ഒരാഴ്ചത്തെ സന്ദര്‍ശനത്തിനായി ഇന്ത്യയിലെത്തിയ മുത്താഖി തന്റെ മുന്‍ മാധ്യമ ഇടപെടലില്‍ വനിതാ മാധ്യമപ്രവര്‍ത്തകരെ ഉള്‍പ്പെടുത്താത്തതിനെ തുടര്‍ന്ന് വിമര്‍ശനങ്ങള്‍ ഏറ്റുവാങ്ങിയിരുന്നു.

എഡിറ്റേഴ്സ് ഗില്‍ഡ് ഓഫ് ഇന്ത്യയും ഇന്ത്യന്‍ വിമന്‍സ് പ്രസ് കോര്‍പ്സും (ഐഡബ്ല്യുപിസി) വനിതാ മാധ്യമപ്രവര്‍ത്തകരെ ഒഴിവാക്കുന്നത് ”വളരെ വിവേചനപരം” എന്ന് വിശേഷിപ്പിച്ചിരുന്നു.

വെള്ളിയാഴ്ചത്തെ പ്രസറില്‍ നിന്ന് വനിതാ മാധ്യമപ്രവര്‍ത്തകരെ ഒഴിവാക്കിയതുമായി ബന്ധപ്പെട്ട വിവാദത്തോട് പ്രതികരിക്കവെ, സംഭവം മനഃപൂര്‍വമല്ലെന്നും സാങ്കേതിക പ്രശ്നത്തിന്റെ ഫലമാണെന്നും മുത്താഖി പറഞ്ഞു.

‘ഞങ്ങള്‍ക്ക് സമയം കുറവായിരുന്നു, അതിനാല്‍ ഞങ്ങള്‍ കുറച്ച് പത്രപ്രവര്‍ത്തകരെ ക്ഷണിച്ചു’ എന്ന് അദ്ദേഹം ആവര്‍ത്തിച്ചു, കൂടാതെ ‘ആരുടെയും അവകാശങ്ങള്‍-പുരുഷന്മാരുടെയോ സ്ത്രീകളുടെയോ-നിഷേധിക്കാന്‍ പാടില്ല’ എന്നും കൂട്ടിച്ചേര്‍ത്തു.

2021-ല്‍ അഫ്ഗാനിസ്ഥാനില്‍ താലിബാന്‍ അധികാരത്തില്‍ തിരിച്ചെത്തിയതിന് ശേഷമുള്ള തന്റെ ആദ്യ ഔദ്യോഗിക സന്ദര്‍ശനത്തിനായി മുതിര്‍ന്ന താലിബാന്‍ നേതാവായ മുത്താഖി വ്യാഴാഴ്ച ന്യൂഡല്‍ഹിയിലെത്തി. ഉഭയകക്ഷി വ്യാപാരം, മാനുഷിക സഹായം, സുരക്ഷാ സഹകരണം എന്നിവയെക്കുറിച്ച് ചര്‍ച്ച ചെയ്യാന്‍ അദ്ദേഹം വെള്ളിയാഴ്ച വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തി.

അതേസമയം സ്ത്രീകള്‍ക്ക് വിദ്യാഭ്യാസം ഹറാമായി പ്രഖ്യാപിച്ചിട്ടില്ലെന്നും താലിബാന്‍ വിദേശകാര്യ മന്ത്രി അമീര്‍ ഖാന്‍ മുത്തഖി പറഞ്ഞു. ഞങ്ങളുടെ സ്‌കൂളുകളില്‍ 10 ദശലക്ഷം വിദ്യാര്‍ഥികള്‍ പഠിക്കുന്നുണ്ടെന്നും അതില്‍ 2.8 ദശലക്ഷം പെണ്‍കുട്ടികളാണെന്നും മുത്തഖി പറഞ്ഞു.

സ്ത്രീകളുടെ അവകാശങ്ങള്‍, വിദ്യാഭ്യാസം, പൊതുപങ്കാളിത്തം എന്നിവയെ നിയന്ത്രിക്കുന്ന നയങ്ങളില്‍ തുടര്‍ച്ചയായി വിമര്‍ശനങ്ങള്‍ നിലനില്‍ക്കുന്നുണ്ടെങ്കിലും പ്രാദേശിക രാജ്യങ്ങളുമായി വീണ്ടും ഇടപഴകാനുള്ള താലിബാന്‍ സര്‍ക്കാരിന്റെ ശ്രമങ്ങള്‍ക്കിടയിലാണ് അദ്ദേഹത്തിന്റെ സന്ദര്‍ശനം.

