ശനിയാഴ്ച ഉച്ചയോടെയാണ് ടീം മാനേജ്മെന്റ് ഗില്ലിനെ തീരുമാനം അറിയിച്ചത്. രണ്ട് മണിക്ക് നടന്ന പത്രസമ്മേളനത്തിലാണ് ചീഫ് സെലക്ടർ അജിത് അഗാർക്കർ ലോകകപ്പ് ടീം പ്രഖ്യാപിച്ചത്. ടീമിൽ ഇടംപിടിക്കുമെന്ന ആത്മവിശ്വാസത്തിലായിരുന്നു ഗിൽ. എന്നാൽ അവസാന നിമിഷം ലഭിച്ച അറിയിപ്പ് താരത്തെ മാനസികമായി തകർത്തുവെന്നാണ് സൂചന.

ഏഷ്യാകപ്പ് സമയത്ത് ടീമിലെത്തിയ ഗില്ലിന് ഓപ്പണർ സ്ഥാനത്ത് ശ്രദ്ധേയമായ പ്രകടനം കാഴ്ചവെക്കാൻ കഴിഞ്ഞിരുന്നില്ല. ഇതിനെ തുടർന്ന് മുൻതാരങ്ങളടക്കമുള്ളവർ ഗില്ലിനെതിരെ കടുത്ത വിമർശനം ഉയർത്തിയിരുന്നു. എങ്കിലും ടീമിലേക്കുള്ള സാധ്യത നിലനിൽക്കുമെന്ന് ഗിൽ കരുതിയിരുന്നു.

പരിക്കിനെ തുടർന്ന് ദക്ഷിണാഫ്രിക്കയ്‌ക്കെതിരായ നാലാം ട്വന്റി-20 മത്സരത്തിൽ നിന്ന് ഗില്ലിനെ ഒഴിവാക്കിയിരുന്നു. എന്നാൽ അവസാന മത്സരം കളിക്കാൻ താരം സന്നദ്ധനായിരുന്നെങ്കിലും ടീമിൽ ഉൾപ്പെടുത്തിയില്ല. പകരം ഓപ്പണറായെത്തിയ സഞ്ജു സാംസൺ മികച്ച പ്രകടനം നടത്തുകയും ചെയ്തു.

ഇതിനിടെ, ജനുവരിയിൽ ന്യൂസീലൻഡിനെതിരായ ഏകദിന പരമ്പരയ്ക്കുള്ള ടീമിനെ പ്രഖ്യാപിക്കാനുണ്ട്. ഈ പരമ്പരയിൽ ക്യാപ്റ്റനായി ഗിൽ തിരിച്ചെത്തുമെന്നാണ് വിവരം. പരിക്ക് കാരണം ദക്ഷിണാഫ്രിക്കയ്‌ക്കെതിരായ പരമ്പരയിൽ ഗിൽ കളിച്ചിരുന്നില്ല.

മറുപടി ബാറ്റിംഗിന് ഇറങ്ങിയ ഇംഗ്ലണ്ട് ഒരു വിക്കറ്റ് പോലും പോവാതെ 15.5 ഓവറില്‍ കളി തീര്‍ത്തു. അലക്‌സ് ഹയില്‍സ് (86) ക്യാപ്റ്റന്‍ ജോസ് ബട്ട്‌ലര്‍(80) എന്നിവരാണ് ഇംഗ്ലണ്ടിന് വേണ്ടി തിളങ്ങിയത്.

ഇതോടെ ഇന്ത്യ-പാകിസ്ഥാന്‍ എന്ന സ്വപ്ന ഫൈനലിന് ഇക്കുറിയും വിധി ഉണ്ടായില്ല. പാക്കിസ്ഥാന്‍-ഇംഗ്ലണ്ട് ഫൈനല്‍ പോരാട്ടം ഞായറാഴ്ച നടക്കും.

