മുഖ്യമന്ത്രിക്കും മന്ത്രിമാർക്കുമെതിരെ ആരോപണം ;സംസ്ഥാന ബിജെപി അധ്യക്ഷനെതിരെ തമിഴ്നാട് സർക്കാർ മാനനഷ്ടക്കേസ് ഫയൽ ചെയ്തു

webdesk15 — Wed, 10 May 2023 09:41:07 +0000

മുഖ്യമന്ത്രിക്കും ഡി.എം.കെ മന്ത്രിമാർക്കും എതിരെ അഴിമതി ആരോപണങ്ങൾ ഉന്നയിച്ച സംസ്ഥാന ബിജെപി അധ്യക്ഷൻ കെ അണ്ണാമലൈയ്‌ക്കെതിരെ തമിഴ്‌നാട് സർക്കാർ മാനനഷ്ടക്കേസ് ഫയൽ ചെയ്തു. അണ്ണാമലൈ മുഖ്യമന്ത്രി എംകെ സ്റ്റാലിനെ അപകീർത്തിപ്പെടുത്തുകയാണെന്ന് സിറ്റി പബ്ലിക് പ്രോസിക്യൂട്ടർ ആരോപിച്ചു. ചെന്നൈ മെട്രോയുടെ കരാർ ഉറപ്പിക്കാൻ 2011ൽ എംകെ സ്റ്റാലിന് 200 കോടി രൂപ നൽകിയെന്നും ഡിഎംകെയുടെ നേതാക്കൾക്ക് അഴിമതിയിലൂടെ സമ്പാദിച്ച 1.34 ലക്ഷം കോടി രൂപയുടെ സ്വത്തുണ്ടെന്നുമാണ് അണ്ണാമലൈ ആരോപണം ഉന്നയിച്ചത്.

നേരത്തെ ഡിഎംകെ വക്കീൽ നോട്ടീസ് അയച്ചിരുന്നെങ്കിലും ബിജെപി നേതാവ് മറുപടി പറയാൻ തയ്യാറായിരുന്നില്ല “കൈക്കൂലി നൽകിയതായി ഒരു ആരോപണവുമില്ല. എല്ലാ സ്ഥാനാർത്ഥികളും അവരുടെ സ്വത്ത് വിവരങ്ങൾ സത്യവാങ്മൂലത്തിൽ നൽകിയിട്ടുണ്ട്. ഒരു നിയമലംഘനം ഉണ്ടായാൽ ഏതൊരു പൗരനും ചോദ്യം ചെയ്യാമെന്ന് ,” ഡിഎംകെ എംപി ആർ എസ് ഭാരതി പറഞ്ഞു.

മൻ കി ബാത്തിനെച്ചൊല്ലി തർക്കം; ബിജെപി സംസ്ഥാന നേതാവും ജില്ലാ നേതാവും തെരുവിൽ ഏറ്റുമുട്ടി

webdesk15 — Mon, 01 May 2023 11:06:49 +0000

മൻ കി ബാത്തിന്റെ പ്രദർശനവുമായി ബന്ധപ്പെട്ട് തർക്കത്തെത്തുടർന്ന് ബിജെപി സംസ്ഥാന നേതാവും ജില്ലാ നേതാവും തെരുവിൽ ഏറ്റുമുട്ടിയാതായി റിപ്പോർട്ടുകൾ.ബിജെപി തിരുപ്പൂർ സൗത്ത് ജില്ലാ കാര്യവാഹക് മംഗലം രവി, പാർട്ടി സംസ്ഥാന ഭാരവാഹി കൊങ്കു രമേശ് എന്നിവർ തമ്മിലാണ് ഏറ്റുമുണ്ടാലുണ്ടായത് എന്നാണ് തമിഴ്‌നാട്ടിൽ നിന്നുള്ള റിപ്പോർട്ടുകൾ. ഇവരോടൊപ്പം അണികൾ കൂടി ചേർന്നതോടെ ഏറ്റുമുട്ടൽ തെരുവിലേക്കും എത്തി.പ്രധാനമന്ത്രി നരേന്ദ്ര മോദിയുടെ മൻ കി ബാത്തിന്റെ നൂറാം എപ്പിസോഡ് കൊങ്കു രമേശിന്റെ കടയിൽ പ്രദർശിപ്പിച്ചിരുന്നു.ഇതുമായി ബന്ധപ്പെട്ടാണ് തർക്ക് ഉണ്ടായത് എന്നാണ് പറയുന്നത്.പാർട്ടി ജില്ലാ നേതാവ് ഈശ്വരൻ, സംഘടനാ സെക്രട്ടറി ശങ്കർ എന്നിവരെ പരിക്കേറ്റ് ആശുപത്രിയിൽ പ്രവേശിപ്പിച്ചു.സംഭവത്തിന്റെ വീഡിയോകൾ വൈറലായതിനെ തുടർന്ന് പൊലീസ് അന്വേഷണം ആരംഭിച്ചിട്ടുണ്ട്.

tamilnadbjp – Chandrika Daily

മൻ കി ബാത്തിനെച്ചൊല്ലി തർക്കം; ബിജെപി സംസ്ഥാന നേതാവും ജില്ലാ നേതാവും തെരുവിൽ ഏറ്റുമുട്ടി