ഡെലിവറി ചാര്‍ജ് കുറച്ച നടപടിയില്‍ പ്രതിഷേധിച്ചായിരുന്നു തൊഴിലാളികള്‍ അനിശ്ചിതകാല സമരം ആരംഭിച്ചത്. ആദ്യഘട്ടത്തില്‍ തിരുവനന്തപുരം, കോഴിക്കോട് ജില്ലകളിലയിരുന്നു സമരം. അതിനിടെയായിരുന്നു വേതന വര്‍ധന ആവശ്യപ്പെട്ട സ്വിഗ്ഗി ജീവനക്കാരന് മര്‍ദ്ദനമേറ്റത്. സിഐടിയു സംസ്ഥാന വൈസ് പ്രസിഡന്റ് അമീനാണ് മര്‍ദനമേറ്റത്. മാനേജ്‌മെന്റിന്റെ ആളുകളാണ് മര്‍ദിച്ചതെന്ന് ജീവനക്കാര്‍ പറഞ്ഞു. സമരം ഒത്തുതീര്‍പ്പാക്കാമെന്ന് പറഞ്ഞ് വിളിച്ചുവരുത്തിയ ശേഷമായിരുന്നു മര്‍ദനമെന്നാണ് പരാതി. തലപൊട്ടിയ നിലയില്‍ അമീനെ ആശുപതിയില്‍ പ്രവേശിപ്പിച്ചിരിക്കുകയാണ്.