അക്രമം അവസാനിപ്പിക്കാന്‍ ആഹ്വാനം ചെയ്യുന്നതിനായി 20 ലധികം രാജ്യങ്ങളില്‍ നിന്നുള്ള സഭാ നേതാക്കളും നയതന്ത്രജ്ഞരും തയ്ബെ നഗരത്തില്‍ ഒത്തുകൂടി മണിക്കൂറുകള്‍ക്ക് ശേഷം, അധിനിവേശ വെസ്റ്റ് ബാങ്കിലെ കുടിയേറ്റക്കാര്‍ ബുര്‍ഖ ഗ്രാമത്തില്‍ പലസ്തീന്‍ ഭൂമിക്കും വാഹനങ്ങള്‍ക്കും തീയിട്ടു.

ഗസ്സയുടെ ആരോഗ്യ മന്ത്രാലയത്തിന്റെ കണക്കനുസരിച്ച് ഗസ്സയ്ക്കെതിരായ ഇസ്രാഈലിന്റെ യുദ്ധത്തില്‍ 58,479 പേര്‍ കൊല്ലപ്പെടുകയും 139,355 പേര്‍ക്ക് പരിക്കേല്‍ക്കുകയും ചെയ്തു. 2023 ഒക്ടോബര്‍ 7-ന് നടന്ന ആക്രമണങ്ങളില്‍ 1,139 പേര്‍ ഇസ്രാഈലില്‍ കൊല്ലപ്പെടുകയും 200-ലധികം പേര്‍ ബന്ദികളാകുകയും ചെയ്തു.

മെയ് മുതല്‍ യുഎസ്-ഇസ്രാഈല്‍ പിന്തുണയുള്ള സഹായ വിതരണ സൈറ്റുകളില്‍ നിന്ന് ഭക്ഷണം സുരക്ഷിതമാക്കാന്‍ ശ്രമിക്കുന്നതിനിടെ കുറഞ്ഞത് 875 ഫലസ്തീനികള്‍ കൊല്ലപ്പെട്ടതായി ഐക്യരാഷ്ട്രസഭ സ്ഥിരീകരിച്ചു.

”ഭക്ഷണം വാങ്ങാന്‍ ശ്രമിക്കുന്നതിനിടെ ഗസ്സയില്‍ 875 പേര്‍ കൊല്ലപ്പെട്ടതായി ഞങ്ങള്‍ രേഖപ്പെടുത്തിയിട്ടുണ്ട്; അവരില്‍ 674 പേര്‍ GHF സൈറ്റുകള്‍ക്ക് സമീപമാണ് കൊല്ലപ്പെട്ടത്,” യുഎന്‍ മനുഷ്യാവകാശ ഓഫീസ് വക്താവ് തമീന്‍ അല്‍-ഖീതന്‍ പറഞ്ഞു.

യുഎന്‍ നേതൃത്വത്തിലുള്ള മാനുഷിക പ്രവര്‍ത്തനങ്ങളെ മറികടന്ന യുഎസിന്റെയും ഇസ്രാഈലിന്റെയും പിന്തുണയുള്ള ഗ്രൂപ്പാണ് GHF.

തിങ്കളാഴ്ചയാണ് ഏറ്റവും പുതിയ മാരകമായ സംഭവം നടന്നതെന്ന് അല്‍-ഖീതന്‍ പറഞ്ഞു, വടക്കുപടിഞ്ഞാറന്‍ റഫയിലെ അല്‍-ഷകൂഷ് ഏരിയയിലെ ജിഎച്ച്എഫ് സൈറ്റില്‍ ഭക്ഷണം തേടിയെത്തിയ ഫലസ്തീനികള്‍ക്കെതിരെ ഇസ്രാഈല്‍ സൈന്യം ഷെല്ലാക്രമണവും വെടിയുതിര്‍ത്തു.

