കഴിഞ്ഞ ദിവസം രാത്രി ഇദ്ലിബിലെ വടക്കന്‍ ഗ്രാമീണ പ്രദശമായ സര്‍ദാനയില്‍ റഷ്യന്‍ യുദ്ധ വിമാനങ്ങള്‍ നടത്തിയ ആക്രമണത്തില്‍ സ്ത്രീകളും കുട്ടികളുമടക്കം നാല്‍പ്പതിലേറെ പേര്‍ മരിക്കുകയും അമ്പതിലേറെ പേര്‍ക്ക് പരിക്കേറ്റു. കഴിഞ്ഞ മാര്‍ച്ചിനു ശേഷം ഒരു ആക്രമണത്തില്‍ ഏറ്റവും കൂടുതല്‍ മരണം റിപ്പോര്‍ട്ടു ചെയ്യുന്ന ആക്രമണമാണ് വ്യാഴായ്ച നടന്നത്. ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന യുദ്ധനിരീക്ഷണ മേധാവി റാമി അബ്ദുല്‍റഹ്മാന്റെ ഓഫീസ് അറിയിച്ചു.

സിറിയയിലെ ഏറ്റവും കൂടുതല്‍ ജനങ്ങള്‍ താമസിക്കുന്ന സ്ഥലമാണ് ഇദ്‌ലിബ്.ഏറെ കാലമായി ഇദ്ലിബ് വിമതരുടെ പിടിയിലാണ്. ഇവിടെ ഐ.എസ് ഭീകരരും പിടിമുറുക്കാന്‍ ശക്തമായി ശ്രമിക്കുന്നുണ്ട്. ഇരു കൂട്ടര്‍ക്കും നേരെയാണ് സിറിയയിലെ ബശാറുല്‍ അസദിന്റെ സൈന്യം റഷ്യയുടെ സഹായത്തോടെ ആക്രമണം നടത്തുന്നത്.  ഇരു കൂട്ടരില്‍ നിന്നും പ്രദേശം മോചിപ്പിച്ചെടുക്കുക എന്നതാണ് സിറിയയുടെ ലക്ഷ്യം. ഇരുകൂട്ടരും തമ്മിലുള്ള പോരാട്ടത്തിനിടെ ഇതിനോടകം പതിനായിരക്കണക്കിന് നിരപരാധികളായ സാധരണ ജനങ്ങളാണ് മരിച്ചു വീണത്. ഇതില്‍ ഭൂരിഭാഗവും കുഞ്ഞുങ്ങളും സ്ത്രീകളുമാണ്. ആക്രമണത്തില്‍ പരിക്കേറ്റ പലര്‍ക്കും അംഗവൈകല്യം സംഭവിച്ചു. കിടക്കയിലും വീല്‍ചെയറിലും ആശുപത്രിയിലും അഭയാര്‍ത്ഥി ക്യാംപിലും ഇവര്‍ ജീവിതം തള്ളിനീക്കുയാണ്.

നിരന്തരമുള്ള ആക്രമണത്തെ തുടര്‍ന്ന് ഇദ്‌ലിബില്‍ നിന്നും  ജനങ്ങള്‍ കൂട്ടമായി പാലായനം ചെയുകയാണ്. 2015ല്‍ റഷ്യയുടെ സഹായം ലഭിച്ചതോടെയാണ് സിറിയന്‍ ഭരണകൂടം ഇവിടെ ശക്തി പ്രാപിച്ചത്. കണക്കുകള്‍ പ്രകാരം 2011നു ശേഷം സിറിയയില്‍ ഭരണകൂടത്തിനെതിരായ പ്രതിഷേധത്തില്‍ മൂന്നര ലക്ഷത്തിലേറെ ജീവനുകളാണ് നഷ്ടമായത്.

സിറിയയില്‍ രാസായുധ പ്രയോഗമെന്ന് സംശയം. എഴുപത് പേര്‍ കൊല്ലപ്പെട്ടതിനു പിന്നില്‍ രാസായുധ പ്രയോഗമാകാനാണ് സാധ്യതയെന്നാണ് വിലയിരുത്തല്‍. നിരവധിപ്പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. വിമത മേഖലയായ ദൂമയിലാണ് ആക്രമണം ഉണ്ടായിരിക്കുന്നത്.

