.ജെ.പി നേതാവ് രാംവിലാസ് പസ്വാന്‍ ആണ് ആദ്യം സത്യപ്രതിജ്ഞ ചെയ്തത്. എസ്.എ.ഡി അംഗവും ഘടകകക്ഷികളുടെ ഏക വനിതാ മന്ത്രിയുമായ ഹര്‍സിമ്രത് കൗര്‍ ബാദലിനായിരുന്നു അടുത്ത ഊഴം. കേരളത്തില്‍നിന്ന് ബി.ജെ.പി മുന്‍ സംസ്ഥാന അധ്യക്ഷന്‍ വി മുരളീധരനും കേന്ദ്രമന്ത്രിഭയില്‍ ഇടംപിടിച്ചു. ഒന്നര മണിക്കൂറോളം നീണ്ടുനിന്ന ചടങ്ങുകള്‍ക്ക് ദേശീയ ഗാനത്തോടെയാണ് കൊടിയിറങ്ങിയത്.
25 പേര്‍ക്കാണ് രണ്ടാം മോദി മന്ത്രിസഭയില്‍ ക്യാബിനറ്റ് പദവിയുള്ളത്. ഒമ്പതുപേര്‍ സ്വതന്ത്ര ചുമതയലുള്ള സഹമന്ത്രിമാരും മറ്റുള്ളവര്‍ സഹമന്ത്രിമാരുമായിരിക്കും. പുതിയ മന്ത്രിമാരുടെ വകുപ്പുകള്‍ ഏതെല്ലാമെന്ന് പിന്നീടേ വ്യക്തമാകൂ. രാഷ്ട്രപതി ഭവന്റെ ചരിത്രത്തിലെ ഏറ്റവും ജനപങ്കാളിത്തമുള്ള ചടങ്ങിന് വന്‍ സുരക്ഷാ ക്രമീകരണങ്ങളാണ് ഒരുക്കിയിരുന്നത്. സത്യപ്രതിജ്ഞാ ചടങ്ങിനു മുന്നോടിയായി നരേന്ദ്രമോദിയുടേയും അമിത് ഷായുടേയും നേതൃത്വത്തില്‍ നേതാക്കളും എം.പിമാരും മഹാത്മാഗാന്ധിയുടെ സ്മൃതികൂടീരമായ രാജ്ഘട്ടിലും മുന്‍ പ്രധാനമന്ത്രി എ.ബി വാജ്‌പേയിയുടെ സ്മൃതികൂടീരത്തിലും പുതുതായി പണികഴിപ്പിച്ച ഡല്‍ഹിയിലെ യുദ്ധ സ്മാരകത്തിലും പുഷ്പാര്‍ച്ചന നടത്തി.

ഭീകരവാദത്തിന് എതിരായ പോരാട്ടം ഒരു മതത്തിനും എതിരല്ലെന്നും സുഷമാ സ്വരാജ് പറഞ്ഞു. ഇസ്ലാം എന്നാല്‍ സമാധാനം എന്നാണ് അര്‍ത്ഥം.
അതിര്‍ത്തിയില്‍ ഇന്ത്യയും പാകിസ്ഥാനും തമ്മിലുളള സംഘര്‍ഷം പുകയുന്ന സാഹചര്യത്തിലാണ് സുഷമയുടെ വാക്കുകള്‍. ആദ്യമായാണ് ഇസ്ലാമിക രാജ്യങ്ങളുടെ കൂട്ടായ്മയായ ഒഐസിയില്‍ ഇന്ത്യയെ ക്ഷണിക്കുന്നത്. അതുകൊണ്ട് തന്നെ സുഷമാസ്വരാജിന് പ്രത്യേക ക്ഷണിതാവ് എന്ന പദവി നല്‍കിയാണ് സ്വീകരിച്ചത്. സുഷമാ സ്വരാജിനെ ഉച്ചകോടിയില്‍ ക്ഷണിച്ചതില്‍ പ്രതിഷേധിച്ച് പാകിസ്ഥാന്‍ വിദേശകാര്യമന്ത്രി ഷാ മുഹമ്മദ് ഖുറേഷി വിട്ടുനിന്നു.