സിറിയന്‍ പ്രസിഡന്റ് അഹമ്മദ് അല്‍-ഷാറയുമായി ട്രംപ് ചര്‍ച്ചകള്‍ നടത്തി. നേരത്തെ പ്രതിപക്ഷ ശക്തികള്‍ അട്ടിമറിച്ച അസദ് ഭരണകൂടത്തിന്റെ പതനത്തിനുശേഷം മാര്‍ച്ചില്‍ ഒരു പരിവര്‍ത്തന സര്‍ക്കാര്‍ രൂപീകരിച്ചിരുന്നു. മുന്‍ പ്രസിഡന്റ് ബാഷര്‍ അല്‍ അസദിനും ഉപരോധം ബാധകമാകുമെന്ന് വൈറ്റ് ഹൗസ് വ്യക്തമാക്കി. മുന്‍ പ്രസിഡന്റ് അസദ്, അദ്ദേഹത്തിന്റെ കൂട്ടാളികള്‍, മനുഷ്യാവകാശ ദ്രോഹികള്‍, മയക്കുമരുന്ന് കടത്തുകാര്, രാസായുധ പ്രവര്‍ത്തനങ്ങളുമായി ബന്ധപ്പെട്ട വ്യക്തികള്‍, ഐഎസിനും അവരുടെ അനുബന്ധ സംഘടനകള്‍ക്കും എതിരെയുള്ള ഉപരോധം തുടരുന്നതിനൊപ്പം സിറിയയ്ക്കെതിരായ ഉപരോധം നീക്കം ചെയ്യുമെന്ന് വൈറ്റ് ഹൗസ് അറിയിച്ചു.

യൂറോപ്യന്‍ യൂണിയന്‍ സിറിയയ്ക്കെതിരായ അവശേഷിക്കുന്ന എല്ലാ ഉപരോധങ്ങളും നീക്കി. മേഖലയിലെ പ്രധാന യുഎസ് സഖ്യകക്ഷികളായ തുര്‍ക്കിയും സൗദി അറേബ്യയും സിറിയയുടെ പുതിയ സര്‍ക്കാരുമായുള്ള ബന്ധം പുനഃസ്ഥാപിക്കുന്നതിന് പിന്തുണ അറിയിച്ചിട്ടുണ്ട്.

സംഘടനയുടെ നേതാവായ അബു മുഹമ്മദ് ജുലാലി നിവലിലെ പ്രധാനമന്ത്രി അഹമ്മദ് അല്‍ ജലാലിയുമായി നടത്തിയ കൂടിക്കാഴ്ച്ചയില്‍ അധികാരം കൈമാറാനുള്ള സന്നദ്ധത അറിയിച്ചിരുന്നു.

പുതിയ സര്‍ക്കാരിന് ഫ്രാന്‍സ്, ജര്‍മനി തുടങ്ങിയ രാജ്യങ്ങളും പിന്തുണ അറിയിച്ചിട്ടുണ്ട്. ഇദ്ലിബ് പ്രവിശ്യയിലെ ഹയാത്ത് തഹ്‌രീര്‍ അല്‍ ഷാമിന്റെ നേതൃത്വത്തിലുള്ള ഭരണകൂടത്തിന്റെ തലവനായിരുന്നു അല്‍ ബാഷിര്‍. 2025 മാര്‍ച്ച് ഒന്ന് വരെയാണ് ഇടക്കാല പ്രധാനമന്ത്രിയുടെ കാലാവധി.

എന്നാല്‍ വിവിധ നഗരങ്ങളില്‍ വ്യത്യസ്ത ഭരണകൂടങ്ങള്‍ അധികാരം കൈയാളുന്നതിനാല്‍ സിറിയയെ ഒരൊറ്റ ഭരണത്തിന് കീഴില്‍ കൊണ്ടുവന്ന് ഭരണം നടത്തുക എന്നത് എച്ച്.ടി.എസിനെ സംബന്ധിച്ച് വളരെ പ്രയാസമേറിയതാവും എന്നാണ് വിലയിരുത്തല്‍.

സിറിയയിലെ ചില നഗരങ്ങളില്‍ അമേരിക്കയുടെ നേതൃത്വത്തിലുള്ള എസ്.ഡി.എഫ് ആണ് ഭരണം നടത്തുന്നത്. ചില പ്രദേശങ്ങള്‍ തുര്‍ക്കിയുടെ കീഴിലാണ്. ഇവയ്ക്ക് പുറമെ ഐ.എസിന് മുന്‍തൂക്കമുള്ള പ്രദേശങ്ങളുമുണ്ട്.

സിറിയയില്‍ വിമതര്‍ അധികാരം പിടിച്ചതിന് പിന്നാലെ ആക്രമണം ശക്തമാക്കുന്ന ഇസ്രാഈലും പുതിയ ഭരണകൂടത്തിന് തലവേദനയാകും. എന്നാല്‍ അമേരിക്കയും യു.കെയും അടക്കമുള്ള രാജ്യങ്ങള്‍ എച്ച്.ടി.എസിനെ ഭീകരപ്പട്ടികയില്‍ നിന്ന് നീക്കാന്‍ ചര്‍ച്ചകള്‍ ആരംഭിച്ചതായി റിപ്പേര്‍ട്ടുകളുണ്ടായിരുന്നു.