അഫ്ഗാനിസ്താന്‍ അതിര്‍ത്തിയോട് ചേര്‍ന്ന ഖൈബര്‍ പഖ്തൂന്‍ഖ്വാ പ്രവിശ്യയിലെ വിവിധ ജില്ലകളിലായിരുന്നു ആക്രമണം. വെള്ളിയാഴ്ച രാത്രി ദേരാ ഇസ്മായില്‍ ഖാന്‍ ജില്ലയിലെ പൊലീസ് ട്രെയിനിങ് സ്‌കൂളിന് നേരെ നടന്ന ചാവേര്‍ ആക്രമണം ഏറ്റവും രൂക്ഷമായതായിരുന്നു.

സ്‌ഫോടകവസ്തുക്കള്‍ നിറച്ച ട്രക്ക് ഉപയോഗിച്ച് പ്രധാന ഗേറ്റ് ഇടിച്ചുതകര്‍ത്ത് ഭീകരര്‍ അകത്തേക്ക് കയറി. തുടര്‍ന്ന് വന്‍ സ്‌ഫോടനവും വെടിവയ്പ്പും നടന്നു. അഞ്ച് മണിക്കൂറോളം നീണ്ട ഏറ്റുമുട്ടലില്‍ ഏഴ് പൊലീസ് ഉദ്യോഗസ്ഥര്‍ കൊല്ലപ്പെട്ടു, 13 പേര്‍ക്ക് പരിക്കേറ്റു.

എസ്എസ്ജി കമാന്‍ഡോകളും അല്‍-ബുര്‍ഖ സേനയും ചേര്‍ന്നാണ് പ്രത്യാക്രമണം നടത്തിയത്. ആറു ഭീകരരെ വധിച്ചതായാണ് റിപ്പോര്‍ട്ട്. ട്രെയിനിങ് സെന്ററിലുണ്ടായിരുന്ന പൊലീസുകാരെയും ജീവനക്കാരെയും സുരക്ഷിത കേന്ദ്രങ്ങളിലേക്ക് മാറ്റി.

പാകിസ്താനില്‍ കഴിഞ്ഞ മാസങ്ങളിലായി താലിബാന്‍ ആക്രമണങ്ങള്‍ വര്‍ധിച്ച സാഹചര്യത്തിലാണ് ഈ സംഭവം രാജ്യത്തെ സുരക്ഷാ ഏജന്‍സികള്‍ക്ക് പുതിയ വെല്ലുവിളിയായി മാറിയിരിക്കുന്നത്.

താലിബാന്‍ വക്താവ് സബീഹുള്ള മുജാഹിദ് ട്രംപിന്റെ വാദങ്ങള്‍ യാഥാര്‍ത്ഥ്യബോധത്തോടെയും യുക്തിയോടെയും പരിഗണിക്കണമെന്നും, അഫ്ഗാനിസ്ഥാന്റെ ഒരിഞ്ച് മണ്ണുപോലും അമേരിക്കയ്ക്ക് വിട്ടുനല്‍കില്ലെന്നും വ്യക്തമാക്കി.

ബഗ്രാം വ്യോമതാവളം കാബൂളില്‍നിന്ന് 64 കിലോമീറ്റര്‍ അകലെയാണ്. ട്രംപിന്റെ ഭീഷണികള്‍ക്കിടയിലും താലിബാന്‍ നിലപാട് ഉറച്ചതായാണ് റിപ്പോര്‍ട്ട്.

2022 ജൂലൈയില്‍ സുഹൃത്തുക്കളോടൊപ്പം മെനോര്‍ക്ക ദ്വീപിലേക്കുള്ള യാത്രാമധ്യേ ഈസിജെറ്റ് വിമാനത്തില്‍ സ്‌ഫോടനം നടത്തുമെന്ന് സ്‌നാപ്ചാറ്റിലൂടെ ആദിത്യ വര്‍മ പറയുകയായിരുന്നു. താന്‍ താലിബാന്‍ അംഗമാണെന്നും ഗാറ്റ്വിക്ക് വിമാനത്താവളത്തില്‍ നിന്ന് പുറപ്പെടുന്നതിന് മുന്‍പേ ആദിത്യ വര്‍മ സോഷ്യല്‍ മിഡിയയില്‍ കുറിച്ചിരുന്നു.

