ഭരണ കക്ഷിയായ വൈ.എസ്.ആര്‍ കോണ്‍ഗ്രസ് പ്രവര്‍ത്തകര്‍ തങ്ങളുടെ പ്രവര്‍ത്തകര്‍ക്ക് നേരെ നടത്തുന്ന ആക്രണങ്ങള്‍ക്കെതിരെ ടി.ഡി.പി. വലിയ പ്രതിഷേധം നടത്താന്‍ തീരുമാനിച്ചിരുന്നു. ബുധനാഴ്ച രാവിലെ ആസൂത്രണം ചെയ്തിരുന്ന റാലിക്ക് തൊട്ടുമുമ്പായിരുന്നു അറസ്റ്റ്.

ജഗന്റെ നേതൃത്വത്തിലുള്ള സര്‍ക്കാര്‍ അധികാരത്തിലെത്തി 100 ദിവസത്തിനിടെ എട്ട് ടി.ഡി.പി പ്രവര്‍ത്തകര്‍ കൊല്ലപ്പെട്ടുവെന്നാണ് ചന്ദ്രബാബു നായിഡു ആരോപിക്കുന്നത്.

ഇത് ജനാധിപത്യത്തിന്റെ ഇരുണ്ട ദിനമാണ്. ഇന്ന് രാത്രി എട്ട് മണിവരെ ഉപവാസമിരിക്കുമെന്നും നായിഡു പറഞ്ഞു. ടി.ഡി.പി നേതാക്കളായ ദേവിനേനി അവിനാഷ്, കെസിനേനി നാനി, ഭൂമ അഖില്‍പ്രിയ എന്നീ ടി.ഡി.പി നേതാക്കളും വീട്ടു തടങ്കലിലാണ്.

ടി.ഡി.പിയാണ് അക്രമം അഴിച്ചുവിട്ടതെന്ന് ആരോപിച്ച് വൈ.എസ്.ആര്‍.കോണ്‍ഗ്രസും പ്രതിഷേധം നടത്താന്‍ തീരുമാനിച്ചിട്ടുണ്ട്.

Andhra Pradesh: TDP leaders and workers who were trying to go to Chandrababu Naidu's residence stopped by police and taken into preventive custody. pic.twitter.com/Ionmrkf9CR

— ANI (@ANI) September 11, 2019

Telugu Desam Party (TDP) Chief N. Chandrababu Naidu and his son, Nara Lokesh have been put under house arrest. pic.twitter.com/g5DnQMz5N5

— ANI (@ANI) September 11, 2019

Andhra Pradesh: Telugu Desam Party (TDP) leader Nara Lokesh, son of TDP Chief Chandrababu Naidu, argues with police. He was later put under house arrest. pic.twitter.com/Slv3LPeBRD

— ANI (@ANI) September 11, 2019

ടി.ഡി.പി നേതാവും മുന്‍മുഖ്യമന്ത്രിയുമായ ചന്ദ്രബാബു നായിഡുവിന്റെ വസതിയോട് ചേര്‍ന്ന് പണികഴിപ്പിച്ച പ്രജാവേദിക എന്ന കെട്ടിടം ഉടന്‍ പൊളിച്ചുനീക്കണമെന്നാണ് നിര്‍ദേശം. പാര്‍ട്ടി യോഗങ്ങളുള്‍പ്പെടെ ഔദ്യോഗിക കാര്യങ്ങള്‍ക്ക് വേണ്ടിയായിരുന്നു നായിഡു വസതിയും ഹാളും ഉപയോഗിച്ചിരുന്നത്. എന്നാല്‍ അതേ കെട്ടിടത്തില്‍ തന്നെ കളക്ടര്‍മാരുടെ യോഗം വിളിച്ചചേര്‍ത്താണ് ജഗന്‍ മോഹന്‍ റെഡ്ഡി ഉത്തരവിട്ടത്. ഈ കെട്ടിടത്തിലെ അവസാന യോഗമായിരിക്കും ഇതെന്ന് യോഗത്തില്‍ വെച്ച് ജഗന്‍ പ്രഖ്യാപിക്കുകയായിരുന്നു. നടപടി സ്വാഭാവികമാണെന്ന് പ്രതികരിച്ച ജഗന്‍, ഒരു സാധരണക്കാരന്‍ അനുമതിയില്ലാതെ കെട്ടിടം നിര്‍മിച്ചാല്‍ ഉദ്യോഗസ്ഥര്‍ അത് പൊളിച്ചുനീക്കുന്നതാണ് പതിവെന്നും ഈ സര്‍ക്കാര്‍ നിയമങ്ങളെ ബഹുമാനിക്കുന്നവരും അത് പിന്തുടരുന്നവരുമാണെന്നും പറഞ്ഞു.