പാക്കിസ്താന്‍ കിവസിനെ തകര്‍ത്ത് അവസാന പോരാട്ടത്തിന് യോഗ്യത നേടിയതിനാല്‍ ക്രിക്കറ്റ് ലോകം കൊതിക്കുന്നത് ഇന്ത്യ-പാക് സ്വപ്‌ന ഫൈനലാണ്.ഇന്നലെ വാര്‍ത്താ സമ്മേളനത്തില്‍ സംസാരിക്കവെ പതിവ് സന്തോഷം രോഹിതിന്റെ മുഖത്ത് പ്രകടമായിരുന്നില്ല. അദ്ദേഹത്തിന് പരിശീലനത്തിനിടെ ചെറിയ പരുക്കേറ്റതാണോ കാരണം എന്നത് വ്യക്തമല്ല. പല ചോദ്യങ്ങള്‍ക്കും ഉത്തരമുണ്ടായിരുന്നില്ല. വിക്കറ്റിന് പിറകില്‍ ആരായിരിക്കും…? റിഷാഭ് പന്തോ അതോ ദിനേശ് കാര്‍ത്തിക്കോ…? ആ ചോദ്യത്തിന് ടീം ഇലവനായിട്ടില്ല എന്ന മറുപടി. ചാമ്പ്യന്‍ഷിപ്പില്‍ വ്യക്തിഗതമായി ഉയര്‍ന്ന സ്‌ക്കോര്‍ സമ്പാദിക്കാന്‍ നായകനായിട്ടില്ല. അഡലെയ്ഡ് ഓവലില്‍ ഇന്ന് അദ്ദേഹത്തിന്റെ ദിവസമായാല്‍ ഇന്ത്യക്ക് പേടിക്കാനില്ല. വിരാത് കോലി, സൂര്യകുമാര്‍ യാദവ്, കെ.എല്‍ രാഹുല്‍ എന്നിവരെല്ലാം നല്ല ഫോമിലാണ്. മുന്‍നിരക്കാര്‍ വലിയ സ്‌ക്കോര്‍ സമ്പാദിച്ചാല്‍ ഇംഗ്ലണ്ടിനെ വിറപ്പിക്കാനാവും. ബൗളിംഗില്‍ ഇന്ത്യ സ്ഥിരത പുലര്‍ത്തുന്നുണ്ട്. ഭുവനേശ്വര്‍ കുമാര്‍, മുഹമ്മദ് ഷമി, അര്‍ഷദിപ് സിംഗ്, ഹാര്‍ദിക് പേസ് സഖ്യങ്ങള്‍ നാലോവര്‍ വീതം ഭദ്രമായി പന്തെറിയുന്നുണ്ട്. സ്പിന്നറായി അശ്വിന്‍ തന്നെ വരും. അദ്ദേഹത്തിന്റെ ബാറ്റിംഗ് ടീമിന് കരുത്താണ്.

ജോസ് ബട്്‌ലര്‍ നയിക്കുന്ന ഇംഗ്ലീഷ് സംഘത്തില്‍ കിടിലന്‍ ബാറ്റര്‍മാരായി മോയിന്‍ അലി, അലക്‌സ് ഹെയില്‍സ്, ലിയാം ലിവിങ്‌സ്റ്റണ്‍, ബെന്‍ സ്റ്റോക്‌സ് തുടങ്ങിയവരുണ്ട്. ഇന്ത്യക്കെതിരെ മികവ് പ്രകടിപ്പിക്കുന്നവരാണ് ഇവര്‍. ബൗളിംഗില്‍ പക്ഷേ സാം കറനാണ് ഇംഗ്ലീഷ് ആയുധം. അതിവേഗക്കാര്‍ ടീമില്‍ ഇല്ല. ബെന്‍ സ്‌റ്റോക്‌സ്, ക്രിസ് വോഗ്‌സ്, സാം കറന്‍ എന്നീ ഓള്‍റൗണ്ടര്‍മരെ പക്ഷേ സൂക്ഷിക്കണം.