പരിക്കേറ്റവരില്‍ പലരുടെയും നില ഗുരുതരമായതിനാല്‍ മരണസംഖ്യ ഉയരാന്‍ സാധ്യതയുണ്ടെന്ന് വൈറ്റ് ഹെല്‍മറ്റ് തലവന്‍ അല്‍ സലേഹ് പറഞ്ഞു. സ്ത്രീകളും കുട്ടികളുമാണ് മരിച്ചവരില്‍ കൂടുതലും.

ക്ലോറിന്‍ ഗ്യാസ് നിറച്ച വാതകമാണ് ആക്രമണത്തിന് ഉപയോഗിച്ചതെന്നാണ് സംശയിക്കുന്നത്. സംഭവസ്ഥലത്തുനിന്ന് ആളുകളെ ഒഴിപ്പിച്ചുകൊണ്ടിരിക്കുകയാണ്. അതേസമയം, രാസപ്രയോഗം ഔദ്യോഗികമായി സ്ഥിരീകരിച്ചിട്ടില്ല. രാസായുധ പ്രയോഗം നടന്നുവെന്ന ആരോപണം സിറിയന്‍ സര്‍ക്കാരും നിഷേധിച്ചു.

വളരെ ഞെട്ടിപ്പിക്കുന്ന റിപ്പോര്‍ട്ടുകളാണ് പുറത്തുവന്നിരിക്കുന്നതെന്ന് യുഎസ് സ്‌റ്റേറ്റ് ഡിപ്പാര്‍ട്ട്‌മെന്റ് പറഞ്ഞു. മാരകമായ രാസായുധ പ്രയോഗം നടന്നിട്ടുണ്ടെങ്കില്‍ സിറിയന്‍ സര്‍ക്കാരിനൊപ്പം പോരാടുന്ന റഷ്യ അതിന്റെ ഉത്തരവാദിത്വം ഏറ്റെടുക്കണമെന്നും യുഎസ് പറഞ്ഞു.

മനുഷ്യത്വപരമായ സമീപനമാണ് സിറിയിയിലെ ജനങ്ങള്‍ ആഗ്രഹിക്കുന്നത്. കെയ്‌റം പറഞ്ഞു. കിഴക്കന്‍ ഗൂതയില്‍ വെച്ച് കരിമുമായി മാതാവ് നടന്നു പോകവെയാണ് തുര്‍ക്കി ആക്രമണത്തില്‍ പരിക്കേല്‍ക്കുന്നത്. ഷെല്ല് പതിച്ച് മാതാവ് തല്‍ക്ഷണം മരിച്ചു. ഗുരുതരമായി പരിക്കേറ്റു നിലത്തു വിണ കരിമിനെ സന്നദ്ധ സംഘടനാ പ്രവര്‍ത്തകര്‍ ആസ്പത്രിയില്‍ എത്തിക്കുകയായിരുന്നു. കരിമിന്റെ ഇടത് കണ്ണിനാണ് പരിക്കേറ്റത്. ഓപ്പറേഷന് വിധേയമാക്കി. രക്ഷപെട്ടെങ്കിലും ചില ആരോഗ്യപ്രശ്്‌നങ്ങള്‍ ഉണ്ടായേക്കാമെന്ന് പരിശോധിച്ച ഡോക്ടര്‍മാര്‍ പറഞ്ഞു.

പരിക്കേറ്റ കരിമിന്റെ ഫോട്ടോ അടക്കം സോഷ്യല്‍ മീഡിയയില്‍ പ്രചരിച്ചതോടെ ഒട്ടേറെ പേര്‍ പിന്തുണയുമായി എത്തി. കുട്ടികള്‍ ആണ് കരിമിന് പിന്തുണ നല്‍കിയവരില്‍ ഏറെയും. കിഴക്കന്‍ ഗൂതയിലുണ്ടായ ആക്രമണങ്ങളില്‍ കുട്ടികള്‍ അടക്കം ആയിരത്തോളം പേരാണ് കൊല്ലപ്പെട്ടത്. 45,000 പേര്‍ ഇവിടെ നിന്നും പാലായനം ചെയ്തു.

