ഇന്നലെ രാത്രി ഒന്‍പതരയോടെയാണു സംഭവം. എകെ 47 തോക്ക് ഉപയോഗിച്ചാണ് വെടിവെച്ചത്. മരിച്ച വിനീതിന്റെ മൃതദേഹം അരീക്കോട് ആശുപത്രിയിലാണ്. അവധി അനുവദിക്കാത്തതുമായി ബന്ധപ്പെട്ട് മാനസിക പ്രയാസത്തിലായിരുന്നുവെന്നു സൂചനയുണ്ട്. മാനസിക പീഡനം നേരിട്ടതായും റിപ്പോര്‍ട്ടുണ്ട്.

2011 തണ്ടര്‍ബോള്‍ട്ട് ബാച്ചിലെ അംഗമാണ് വിനീത്. 30 ദിവസത്തെ സൈനിക പരിശീലനത്തിനായി തണ്ടര്‍ബോള്‍ട്ട് ക്യാംപിലെത്തിയതായിരുന്നു വിനീത്.

ശ്രുതി ഒറ്റയ്ക്കാവില്ലെന്നും സഹോദരനായി എന്നും കൂടെയുണ്ടാവുമെന്നും ടി സിദ്ദിഖ് എംഎല്‍എ പറഞ്ഞു. ടി സിദ്ദിഖിന്റെ നേതൃത്വത്തിലാണ് ശ്രുതിയെ വീട്ടിലെത്തിച്ചത്. വാടകവീട്ടില്‍ ശ്രുതിക്കായി പ്രത്യേക കിടക്കയും സ്‌ട്രെച്ചറുമൊക്കെയൊരുക്കിയിട്ടുണ്ടെന്ന് സിദ്ദിഖ് അറിയിച്ചു. വീട്ടിലിരുന്ന് ജോലി ചെയ്യുന്നതിനായി ശ്രുതി ഒരു ലാപ് ടോപ്പ് ആവശ്യപ്പെട്ടിട്ടുണ്ടെന്നും അത് ശനിയാഴ്ച തന്നെ എത്തിക്കുമെന്നും അദ്ദേഹം പറഞ്ഞു. ചൂരല്‍മലയുടെ ഉയര്‍ത്തെഴുന്നേല്‍പ്പിന്റെ മുഖമാണ് ശ്രുതിയെന്നും സിദ്ദിഖ് കൂട്ടിച്ചേര്‍ത്തു.

തനിക്കൊരു കുറവും വരുത്താതെ എല്ലാം നല്ലതുപോലെ നോക്കിയെന്നും സഹോദരനെ പോലെയാണ് ടി സിദ്ദിഖ് കൂടെ നിന്നതെന്നും ശ്രുതി പറഞ്ഞു. ശ്രുതിയുടെ അച്ഛന്റെ രണ്ടു സഹോദരങ്ങളും കുടുംബമടക്കം അപകടത്തില്‍ മരണപ്പെട്ടിരുന്നു.

ശ്രുതിയും പിതൃസഹോദരങ്ങളുടെ മക്കളായ ലാവണ്യ, അനൂപ്, അരുണ്‍ എന്നിവരാണ് ദുരന്തത്തില്‍ അവശേഷിച്ചത്. ഇവരാണ് ശ്രുതിക്കൊപ്പം വാടകവീട്ടില്‍ ഉള്ളത്. ആശുപത്രിയില്‍ ചികിത്സയില്‍ ഇളവുകള്‍ നല്‍കിയിരുന്നു. ശേഷിച്ച തുക ലോക്‌സഭ പ്രതിപക്ഷ നേതാവ് രാഹുല്‍ ഗാന്ധിയാണ് അടച്ചത്.

വയനാട്ടില്‍ മനുഷ്യരുടെ ദീന രോദനം ഉയരുകയാണെന്ന് ടി സിദ്ധിഖ് എംഎല്‍എ ചൂണ്ടിക്കാട്ടി. മുഖ്യമന്ത്രി വയനാട്ടില്‍ എത്തി പ്രശ്ന പരിഹാരത്തിന് നേതൃത്വം നല്‍കണം. വയനാട് മെഡിക്കല്‍ കോളേജ് ശോചനീയവസ്ഥയുടെ ഇര കൂടിയാണ് ഇന്നലെ കാട്ടാന ആക്രമണത്തില്‍ കൊല്ലപ്പെട്ട വനംവകുപ്പ് വാച്ചര്‍ പോള്‍. ചികിത്സ നല്‍കാന്‍ വൈകിയത് പോളിന്റെ ജീവന്‍ നഷ്ടപ്പെടുന്നതിന് കാരണമായി. വയനാട് മെഡിക്കല്‍ കോളജില്‍ എയര്‍ ലിഫ്റ്റിംഗ് സൗകര്യം ഏര്‍പ്പെടുത്തണമെന്നും ടി സിദ്ധിഖ് എംഎല്‍എ ആവശ്യപ്പെട്ടു.