ഇന്ന് ടി-ലോകകപ്പ് ആദ്യ സെമിയില്‍ എസ്.സി.ജിയില്‍ ഇരുവരും മുഖാമുഖം വരുമ്പോള്‍ ആര് ജയിക്കും…? ഗ്യാലറിയില്‍ പാക്കിസ്താന്‍ ഫാന്‍സ് നിറയുമ്പോള്‍ ആ സമര്‍ദ്ദത്തെ തരണം ചെയ്യാന്‍ ബബര്‍ അസമിന്റെ സംഘത്തിനായാല്‍ ജയിക്കാം. പക്ഷേ നാല് കിടിലന്‍ പേസര്‍മാരുമായി ബബറിനെയും റിസ്‌വാനെയും വെല്ലുവിളിക്കുന്ന കിവീസ് ആരെയും മറിച്ചിടാന്‍ പ്രാപ്തരുമാണ്. ഉച്ചതിരിഞ്ഞ് 1-30 മുതല്‍ ആരംഭിക്കുന്ന അങ്കത്തിന് മഴ ഭീഷണിയില്ല. എസ്.സി.ജി നല്ല ബാറ്റിംഗ് ട്രാക്കാണ്. ആദ്യം ബാറ്റ് ചെയ്യുന്നവര്‍ 200 പ്ലസ് നേടിയാല്‍ പോലും അല്‍ഭുതപ്പെടാനില്ല.

നാളെ ആദ്യ സെമിയില്‍ പാക്കിസ്താന്‍ ന്യുസിലന്‍ഡുമായി കളിക്കുന്നു. ചാമ്പ്യന്‍ഷിപ്പിലെ ആദ്യ രണ്ട് മല്‍സരങ്ങളില്‍ തകര്‍ന്ന ശേഷം അവസാന മൂന്ന് മല്‍സരങ്ങള്‍ ജയിച്ചാണ് പാക്കിസ്താന്‍ സെമിയിലെത്തിയിരിക്കുന്നത്. അവരുടെ മധ്യനിര കരുത്ത് കാണിക്കുമ്പോള്‍ കിവീസ് മികവ് അവരുടെ പേസ് അറ്റാക്കാണ്. ഇന്ത്യ ബുധനാഴച്ച ഇംഗ്ലണ്ടിനെയാണ് നേരിടുന്നത്. ശക്തമായ സംഘമാണ് ജോസ് ബട്‌ലറുടേത്. പക്ഷേ വിരാത് കോലിയും സൂര്യകുമാര്‍ യാദവുമെല്ലാം ഫോമില്‍ നില്‍ക്കുമ്പോള്‍ ഇന്ത്യ സെമി അതിജയിക്കാനാണ് വ്യക്തമായ സാധ്യത. സെമിയില്‍ ഇന്ത്യയും പാക്കിസ്താനും കടന്നു കയറിയാല്‍ ഞായറാഴ്ച്ച നടക്കാന്‍ പോവുന്നത് സുന്ദരമായ കലാശമായിരിക്കും.

സമീപകാല രാജ്യാന്തര ക്രിക്കറ്റ് കണ്ട ഏറ്റവും മികച്ച മല്‍സരമായിരുന്നു ഇന്ത്യയും പാക്കിസ്താനും തമ്മില്‍ നടന്നത്. ഏറ്റവുമധികം ആളുകള്‍ കണ്ട മല്‍സരം. ഏറ്റവുമധികം ചര്‍ച്ച ചെയ്യപ്പെട്ട പോരാട്ടം. വിവാദങ്ങള്‍ കത്തിയപ്പോഴും രണ്ട് ടീമുകളും സമാധാനത്തോടെ പിരിഞ്ഞ മല്‍സരം. പാക്കിസ്താന്‍ നിരയില്‍ നായകന്‍ ബബര്‍ അസം, മുഹമ്മദ് റിസ്‌വാന്‍ എന്നിവര്‍ ഫോമിലേക്ക് വന്നിട്ടില്ല. ഇന്ത്യയാവട്ടെ സൂര്യകുമാര്‍ യാദവിന്റെ കരുത്തിലാണ്. അസാമാന്യ മികവില്‍ കളിക്കുന്ന മധ്യനിരക്കാരനും വിരാത് കോലിയും ചേരുമ്പോള്‍ മധ്യനിരയാണ് ഇന്ത്യന്‍ പ്ലസ്. മെല്‍ബണിലെ വലിയ വേദിയില്‍ സുര്യകുമാറും കോലിയും മിന്നി നില്‍ക്കുമ്പോള്‍ ഇന്ത്യ-പാക് ഫൈനല്‍ എം.സി.ജിയെ മാത്രമല്ല നിറക്കുക ക്രിക്കറ്റ് മനസുകളെയും ആനന്ദ തീരത്ത് എത്തിക്കും.