അതിര്‍ത്തി കടന്നുള്ള തീവ്രവാദം അവസാനിപ്പിക്കാന്‍ പാകിസ്ഥാന്‍ തയ്യാറാകണണം. പാകിസ്ഥാന്‍ തീവ്രവാദം അവസാനിപ്പിക്കാതെ മേഖലയില്‍ സമാധാനം പുലരില്ലെന്നും സുഷമ സ്വരാജ് പറഞ്ഞു. ഇന്ത്യയിലെ മുസ്ലിം വിഭാഗം സഹിഷ്ണുതയുടെ മാതൃകയാണ് അവര്‍ തീവ്രവാദത്തിന് എതിരാണെന്നും അവര്‍ കൂട്ടിച്ചേര്‍ത്തു.

ഇന്ത്യ-പാക് ബന്ധം മെച്ചപ്പെടുത്താനുള്ള ശ്രമങ്ങള്‍ ആരംഭിക്കും. ഇന്ത്യന്‍ പ്രധാനമന്ത്രി നരേന്ദ്രമോദിയുമായി ടെലിഫോണിലൂടെ ചര്‍ച്ച നടത്താന്‍ ഇമ്രാന്‍ഖാന്‍ തയ്യാറാണെന്നും പാക് മാധ്യമത്തിന് നല്‍കി അഭിമുഖത്തില്‍ അദ്ദേഹം പറഞ്ഞു.

അതേസമയം, അഭിനന്ദന്റെ കാര്യത്തില്‍ യാതൊരു ഉപാധിക്കും തയ്യാറല്ലെന്നാണ് കേന്ദ്രസര്‍ക്കാരിന്റെ നിലപാട്. അഭിനന്ദന്‍ വര്‍ധമാനെ ജനീവ ഉടമ്പടിയുടെ അടിസ്ഥാനത്തില്‍ വിട്ടയക്കണമെന്നും അദ്ദേഹത്തെ കസ്റ്റഡിയില്‍ വെക്കുന്നത് ഇന്ത്യയും പാക്കിസ്താനും തമ്മിലുള്ള ഉടമ്പടികളുടെ ലംഘനമാണെന്നും കേന്ദ്രം വ്യക്തമാക്കി.

ഇനി തെരഞ്ഞെടുപ്പില്‍ മത്സരിക്കില്ലെന്ന് പറഞ്ഞതോടെ ഒട്ടേറെ പേരാണ് പ്രതികരണവുമായി രംഗത്തെത്തിയത്. ഇതിന് മറുപടിയായാണ് പൊതുപ്രവര്‍ത്തനം അവസാനിപ്പിക്കില്ലെന്ന തീരുമാനം സുഷമാസ്വരാജ് അറിയിച്ചത്.

നിയമസഭാ തെരഞ്ഞെടുപ്പ് നടക്കാനിരിക്കെ മധ്യപ്രദേശിലെ മാധ്യപ്രവര്‍ത്തകരോടാണ് സുഷമ ഇക്കാര്യം വ്യക്തമാക്കിയത്. ആരോഗ്യകരമായ കാരണങ്ങളാലാണ് തെരഞ്ഞെടുപ്പില്‍ നിന്ന് വിട്ടു നില്‍ക്കുന്നതെന്ന് സുഷ്മ പറഞ്ഞു. 2019- ലെ പൊതു തെരഞ്ഞെടുപ്പില്‍ മത്സരിക്കാനുള്ള മാനസികാവസ്ഥയിലല്ല താനെന്നും അവര്‍ വ്യക്തമാക്കി. പ്രമേഹ രോഗത്തെ തുടര്‍ന്ന സുഷ്മ സ്വരാജിനെ വൃക്ക മാറ്റിവെക്കല്‍ ശാസ്ത്രക്രിയക്ക് എയിംസില്‍ വിധേയമാക്കിയിരുന്നു.