ഡമാസ്‌കസ് ഉള്‍പ്പടെ നാല് സിറിയന്‍ നഗരങ്ങളെ ലക്ഷ്യമിട്ടായിരുന്നു ഇസ്രായേല്‍ ആക്രമണം. വിമാനത്താവളങ്ങള്‍ക്ക് നേരെയും ഇസ്രായേലിന്റെ ആക്രമണമുണ്ടായതായും ആക്രമണങ്ങളില്‍ രണ്ട് പേര്‍ കൊല്ലപ്പെട്ടതായും റിപ്പോര്‍ട്ട്.

തുറമുഖ നഗരമായ ലതാകിയയും തെക്ക്-പടിഞ്ഞാറന്‍ നഗരമായ ദാരയും ആക്രമിക്കപ്പെട്ടുവെന്നാണ് റിപ്പോര്‍ട്ടുകള്‍.

ക്രൂരമായ അടിച്ചമര്‍ത്തലും കലാപത്തിന്റെ ഉയര്‍ച്ചയും രാജ്യത്തെ ഏകദേശം 14 വര്‍ഷത്തെ ആഭ്യന്തരയുദ്ധത്തിലേക്ക് തള്ളിവിടുന്നതിനുമുമ്പ്, അറബ് വസന്ത പ്രക്ഷോഭത്തിന്റെ ആദ്യ നാളുകളെ അനുസ്മരിപ്പിക്കുന്ന രംഗങ്ങളില്‍ ആയിരക്കണക്കിന് സിറിയക്കാര്‍ തെരുവുകളില്‍ ആഘോഷിക്കുകയും വിപ്ലവ പതാക വീശുകയും ചെയ്തു.

അതിവേഗം നീങ്ങുന്ന സംഭവങ്ങള്‍ രാജ്യത്തിന്റെയും വിശാലമായ പ്രദേശത്തിന്റെയും ഭാവിയെക്കുറിച്ച് ചോദ്യങ്ങള്‍ ഉയര്‍ത്തുന്നു. സിറിയയെക്കുറിച്ച് ചര്‍ച്ച ചെയ്യാന്‍ യുഎന്‍ സുരക്ഷാ കൗണ്‍സിലിന്റെ അടിയന്തര സമ്മേളനം റഷ്യ അഭ്യര്‍ത്ഥിച്ചതായി ടെലിഗ്രാമിലെ ഒരു പോസ്റ്റില്‍ യുഎന്നിലെ ഡെപ്യൂട്ടി അംബാസഡര്‍ ദിമിത്രി പോളിയാന്‍സ്‌കി പറഞ്ഞു.

വിമത ഗ്രൂപ്പുകളുമായുള്ള ചര്‍ച്ചകള്‍ക്ക് ശേഷമാണ് അസദ് സിറിയ വിട്ടതെന്നും സമാധാനപരമായി അധികാരം കൈമാറാന്‍ അദ്ദേഹം നിര്‍ദ്ദേശം നല്‍കിയിട്ടുണ്ടെന്നുമാണ് റഷ്യ നേരത്തെ പറഞ്ഞിരുന്നത്. സിറിയയിലെ ഏറ്റവും വലിയ വിമത വിഭാഗത്തിന്റെ നേതാവ് അബു മുഹമ്മദ് അല്‍ ഗോലാനി രാജ്യത്തിന്റെ ഭാവി ചാര്‍ട്ട് ചെയ്യാന്‍ ഒരുങ്ങുകയാണ്.

കഴിഞ്ഞ 50 വര്‍ഷത്തോളമായി ബാത്തിസ്റ്റ് ഗവണ്‍മെന്റിന്റെ കീഴില്‍ രാജ്യം ഏകാധിപത്യത്തിന്റ കീഴില്‍ ആണെന്നും 13 വര്‍ഷത്തെ കുറ്റകൃത്യം, കുടിയൊഴിപ്പിക്കല്‍, സ്വേച്ഛാധിപത്യം എന്നിവയെല്ലാം അതിജീവിച്ച് വര്‍ഷങ്ങളായുള്ള പോരാട്ടത്തിന് ശേഷമാണ് സിറിയയയിലെ ഇരുണ്ട യുഗം അവസാനിച്ചതെന്നും ഇനി പുതുയുഗത്തിലേക്ക് പ്രവേശിക്കുകയാണെന്നും ‘വിമതസംഘം’ പുറത്തുവിട്ട പ്രസ്താവനയില്‍ പറയുന്നു.

