തിരുവനന്തപുരം അരിസ്റ്റോ ജംഗ്ഷനില്‍വെച്ച് റോബിന്‍ സഞ്ചരിച്ച കാര്‍ ബൈക്കിലും ഓട്ടോയിലും ഇടിച്ചിരുന്നു. ഇതേതുടര്‍ന്നുണ്ടായ തര്‍ക്കത്തിനു പിന്നാലെ ഇയാള്‍ തോക്ക് ചൂണ്ടി ഭീഷണിപ്പെടുത്തുകയായിരുന്നു. എയര്‍ പിസ്റ്റള്‍ ആണെന്നാണ് ഇയാള്‍ പൊലീസിനോട് പറഞ്ഞത്. എന്നാല്‍ പ്രാഥമിക പരിശോധനയില്‍ ഇത് റിവോള്‍വറാണെന്നും മൂന്ന് തിരകളുണ്ടായിരുന്നുവെന്നും പൊലീസ് കണ്ടെത്തി.

സംഭവ സമയം ഇയാള്‍ മദ്യലഹരിയിലായിരുന്നുവെന്നും ചോദ്യം ചെയ്യലിനോട് സഹകരിക്കുന്നില്ലെന്നും പൊലീസ് അറിയിച്ചു.

പ്രതിയെ പെണ്‍കുട്ടിക്ക് കൃത്യമായി അറിയാത്തതിനാലും തിരിച്ചറിയാത്ത തരത്തില്‍ മൊബൈല്‍ സാങ്കേതികവിദ്യ ഉപയോഗിച്ചതിനാലും പ്രതിയെ കണ്ടെത്താന്‍ പ്രയാസപ്പെട്ടതായി പൊലീസ് പറഞ്ഞു. സൈബര്‍ പോലീസിന്റെയും സമാന രീതിയിലുള്ള കേസുകള്‍ റിപ്പോര്‍ട്ട് ചെയ്തതിന്റെയും പാത പിന്തുടര്‍ന്ന് നടത്തിയ അന്വേഷണത്തിലാണ് പ്രതിയെ കണ്ടെത്തിയത്.

കോഴിക്കോട് തേഞ്ഞിപ്പലത്തും ഇയാള്‍ക്കെതിരെ കേസുണ്ടെന്ന് പൊലീസ് പറഞ്ഞു. ദേഹത്ത് ടാറ്റൂ അടിക്കുന്ന തൊഴില്‍ ചെയ്തു വരുകയാണ് ഇയാള്‍.

പാലക്കാട് എ.എസ്.പി രാജേഷ് കുമാര്‍, സൗത്ത് സി.ഐ. വിപിന്‍കുമാര്‍, എസ്.ഐമാരായ ഹേമലത. വി, എം. സുനില്‍ എം , എ.എസ്.ഐമാരായ ബിജു, നവോജ്, പൊലീസ് ഉദ്യോഗസ്ഥരായ രജീദ്, മഹേഷ് എന്നിവരുള്‍പ്പെട്ട സംഘമാണ് അന്വേഷണം നടത്തിയത്. പ്രതിയെ കോടതിയില്‍ ഹാജരാക്കി.