ജനങ്ങള്‍ കണ്ടുശീലിച്ച രീതിയിലുള്ള സന്യാസിയല്ല താനെന്ന് അഗ്‌നിവേശ് പല അഭിമുഖങ്ങളിലും പറഞ്ഞിട്ടുണ്ട്. പ്രപഞ്ചത്തെ മുഴുവനായും അതിലെ സര്‍വചരാചരങ്ങളെയും ഉള്‍ക്കൊള്ളുന്ന സങ്കല്‍പ്പമായിരുന്നു അദ്ദേഹത്തിന്റേത്. മാനവികതയായിരുന്നു അദ്ദേഹത്തിന്റെ മതം. അതില്‍ ഏതെങ്കിലും ഒരു മതത്തിന് പ്രാധാന്യമുണ്ടായിരുന്നില്ല. എല്ലാവരെയും ഒരുപോലെ കാണാന്‍ അദ്ദേഹത്തിന് കഴിഞ്ഞിരുന്നു. വേദങ്ങളുടെ ആധ്യാത്മിക സാരമായിരുന്നു തന്റെ ജീവിതത്തിലേക്കും പകര്‍ത്താന്‍ ശ്രമിച്ചത്. സിഖ് കലാപത്തെതുടര്‍ന്ന് നിരപരാധികള്‍ വേട്ടയാടപ്പെട്ടപ്പോള്‍ തെരുവിലേക്കിറങ്ങി അക്രമം അവസാനിപ്പിക്കൂവെന്ന് ഉറക്കെ വിളിച്ചുപറയാന്‍ അദ്ദേഹത്തിന് കഴിഞ്ഞത് അതുകൊണ്ടാണ്. പാര്‍ശ്വവത്കരിക്കപ്പെട്ടവര്‍ക്കും മര്‍ദ്ദിതര്‍ക്കുംവേണ്ടി നിലകൊണ്ട അദ്ദേഹം പെണ്‍ ഭ്രൂണഹത്യമുതല്‍ ബാലവേല വരെ നീളുന്ന സാമൂഹിക ദുരാചാരങ്ങള്‍ക്കെതിരെ പോരാടി.

തീവ്ര ഹിന്ദുത്വത്തിനെതിരെ നടത്തിയ ഇടപെടലുകള്‍ രാജ്യത്തെ ഫാസിസ്റ്റ് ശക്തികള്‍ക്കെതിരായ പോരാട്ടത്തിന് കരുത്തുപകര്‍ന്നു. മതന്യൂനപക്ഷങ്ങളുടെ അവകാശങ്ങള്‍ക്ക് വേണ്ടിയും ജാതി വിരുദ്ധ സമരങ്ങളിലും തൊഴില്‍ സമരങ്ങളിലും മുന്നിട്ടിറങ്ങിയ അദ്ദേഹം പൗരത്വ വിഷയത്തില്‍ ഹിന്ദുത്വ അജണ്ട നടപ്പാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരെ അതിശക്തമായ നിലപാടെടുത്തവരില്‍ പ്രമുഖനാണ്. ആള്‍ക്കൂട്ട ആക്രമണങ്ങള്‍ക്കും ന്യൂനപക്ഷങ്ങള്‍ക്കെതിരെ വെറുപ്പും വിദ്വേഷവും പടര്‍ത്തുന്നതിനുമെതിരെ അദ്ദേഹം ശബ്ദിച്ചു. മോദിക്കും കേന്ദ്ര സര്‍ക്കാരിനുമെതിരെ പലപ്പോഴും രൂക്ഷമായ പ്രതികരണങ്ങള്‍ തന്നെ നടത്തി. മനുഷ്യനെ കൊല്ലാന്‍ ഇവിടെ അനുമതി നല്‍കുന്നത് ഭരണകൂടമാണെന്ന് ആള്‍ക്കൂട്ട കൊലപാതകങ്ങളില്‍ പ്രധാനമന്ത്രിയുടെ മൗനം ആധാരമാക്കി അദ്ദേഹം വിളിച്ചുപറഞ്ഞു. ഇന്ത്യയുടെ മതേതരത്വവും സംസ്‌കാരവും തകരുന്നതില്‍ ഏറെ ആകുലനായിരുന്നു. ആള്‍ക്കൂട്ട ആക്രമണങ്ങള്‍ക്കും ന്യൂനപക്ഷവേട്ടക്കും നിയമസാധുത നല്‍കാനും അതിനെ മഹത്വവല്‍ക്കരിക്കാനും മോദി ഭരണകാലത്ത് നടക്കുന്ന ശ്രമങ്ങളെ തുറന്നെതിര്‍ത്തു.