കഴിഞ്ഞ ദിവസങ്ങളില്‍ ആയിരക്കണക്കിന് സിവിലിയന്‍മാരാണ് കിഴക്കന്‍ ഗൂതയില്‍ നിന്നും പലായനം ചെയ്തത്. ശനിയാഴ്ച മാത്രം 10,000 പേര്‍ ഗൂതയടക്കം ദമസ്‌കസിന്റെ പ്രാന്തപ്രദേശങ്ങളില്‍ നിന്നും പലായനം ചെയ്തതായി യു.കെ ആസ്ഥാനമായി പ്രവര്‍ത്തിക്കുന്ന സിറിയന്‍ ഒബ്‌സര്‍വേറ്ററി ഗ്രൂപ്പ് അറിയിച്ചു. വെള്ളിയാഴ്ച കഫ്ര്‍ ബത്‌ന ജില്ലയില്‍ സൈന്യം നടത്തിയ വ്യോമാക്രമണത്തില്‍ ആറു കുട്ടികളടക്കം 46 സിവിലിയന്‍മാര്‍ കൊല്ലപ്പെട്ടിരുന്നു. വെള്ളിയാഴ്ച മാത്രം 13,000 പേര്‍ ഇവിടെ നിന്നും പലായനം ചെയ്തതായാണ് റിപ്പോര്‍ട്ടുകള്‍. കഴിഞ്ഞ മാസം 18 മുതല്‍ റഷ്യന്‍ പിന്തുണയോടെ സിറിയന്‍ സൈന്യം വ്യോമാക്രമണം ശക്തമാക്കിയതോടെയാണ് കിഴക്കന്‍ ഗൂതയില്‍ സിവിലിയന്‍മാരുടെ ജീവിതം നരക തുല്യമായത്.

തുടര്‍ച്ചയായ വ്യോമാക്രമണത്തില്‍ 1250 പേര്‍ കൊല്ലപ്പെട്ടതായാണ് റിപ്പോര്‍ട്ടുകള്‍. ഇതില്‍ ഏറെയും സ്ത്രീകളും കുട്ടികളുമാണ്. നേരത്തെ വിമത നിയന്ത്രണത്തിലായിരുന്ന കിഴക്കന്‍ ഗൂത 2013 മുതല്‍ ബഷര്‍ സൈന്യത്തിന്റെ ഉപരോധത്തിന് കീഴിലാണ്. സൈന്യത്തിന്റെ ഉപരോധം കാരണം ഭക്ഷണവും മരുന്നുമടക്കം അവശ്യ സാധനങ്ങള്‍ കിട്ടാക്കനിയായതോടെ 400,000 പേരാണ് ഇവിടം ഉപേക്ഷിച്ച് സുരക്ഷിത താവളം തേടി പോയത്. അന്താരാഷ്ട്ര സമൂഹത്തിന്റെ അഭ്യര്‍ത്ഥനകള്‍ ചെവികൊള്ളാതെ അസദ് സൈന്യം മേഖലയുടെ ആധിപത്യത്തിനായി റഷ്യയുടെ സഹായത്തോടെയുള്ള വ്യോമാക്രമണം രൂക്ഷമാക്കിയിരിക്കുകയാണ്. ഗൂതക്കു പുറമെ ഹമൗറിയയിലും ആക്രമണം രൂക്ഷമാണ്.

അതിനിടെ യു.എന്‍ അഭ്യര്‍ത്ഥന പ്രകാരം 25 ലോറി ഭക്ഷ്യ വസ്തുക്കള്‍ കിഴക്കന്‍ ഗൂതയിലെ ദൂമയിലേക്ക് എത്തിക്കാന്‍ അന്താരാഷ്ട്ര റെഡ്‌ക്രോസിന് ബഷര്‍ അല്‍ അസദ് സര്‍ക്കാര്‍ അനുമതി നല്‍കിയിട്ടുണ്ട്. 125,000 പേര്‍ അധിവസിക്കുന്ന മേഖലയില്‍ ഈ ഭക്ഷ്യ വസ്തുക്കള്‍ എത്ര ദിവസത്തേക്ക് നീണ്ടു നില്‍ക്കുമെന്ന കാര്യം അവ്യക്തമാണെന്ന് റെഡ്‌ക്രോസ് അംഗങ്ങള്‍ തന്നെ പറയുന്നു. സിറിയയില്‍ ബഷര്‍ അല്‍ അസദിന്റെ സര്‍ക്കാറും വിമതരും തമ്മിലുള്ള ആഭ്യന്തര പോരാട്ടം വ്യാഴാഴ്ച ഏഴു വര്‍ഷം പിന്നിട്ടു. ഇതുവരെ 465,000 പേര്‍ കൊല്ലപ്പെട്ടതായാണ് യു.എന്‍ റിപ്പോര്‍ട്ട്. ലക്ഷക്കണക്കിന് പേരാണ് ഭവന രഹിതരായി വിവിധ അഭയാര്‍ത്ഥി ക്യാമ്പുകളില്‍ കഴിയുന്നത്.

