മുംബൈ: മുസ്ലിംകള്‍ക്കെതിരെ വര്‍ഗീയ പരാമര്‍ശം നടത്തി വിവിധ സ്‌ഫോടനക്കേസില്‍ പ്രതി ചേര്‍ക്കപ്പെട്ട സ്വാമി അസീമാനന്ദ. മുസ്ലിംകള്‍ ഇന്ത്യക്കു മാത്രമല്ല, ലോകത്തെ മറ്റെല്ലാ രാജ്യങ്ങള്‍ക്കും വലിയ ആപത്താണെന്ന് അസീമാനന്ദ പറഞ്ഞു.

‘മുസ്ലിം ജനസംഖ്യ വര്‍ധിച്ച തോതില്‍ ഉയരുകയാണിവിടെ. ഇസ്ലാമിക ഗ്രന്ഥമായ ഖുര്‍ആന്‍ വിശ്വസിക്കാത്തവരൊന്നും ഇവിടെ ജീവിച്ചിരിക്കേണ്ടതില്ല എന്നു വിശ്വസിക്കുന്നവരാണ് ഇവിടത്തെ മുസ്ലിംകള്‍. ഇത് ഇന്ത്യക്കും ലോകരാജ്യങ്ങള്‍ക്കും വലിയ ആപത്താണ് ഉണ്ടാക്കുക-അസീമാനന്ദ പറഞ്ഞു. മുസ്ലിം പ്രശ്‌നം ഇത്ര കണ്ട് പെരുത്തിട്ടും അവര്‍ക്കെതിരായി എന്തെങ്കിലും നടപടി സ്വീകരിക്കുന്നതിനോ അവരെ ഇല്ലാതാക്കുന്നതിനോ ഞാന്‍ ശ്രമിച്ചിട്ടില്ലെന്നും അദ്ദേഹം കൂട്ടിച്ചേര്‍ത്തു.

രാജ്യത്തെ പിടിച്ചുകുലുക്കിയ അജ്മീര്‍ ദര്‍ഗ, മക്ക മസ്ജിദ്, സംഝോത എക്‌സ്പ്രസ് സ്‌ഫോടനക്കേസുകളില്‍ പ്രതി ചേര്‍ക്കപ്പെട്ടയാളാണ് ഹിന്ദു തീവ്രവാദിയാണ് അസീമാനന്ദ. എണ്‍പതോളം പേരാണ് ഈ സ്‌ഫോടനങ്ങളില്‍ കൊല്ലപ്പെട്ടത്.

ഇപ്പോള്‍ സ്വാമി അസീമാനന്ദ കുറ്റവിമുക്തനായിരിക്കുകയാണ്. അതുകൊണ്ട് തന്നെ ബംഗാളില്‍ തങ്ങള്‍ക്കൊപ്പം അദ്ദേഹം കാംപയിന്‍ നടത്തും. പഞ്ചായത്ത് തെരഞ്ഞെടുപ്പ് പ്രചരണത്തില്‍ അദ്ദേഹം സംസാരിക്കും.വലിയ സംഘടനാശേഷിയും പ്രവര്‍ത്തന പരിചയവുമുള്ള വ്യക്തിയാണ് സ്വാമി അസീമാനന്ദ. അദ്ദേഹത്തിന്റെ സംഘടനാ ശക്തി പാര്‍ട്ടിക്ക് കൂടുതല്‍ നേട്ടമുണ്ടാക്കും. പഞ്ചായത്ത് തിരഞ്ഞെടുപ്പിനുശേഷം ബംഗാളിലെ ആദിവാസി മേഖലയില്‍ പാര്‍ട്ടിയുടെ അടിത്തറ ശക്തിപ്പെടുത്താന്‍ അദ്ദേഹം പ്രവര്‍ത്തിക്കും, ദിലീപ് ഘോഷ് പറഞ്ഞു.

കഴിഞ്ഞ തിങ്കളാഴ്ചയാണ് മക്ക മസ്ജിദ് ബോംബ് സ്‌ഫോടനക്കേസില്‍ സ്വാമി അസീമാനന്ദ് ഉള്‍പ്പെടെ അഞ്ചു പ്രതികളെ മതിയായ തെളിവുകള്‍ ഇല്ലെന്നു പറഞ്ഞ് വെറുതെ വിട്ടത്. വിധി പ്രഖ്യാപിച്ച മണിക്കൂറുകള്‍ക്കകം . എന്‍.ഐ.എ. പ്രത്യേക കോടതി ജഡ്ജി കെ.രവീന്ദര്‍ റെഡ്ഡിയാണു രാജിവെച്ചിരുന്നു. ഹൈദരാബാദിലെ മക്ക മസ്ജിദില്‍ 2007 മേയ് 18നുണ്ടായ സ്‌ഫോടനത്തില്‍ ഒന്‍പതുപേര്‍ കൊല്ലപ്പെടുകയും 58 പേര്‍ക്കു പരുക്കേല്‍ക്കുകയും ചെയ്തിരുന്നു.