സംഘ്പരിവാര്‍ രാഷ്ട്രീയത്തോട് സന്ധിയില്ലാതെ എതിര്‍പ്പുകള്‍ അറിയിച്ചുകൊണ്ട് തന്നെ നിലകൊണ്ടു. ഒരു ഘട്ടത്തില്‍ മോദിയുടെയും ഹിറ്റ്‌ലറുടെതും ഒരേ ഭാഷയാണെന്നും വെറുപ്പിന്റെ പൈതൃകമാണ് അവര്‍ വളര്‍ത്തുന്നതെന്നും അദ്ദേഹം വ്യക്തമാക്കി. കാവി ധരിച്ചപ്പോഴും തീവ്ര ഹിന്ദുത്വത്തിനെതിരെ നിലകൊണ്ടതിന്റെ പേരില്‍ പലപ്പോഴും അദ്ദേഹത്തിന് എതിര്‍പ്പുകള്‍ നേരിടേണ്ടിവന്നു. 20 18 ജൂലൈയില്‍ ഝാര്‍ഖണ്ഡി ല്‍ സംഘ്പരിവാര്‍ ആക്രമണത്തില്‍ ക്രൂരമായ പീഡനങ്ങളാണ് ഏറ്റുവാങ്ങേണ്ടിവന്നത്.

കേരളത്തെക്കുറിച്ചും ഇവിടുത്തെ മതസൗഹാര്‍ദ്ദത്തെക്കുറിച്ചും ഏറെ അഭിമാനത്തോടെ സംസാരിച്ചിട്ടുണ്ട്. പൗരത്വ പ്രക്ഷോഭത്തെ തുടര്‍ന്ന് മുസ്്‌ലിം യൂത്ത്‌ലീഗിന്റെ ഷാഹിന്‍ബാഗ് സ്‌ക്വയറില്‍ നടത്തിയ പ്രസംഗം മതേതര ജനാധിപത്യ വിശ്വാസികള്‍ക്ക് അവേശം നല്‍കുന്നതായിരുന്നു. പൗരത്വ ഭേദഗതിക്കെതിരെ സമരം ചെയ്യുന്നവരെ വേഷം നോക്കി തിരിച്ചറിയാം എന്ന പ്രധാനമന്ത്രി നരേന്ദ്രമോദിയുടെ പ്രസ്താവനക്കെതിരെ കണ്ണൂരില്‍ നടന്ന പരിപാടിയില്‍ അദ്ദേഹം രംഗത്തെത്തിയിരുന്നു. പരിപാടിയുടെ സംഘാടകനായിരുന്ന വി.കെ അബ്ദുല്‍ ഖാദര്‍ മൗലവിയെ തന്റെ തലപ്പാവ് ധരിപ്പിക്കുകയും അദ്ദേഹത്തിന്റെ തൊപ്പി സ്വാമി ധരിച്ചുകൊണ്ട് വേഷം നോക്കി തിരിച്ചറിയാമെങ്കില്‍ തിരിച്ചറിയൂ എന്ന പ്രഖ്യാപനം ഹര്‍ഷാരവത്തോടെയാണ് ജനങ്ങള്‍ സ്വീകരിച്ചിരുന്നത്. അഗ്‌നിവേശിന്റെ നിര്യാണത്തോടെ മത നിരപേക്ഷതയുടെ ശക്തമായ ഒരു ശബ്ദം കൂടിയാണ് ഇല്ലാതായത്.

