#WATCH BJP MP from Bhopal, Pragya Thakur in Sehore: Hum naali saaf karwane ke liye nahi bane hain. Hum aapka shauchalaya saaf karne ke liye bilkul nahi banaye gaye hain. Hum jis kaam ke liye banaye gaye hain, vo kaam hum imaandaari se karenge. #MadhyaPradesh pic.twitter.com/VT4pcGKkYx

— ANI (@ANI) July 21, 2019

അതേസമയം പ്രജ്ഞാ സിങ്ങിനെ പരിഹസിക്കുന്നതിനൊപ്പം ഗൗരവമുള്ള ചോദ്യങ്ങളും സോഷ്യല്‍ മീഡിയയില്‍ ഉയര്‍ന്നു. കാന്‍സര്‍ ബാധിതയാണെന്ന ഇളവിലാണ് പ്രജ്ഞാ സിങ് ജാമ്യത്തിലിറങ്ങിയത്. എന്നാല്‍ ഗോ മൂത്രം കുടിച്ചതിലൂടെ തന്റെ രോഗം മാറിയെന്നാണ് പ്രജ്ഞാ സിങ് ഇപ്പോള്‍ പറയുന്നത്. പിന്നെ എന്തിനാണ് രോഗത്തിന്റെ പേരില്‍ അവര്‍ക്ക് ജാമ്യം നല്‍കിയത് എന്ന ചോദ്യമാണ് പ്രധാനമായും ഉയരുന്നത്.

മലേഗാവ് സ്‌ഫോടനക്കേസില്‍ പ്രതിയായ ഹിന്ദുത്വ തീവ്രവാദിയാണ് പ്രജ്ഞാ സിങ് താക്കൂര്‍. മുംബൈ ഭീകരാക്രമണത്തിനിടെ കൊല്ലപ്പെട്ട ഹേമന്ദ് കാര്‍ക്കരെയെ താന്‍ ശപിച്ചു കൊന്നതാണെന്ന പ്രജ്ഞാ സിങ്ങിന്റെ പരാമര്‍ശം വന്‍ വിവാദത്തിന് കാരണമായിരുന്നു.

സാധ്വി പ്രജ്ഞ സിങ് ഠാക്കൂര്‍ ബിജെപിയില്‍ ചേര്‍ന്നിരുന്നു. ഇതിന് പിന്നാലെയാണ് സാധ്വിയെ ഭോപ്പാല്‍ ലോക്‌സഭാ സീറ്റില്‍ മത്സരിപ്പിക്കാന്‍ ബിജെപി തീരുമാനിച്ചത്. കോണ്‍ഗ്രസ് നേതാവ് ദിഗ് വിജയ് സിങ്ങാണ് സാധ്വിയുടെ എതിര്‍ സ്ഥാനാര്‍ത്ഥി.

തീവ്രവാദക്കേസില്‍ പ്രതിയായ പ്രജ്ഞ സിങ് ഠാക്കൂര്‍ ആരോഗ്യം മോശമാണെന്ന കാരണം പറഞ്ഞാണ് ജാമ്യം നേടി ജയില്‍ മോചിതയായത്. ജാമ്യത്തില്‍ നിന്നാണ് ബിജെപി ടിക്കറ്റില്‍ മത്സരിക്കുന്നത്. സാധ്വിയുടെ ജാമ്യത്തേയും വിടുതല്‍ ഹര്‍ജിയേയും എതിര്‍ത്താണ് ഇരയുടെ പിതാവ് കോടതിയെ സമീപിച്ചത്. സാധ്വിക്കെതിരായി എന്‍ഐഎ നീങ്ങാത്തതാണ് കോടതിയിലെത്താന്‍ പ്രേരിപ്പിച്ചതെന്ന് അദ്ദേഹം പറഞ്ഞു.

ഹര്‍ജിക്ക് മറുപടി നല്‍കാന്‍ സ്‌പെഷ്യല്‍ ജഡ്ജി വി.എസ്.പദാല്‍കര്‍ സാധ്വിയോട് ആവശ്യപ്പെട്ടിട്ടുണ്ട്. മാലെഗാവില്‍ 2008ല്‍ നടന്ന സ്‌ഫോടനത്തില്‍ ആറുപേരാണ് കൊല്ലപ്പെട്ടത്.