ബാത് യൂണിവേഴ്‌സിറ്റിയിലെ ഇക്കണോമിക്‌സ് വിദ്യാര്‍ത്ഥിയാണ് പതിനെട്ടുകാരനായ ആദിത്യവര്‍മ. ബ്രിട്ടീഷ് രഹസ്യാന്വേഷണ ഏജന്‍സികളായ ങ15ഉം ങ16ഉം ഇയാളെ ചോദ്യം ചെയ്തിരുന്നു. ഒരിക്കലും പൊതുജന ദുരിതം ഉണ്ടാക്കുകയോ പൊതുജനങ്ങളെ ഉപദ്രവിക്കുകയോ ചെയ്യരുതെന്ന് വിചാരണ വേളയില്‍ കോടതി ഇയാള്‍ക്ക് താക്കീത് നല്‍കി. കുറ്റക്കാരനെന്ന് കണ്ടെത്തിയാല്‍ കനത്ത പിഴയും ഒടുക്കേണ്ടിവരും.

ആദിത്യ വര്‍മയുടെ സന്ദേശം വന്നതിന് പിന്നാലെ വിവരം യുകെ സുരക്ഷാസേന സ്പാനിഷ് അധികൃതര്‍ക്കും കൈമാറി. പിന്നാലെ രണ്ട് സ്പാനിഷ് എഫ് 18 യുദ്ധവിമാനങ്ങളും അയച്ചു. മെനോര്‍ക്കയില്‍ ഇറങ്ങുന്നത് വരെ അവ ജെറ്റ് വിമാനത്തെ പിന്തുടരുകയായിരുന്നു. ഈ യുദ്ധവിമാനങ്ങള്‍ ഈസിജെറ്റിന് ചുറ്റും വട്ടമിട്ട് പറക്കുന്നത് കണ്ടപ്പോള്‍ എന്താണ് തോന്നിയതെന്ന ചോദ്യത്തിന്, ‘റഷ്യഉക്രെയ്ന്‍ യുദ്ധം നടക്കുകയാണ്, അതിനാല്‍ ഇത് ആ സംഘട്ടനവുമായി ബന്ധപ്പെട്ട സൈനികാഭ്യാസമാണെന്ന് ഞാന്‍ കരുതി’ എന്ന് വര്‍മ്മ പറഞ്ഞു.

ചെയ്തത് തമാശയാണെന്നും കൂട്ടുകാര്‍ക്ക് അയച്ചുകൊടുക്കാന്‍ സൃഷ്ടിച്ച സന്ദേശമാണെന്നും ആദിത്യ വര്‍മ കോടതിയില്‍ പറഞ്ഞു. സ്‌കൂള്‍ കാലംമുതലേ ഇത്തരം തമാശകള്‍ ചെയ്യാറുണ്ടെന്നും ആളുകളെ ചിരിപ്പിക്കാന്‍ വേണ്ടി മാത്രമാണിതെന്നും ആദിത്യ വര്‍മ പറഞ്ഞു. എന്നാല്‍ ബോംബ് വിവരം വന്നതോടെ വിമാനത്തിന്റെ പൈലറ്റ് ഉടന്‍ അപായ അറിയിപ്പ് നല്‍കിയിരുന്നു.

അബദ്ധത്തില്‍ അയച്ച ഒരു സിഗ്‌നല്‍ കാരമം യുദ്ധവിമാനങ്ങള്‍ സ്‌ക്രാംബ്ലിങ് ചെയ്യപ്പെട്ടിരുന്നു. ഇതിനുള്ള പിഴയും പ്രതിയില്‍ നിന്ന് ഈടാക്കും. വര്‍മ്മയ്‌ക്കെതിരെ തീവ്രവാദ ആരോപണങ്ങളോ ജയില്‍ ശിക്ഷയോ ഇല്ലെങ്കിലും കുറ്റക്കാരനാണെന്ന് കണ്ടെത്തിയാല്‍ 22,500 യൂറോ (19,300 പൗണ്ട്) വരെ പിഴ ചുമത്താം. കൂടാതെ സ്‌ക്രാംബ്ലിങ് ചെയ്യപ്പെട്ടതിനാല്‍ സ്പാനിഷ് പ്രതിരോധ മന്ത്രാലയം ചെലവായി 95,000 യൂറോയും പിഴയായി ആവശ്യപ്പെട്ടിട്ടുണ്ട്.