ഇനിയങ്ങോട്ടുള്ള കാലയളവില്‍ രാജ്യത്ത് നീതി നടപ്പിലാവുമെന്നും പരസ്പരം സഹകരണത്തോടെ മുന്നോട്ട് പോവുമെന്ന് സിറിയയിലെ പ്രതിപക്ഷവും വ്യക്തമാക്കിയിട്ടുണ്ട്.

‘വിമതസംഘം’ സിറിയയില്‍ പ്രവേശിച്ചതിന് പിന്നാലെ പ്രസിഡന്റ് ബാഷര്‍ അല്‍ അസദ് രാജ്യം വിട്ടെന്ന തരത്തില്‍ റിപ്പോര്‍ട്ടുകള്‍ വന്നിരുന്നു. വിമാനം വഴി അസദ് രാജ്യം വിട്ടതായി ദൃക്‌സാക്ഷികള്‍ പറഞ്ഞു.

ഡമസ്‌കസിലടക്കം ജനങ്ങള്‍ പ്രസിഡന്റിന്റെ പ്രതിമ തകര്‍ക്കുന്നതിന്റെ വീഡിയോ സമൂഹ മാധ്യമങ്ങള്‍ വഴി പ്രചരിക്കുന്നുണ്ട്. അസദ് ഭരണം അവസാനിച്ചതിന്റ ആഘോഷസൂചകമായി ആയിരത്തിലധികം പേരാണ് ഡമസ്‌കസിലെ സെന്‍ട്രല്‍ സ്‌ക്വയറില്‍ ഒത്തുചേര്‍ന്നത്. എന്നാല്‍ വിമത നീക്കത്തിനെതിരെ സൈന്യത്തിന് കാര്യമായ ചെറുത്തുനില്പ്പ് നടത്താന്‍ സാധിച്ചിരുന്നില്ല എന്ന് വിമര്‍ശനവും ഉയരുന്നുണ്ട്.

സിറിയയിലെ മൂന്ന് സുപ്രധാന നഗരങ്ങള്‍ പിടിച്ചടക്കിയതിന് പിന്നാലെയാണ് ഡമസ്‌കസിലേക്ക് ‘വിമതസംഘം’ എത്തിച്ചേരുന്നത്. ഇതിന് തൊട്ട് പിന്നാലെ ഡമസ്‌കസിന്റെ സമീപ പ്രദേശങ്ങളില്‍ നിന്ന് സൈന്യം പിന്‍വാങ്ങിയിരുന്നു.

ഒരാഴ്ച്ചയുടെ ഇടവേളയില്‍ സിറിയിലെ മൂന്ന് സുപ്രധാന നഗരങ്ങളാണ് ‘വിമതസംഘം’ പിടിച്ചടക്കിയത്. ആദ്യം സിറിയയിലെ ഏറ്റവും വലിയ രണ്ടാമത്തെ നഗരമായ ആലപ്പോയും പിന്നീട് ഹമ നഗരവും പിന്നീട് ഒരു ദിവസത്തെ പോരാട്ടത്തിന് ശേഷം ഞായറാഴ്ച പുലര്‍ച്ചെ ഹോംസിന്റെ പൂര്‍ണ നിയന്ത്രണവും വിമതര്‍ കൈക്കലാക്കുകയായിരുന്നു. 2020ന് ശേഷം വടക്കുപടിഞ്ഞാറന്‍ സിറിയ കണ്ട ഏറ്റവും തീവ്രമായ പോരാട്ടമാണ് കഴിഞ്ഞ കുറച്ച് ദിവസങ്ങളിലായി നടന്നത്.