ഭക്ഷണ വിതരണ പദ്ധതികള്‍, റിലീഫ് സാധനങ്ങള്‍, ബേക്കറികള്‍ എന്നിവയുടെ സഹായം ലഭിച്ചത് 8,584,755 പേര്‍ക്കാണ്. 20,012704 പേര്‍ക്ക് വീട് വെക്കുന്നതിനും മറ്റ് ഭക്ഷ്യേതര സഹായങ്ങളും ലഭിച്ചു. 2,769,085 പേര്‍ക്ക് ആരോഗ്യ സഹായങ്ങളും 2,841,046 പേര്‍ക്ക് വിദ്യാഭ്യാസ സഹായങ്ങളും ഇക്കാലയളവില്‍ ലഭിച്ചു.

സിറിയക്കകത്തും പുറത്തും കഴിയുന്ന നിരവധി സിറിയന്‍ അഭയാര്‍ഥികള്‍ക്കും സഹായം എത്തിക്കാന്‍ തങ്ങള്‍ക്ക് കഴിഞ്ഞിട്ടുണ്ടെന്ന് ഖത്തര്‍ ചാരിറ്റി വ്യക്തമാക്കി. തുര്‍ക്കി, ലബനാന്‍, ജോര്‍ദാന്‍, ഇറാഖ് എന്നിവിടങ്ങളില്‍ കഴിയുന്ന സിറിയന്‍ അഭയാര്‍ഥികള്‍ക്കെല്ലം സഹായമെത്തിക്കാന്‍ ഖത്തര്‍ ചാരിറ്റിക്ക് കഴിഞ്ഞിട്ടുണ്ട്. മുന്‍ വര്‍ഷങ്ങളെ അപേക്ഷിച്ച് 2017ലാണ് സിറിയക്കകത്തും പുറത്തുമുള്ള അഭയാര്‍ഥികളില്‍ കൂടുതല്‍ പേര്‍ക്ക് സഹായം എത്തിക്കാന്‍ കഴിഞ്ഞതായും ഖത്തര്‍ ചാരിറ്റി അറിയിച്ചു.

ഐഎസ് ഭീകരതയാലും കലാപത്താലും മറ്റും ആക്രമം രൂക്ഷമായ സിറിയയില്‍ അതിജീവനത്തിന്റെ പാത പിന്തുടരുന്ന കുട്ടികള്‍ക്ക് ധൈര്യം പകരുന്ന വാക്കുകളുമായാണ് ഫുട്‌ബോളിലെ സൂപ്പര്‍ താരത്തിന്റെ സന്ദേശം. കുട്ടികളെ സംരക്ഷിക്കുന്നത്തിനായി പ്രവര്‍ത്തിക്കുന്ന, സേവ് ദ ചില്‍ഡ്രന്‍ എന്ന സംഘടനയുടെ അംബാസഡര്‍ കൂടിയായ റൊണാള്‍ഡോ തന്റെ ഔദ്യോഗിക ട്വിറ്റര്‍ അക്കൗണ്ട് വഴി പുറത്തുവിട്ട വീഡിയോയിലൂടെയാണ് സന്ദേശം അറിയിച്ചത്.

ട്വിറ്ററില്‍ പോസ്റ്റ് ചെയ്ത വീഡിയോ, ഇത് സിറിയന്‍ കുഞ്ഞോമനകള്‍ക്ക് വേണ്ടിയാണ് എന്ന് പറഞ്ഞാണ് ആരംഭിക്കുന്നത്. പിന്തുണയാലും ആശ്വാസവാക്കുകളാലും പൊതിഞ്ഞ സന്ദേശത്തില്‍ ക്രിസ്റ്റ്യാനോ പറയുന്നു.