കണ്ണൂര്‍ സ്‌റ്റേഡിയം കോര്‍ണറില്‍ ഫെബ്രുവരി 14ന് നടന്ന പ്രതിഷേധ മഹാസംഗമത്തിലാണ് സ്വാമി അഗ്നിവേശ് അവസാനമായി കണ്ണൂരില്‍ എത്തിയത്. പൗരത്വദേദഗതിക്കെതിരെ സമരം ചെയ്യുന്നവരെ വേഷം നോക്കി തിരിച്ചറിയാം എന്ന് പ്രധാനമന്ത്രി തന്നെ പ്രഖ്യാപിച്ചതിനു പിന്നാലെയാണ് കണ്ണൂരില്‍നടന്ന പ്രതിഷേധയോഗത്തില്‍ അതേ നാണയത്തില്‍ സ്വാമിതിരിച്ചടിച്ചത്. മുഖ്യാതിഥിയായി എത്തിയ അഗ്നിവേശ് വേദിയിലുള്ള മുസ്ലിം ലീഗ് സംസ്ഥാന വൈസ് പ്രസിഡന്റ് വികെ അബ്ദുല്‍ ഖാദര്‍ മൗലവിയുടെ തൊപ്പി അഴിച്ച് തന്റെ തലയില്‍ വെച്ചാണ് ഇന്ത്യയുടെ മതസൗഹാര്‍ദത്തെ ഉയര്‍ത്തിക്കാട്ടിയത്. പിന്നാലെ മൗലവി അഗ്നിവേശിന്റെ തലപ്പാവും അഴിച്ച് തന്റെ തലയില്‍ വെച്ചതോടെ ജനം ഹര്‍ഷാരവം മുഴക്കി ഇതാണ് ഇന്ത്യയുടെ മഹത്വമെന്നും അഗ്നിവേശ് ഉണര്‍ത്തി.

പൗരത്വ ഭേദഗതി നിയമത്തിനെതിരെ രാജ്യം മുഴുവന്‍ നടക്കുന്ന പ്രതിഷേധത്തിന്റെ ഭാഗമായാണ് കണ്ണൂരിലും ഭരണഘടനാ സംരക്ഷണ സമിതി മഹാറാലി നടത്തിയത്. മതത്തിന്റെ പേരില്‍ രാജ്യത്തെ വിഭജിക്കുന്ന സംഘ് പരിവാര്‍ അജണ്ടകള്‍ക്കെതിരെ ജനലക്ഷങ്ങളാണ് പങ്കെടുത്തത്.

മനുഷ്യരെല്ലാം ഒരു കുടുംബത്തില്‍ നിന്നുള്ളവരാണെന്നും മതത്തിന്റെയും ഭാഷയുടെയും പേരില്‍ വിഭജിക്കാന്‍ ആരെയും അനുവദിക്കരുതെന്ന് അന്ന് അഗ്നിവേശ് തുറന്നടിച്ചിരുന്നു.സിഎഎ, എന്‍ആര്‍സി, ഡിറ്റന്‍ഷന്‍ സെന്റര്‍ വിഷയത്തില്‍ മോദിയും അമിത് ഷായും പരസ്പരം കളവ് പറയുന്നതിനെതിരെ പ്രതിഷേധത്തിന്റെ ജ്വാല ഉയര്‍ത്തിയ സ്വാമി നിയമത്തിനെതിരെ ഒറ്റക്കെട്ടായി പ്രമേയം പാസാക്കിയ കേരളത്തെ അഭിനന്ദിക്കുകയും ചെയ്തിരുന്നു. വിവിധ മുസ്ലിം സംഘടനാനേതാക്കളും രാഷ്ട്രിയ പാര്‍ട്ടി പ്രതിനിധികളും പ്രതിഷേധസംഗമത്തില്‍ പങ്കെടുത്തിരുന്നു.

നിയമത്തിലും സാമ്പത്തിക ശാസ്ത്രത്തിലും ബിരുദധാരിയായ അദ്ദേഹം 1963 മുതല്‍ 1968 വരെ കല്‍ക്കട്ടയിലെ സെന്റ് സേവ്യര്‍ കോളേജില്‍ ബിസ്സിനസ്സ് മാനാജ്മെന്റില്‍ അധ്യാപകനായിരുന്നു. 1968 ല്‍ വീടും ജോലിയും ഉപേക്ഷിച്ച് ഹരിയാനയിലേക്ക് വന്നു. അവിടെ ആര്യസമാജത്തില്‍ ചേരുകയും സന്യാസം സ്വീകരിക്കുകയും ചെയ്തു. ആര്യസഭ എന്ന രാഷ്ട്രീയ സംഘടനയും അദ്ദേഹം അവിടെ വെച്ച് രൂപീകരിച്ചു. തുടര്‍ന്ന് 1977 ല്‍ ഹരിയാനയിലെ നിയമസഭാംഗമാവുകയും വിദ്യാഭ്യാസ മന്ത്രിയായി തെരഞ്ഞെടുക്കപ്പെടുകയും ചെയ്തു. പിന്നാലെ പാര്‍ലമെന്ററി രാഷ്ട്രീം ഉപേക്ഷിക്കുകയായിരുന്നു അദ്ദേഹം.