ഹയാത്ത് തഹ്രീര്‍ അല്‍-ഷാം (എച്ച്.ടി.എസ്) എന്ന വിമതസംഘത്തിന്റെ നേതൃത്വത്തിലാണ് കലാപം നടക്കുന്നത്. സിറിയ-തുര്‍ക്കി അതിര്‍ത്തിക്കടുത്തുള്ള ഇദ്ലിബ് പ്രവിശ്യയുടെ ഭൂരിഭാഗവും നിയന്ത്രിക്കുന്ന വടക്കുപടിഞ്ഞാറന്‍ സിറിയയിലെ ഏറ്റവും ശക്തമായ വിമത ഗ്രൂപ്പാണ് എച്ച്.ടി.എസ് എന്നറിയപ്പെടുന്ന ഹയാത്ത് തഹ്രീല്‍ അല്‍-ഷാം. സിറിയയും അമേരിക്കയും റഷ്യയുമടക്കമുള്ള രാജ്യങ്ങളെല്ലാം എച്ച്.ടി.എസിനെ ഒരു ഭീകര സംഘടനയായാണ് കണക്കാക്കുന്നത്.

ഇരു രാജ്യങ്ങളും തമ്മിലുള്ള ബന്ധത്തിന്റെ ചരിത്രത്തിലെ സുപ്രധാന നിമിഷമാണ് ഈ ദിനമെന്ന് അദ്ദേഹം പറഞ്ഞു. 2023 ഒക്ടോബറില്‍ സൗദി അറേബ്യയും സിറിയയും തങ്ങളുടെ നയതന്ത്ര ദൗത്യങ്ങള്‍ വീണ്ടും തുറക്കാനുള്ള തീരുമാനം പ്രഖ്യാപിച്ചിരുന്നുവെങ്കിലും എംബസ്സി ഇപ്പോഴാണ് തുറന്നുപ്രവര്‍ത്തനമാരംഭിക്കുന്നത്.

എംബസി അടച്ചതിന് ശേഷമുള്ള ആദ്യത്തെ സൗദി അംബാസഡറായി സൗദി അറേബ്യ ഫൈസല്‍ ബിന്‍ സൗദ് അല്‍ മുജ്‌ഫെലിനെ സിറിയയിലെ അംബാസഡറായി ഈ വര്‍ഷം മെയ് മാസത്തില്‍ തന്നെ നിയമിച്ചിരുന്നു. സൗദി അറേബ്യയിലെ പുതിയ അംബാസഡറായി നേരത്തെ ഡോ. മുഹമ്മദ് സൂസനെ സിറിയയും നിയമിച്ചിരുന്നു.

ഇസ്രാഈലിനെതിരെ സിറിയന്‍ വ്യോമസേന പ്രത്യാക്രമണം ആരംഭിച്ചതായും റിപ്പോര്‍ട്ടുണ്ട്. 5 ദിവസമായി തുടരുന്ന ഇസ്രാഈല്‍ ഹമാസ് ഏറ്റുമുട്ടലില്‍ ഇതുവരെ ഇരുപക്ഷത്തുമായി 3700ല്‍ അധികം പേര്‍ കൊല്ലപ്പെട്ടതായാണ് റിപ്പോര്‍ട്ട്. വ്യോമാക്രമത്തിനു ശേഷം കരയുദ്ധത്തിലേക്ക് ഇസ്രയേല്‍ കടക്കുകയാണെന്ന റിപ്പോര്‍ട്ടുകളും പുറത്തുവന്നിരുന്നു.

12 വര്‍ഷത്തെ സിറിയന്‍ ആഭ്യന്തര യുദ്ധത്തിനിടെ ഇറാന്‍ പിന്തുണയുള്ള സായുധ സംഘടനകളേയും ഹിസ്ബുള്ളയേയും ലക്ഷ്യംവെച്ച് നൂറുകണക്കിന് വ്യോമാക്രമണങ്ങളാണ് ഇസ്രാഈല്‍ നടത്തിയിട്ടുള്ളത്.

ഗാസ മുനമ്പില്‍ ഉപരോധം ശക്തിപ്പെടുത്തുന്നതിനിടയിലാണ് ഇസ്രാഈല്‍ സിറിയയ്ക്കു നേരെയും ആക്രമണം അഴിച്ചുവിട്ടത്. കഴിഞ്ഞ ചൊവ്വാഴ്ച സിറിയ ലക്ഷ്യമാക്കി ഇസ്രാഈല്‍ ഷെല്ലാക്രമണം നടത്തിയിരുന്നു.