A message of hope to the children affected by the conflict in Syria. @SavetheChildren pic.twitter.com/Zsdvu2nuXd

— Cristiano Ronaldo (@Cristiano) December 23, 2016

‘ഒരു ലോക പ്രശസ്ത ഫുട്ബോളാറായിരിക്കാം ഞാന്‍, പക്ഷെ നിങ്ങളാണ് യഥാര്‍ത്ഥ ധീരര്‍. നിങ്ങളെല്ലാം എത്രത്തോളം ദുരിതമാണ് അനുഭവിക്കുന്നന്നതെന്ന് ഞങ്ങള്‍ അറിയുന്നുണ്ട്. നിങ്ങള്‍ പ്രതീക്ഷകളെ കൈവിടരുത്. നിങ്ങളെ കുറിച്ച് വളരെ ശ്രദ്ധാലുക്കളാണ് ഞങ്ങള്‍. ലോകം നിങ്ങള്‍ക്കൊപ്പമാണ്. ഞാനും നിങ്ങള്‍ക്കൊപ്പമുണ്ട്’.

പോച്ചുഗീസ് നായകനും റയല്‍ മാഡ്രിഡിന്റെ കുന്തമുനയുമായ ക്രിസ്റ്റ്യാനോ വികാരഭരിതനായി.
ഈ വര്‍ഷത്തെ ബാലന്‍ ഡി ഓര്‍ പുരസ്‌കാര നേട്ടത്തിനു ശേഷം ദുരിതമനുഭവിക്കുന്നവരുടെ നായനായാണ് ക്രിസ്റ്റ്യാനോ രംഗത്തെത്തിയത്. സിറിയന്‍ കുട്ടികളുടെ ക്ഷേമത്തിനായി വന്‍ തുകയാണ് സംഭാവനയായി നല്‍കിയിട്ടുണ്ട്.

നേരത്തെ 2011ല്‍ യൂറോപ്യന്‍ ഫുട്ബോളര്‍ ഓഫ് ദ ഇയറായി തെരഞ്ഞെടുക്കപ്പെട്ടപ്പോള്‍ ലഭിച്ച സുവര്‍ണ പാദുകം ലേലത്തിനുവച്ച് ലഭിച്ച 1.5 മില്യണ്‍ ഡോളര്‍ പലസ്തീന്‍ കുട്ടികളുടെ ചികിത്സ സഹായത്തിനായി നല്‍കിയിരുന്നു. കൂടാതെ റൊണാല്‍ഡോയുടെ ഷൂ കമ്പനി അദ്ദേഹം മത്സരത്തിനുപയോഗിക്കുന്ന ഷൂ ലേലത്തിന് വയ്ക്കുകയും അതിന് ലഭിച്ച 2000 പൗണ്ടിലേറെയുള്ള (ഏകദേശം ഒരുലക്ഷത്തിഎഴുപതിനായിരം രൂപ) തുകയും പലസ്തീന്‍ കുട്ടികള്‍ക്കായാണ് ക്രിസ്റ്റ്യാനോ സമര്‍പ്പിച്ചിരുന്നത്.

2015ലെ ഭൂകമ്പത്തെ തുടര്‍ന്ന് നേപ്പാളില്‍ ജീവിതം താറുമാറായപ്പോള്‍ അവിടുത്തെ ജനങ്ങള്‍ക്ക് വേണ്ടിയും റൊണാള്‍ഡോ ട്വിറ്ററിലൂടെ ലോകത്തോട് സഹായത്തിനായി അഭ്യര്‍ഥിച്ചിരുന്നു. തുടര്‍ന്നു നേപ്പാളിലെ കുട്ടികളുടെ തുടര്‍ന്നുള്ള ജീവിതത്തിനായി 50 കോടി രൂപ സംഭാവനലും റൊണാള്‍ഡോ നല്‍കി.

