2016 നവംബര്‍ 23 ന് രാത്രിയാണ് ഷിഹാബുദ്ദീനെയും സുഹൃത്തിനെയും താനൂര്‍ പൊലീസ് കസ്റ്റഡിയിലെടുത്തത്. പൊലീസ് കസ്റ്റഡിയിലുള്ള സമയത്താണ് ഷിഹാബ് ദേവദാര്‍ സ്‌കൂളിന് സമീപത്ത് കഞ്ചാവ് വില്‍പ്പന നടത്തിയെന്ന് കാണിച്ചാണ് പൊലീസ് എഫ്.ഐ.ആര്‍ രജിസ്റ്റര്‍ ചെയ്തത്. നേരത്തെ പൊലീസിനെതിരെ വിവരവകാശം നല്‍കിയതാണ് വൈരാഗ്യത്തിന് കാരണമെന്ന് ഷിഹാബുദ്ദീന്‍. ഷിഹാബിന്റെ കൈവശം ഉണ്ടായിരുന്ന 56,000 രൂപ തട്ടിയെടുക്കാന്‍ ശ്രമം നടത്തി. ഷിഹാബിന്റെയും സുഹൃത്തിന്റെയും കൈയില്‍ നിന്നും 1650 രൂപയാണ് ലഭിച്ചതെന്ന് എഫ്.ഐ.ആറില്‍ രേഖപെടുത്തി.

അതേസമയം അടുത്ത കാലത്തൊന്നും പറഞ്ഞു കേള്‍ക്കാത്ത ലക്ഷണമൊത്ത കസ്റ്റഡി കൊലപാതകാമാണ് താനൂരിലേതെന്ന് പ്രതിപക്ഷ ഉപ നേതാവ് പി കെ കുഞ്ഞാലിക്കുട്ടി. തിരൂരങ്ങാടി പൊലീസ് കസ്റ്റഡിയില്‍ വെച്ച് താമിര്‍ ജിഫ്രി എന്ന യുവാവ് മരിച്ച സംഭവത്തില്‍ അടിയന്തര പ്രമേയത്തിന് നല്‍കി സംസാരിച്ചതിനുശേഷം മാധ്യമങ്ങളെ കാണുകയായിരുന്നു അദ്ദേഹം. മുസ്ലിം ലീഗ് എംഎല്‍എ എന്‍ ഷംസുദ്ദീന്‍ ആണ് നോട്ടീസ് നല്‍കിയത്.

ആദ്യം ലഹരി കേസ് ആണെന്ന രീതിയില്‍ തള്ളി പോകേണ്ട കേസാണ് ഇപ്പോള്‍ പോസ്റ്റുമോര്‍ട്ടം റിപ്പോര്‍ട്ട് പുറത്തുവരുമ്പോള്‍ ക്രൂരമായ മര്‍ദ്ദനത്തിലാണ് ഇയാള്‍ മരിച്ചത് എന്ന കാര്യം പുറത്തുവരുന്നത്. പോസ്റ്റുമോട്ടത്തില്‍ മര്‍ദ്ദനത്തിന്റെ ക്രൂരത വ്യക്തമാകുന്നുണ്ട്. അറസ്റ്റ് രേഖപ്പെടുത്തിയതിലും നിഗൂഢതയുണ്ട്. ഇത് ലക്ഷണമൊത്ത കസ്റ്റഡി കൊലപാതകമാണ്.കേസ് സിബിഐക്ക് വിട്ടതുകൊണ്ട് മാത്രം കാര്യമില്ല. ഉത്തരവാദികളായ പൊലീസ് ഓഫീസര്‍മാര്‍ അവിടെത്തന്നെ ഇരിക്കുകയാണ്. ഇതില്‍ കൃത്യമായ നടപടി വേണം- പി കെ കുഞ്ഞാലിക്കുട്ടി കൂട്ടിച്ചേര്‍ത്തു.

മൃതദേഹം താനൂര്‍ താനൂര്‍ അജിനോറ ആശുപത്രിയില്‍ സൂക്ഷിച്ചിരിക്കുകയാണ്. പൊലീസ് സ്റ്റേഷന് മുന്നിലും ആശുപത്രിയിലും പ്രതിഷേധം തുടരുകയാണ്.