ഹമാസ് തട്ടിക്കൊണ്ടുപോയവരെ മോചിപ്പിക്കാതെ അടിസ്ഥാനവിഭവങ്ങളോ മാനുഷികമായ മറ്റു സഹായങ്ങളോ ഇസ്രയേലിന്റെ ഭാഗത്തുനിന്ന് ഗാസയ്ക്ക് അനുവദിക്കില്ലെന്ന് ഇസ്രാഈല്‍ മുന്നറിയിപ്പ് നല്‍കിയിട്ടുണ്ട്. ഗാസയിലേക്കുള്ള വെള്ളം, ഇന്ധനം, വൈദ്യുതി തുടങ്ങിയവയുടെ വിതരണം ഇസ്രാഈല്‍ തടഞ്ഞു.

ഇന്ധനം തീര്‍ന്നതിനെ തുടര്‍ന്ന് ഫലസ്തീന്റെ ഏക താപനിലയം ബുധനാഴ്ച അടച്ചുപൂട്ടുകയും ചെയ്തു. ഇതോടെ വൈദ്യുതി നിലച്ച് ഗാസ ഇരുട്ടിലായി. ഭക്ഷണവും വെള്ളവും വൈദ്യുതിയുമുള്‍പ്പടെയുള്ള അവശ്യവസ്തുക്കളുടെ വിതരണം വിച്ഛേദിക്കപ്പെട്ടതോടെ ഗാസയിലെ ജനങ്ങളുടെ ജീവിതം കൂടുതല്‍ ദുരിതത്തിലായി. ഗാസയില്‍ നിന്ന് രണ്ടരലക്ഷത്തോളം പേര്‍ വീടൊഴിഞ്ഞതായി ഐക്യരാഷ്ട്ര സഭ വ്യക്തമാക്കിയിട്ടുണ്ട്.

ഒരുദിവസംപോലും വിട്ടൊഴിയാതെ യുഎഇ അതിന്റെ കാരുണ്യ പ്രവാഹത്തിന് 30 ദിവസം പൂര്‍ത്തിയാക്കി. സിറിയന്‍ ജനതയ്ക്ക് യുഎഇ നല്‍കുന്ന പിന്തുണയുടെ ഏറ്റവും പ്രധാനപ്പെട്ട രൂപങ്ങളിലൊന്നാണ് ഇതിനുവേണ്ടി തയാറാക്കിയ പ്രത്യേക സംവിധാനം.
അവശ്യ ഭക്ഷ്യവസ്തുക്കളും മരുന്നുകളും ചികിത്സാ ഉപകരണങ്ങളും വഹിച്ചുകൊണ്ട് ഇതുവരെ 151 വിമാനങ്ങളാണ് യുഎഇയില്‍നിന്നും സിറിയന്‍ മണ്ണിലെത്തിയത്.

ഭൂകമ്പത്തിന്റെ പശ്ചാത്തലത്തില്‍, തകര്‍ന്ന കെട്ടിടങ്ങളുടെ അവശിഷ്ടങ്ങള്‍ക്കിടയില്‍ രക്ഷപ്പെട്ടവരെ തിരയാന്‍ യുഎഇ നേരത്തെത്തന്നെ സെര്‍ച്ച് ആന്‍ഡ് റെസ്‌ക്യൂ സ്‌ക്വാഡ് അയച്ചിരുന്നു.രക്ഷാപ്രവര്‍ത്തന ഉപകരണങ്ങളും യു എ ഇ സിറിയന്‍ സിവില്‍ ഡിഫന്‍സിന് നല്‍കിയിരുന്നു.
ഭാവിയില്‍ ഉണ്ടാകാന്‍ സാധ്യതയുള്ള ഏത് ദുരന്തത്തിനും സിറിയന്‍ സിവില്‍ ഡിഫന്‍സ് ടീമുകളെ സജ്ജരാക്കുന്നതിനായി തീവ്ര പരിശീലനങ്ങളും നല്‍കി.

എമിറേറ്റ്സ് റെഡ് ക്രസന്റ് ദുരിതബാധിതര്‍ക്ക് ഭക്ഷണസാധനങ്ങള്‍ എത്തിക്കുന്നതിനുപുറമെ അവരുടെ ആവശ്യങ്ങള്‍ നിറവേറ്റുന്നതിലും പ്രത്യേക പരിഗണന നല്‍കി.താത്കാലിക അഭയകേന്ദ്രമായി 50 ടെന്റുകളുള്ള ക്യാമ്പ് സ്ഥാപിക്കുന്നതിലും പ്രധാന പങ്കുവഹിച്ചു.