ക്ര്ിസറ്റിയാനോ ലോകത്തെ ഫുട്ബോള്‍ ഇതിഹാസം മാത്രമല്ല. ലോകത്തെ ലക്ഷകണക്കിന് വരുന്ന കുരുന്നകളുടെ പ്രതീക്ഷയാണ്. അദ്ദേഹത്തിനോട് തീര്‍ത്താല്‍ തീരാത്ത കടപ്പാടുണ്ടെന്നും സേവ് ദ ചില്‍ഡ്രന്റെ ഡയറക്ടര്‍ നിക്ക് ഫെന്നി പറഞ്ഞു.

അലപ്പോയില്‍ നടക്കുന്ന അക്രമങ്ങളാണ് ഇരുവരും ചര്‍ച്ച ചെയ്തത്. അലപ്പോയില്‍ സമാധാനം പുനസ്ഥാപിക്കാനുള്ള യുഎന്നിന്റെ ശ്രമങ്ങള്‍ക്ക് ഫലമായില്ല എന്നാണ് സൂചന. കഴിഞ്ഞ രണ്ട് ദിവസങ്ങളിലായി അലപ്പോയില്‍ കനത്ത വ്യോമാക്രമണമാണ് നടക്കുന്നത്. ബാരലല്‍ ബോംബാക്രമണവും രൂക്ഷമാണ്. കുട്ടികള്‍ വ്യാപകമായി കൊല്ലപ്പെടുന്നതും യുഎന്‍ പ്രതിനിധി ചര്‍ച്ച ചെയ്തു. കഴിഞ്ഞ ഒരു വര്‍ഷത്തിനിടെ എണ്ണിയാല്‍ ഒതുങ്ങാത്ത കുട്ടികളാണ് യുദ്ധത്തില്‍ കൊല്ലപ്പെട്ടത്. സ്‌കൂളുകള്‍ അടക്കമുള്ളിടത്ത് ബോംബാക്രമണങ്ങള്‍ നടക്കുന്നു. കഴിഞ്ഞ ദിവസം നടന്ന ബോംബാക്രമണത്തില്‍ സ്‌കൂള്‍ വിദ്യാര്‍ത്ഥികള്‍ ജീവനുവേണ്ടി പായുന്ന രംഗങ്ങള്‍ സ്വകാര്യ വാര്‍ത്താ ഏജന്‍സി റിപ്പോര്‍ട്ട് ചെയ്തിരുന്നു. ബോംബാക്രമണത്തില്‍ തകര്‍ന്നു വീണ കെട്ടിടത്തിന്റെ അവശിഷ്ടങ്ങള്‍ക്കിടയില്‍ നിന്നു പിഞ്ചു കുരുന്നിനെ രക്ഷപ്പെടുത്തുന്ന രംഗങ്ങളും സോഷ്യല്‍ മീഡിയയിലും സ്വകാര്യ ചാനലുകളിലും പ്രചരിച്ചിരുന്നു. സുരക്ഷിത സ്ഥാനങ്ങളിലേക്ക് ഓടിയൊളിക്കുന്ന കുരുന്നുകളുടെ രംഗങ്ങള്‍ കരളലിയിപ്പിക്കുന്നതാണെന്നു യുഎന്‍ സ്ഥാനപതി ചൂണ്ടിക്കാട്ടി. അലപ്പോ നഗരം മരുഭൂമിക്കു തുല്യമാണെന്നു വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. പോരാളികള്‍ മാത്രമാണ് നഗരങ്ങളില്‍ അവശേഷിക്കുന്നത്. കഴിഞ്ഞ 24 മണിക്കൂറിനുള്ളില്‍ 54 പേര്‍ കൊല്ലപ്പെട്ടു- ബ്രിട്ടന്‍ ആസ്ഥാനമായുള്ള സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ് എന്ന സംഘടന അറിയിച്ചു. മൂന്നു ദിവസങ്ങള്‍ക്കുള്ളില്‍ 103 സിവിലിയന്മാര്‍ കൊല്ലപ്പെട്ടു. ഇവരില്‍ 17 കുട്ടികളും ഉള്‍പ്പെടുന്നു.