താലിബാന്‍ അധികാരമേറ്റെടുത്തതു മുതല്‍ മുന്‍ ഉദ്യോഗസ്ഥരുടെയും സൈനികരുടെയും സ്ഥിതി കൂടുതല്‍ ദയനീയമാണ്. ദുരൂഹ മരണങ്ങള്‍ വര്‍ദ്ധിച്ചു. എന്നാല്‍ യു.എന്‍ റിപ്പോര്‍ട്ടിലെ ആരോപണങ്ങള്‍ താലിബാന്‍ ഭരണകൂടം തള്ളി. യു.എന്‍ ആരോപണങ്ങള്‍ രാഷ്ട്രീയ പ്രേരിതമാണെന്ന് താലിബാന്‍ വക്താവ് സുഹൈല്‍ ഷഹീം പറഞ്ഞു. കാണാതായവര്‍ കൊല്ലപ്പെട്ടതായി യു.എന്‍ ഉദ്യോഗസ്ഥര്‍ക്ക് എന്താണ് ഉറപ്പുള്ളതെന്ന് അദ്ദേഹം ചോദിച്ചു.

”തെരഞ്ഞെടുപ്പില്‍ ട്രംപ് വിജയിക്കുമെന്നും അഫ്ഗാനിസ്ഥാനിലെ യുഎസ് സൈനിക സാന്നിധ്യം അദ്ദേഹം അവസാനിപ്പിക്കുമെന്നും ഞങ്ങള്‍ പ്രതീക്ഷിക്കുന്നു, മുതിര്‍ന്ന താലിബാന്‍ നേതാവ് സിബിഎസ് ന്യൂസിനോട് പറഞ്ഞു. കൊവിഡ് പശ്ചാത്തലത്തില്‍ നടക്കുന്ന അമേരിക്കന്‍ പ്രസിഡന്റ് തെരഞ്ഞെടുപ്പില്‍ ട്രംപിന്റെ ആരോഗ്യത്തില്‍ താലിബാന്‍ ആശങ്ക പ്രകടിപ്പിച്ചു. ട്രംപിന് കോവിഡ് പോസിറ്റീവ് ആണെന്ന് കേട്ടപ്പോള്‍, അദ്ദേഹത്തിന്റെ ആരോഗ്യത്തെക്കുറിച്ച് ഞങ്ങള്‍ ആശങ്കാകുലരായിരുന്നു, പക്ഷേ അദ്ദേഹം സുഖം പ്രാപിക്കുന്നുവെന്ന് തോന്നുന്നു,” മറ്റൊരു താലിബാന്‍ മുതിര്‍ന്ന നേതാവ് സിബിഎസ് ന്യൂസിനോട് പറഞ്ഞു.

അതേസമയം ട്രംപിന് താലിബാന്‍ പിന്തുണനല്‍കിയെന്ന വാര്‍ത്ത റിപ്പബ്ലിക്കന്‍ പാര്‍ട്ടിക്ക് വലിയ തലവേദനയാണ് സൃഷ്ടിച്ചിരിക്കുന്നത്. താലിബാന്റെ പിന്തുണ തങ്ങള്‍ക്കാവശ്യമില്ലെന്ന് ട്രംപിന്റെ പ്രതിനിധി അറിയിച്ചു. ”അമേരിക്കന്‍ പ്രസിഡന്റ് അമേരിക്കന്‍ താത്പര്യങ്ങള്‍ എന്തു വിലകൊടുത്തും സംരക്ഷിക്കുമെന്നത് താലിബാന്‍ ഓര്‍ക്കണമെന്ന് ട്രംപ് വക്താവ് ടിം മുര്‍ട്ടോഗ് സി.ബി.എസിനോട് പറഞ്ഞു.

അടുത്ത ക്രിസ്തുമസോടെ അഫ്ഗാനിസ്ഥാനിലെ എല്ലാ അമേരിക്കന്‍ സേനയേയും പിന്‍വലിക്കുമെന്ന ട്രംപിന്റെ പ്രഖ്യാപനത്തിന് പിന്നാലെയാണ്
യുഎസ് പ്രസിഡന്റ് ട്രംപിന് അനുകൂലമായി താലിബാന്‍ രംഗത്തെത്തിയത്. 19 വര്‍ഷത്തെ നീണ്ട യുദ്ധത്തിന് ശേഷം യുഎസ് സൈനികരെ പൂര്‍ണ്ണമായും അഫ്ഗാനിസ്ഥാനില്‍ നിന്ന് പുറത്താക്കുകയാണ് ലക്ഷ്യമെന്ന് ട്രംപ് വ്യക്തമാക്കിയിരുന്നു.