ഭൂകമ്പത്തില്‍ അകപ്പെട്ടവരെ സഹായിക്കാന്‍ അത്യാധുനിക സാങ്കേതിക വിദ്യകളുള്ള 10 ആംബുലന്‍സുകളും യുഎഇ സിറിയയ്ക്ക് നല്‍കി.

അബുദാബി: തുര്‍ക്കിയിലും സിറിയയിലുമുണ്ടായ ഭൂചലനത്തില്‍ മരണപ്പെട്ടവരുടെ എണ്ണം 21,000 കവിഞ്ഞു. മരണസംഖ്യ ഇനിയും വര്‍ധിച്ചേക്കുമെന്നാണ് രക്ഷാപ്രവര്‍ത്തകര്‍ വ്യക്തമാക്കുന്നത്. ഇതുവരെ 80,000 പേര്‍ക്ക് പരിക്കേറ്റതായാണ് റിപ്പോര്‍ട്ട് ചെയ്യപ്പെട്ടിട്ടുള്ളത്. ഇവരുടെ എണ്ണത്തിലും വന്‍വര്‍ധനവുണ്ടാകും. രക്ഷാപ്രവര്‍ത്തനം ഊര്‍ജ്ജിതമായി നടക്കുന്നുണ്ടെങ്കിലും കടന്നുചെല്ലാന്‍ കഴിയാത്ത ഇടങ്ങളില്‍ ഇനിയും അനേകങ്ങള്‍ കുടുങ്ങിക്കിടക്കുന്നുണ്ടെന്നാണ് വിലയിരുത്തപ്പെടുന്നത്. ആയിരക്കണക്കിനുപേര്‍ ചികിത്സക്കുവേണ്ടി ആശുപത്രികളില്‍ കാത്തുകഴിയുന്നുണ്ട്. ഇത്രയും പേര്‍ക്ക് അടിയന്തിരമായി ചികിത്സ നല്‍കാന്‍ കഴിയാത്ത സാഹചര്യവും നിലനില്‍ക്കുന്നുണ്ട്.

രക്ഷാപ്രവര്‍ത്തനം പൂര്‍ണ്ണമായെന്ന് ഉറപ്പ് വരുത്തുന്നതോടെ മാത്രമെ മരണസംഖ്യയുടെയും പരിക്കേറ്റവരുടെയും ശരിയായ കണക്ക് ലഭിക്കുകയുള്ളു. ആശുപത്രിയില്‍ അത്യാസന്ന നിലയില്‍ കഴിയുന്നവരുടെ എണ്ണവും വര്‍ധിക്കുന്നതായാണ് റിപ്പോർട്ട് ചെയ്യപ്പെടുന്നത്. അതിനിടെ ദുരതബാധിത പ്രദേശങ്ങളില്‍നിന്നുള്ള വിവിധ ദൃശ്യങ്ങള്‍ ലോകമനസ്സാക്ഷിയെ ഞെട്ടിക്കുന്നതാണ്. കോണ്‍ഗ്രീറ്റ് ബീമുകള്‍ക്കിടയില്‍ കുടുങ്ങിക്കിടക്കുന്ന മക്കളും അവരെ രക്ഷിക്കാനുള്ള മാതാപിതാക്കളുടെ ദീനരോദനങ്ങളും സോഷ്യല്‍ മീഡിയകളില്‍ പതിനായിരങ്ങളുടെ കരളലയിക്കുന്ന കാഴ്ചകളാണ്.

വിവിധ രാജ്യങ്ങളില്‍നിന്നുള്ള സഹായങ്ങള്‍ സിറിയയിലേക്കും തുര്‍ക്കിയിലേക്കും ഒഴുകിക്കൊണ്ടിരിക്കുകയാണ്. യുഎഇ 100 ദശലക്ഷം യുഎസ് ഡോളറാണ് സഹായമായി എത്തിക്കുന്നത്. കൂടാതെ അവശ്യവസ്തുക്കളും എംബസി മുഖേ ഇരുരാജ്യങ്ങളിലേക്കും അയച്ചുകൊടുക്കുന്ന നടപടികള്‍ സജീവമാണ്. അതേസമയം സഹായങ്ങള്‍ അര്‍ഹരായവരുടെ കൈകളില്‍ തന്നെ എത്തിച്ചേണരണമെന്ന കാര്യത്തില്‍ അധികൃതര്‍ ജാഗ്രത പുലര്‍ത്തുന്നുണ്ട്.