മതന്യൂനപക്ഷങ്ങളുടെ അവകാശങ്ങള്‍ക്ക് വേണ്ടിയുള്ള സമരങ്ങള്‍, ജാതി വിരുദ്ധ സമരങ്ങള്‍, തൊഴില്‍ സമരങ്ങള്‍, മദ്യത്തിനെതിരായുള്ള പ്രചരണം, സ്ത്രീകളുടെ അവകാശങ്ങള്‍ക്കുവേണ്ടി പ്രത്യാകിച്ചും അവരുടെ വിദ്യാഭ്യാസത്തിനും വേദപാരയണത്തിനുമുള്ള അവകാശത്തിനായുള്ള പോരാട്ടം തുടങ്ങി നിരവധി സാമൂഹിക മുന്നേറ്റങ്ങള്‍ക്ക് അഗ്‌നിവേശ് ചുക്കാന്‍ പിടിച്ചിട്ടുണ്ട്. 2011ൽ രണ്ടാം യുപിഎ സര്‍ക്കാരിൻ്റെ തോൽവിയ്ക്ക് മുന്നോടിയായി, ജൻ ലോക് പാൽ ബിൽ പാസാക്കണമെന്ന് ആവശ്യപ്പെട്ട് നടന്ന ഇന്ത്യ എഗൈൻസ്റ്റ് കറപ്ഷൻ പ്രക്ഷോഭത്തിൽ അണ്ണാ ഹസാരെയ്ക്കൊപ്പം സ്വാമി അഗ്നിവേശ് നേതൃനിരയിലുണ്ടായിരുന്നു.

തന്റെ എഴുത്തുകളിലൂടെയും നിലപാടുകളിലൂടെ സംഘ്പരിവാര്‍-ഹിന്ദു തീവ്രവാദത്തിനെതിരെ പോരാട്ടം നടത്തിയ സ്വാമി അഗ്‌നിവേശ്. ഹിന്ദു തീവ്ര ഗ്രൂപ്പുകളുടെ കണ്ണിലെ കരടായി മറിയിരുന്നു. സ്വാമിയുടെ നിലപാടുകള്‍ക്കെതിരെ പലവട്ടം പരസ്യമായ സംഘ്പരിവാര്‍ ഭീഷണി ഉയര്‍ത്തിയിരുന്നു. ഇത്തരത്തിലൊരു ഭീഷണി അവഗണിച്ച് അദ്ദേഹം നടത്തി ജാര്‍ഖണ്ഡ് സന്ദര്‍ശനം വലിയ വാര്‍ത്തയായിരുന്നു. ബിജെപി ആര്‍എസ്എസും വിശ്വഹിന്ദു പരിഷത്ത് ടീം അദ്ദേഹത്തെ കൈയ്യേറ്റം ചെയ്യുകയും ചെയ്തിരുന്നു. ജാര്‍ഖണ്ഡിലെ പാകുര്‍ മേഖലയില്‍ വച്ചായിരുന്നു ആക്രമണം.

നരേന്ദ്ര ദബോല്‍ക്കര്‍ മുതല്‍ ഗൗരി ലങ്കേഷ് വരെ രാജ്യത്ത് മതനിരപേക്ഷവാദികളായ എഴുത്തുകാര്‍ക്കും സാമൂഹ്യ പ്രവര്‍ത്തകര്‍ക്കും നേരെ വലിയ രീതിയിലുള്ള ആക്രമണം നടന്നുകൊണ്ടിരിക്കുന്ന സമയത്തായിരുന്നു അഗ്‌നിവേശിനെതിരേയുമുള്ള ആക്രമണം. കടുത്ത ക്രൂരതയാണ് സ്വാമിയോട് സംഘ്പരിവാര്‍ കാണിച്ചത്. മര്‍ദിച്ചതിന് പുറമേ അഗ്‌നിവേശിന്റെ വസ്ത്രങ്ങള്‍ ഇവര്‍ വലിച്ചുകീറുകയും ചെയ്തു. ജാര്‍ഖണ്ഡില്‍ അഗ്‌നിവേശിന്റെ സന്ദര്‍ശനത്തിനെതിരെ ബിജെപി നേരത്തെ തന്നെ പ്രതിഷേധത്തിലായിരുന്നു. അതിന് പിന്നാലെയുണ്ടായ ആക്രമണം ആസൂത്രിതമായിരുന്നു.