ട്രംപ് ഭരണകൂടം ഫെബ്രുവരിയില്‍ താലിബാനുമായി ചരിത്രപരമായ കരാറില്‍ ഒപ്പുവെച്ചിരുന്നു. ദോഹയില്‍ വെച്ച് താലിബാനുമായി നടന്ന ചര്‍ച്ചയിലാണ് അഫ്ഗാനില്‍ നിന്ന് അമേരിക്കന്‍ സൈന്യം പിന്മാറ്റം നടത്തുന്നതായി അമേരിക്ക ധാരണയിലെത്തിയത്. ഇപ്പോള്‍ അഫ്ഗാനിസ്ഥാനില്‍ അയ്യായിരത്തില്‍ താഴെ യുഎസ് സൈനികരുണ്ട്, അടുത്ത വര്‍ഷം ആദ്യം 2,500 ആയി കുറയുമെന്ന് ദേശീയ സുരക്ഷാ ഉപദേഷ്ടാവ് റോബര്‍ട്ട് ഓബ്രിയന്‍ പറഞ്ഞു.

അമേരിക്കയുമായി മാത്രമേ സമാധാന ചര്‍ച്ചക്കുള്ളൂ എന്നാണ് താലിബാന്റെ ദീര്‍ഘകാല നിലപാട്. അഫ്ഗാന്‍ പ്രതിനിധികളുടെ സാന്നിദ്ധ്യമില്ലാതെ താലിബാനുമായി നേരിട്ട് ചര്‍ച്ച നടത്തിയത് അഫ്ഗാന്‍ വിഷയത്തിലെ യു.എസ് സമീപനത്തില്‍ കാതലമായ മാറ്റംവരുത്തിയതിന്റെ സൂചനയായാണ് വിലയിരുത്തപ്പെടുന്നത്. യു.എസ്-താലിബാന്‍ രഹസ്യ കൂടിക്കാഴ്ച ആദ്യ റിപ്പോര്‍ട്ട് ചെയ്തത് വാള്‍സ്ട്രീറ്റ് ജേണലാണ്.

കാബൂളില്‍ രണ്ട് ഉന്നത താലിബാന്‍ നേതാക്കളും കൂടിക്കാഴ്ച സ്ഥിരീകരിച്ചതായി ബി.ബി.സി പറയുന്നു. ദോഹയില്‍ താലിബാന്റെ രാഷ്ട്രീയ ഓഫീസ് മേധാവി അബ്ബാസ് സ്താനിക്‌സായുടെ നേതൃത്വത്തിലുള്ള ആറംഗ പ്രതിനിധി സംഘമാണ് ചര്‍ച്ചയില്‍ പങ്കെടുത്തതെന്ന് അവര്‍ വെളിപ്പെടുത്തി. യു.എസ് സ്‌റ്റേറ്റ് ഡിപ്പാര്‍ട്‌മെന്റിന്റെ ദക്ഷിണ, മധ്യേഷ്യന്‍ ബ്യൂറോ മേധാവിയായ വെല്‍സ് അഫ്ഗാന്‍ സമാധാന വിഷയം ചര്‍ച്ച ചെയ്യാനും ഖത്തര്‍ ഉദ്യോഗസ്ഥരെ കാണാനും ദോഹയിലുള്ളതായി അമേരിക്ക സ്ഥിരീകരിച്ചിട്ടുണ്ട്.

താലിബാന്‍ നേതാക്കളെ കണ്ട വിവരം സ്ഥിരീകരിക്കാനോ നിഷേധിക്കാനോ സ്‌റ്റേറ്റ് ഡിപ്പാര്‍ട്‌മെന്റ് ഉദ്യോഗസ്ഥര്‍ തയാറായിട്ടില്ല. ഉന്നതതല സമാധാന ചര്‍ച്ചകള്‍ക്കുവേണ്ടി സ്ഥിരം സംവിധാനം ഒരുക്കുന്നതിനുള്ള പ്രാഥമിക ചര്‍ച്ചകളാണ് നടന്നതെന്ന് ഒരു താലിബാന്‍ നേതാവ് പറഞ്ഞു.
അധികം വൈകാതെ വീണ്ടും യോഗം ചേരാനും ചര്‍ച്ചയിലൂടെ അഫ്ഗാന്‍ പ്രശ്‌നം പരിഹരിക്കാന്‍ തീരുമാനിച്ചതായും മറ്റൊരു താലിബാന്‍ നേതാവ് അറിയിച്ചു.