കേരളത്തിന്റെ പുനര്‍നിര്‍മ്മാണത്തിനായി രണ്ട് നിര്‍ദ്ദേശങ്ങളാണ് നെതര്‍ലന്റ് മുന്നോട്ട് വെച്ചിരുന്നത്. പ്രളയത്തില്‍ തുറന്ന് കേരളത്തിന്റെ പുനര്‍നിര്‍മ്മാണത്തെ കുറിച്ച് പഠിക്കാന്‍ വിദഗ്ധരടങ്ങിയ ഒരു സംഘത്തെ കേരളത്തിലേക്ക് അയക്കാം. നദികളില്‍ മറ്റും കൂടുതല്‍ ജലമൊഴുക്കാനുള്ള സാങ്കേതിക വിദ്യ കേരളത്തിന് കൈമാറാം. ഈ രണ്ട് നിര്‍ദ്ദേശങ്ങളുടെ അടിസ്ഥാനത്തിലാണ് വിദേശകാര്യമന്ത്രാലയം അനുമതി നല്‍കിയിരിക്കുന്നത്.

‘നല്ല സമയത്താണ് നിങ്ങളുടെ പാസ്‌പോര്‍ട്ട് നഷ്ടപ്പെട്ടത്. എന്നിരുന്നാലും വിവാഹസമയത്തെത്താന്‍ നിങ്ങളെ ഞങ്ങള്‍ സഹായിക്കാം’- സുഷമാസ്വരാജ് ട്വീറ്റ് ചെയ്തു.

തിങ്കളാഴ്ച്ചയാണ് തന്റെ പാസ്‌പോര്‍ട്ട് നഷ്ടപ്പെട്ടുവെന്ന് ദേവതാ രവി തേജ എന്ന പേരിലുള്ള അമേരിക്കന്‍ സ്വദേശി സുഷമാസ്വരാജിന് ട്വീറ്റ് ചെയ്തത്. ആഗസ്റ്റ് 15 ന് തന്റെ വിവാഹമാണെന്നും ആഗസ്റ്റ് 10 ന് പുറപ്പെടണമെന്നും ദേവതാ രവി തേജ പറഞ്ഞു. നിങ്ങളില്‍ മാത്രമാണ് തന്റെ പ്രതീക്ഷയെന്നും പറഞ്ഞ ഇയാള്‍ക്ക് സുഷമാ സ്വരാജ് മറുപടി നല്‍കുകയായിരുന്നു. സുഷമയുടെ തമാശനിറഞ്ഞ മറുപടി സോഷ്യല്‍മീഡിയയില്‍ ഹിറ്റാവുകയായിരുന്നു. നല്ല സമയത്താണല്ലോ പാസ്‌പോര്‍ട്ട് കളഞ്ഞുപോയത് എന്നായിരുന്നു മന്ത്രിയുടെ പ്രതികരണം.

നേരത്തെ, മിശ്ര വിവാഹതിര്‍ക്ക് പാസ്‌പോര്‍ട്ട് നിഷേധിച്ച ഉദ്യോഗസ്ഥനെതിരെ നടപടിയെടുത്തതിനെ തുടര്‍ന്ന് സംഘ്പരിവാറില്‍ നിന്നും സുഷമാസ്വരാജിന് സൈബര്‍ ആക്രമണം നേരിടേണ്ടി വന്നിരുന്നു. ദമ്പതികളില്‍ ഭര്‍ത്താവിനോട് ഹിന്ദുമതം സ്വീകരിക്കാന്‍ ആവശ്യപ്പെടുകയായിരുന്നു ഉദ്യോഗസ്ഥന്‍. ഇതിനെ തുടര്‍ന്ന് യുവതി സുഷമാസ്വരാജിന് പരാതി നല്‍കുകയായിരുന്നു.