തനിക്കെതിരെയുണ്ടായ ആക്രമണം ആസൂത്രിതമാണെന്ന് സ്വാമി അഗ്‌നിവേശ് പറഞ്ഞിരുന്നു. ഹിന്ദുത്വ ഗ്രൂപ്പുകള്‍ തനിക്കെതിരെ നേരത്തെ ആക്രമണം നടത്തുമെന്ന് പറഞ്ഞിരുന്നു. ദൈവത്തിന്റെ സഹായം കൊണ്ടാണ് താന്‍ രക്ഷപ്പെട്ടത്. കൊല്ലാന്‍ ഉദ്ദേശിച്ച് തന്നെയായിരുന്നു ആക്രമണം. എന്നാല്‍ അതിന്റെ കാരണമറിയില്ല. ഇത്ര വലിയൊരു ആക്രമണം ഉണ്ടാവുമെന്ന് അറിഞ്ഞിട്ടും പോലീസ് തനിക്ക് സുരക്ഷ ഒരുക്കിയിരുന്നില്ലെന്നും സ്വാമി പറഞ്ഞു. സുരക്ഷ ഒരുക്കാതിരുന്നതില്‍ ഗൂഢാലോചനയുണ്ടെന്നും അഗ്‌നിവേശ് ആരോപിച്ചിരുന്നു.

സ്വാമി അഗ്‌നിവേശ് ക്രിസ്തീയ സഭകളും പാകിസ്താനുമായി ചേര്‍ന്ന് ആദിവാസികളെ ഇളക്കി വിടാനാണ് സംസ്ഥാനത്തെത്തിയതെന്ന് ബിജെപി ആരോപിക്കുന്നു. ക്രിസ്ത്യന്‍ സഭകള്‍ സംസ്ഥാനത്ത് വര്‍ഗീയത അഴിച്ചുവിടുകയാണ്. ഇതിന് ഒത്താശ ചെയ്യുന്നത് അഗ്‌നിവേശാണ്. രാജ്യത്തെ വിഘടിപ്പിക്കാന്‍ ശ്രമിക്കുന്ന പാകിസ്താനുമായി അഗ്‌നിവേശിന് ബന്ധമുണ്ടെന്നും ബിജെപി പ്രവര്‍ത്തകര്‍ ആരോപിക്കുന്നു. പാകൂറില്‍ അഗ്‌നിവേശിന്റെ സന്ദര്‍ശനത്തിനെതിരെ പ്രതിഷേധം നടത്തിയ ശേഷമായിരുന്നു ആക്രമണം.

ബിജെപിയുടെ വര്‍ഗീയ രാഷ്ട്രീയത്തിന്റെ സ്ഥിരമായിട്ടുള്ള ഇരയാണ് സ്വാമി അഗ്‌നിവേശ്. 2011ല്‍ അഗ്‌നിവേശിനെതിരെ പൊതുമധ്യത്തില്‍ ആക്രമണമുണ്ടായിരുന്നു. അമര്‍നാഥ് തീര്‍ത്ഥാടനത്തെ കുറിച്ചുള്ള പരാമര്‍ശത്തെ തുടര്‍ന്നായിരുന്നു ഇത്. അമര്‍നാഥിലെ ശിവലിംഗം ഭൗമശാസ്ത്രപരമായ പ്രതിഭാസമാണെന്നും അല്ലാതെ അതൊരു വിശ്വാസത്തിന്റെ ഭാഗമല്ലെന്നും അഗ്‌നിവേശ് പറഞ്ഞു. അവിടേക്ക് തീര്‍ത്ഥാടകര്‍ എന്തിനാണ് പോകുന്നതെന്നും അഗ്‌നിവേശ് ചോദിച്ചിരുന്നു. ഇതിലാണ് ബിജെപി പ്രവര്‍ത്തകര്‍ പ്രകോപിതരായത്. അഗ്‌നിവേശിന് സുരക്ഷ ഒരുക്കാതിരുന്നത് പോലും ഇതിന്റെ ഭാഗമാണെന്നും വിലയിരുത്തിയിരുന്നു.

