വാശിയേറിയ പുരുഷ ഫൈനലില്‍ ടിസിഎസ് എച്ച് ആന്റ് ആര്‍ ബ്ലോക്കിനെതിരെ 21നാണ് ജയം ഉറപ്പിച്ചത്. വനിതാ ഫൈനലില്‍ യുഎസ്ടി വിപ്രോയോട് 10 എന്ന വ്യത്യാസത്തിലാണ് വിജയം കരസ്ഥമാക്കിയത്. ജീവനക്കാരും കുടുംബാംഗങ്ങളും നിറഞ്ഞ ഗാലറിയുടെ ആവേശത്തിനിടയിലാണ് മത്സരങ്ങള്‍ നടന്നത്.

ഒക്ടോബര്‍ 18ന് തുടക്കമായ ടൂര്‍ണമെന്റില്‍ 12 പുരുഷ ടീമുകളും 4 വനിതാ ടീമുകളും പങ്കെടുത്തു. നാല് വാരാന്ത്യങ്ങളിലായി നടന്ന 7-എ-സൈഡ് മത്സരങ്ങളില്‍ 250-ത്തിലധികം കളിക്കാരാണ് അണിനിരന്നത്.

പുരുഷ വിഭാഗത്തില്‍ ടിസിഎസിലെ റീജോ ജോര്‍ജ് ‘പ്ലെയര്‍ ഓഫ് ദി ടൂര്‍ണമെന്റ്’ ആയി തെരഞ്ഞെടുത്തു. ടിസിഎസിന്റെ ജൂബിന്‍ അഗസ്റ്റിന്‍ ‘ഗോള്‍ഡന്‍ ഗ്ലൗ’ നേടി. എക്സ്പീരിയണിലെ അഹമ്മദ് മുര്‍ഷാദ് ‘ഗോള്‍ഡന്‍ ബൂട്ട്’ നേടി. വനിതാ വിഭാഗത്തില്‍ യുഎസ്ടിയിലെ സൂര്യ പോള്‍ ‘പ്ലെയര്‍ ഓഫ് ദി ടൂര്‍ണമെന്റ്’ ആയി തിരഞ്ഞെടുക്കപ്പെട്ടു. യുഎസ്ടിയിലെ വിജയലക്ഷ്മി വില്‍സണ്‍ മികച്ച ഗോള്‍കീപ്പറായി, വിപ്രോയിലെ അഞ്ജന ബേബി ടോപ് സ്‌കോററായി മാറി.

കോര്‍പ്പറേറ്റ് ജീവനക്കാരുടെ കൂട്ടായ്മയും ആരോഗ്യകരമായ ജീവിതശൈലിയും പ്രോത്സാഹിപ്പിക്കാന്‍ ഈ ടൂര്‍ണമെന്റ് വലിയ വേദിയായിത്തീര്‍ന്നതായി കേരള ബ്ലാസ്റ്റേഴ്‌സ് മാനേജ്‌മെന്റ് അറിയിച്ചു. ഫുട്‌ബോളിനപ്പുറം സാമൂഹിക ബന്ധങ്ങളും കായിക വികസനവും മുന്നോട്ട് കൊണ്ടുപോകാനുള്ള ശ്രമം തുടരുമെന്നും അവര്‍ വ്യക്തമാക്കി.

പുതിയ സി.ഇ.ഒ കീര്‍ത്തിവാസന് മേല്‍ ഇത് കരിനിഴല്‍ വീഴ്ത്തിയിരിക്കുകയാണ്. അമേരിക്കയിലെ ജെ.പി മോര്‍ഗന്‍ കമ്പനി ഇതോടെ ടി.സി.എസ്സിനെ നെഗറ്റീവ് പട്ടികയില്‍ ഉള്‍പെടുത്തി. അമേരിക്കയിലെ പ്രമുഖ ഇന്‍ഷൂറന്‍സ് സ്ഥാപനമാണ് ട്രാന്‍സ് അമേരിക്ക. അതേസമയം ഇരുകമ്പനികളും പരസ്പരധാരണയോടെയാണ് ഓര്‍ഡര്‍ പിന്‍വലിച്ചതെന്നാണ് ടി.സി.എസ്സിന്റെ ന്യായീകരണം. അതേസമയം ലോകത്തെ സാമ്പത്തികമാന്ദ്യത്തിന്റെ സൂചകമാണിതെന്ന് വ്യാഖ്യാനിക്കുന്നവരുമുണ്ട്.