ലഖ്‌നൗവിലെ പാസ്‌പോര്‍ട്ട് സേവാ കേന്ദ്രത്തിലെത്തിയ മുഹമ്മദ് അനസ് സിദ്ധിഖിക്കും ഭാര്യ തന്‍വി സേഥിനുമാണ് പാസ്‌പോര്‍ട്ട് ഓഫീസിലെ ഉദ്യോഗസ്ഥനില്‍ നിന്ന് ദുരനുഭവം ഉണ്ടായത്. അനസിനോടു ഹിന്ദുമതം സ്വീകരിക്കാന്‍ വികാസ് മിശ്ര എന്ന ഉദ്യോഗസ്ഥന്‍ ആവശ്യപ്പെടുകയായിരുന്നു. മാത്രമല്ല, തന്‍വിയോട് രേഖകളിലെ പേരുമാറ്റണമെന്ന് ഇയാള്‍ ആവശ്യപ്പെടുകയും ചെയ്തു. തുടര്‍ന്ന് ഇവര്‍ വിഷയത്തില്‍ ഇടപെടല്‍ ആവശ്യപ്പെട്ട് വിദേശകാര്യമന്ത്രി സുഷമ സ്വരാജിന് ട്വീറ്റ് ചെയ്തു. ഇതോടെയാണ് ഇയാള്‍ക്കെതിരായ നടപടി എന്ന നിലയില്‍ വികാസ് മിശ്രയെ സ്ഥലം മാറ്റിക്കൊണ്ട് വിദേശകാര്യ മന്ത്രാലയത്തിന്റെ ഇടപെടലുണ്ടായത്. പിറ്റേദിവസം തന്നെ ദമ്പതികള്‍ക്ക് പാസ്‌പോര്‍ട്ട് ലഭിക്കുകയും ചെയ്തു. മന്ത്രിയുടെ ഈ ഇടപെടലിനെതിരെയാണ് തീവ്രഹിന്ദുത്വവാദികളുടെ ആക്രമണം ഉണ്ടായത്. ആക്രമണം മന്ത്രി തന്നെ പുറത്തറിയിക്കുകയായിരുന്നു.

ഏതാനും ദിവസങ്ങളായി വിദേശത്തായിരുന്നെന്നും തന്റെ അസാന്നിധ്യത്തില്‍ ഇവിടെ സംഭവിച്ച കാര്യങ്ങള്‍ അറിഞ്ഞിരുന്നില്ലെന്നും സുഷമാ സ്വരാജ് ട്വിറ്ററില്‍ കുറിച്ചു. തിരിച്ചുവന്നപ്പോള്‍ ചിലര്‍ തന്നെ ബഹുമാനിച്ചിരിക്കുകയാണെന്നു പറഞ്ഞുകൊണ്ടാണ് അവര്‍ ആ ട്വീറ്റുകള്‍ പങ്കുവെച്ചിരിക്കുന്നത്. അതേസമയം, സുഷമാസ്വരാജിന് പിന്തുണയുമായി കോണ്‍ഗ്രസ് രംഗത്തെത്തി. തനിക്കു നേരെയുള്ള സ്വന്തം പാര്‍ട്ടിയില്‍ നിന്നുള്ള ആക്രമണം പുറത്തറിയിച്ച സുഷമാസ്വരാജിനെ കോണ്‍ഗ്രസ് അഭിനന്ദിച്ചു. ഔദ്യോഗിക കോണ്‍ഗ്രസ് പേജിലാണ് പ്രതികരണം.

‘സാഹചര്യമോ കാരണമോ എന്തുമാകട്ടെ, ഒരാളെ ഇങ്ങനെ അധിക്ഷേപിക്കാനും അപമാനിക്കാനും ഭീഷണി മുഴക്കാനും പാടില്ല. സുഷമാജി, സ്വന്തം പാര്‍ട്ടിയില്‍നിന്നുള്ള ഇത്തരം ഹീനമായ പ്രവൃത്തികളെക്കുറിച്ച് വിളിച്ചുപറയാനുള്ള നിങ്ങളുടെ തീരുമാനത്തെ ഞങ്ങള്‍ അഭിനന്ദിക്കുന്നു’ എന്നായിരുന്നു കോണ്‍ഗ്രസിന്റെ ട്വീറ്റ്.