https://twitter.com/jijoy_matt/status/1304438968281378819

അഗ്നിവേശിന്‍റെ നിര്യാണത്തോടെ മതനിരപേക്ഷതയുടെ ശക്തമായ ഒരു ശബ്ദം കൂടിയാണ് മറയുന്നത്….
‘വേദിക സോഷ്യലിസം’ (1974), ‘റിലീജിയണ്‍ റെവല്യൂഷണ്‍ ആന്‍ഡ് മാര്‍ക്സിസം’, വല്‍സന്‍ തമ്പുവുമായി ചേര്‍ന്നെഴുതിയ ‘ഹാര്‍വസ്റ്റ് ഓഫ് ഹൈറ്റ്:ഗുജറാത്ത് അന്‍ഡര്‍ സീജ്’,’ഹിന്ദുയിസം ഇന്‍ ന്യൂ ഏജ്'(2005) എന്നിവയാണ് പ്രധാന കൃതികള്‍.

ഫാസിസത്തിനും സംഘപരിവാറിനുമെതിരെ നിലപാട് സ്വീകരിച്ച തുടങ്ങിയ മുതല്‍ ബി.ജെപി തനിക്കെതിരെ ആക്രമണങ്ങള്‍ അഴിച്ചുവിടുകയാണ്. തന്റെ ആശയം തെറ്റാണെന്നാണ് അവരുടെ ചിന്തയെങ്കില്‍ അത് ആശയപരാമായി തന്നോട് പറയാമെന്നും എന്നാല്‍ അക്രമം അഴിച്ചിവികയല്ല വേണ്ടതെന്നും അദ്ദേഹം പ്രതികരിച്ചു. തനിക്കെതിരെ നടക്കുന്ന ആക്രമണങ്ങള്‍ക്കെതിരെ ഒരു ബി ജെ പി നേതാവ് പോലും പ്രതികരിച്ചിട്ടില്ലെന്നും അദ്ദേഹം പറഞ്ഞു. ഗോവധത്തെക്കുറിച്ചുള്ള കാണികളുടെ ചോദ്യത്തിന് മൃഗങ്ങളെ കൊന്നൊടുക്കുന്നതില്‍ തനിക്ക് യോജിക്കില്ലെന്നും എന്നാല്‍ ഗോമാംസം കൈവശം വച്ച് നിഷ്‌കളങ്കരായ ആളുകളെ കൊന്നു തള്ളുന്ന ഫാസിസ്റ്റ് നിലപാടുകളെ ശക്തമായി എതിര്‍ക്കുന്നുവെന്നും അദ്ദേഹം പറഞ്ഞു.
താനൊരു ബ്രഹ്മചര്യയാണ് പക്ഷെ പത്തു വയസ്സിനു മുകളിലുള്ള സ്ത്രീകളെ ഒരിക്കലും ഭയപ്പെടുന്നില്ലെന്നും
ശബരിമലയിലെ യുവതീ പ്രവേശന വിഷയത്തില്‍ അദ്ദേഹം പ്രതികരിച്ചു.

ഓം എന്ന് പറഞ്ഞാല്‍ ഹിന്ദുവെന്നും ബിസ്മില്ലാഹി റഹ്മാനിറഹീം എന്നാല്‍ മുസ്ലീം എന്നും വൈഗുരു സത്നാം എകുംകാര്‍ എന്നാല്‍ സിക്ക് എന്നും വിളിക്കും. എന്നാല്‍ ഞാന്‍ ഇതിലൊന്നും വിശ്വസിക്കുന്നില്ല. തന്നെ സംബന്ധിച്ച് ദൈവം എന്നത് സ്നേഹവും അനുകമ്പയുമാണ്. മനുഷ്യത്വമാണ് എന്റെ മതമെന്നും അദ്ദേഹം കൂട്ടിച്ചേര്‍ത്തു. നടി പത്മപ്രിയ ചര്‍ച്ചയില്‍ പങ്കെടുത്തു