അഫ്ഗാന്‍ ഉദ്യോഗസ്ഥരുടെ സാന്നിദ്ധ്യത്തില്‍ മാത്രമാണ് തങ്ങള്‍ ചര്‍ച്ചക്കുള്ളതെന്ന അമേരിക്കന്‍ നിലപാടാണ് വെല്‍സ്-താലിബാന്‍ കൂടിക്കാഴ്ചയോടെ തിരുത്തിയിരിക്കുന്നത്. 2013ല്‍ ദോഹയില്‍ അമേരിക്ക നേരിട്ട് ചര്‍ച്ചക്ക് ഒരുങ്ങിയിരുന്നെങ്കിലും അന്നത്തെ അഫ്ഗാന്‍ പ്രസിഡന്റ് ഹമീദ് കര്‍സായിയയുടെ എതിര്‍പ്പിനെ തുടര്‍ന്ന് പരാജയപ്പെടുകയാണുണ്ടായത്.

എന്നാല്‍ ഗനിയുടെ ഒത്തുതീര്‍പ്പ് നിര്‍ദേശത്തോട് താലിബാന്റെ പ്രതികരണം വന്നിട്ടില്ല. നേതൃത്വത്തില്‍നിന്നുള്ള നിര്‍ദേശത്തിനുവേണ്ടി കാത്തിരിക്കുകയാണ് തങ്ങളെന്ന് ഒരു താലിബാന്‍ വക്താവ് പറഞ്ഞു. യുദ്ധത്തിന് സമാധാപരമായ പരിഹാരം കാണുന്നതിന് അമേരിക്കയുമായി നേരിട്ട് ചര്‍ച്ച നടത്താന്‍ തയാറാണെന്ന് താലിബാന്‍ അറിയിച്ചിരുന്നു. എന്നാല്‍ അഫ്ഗാന്‍ ഭരണകൂടവുമായുള്ള ചര്‍ച്ചയെക്കുറിച്ച് പ്രസ്താവനയില്‍ പരാമര്‍ശമുണ്ടായിരുന്നില്ല. അമേരിക്കയുടെ തണലില്‍ പ്രവര്‍ത്തിക്കുന്ന അഫ്ഗാന്‍ ഭരണകൂടവുമായി ചര്‍ച്ചക്കില്ലെന്നായിരുന്നു മുന്‍കാലങ്ങളില്‍ താലിബാന്റെ നിലപാട്.

ചര്‍ച്ചക്ക് തയാറായാല്‍ താലിബാനെ ഔദ്യോഗിക രാഷ്ട്രീയ പാര്‍ട്ടിയായി അംഗീകരിക്കാമെന്നും അന്താരാഷ്ട്ര കരിമ്പട്ടികയില്‍നിന്ന് ഒഴിവാക്കാമെന്നും അഷ്‌റഫ് ഗനി ഉറപ്പുനല്‍കി. ‘ഇനി തീരുമാനം എടുക്കേണ്ടത് താലിബാനാണ്. സമാധാനത്തെ സ്വീകരിക്കൂ. നമുക്ക് ഈ രാജ്യത്തെ സമാധാനത്തിലേക്കും സുസ്ഥിരതയിലേക്കും കൊണ്ടുവരാം’-അദ്ദേഹം പറഞ്ഞു. കാബൂളില്‍ നടന്ന സമാധാന സമ്മേളനത്തില്‍ 25 രാജ്യങ്ങളുടെയും സംഘടനകളുടെയും പ്രതിനിധികള്‍ പങ്കെടുത്തു. 2001ല്‍ അമേരിക്കന്‍ അധിനിവേശ സേന താലിബാനെ അധികാരത്തില്‍നിന്ന് പുറത്താക്കിയ ശേഷം തുടങ്ങിയ യുദ്ധത്തില്‍ ഒരു ലക്ഷത്തിലേറെ പേര്‍ കൊല്ലപ്പെട്ടിട്ടുണ്ടെന്നാണ് കണക്ക്. അഫ്ഗാനില്‍ താലിബാന്‍ ഇപ്പോഴും ശക്തമാണ്. താലിബാന്റെ ആക്രമണത്തിനു മുന്നില്‍ പിടിച്ചുനില്‍ക്കാന്‍ അമേരിക്കക്കും സഖ്യകക്ഷികള്‍ക്കും സാധിക്കുന്നില്ല. എത്രയും വേഗം അഫ്ഗാനില്‍നിന്ന് തലയൂരാനാണ് അവര്‍ ശ്രമിക്കുന്നത്.