പോളിന്റെ മൃതദേഹവുമായി നാട്ടുകാര്‍ തെരുവില്‍ പ്രതിഷേധിക്കുകയാണ്. പുല്‍പ്പള്ളി ബസ് സ്റ്റാന്റിലാണ് മൃതദേഹം പൊതുദര്‍ശനത്തിന് വെച്ചത്. കുടുംബത്തിന്റെ ആവശ്യം അംഗീക്കാതെ മൃതദേഹം മാറ്റില്ലെന്നാണ് പ്രതിഷേധക്കാരുടെ നിലപാട്.

നാമനിര്‍ദേശ പത്രിക നല്‍കാനും സ്ഥാനാര്‍ഥി പര്യടനത്തിനുമായി രാഹുല്‍ ഗാന്ധി കേരളത്തില്‍ എത്തിയപ്പോള്‍ ടി.സിദ്ദിഖിനെ കൂടെ വന്ന പ്രിയങ്ക ഗാന്ധിക്കു പരിചയപ്പെടുത്തി നല്‍കിയിരുന്നു. തുടര്‍ന്ന് സിദ്ദിഖും രാഹുലും ചേര്‍ന്നു നില്‍ക്കുന്ന ഫോട്ടോയും പ്രിയങ്ക സ്വന്തം ഫോണില്‍ പകര്‍ത്തിയിരുന്നു. സിദ്ദിഖിനെ പരിചയപ്പെടുത്തിയപ്പോള്‍ രാഹുല്‍ ഉപയോഗിച്ച വാക്കു തന്നെയാണ് പ്രിയങ്ക ഫെയ്‌സ്ബുക്കില്‍ പങ്കുവെച്ചത്.

ഇതേ കാര്യം വെളിപ്പെടുത്തി ശാഫി പറമ്പില്‍ എം.എല്‍.എയും രംഗത്തെത്തിയിരുന്നു.

കോഴിക്കോട്: കരിപ്പൂര്‍ വിമാനത്താവളത്തില്‍ വെച്ച് ടി.സിദ്ദിഖിനെ കണ്ട മാത്രയില്‍ രാഹുല്‍ ഗാന്ധി കൂടെയുണ്ടായിരുന്ന പ്രിയങ്ക ഗാന്ധിക്ക് ഇങ്ങനെ പരിചയപ്പെടുത്തി: ഏറ്റവും നല്ല ചുമതലാ ബോധത്തോടെ ജോലി ചെയ്യുന്ന, മികച്ച ഡി.സി.സി പ്രസിഡന്റുമാരില്‍ ഒരാളാണിത്. തുടര്‍ന്ന് സിദ്ദിഖിനോട് ചേര്‍ന്നുനിന്ന് ഒരു ഫോട്ടോയെടുക്കണമെന്ന ആവശ്യമുയര്‍ത്തി രാഹുല്‍ ഗാന്ധി. അതേ പ്രകാരം സിദ്ദിഖ് ക്യമറയില്‍ പകര്‍ത്താന്‍ തുനിഞ്ഞെങ്കിലും ഫോണ്‍ ഓഫായി. ഉടനെ രാഹുല്‍ ഗാന്ധി പ്രിയങ്ക ഗാന്ധിയോട് ഫോണില്‍ തന്റെയും സിദ്ദിഖിന്റെയും ഫോട്ടോ പകര്‍ത്താന്‍ ആവശ്യപ്പെട്ടു.

രാഹുല്‍ ഗാന്ധി ടി. സിദ്ദിഖിനെ പരിഗണിച്ച വിധവും പ്രിയങ്കക്കു പരിചയപ്പെടുത്തിയ കാര്യവും പുറത്തു കൊണ്ടു വന്നിരിക്കുകയാണ് ശാഫി പറമ്പില്‍ എം.എല്‍.എ. തന്റെ ഫെയ്‌സ്ബുക്കിലാണ് ഇക്കാര്യം അദ്ദേഹം വെളിപ്പെടുത്തിയത്. രാഹുലിനെയും സിദ്ദിഖിനെയും ഫോട്ടോയെടുക്കുന്ന പ്രിയങ്കയുടെ ഫോട്ടോക്കൊപ്പമാണ് ശാഫി പറമ്പില്‍ ഇക്കാര്യങ്ങള്‍ രേഖപ്പെടുത്തിയത്.

ശാഫി പറമ്പിലിന്റെ ഫെയ്‌സ്ബുക് പോസ്റ്റിന്റെ പൂര്‍ണരൂപം:
പ്രിയങ്കയുടെ ഫ്രെയിമില്‍ രാഹുലിനൊപ്പം സിദ്ധീഖ് .

ഫ്രെയിമില്‍ മാത്രമാവില്ല സിദ്ധിഖാ അവരുടെ ഹൃദയത്തിലും നിങ്ങള്‍ക്കൊരു ഇടമുണ്ടാവും .
കേരളത്തിലെ ലക്ഷകണക്കിന് പാര്‍ട്ടി പ്രവര്‍ത്തകരുടെ മനസ്സിലും നിങ്ങള്‍ ഉയര്‍ന്ന് നില്‍ക്കും .