കൊച്ചി ശാസ്ത്ര സാങ്കേതിക സര്‍വകലാശാലയില്‍ നടന്ന നവോത്ഥാന സംരക്ഷണ സദസില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. രാജ്യത്താകമാനം നിലനില്‍ക്കുന്ന ലിംഗ, ജാതി മത അസമത്വങ്ങളുടെ സാഹചര്യത്തില്‍ ഇരുട്ടിന്റെ ശക്തികള്‍ക്കെതിരായ നവോത്ഥാനത്തിന് കേരളം രാജ്യത്തിന് വഴികാട്ടിയാണ്.

നവോത്ഥാനത്തിന്റെ അടിസ്ഥാനം ശാസ്ത്രാവബോധത്തില്‍ ഊന്നിയ യുക്തിപരമായ ചിന്തയാണ്. എപ്പോഴും സത്യത്തെ സ്വീകരിക്കാനും അസത്യത്തെ നിരാകരിക്കാനുമുള്ള സന്നദ്ധത ഉണ്ടായിരിക്കണം. നിരന്തരമായ ചോദ്യങ്ങളാണ് അജ്ഞാനത്തില്‍ നിന്ന് ജ്ഞാനത്തിലേക്ക് നയിക്കുന്നത്. ദൈവം സര്‍വ്വവ്യാപിയായിരിക്കെ ഏതൊരു വിവേചനവും അന്യായമാണ്. ഭരണഘടനയാണ് നമ്മുടെ നീതിന്യായ വ്യവസ്ഥയുടെ അടിസ്ഥാനശിലയെന്നും അദ്ദേഹം പറഞ്ഞു.

ഝാര്‍ഖണ്ഡ് പാക്കൂരില്‍ നിന്നുള്ള പ്രവര്‍ത്തകരാണ് അക്രമണത്തിന് പിന്നിലെന്നാണ് പുറത്തു വരുന്ന വിവരം. ആക്രമണം ഗൂഢാലോചനയുടെ ഭാഗമാണെന്നു അഗ്നിവേശ് ആരോപിച്ചു. താമസിച്ചിരുന്ന ഹോട്ടലിന് പുറത്ത് യുവമോര്‍ച്ച പ്രവര്‍ത്തകരും എബിവിപി പ്രവര്‍ത്തകരും തടിച്ചു കൂടുകയും പ്രതിഷേധ മുദ്രാവാക്യം മുഴക്കുകയും ചെയ്തു. ഇവരുമായി എല്ലാകാര്യവും ചര്‍ച്ച ചെയ്യാന്‍ തയാറാണെന്ന് അറിയിക്കുകയുണ്ടായി. എന്നാല്‍, ആരും ചര്‍ച്ച ചെയ്യാന്‍ എത്തിയില്ല. അക്രമണം കരുതി കൂട്ടി നടത്തിയതാണെന്നും അദ്ദേഹം പറഞ്ഞു. യുവമോര്‍ച്ച പ്രവര്‍ത്തകര്‍ അഗ്നിവേശിനെ കരിങ്കൊടി കാട്ടുക മാത്രമാണ് ചെയ്തതെന്ന് ബിജെപി ദേശീയ അധ്യക്ഷന്‍ അമിത് ഷാ പറഞ്ഞു. അദ്ദേഹം മാവോവാദികള്‍ക്കായാണ് പ്രവര്‍ത്തിക്കുന്നത്. അവര്‍ അഗ്നിവേശിനെ പിന്തുണക്കുകയും ചെയ്യുന്നു. യുവമോര്‍ച്ച പ്രവര്‍ത്തകര്‍ അഗ്നിവേശിനെതിരെ മുദ്രാവാക്യം മുഴക്കുക മാത്രമാണ് ചെയ്തതെന്നും അമിത് ഷാ കൂട്ടിച്ചേര്‍ത്തു. കഴിഞ്ഞ മാസം അഗ്നിവേശിന് ബിജെപി പ്രവര്‍ത്തകരുടെ മര്‍ദ്ദനമേറ്റിരുന്നു. തുടര്‍ച്ചയായി ആക്രമണമുണ്ടായിട്ടും സുരക്ഷയൊരുക്കുന്നതില്‍ കേന്ദ്ര സര്‍ക്കാര്‍ വീഴ്ചയാണ് വരുത്തിയിരിക്കുന്നതെന്ന് സോഷ്യല്‍ ആക്ടിവിസ്റ്റുകള്‍ ആരോപിച്ചു.