തീവ്രവാദ-ഭീകരവാദ പ്രവര്‍ത്തനങ്ങളുടെ ഭാഗമായി നിരവധിപേര്‍ക്കാണ് ജീവന്‍ നഷ്ടമാകുന്നത്. ധാരാളം പേര്‍ അംഗവൈകല്യം വന്ന് ജീവച്ഛവങ്ങളായി മാറുന്നു. ലോകത്തെ തന്നെ ഇല്ലാതാക്കുന്ന ഈ ഭീഷണിയെ ഒറ്റക്കെട്ടായി ചെറുത്ത് തോല്‍പ്പിക്കണം. എന്നാല്‍ പലപ്പോഴും ഇതിന് സാധിക്കുന്നില്ല. ചില രാജ്യങ്ങള്‍ തീവ്രവാദത്തെ എതിര്‍ക്കുമെന്ന് പറയുമ്പോഴും പരോക്ഷമായി അവര്‍ക്ക് സഹായം ചെയ്യുന്നു. തീര്‍ത്തും നിര്‍ഭാഗ്യകരമാണിത്. ഈ ഇരട്ടത്താപ്പ് അംഗീകരിക്കാനാകില്ല, പാകിസ്താനെ സൂചിപ്പിച്ച് സുഷമ പറഞ്ഞു. ഐക്യരാഷ്ട്രസഭാ സുരക്ഷാ സമിതിയില്‍ കാലോചിതമായ പരിഷ്‌കാരം വേണമെന്നും അവര്‍ കൂട്ടിച്ചേര്‍ത്തു.

ശസ്ത്രക്രിയക്ക് മുന്നോടിയായി ഔദ്യോഗിക പരിപാടികളെല്ലാം ജെയ്റ്റ്‌ലി റദ്ദാക്കി. ആള്‍ ഇന്ത്യാ മെഡിക്കല്‍ ഇന്‍സ്റ്റിറ്റിയൂട്ടില്‍ കാര്‍ഡിയോ-ന്യൂറോ വിഭാഗത്തിലാണ് ഇപ്പോള്‍ ചികിത്സ നടത്തുന്നത്. അപ്പോളോ ആസ്പത്രിയിലെ വൃക്കരോഗ വിദഗ്ധന്‍ ഡോ സന്ദീപ് ഗുലേരിയ ജെയ്റ്റിലിയുടെ ശസ്ത്രക്രിയ സ്ഥിരീകരിച്ചു. അതേസമയം, സിങ്കപ്പൂരിലായിരിക്കും ശസ്ത്രക്രിയയെന്നും വിവരമുണ്ട്. വളരെ കാലമായി ജെയ്റ്റിലക്ക് പ്രമേഹസംബന്ധമായ രോഗങ്ങളുണ്ട്. ശരീരഭാരം കുറക്കാനായി 2014-ല്‍ ശസ്ത്രക്രിയക്ക് വിധേയമായിരുന്നു. തുടര്‍ന്നുള്ള പരിശോധനകളില്‍ വൃക്കകള്‍ക്ക് തകരാറൊന്നുമുണ്ടായിരുന്നില്ല. എന്നാല്‍ നിലവില്‍ അനിയന്ത്രിതമായ പ്രമേഹമുണ്ടെന്നും ഇരു വൃക്കകളും തകരാറിലാണെന്നും മെഡിക്കല്‍സംഘം അറിയിച്ചു. നേരത്തെ, ഹൃദയസംബന്ധമായ അസുഖങ്ങളെ തുടര്‍ന്ന് ഹാര്‍ട്ട് സര്‍ജറിക്ക് മന്ത്രി വിധേയനായിട്ടുണ്ട്. ദീര്‍ഘകാലം ഡയാലിസിസ് ചെയ്യുമ്പോള്‍ അത് ആരോഗ്യത്തെ ഗുരുതരമാക്കുമെന്നതിനാലാണ് വൃക്ക മാറ്റിവെക്കല്‍ നിര്‍ദ്ദേശിച്ചിരിക്കുന്നത്.

2016-ഡിസംബറിലാണ് വിദേശകാര്യ മന്ത്രി സുഷമാസ്വരാജ് വൃക്കമാറ്റിവെക്കല്‍ ശസ്ത്രക്രിയക്ക് വിധേയമായത്. ഗോവ മുഖ്യമന്ത്രി മനോഹര്‍ പരീക്കര്‍ പാന്‍ക്രിയാറ്റിക് കാന്‍സര്‍ മൂലം അമേരിക്കയില്‍ ചികിത്സയിലാണ്. കഴിഞ്ഞ ഫെബ്രുവരിയിലാണ് അദ്ദേഹം വിദഗ്ധ ചികിത്സക്കായി അമേരിക്കയിലേക്ക് പോയത്.