മുതിര്‍ന്നവരാരും കൂടെയില്ലാതെ ക്യാമ്പില്‍ കഴിയുന്ന 1300ഓളം കുട്ടികളില്‍ ഏതാനും പേരെ ബ്രിട്ടന്‍ സ്വീകരിക്കും. ഏറെ പ്രയാസപ്പെടുന്ന അഭയാര്‍ത്ഥികളെ സ്വീകരിക്കാന്‍ അനുവദിക്കുന്ന നിയമപ്രകാരമാണ് അനാഥരായ കുട്ടികളെ ബ്രിട്ടന്‍ ഏറ്റെടുക്കുന്നത്. ഇവരില്‍ ആദ്യസംഘം ഇന്നലെ ബ്രിട്ടനിലെത്തി. പുതിയ അഭയാര്‍ത്ഥികള്‍ക്ക് സൗകര്യമൊരുക്കുന്നതിന് ഫ്രാന്‍സിലെ 450 ക്യാമ്പുകളില്‍ പുതുതായി 7500 കിടക്കകള്‍ കൊണ്ടുവന്നിട്ടുണ്ട്. മനുഷ്യാവകാശ സംഘടനകളുടെയും സന്നദ്ധ പ്രവര്‍ത്തകരുടെയും പ്രതിഷേധം വകവെക്കാതെയാണ് കലായിസ് അഭയാര്‍ത്ഥി ക്യാമ്പ് ഫ്രഞ്ച് അധികാരികള്‍ പൊളിച്ചുനീക്കുന്നത്. ക്യാമ്പിലെ അഭയാര്‍ത്ഥികള്‍ക്കെല്ലാം മാന്യമായ പരിഗണനയും പുനരധിവാസവും ഉറപ്പാക്കുമെന്ന് ഫ്രഞ്ച് ആഭ്യന്തര മന്ത്രി ബെര്‍ണാഡ് കസീന്‍ വ്യക്തമാക്കിയിട്ടുണ്ട്.

കഴിഞ്ഞ ഫെബ്രുവരിയിലും മാര്‍ച്ചിലും ജംഗിള്‍ ക്യാമ്പിന്റെ പകുതിയോളം ഭാഗം ഫ്രാന്‍സ് ഒഴിപ്പിച്ചിരുന്നു. അംഗസംഖ്യ വീണ്ടും ക്രമാതീതമായി വര്‍ധിച്ചു തുടങ്ങിയ സാഹചര്യത്തിലാണ് അധികൃതര്‍ ക്യാമ്പ് പൂര്‍ണമായും പൊളിച്ചുനീക്കാന്‍ തീരുമാനിച്ചത്. ക്യാമ്പ് ലക്ഷ്യമാക്കി കൂടുതല്‍ അഭയാര്‍ത്ഥികള്‍ എത്തിക്കൊണ്ടിരിക്കുകയാണെന്നും അത് ഒഴിവാക്കാന്‍ പൊളിച്ചുനീക്കുകയല്ലാതെ മറ്റു മാര്‍ഗമില്ലെന്നും അധികാരികള്‍ പറയുന്നു.
കലായിസില്‍നിന്ന് ബ്രിട്ടനിലേക്ക് കടക്കാനാണ് അഭയാര്‍ത്ഥികള്‍ ശ്രമിക്കുന്നത്. കുടിയേറ്റക്കാരെക്കൊണ്ട് വീര്‍പ്പുമുട്ടുന്ന നഗരത്തില്‍നിന്ന് ക്യാമ്പ് പൊളിച്ചുനീക്കണമെന്ന് ആവശ്യപ്പെട്ട് കലായിസിലെ ബിസിനസുകാരും ട്രക്കര്‍മാരും കൃഷിക്കാരും മറ്റും ഇവിടത്തെ പ്രധാന ഹൈവേ ഉപരോധിച്ചിരുന്നു. ബ്രിട്ടനിലേക്ക് പോകുന്ന ട്രക്കുകളും മറ്റ് വാഹനങ്ങളും അഭയാര്‍ത്ഥികള്‍ തടഞ്ഞുനിര്‍ത്തുക പതിവാണ്. അഭയാര്‍ത്ഥികളില്‍നിന്ന് വാഹനങ്ങളെ രക്ഷിക്കാന്‍ പ്രദേശത്ത്് രണ്ടായിരത്തോളം പൊലീസുകാരെ വിന്യസിച്ചിട്ടുണ്ട്.