കോഴിക്കോട് വിമാനത്താവളത്തില്‍ വെച്ച് എല്ലാ നേതാക്കന്മാരുടെയും മുന്നില്‍ സിദ്ധിഖിനെ പ്രിയങ്കക്ക് രാഹുല്‍ ഗാന്ധി പരിചയപ്പെടുത്തി “One of the best DCC president and committed worker”.രാഷ്ട്രീയ കാര്യങ്ങള്‍ സംസാരിച്ച ശേഷം എല്ലാവരും ഒരുമിച്ച് ഫോട്ടോ എടുത്ത ശേഷം അദ്ദേഹം പറഞ്ഞു ഞാനും സിദ്ധീഖും തനിച്ചൊരെണ്ണം എടുക്കാമെന്ന് . അത് പകര്‍ത്തുന്നതിനിടയില്‍ സിദ്ധിഖിന്റെ ഫോണ്‍ ഓഫായി പോയി . ഉടനെ രാഹുല്‍ ഗാന്ധി പ്രിയങ്ക ഗാന്ധിയുടെ ഫോണില്‍ തന്റെയും സിദ്ധീഖിന്റെയും ഫോട്ടോ പകര്‍ത്താന്‍ പറഞ്ഞു . രാഹുല്‍ ഗാന്ധിയുടെ സന്തത സഹചാരി പകര്‍ത്തിയ ചിത്രമാണിത് .

സിദ്ധിഖ് എംപി യും എം എല്‍ എ യുമൊന്നും ആയിട്ടില്ല . കാസര്‍കോട്ടെ വിജയത്തോളം പോന്ന പരാജയം വലിയൊരു പോരാട്ടം തന്നെയായിരുന്നു . ഇപ്പൊ വയനാട് പോലൊരു സീറ്റില്‍ നിന്ന് മാറി നില്‍ക്കാന്‍ പറയുമ്പോഴും ഏതൊരു കോണ്‍ഗ്രസ്സ് പ്രവര്‍ത്തകനും കൊതിക്കുന്ന അംഗീകാരം എന്ന് പറഞ്ഞ് പിന്നെയും ഉത്തരവാദിത്തങ്ങള്‍ ഏറ്റെടുത്ത് സജീവമായി നില്‍ക്കാന്‍ നിങ്ങള്‍ക്ക് കഴിയുന്നത് പോലെ അധികമാളുകള്‍ക്ക് കഴിയില്ല . ബൂത്ത് പ്രസിഡന്റായാലും DCC പ്രസിഡന്റായാലും സിദ്ധിഖിനിണങ്ങുന്ന വിശേഷണം രാഹുല്‍ ഗാന്ധി പറഞ്ഞത് തന്നെയാണ് .. One of the best and most committed . അത് തന്നെയാണ് കേരളത്തിലെ ലക്ഷക്കണക്കിന് കോണ്‍ഗ്രസ്സ് പ്രവര്‍ത്തകര്‍ക്കും പറയാനുണ്ടാവുക.

കോഴിക്കോട്: വയനാട്ടില്‍ കോണ്‍ഗ്രസ് സ്ഥാനാര്‍ഥിയായി എ.ഐ.സി.സി അധ്യക്ഷന്‍ രാഹുല്‍ ഗാന്ധിയെ പ്രഖ്യാപിച്ചതില്‍ സന്തോഷം അറിയിച്ച്് ടി.സിദ്ദിഖ്. ഏറെ അഭിമാനവും സന്തോഷവുമുള്ള ദിവസമെന്ന് സിദ്ദിഖ് സന്തോഷം പ്രകടിപ്പിച്ചു. ബി.ജെ.പിക്കെതിരെ ഐക്യ ജനാധിപത്യ മുന്നണി നടത്തിയ സര്‍ജിക്കല്‍ സ്‌ട്രൈക്കാണ് രാഹുല്‍ ഗാന്ധിയുടെ സ്ഥാനാര്‍ഥി നിര്‍ണയം. ഇതോടെ ഇരുപത് സീറ്റുകളിലും കോണ്‍ഗ്രസിന് വിജയം സുനിശ്ചിതമായിരിക്കുകയാണെന്നും സിദ്ദിഖ് പറഞ്ഞു.

നേരത്തെ വയനാട് മണ്ഡലത്തില്‍ സിദ്ദിഖ് മത്സരിക്കുമെന്ന അനൗദ്യോഗിക റിപ്പോര്‍ട്ടുണ്ടായിരുന്നു. ഇതേ തുടര്‍ന്ന് സിദ്ദിഖ് പ്രചാരണവും ആരംഭിച്ചിരുന്നു. എന്നാല്‍ മണ്ഡലത്തില്‍ രാഹുല്‍ ഗാന്ധി ജനവിധി തേടുമെന്ന് കോണ്‍ഗ്രസ് നേതാക്കള്‍ സൂചന നല്‍കിയതോടെ സിദ്ദിഖ് രാഹുലിന് വേണ്ടി പിന്മാറുകയാണെന്ന് അറിയിക്കുകയായിരുന്നു.

എ.കെ ആന്റണിയാണ് രാഹുല്‍ ഗാന്ധി വയനാട്ടില്‍ മത്സരിക്കുമെന്ന പ്രഖ്യാപനം നടത്തിയത്.