ദളിതര്‍ക്കെതിരെയും ന്യൂനപക്ഷങ്ങള്‍ക്കെതിരെയും ബുദ്ധിജീവികള്‍ക്കെതിരെയുമൊക്കെയുള്ള ആക്രമണ കൊലപാതക പരമ്പരകള്‍ ഇന്ന് വാര്‍ത്തയല്ലാതായിരിക്കുന്നു. അതത്രയും സംഘ്പരിവാര്‍ അജണ്ടയാണ്. എന്നാല്‍ കാഷായ വസ്ത്രം ധരിച്ച, ആശ്രമ ജീവിതം നയിക്കുന്ന, യഥാര്‍ത്ഥ ഹിന്ദു ദര്‍ശനങ്ങളുടെ ആത്മാവിനെ ലോകമെങ്ങും പ്രചരിപ്പിക്കുന്ന, മനുഷ്യ സ്‌നേഹത്തിലും മതേതരത്വത്തിലും വിശ്വസിക്കുന്ന സ്വാമി അഗ്‌നിവേശിനെ പോലെയുള്ള സാത്വികരായ ഹിന്ദു മതമേലധ്യക്ഷന്മാര്‍ക്കും സംഘ്പരിവാറിന്റെ കായികാക്രമണത്തിന് വിധേയരാകേണ്ടി വരികയാണ്.ഇത് അങ്ങേയറ്റം ഗൗരവതരമാണെന്നും മുനവ്വറലി തങ്ങള്‍ ചൂണ്ടിക്കാട്ടി. യൂത്ത്‌ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസും തങ്ങള്‍ക്കൊപ്പമുണ്ടായിരുന്നു.

80 വയസുകാരനായ സ്വാമി അഗ്നിവേശിനെ കഴിഞ്ഞ ദിവസമാണ് ബി.ജെ.പി-യുവമോര്‍ച്ച പ്രവര്‍ത്തകര്‍ വളഞ്ഞിട്ട് മര്‍ദിച്ചത്. പാക്കൂര്‍ ജില്ലയിലെ ലിറ്റിപാഡിയില്‍ ഒരു ആദിവാസി യോഗത്തില്‍ പ്രസംഗിക്കാനെത്തിയ സ്വാമി അഗ്നിവേശിനെ മുപ്പതോളം വരുന്ന യുവമോര്‍ച്ച പ്രവര്‍ത്തകര്‍ വളഞ്ഞിട്ട് മര്‍ദിക്കുകയായിരുന്നു.

സ്വാമി അഗ്നിവേശിനെതിരെ ബി.ജെ.പി ആക്രമണം. ജാര്‍ഖണ്ഡിലെ പാക്കൂരിലാണ് അഗ്നിവേശിനെതിരെ ആക്രമണം നടന്നത്.

ഒരു ഹോട്ടല്‍ ചടങ്ങില്‍ പങ്കെടുക്കാ്‌ന# എത്തിയപ്പോഴായിരുന്നു ആക്രമം നടന്നത്. 80 കാരനായ അഗ്നിവേശ് ഹോട്ടലില്‍ നിന്ന് പുറത്തേക്ക് വന്നപ്പോള്‍ ജയ്ശ്രീറാം വിളികളുമായെത്തിയ യുവമോര്‍ച്ചാ പ്രവര്‍ത്തകര്‍ കൂട്ടം ചേര്‍ന്ന് അക്രമിക്കുകയായിരുന്നു. ബീഫ് വിവാദത്തില്‍ ഇദ്ദേഹം നടത്തിയ പ്രതികരണമാണ് ബി.ജെ.പി പ്രവര്‍ത്തകരെ പ്രകോപിപ്പിച്ചതെന്നാണ് പുറത്തു വരുന്ന വിവരം. ക്രൂരമായി മര്‍ദ്ദിച്ച ഇദ്ദേഹത്തിന്റെ വസ്തരങ്ങളും ആക്രമികള്‍ കീറി.