നിയമസഭാ തെരഞ്ഞെടുപ്പിലെ ടിഡിപിയുടെ പരാജയത്തിന് പിന്നാലെ മുഖ്യമന്ത്രിയായിരുന്ന സമയത്ത് ഉപയോഗിച്ചിരുന്ന പ്രജാവേദിക ഇത്തവണയും അനുവദിക്കണമെന്ന് ആവശ്യപ്പെട്ട് ചന്ദ്രബാബു നായിഡു ജൂണ്‍ 5ന് ജഗന്‍ മോഹന്‍ റെഡ്ഡിക്ക് കത്തെഴുതിയിരുന്നു. പ്രതിപക്ഷനേതാവിന്റെ അനക്‌സ് ആയി പ്രജാവേദിക അനുവദിക്കണമെന്നായിരുന്നു ആവശ്യം. എന്നാല്‍ നായിഡുവിന്റെ അഭ്യര്‍ത്ഥന തള്ളിക്കൊണ്ടാണ് വൈ.എസ്. ജഗന്‍ കെട്ടിടം പൊളിച്ചുനീക്കാന്‍ ഉത്തരവിട്ടത്. നാളെയാണ് കെട്ടിടം പൊളിക്കാന്‍ തുടങ്ങുക.

അതേസമയം ജഗനും വൈഎസ്ആര്‍ കോണ്‍ഗ്രസും പ്രതികാര രാഷ്ട്രീയം കളിക്കുകയാണെന്ന്‌ ടിഡിപി കുറ്റപ്പെടുത്തി. കെട്ടിടം പൊളിച്ചു നീക്കാനുള്ള തീരുമാനത്തിനു പിന്നാലെ അവിടെയുണ്ടായിരുന്ന നിരവധി വസ്തുക്കള്‍ ബോധപൂര്‍വം നശിപ്പിച്ചുവെന്ന് പാര്‍ട്ടി സംസ്ഥാന പ്രസിഡന്റ് കല വെങ്കിട്ട റാവു കുറ്റപ്പെടുത്തി. കഴിഞ്ഞയാഴ്ച നായിഡുവിന് വിമാനത്താവളത്തില്‍ ദേഹപരിശോധന നടത്തിയതും വിവാദമായിരുന്നു. വി.ഐ.പി പരിഗണന നിഷേധിക്കപ്പെട്ട നായിഡുവിനെ വിജയവാഡയിലെ ഗണ്ണാവരം വിമാനത്താവളത്തിലാണ് സാധാരണ യാത്രക്കാര്‍ക്കുള്ള പരിശോധനകള്‍ക്ക് വിധേയനാക്കിയത്. വിമാനത്തിലേക്ക് വി.ഐ.പികള്‍ക്കുള്ള വാഹനം ലഭ്യമാക്കാത്തതിനാല്‍ യാത്രക്കാര്‍ക്കുള്ള ബസില്‍ കയറിയാണ് നായിഡു എത്തിയത്. അംഗരക്ഷകരെ വിമാനം വരെ അനുഗമിക്കാന്‍ അനുവദിക്കാത്തതും വിവാദമായിരുന്നു. ബി.ജെ.പിയും വൈ.എസ്.ആര്‍ കോണ്‍ഗ്രസും എതിരാളികളെ തിരഞ്ഞുപിടിച്ച് പ്രതികാരം ചെയ്യുകയാണെന്നാണ് ടി.ഡി.പിയുടെ ആരോപണം.
ഹൈദരാബാദില്‍ നിന്ന് അമരാവതിയിലേക്ക് ഭരണകേന്ദ്രം മാറ്റിയതിനു പിന്നാലെ കൃഷ്ണ നദീ തീരത്തുള്ള വസതിയിലാണ് നായിഡു താമസിച്ചിരുന്നത്. ഇവിടെ പണിത പ്രജാവേദിക ഔദ്യോഗിക കാര്യങ്ങള്‍ക്കായി നായിഡു ഉപയോഗപ്പെടുത്തുകയായിരുന്നു.

ഈ മാസം 30ന് ജഗന്റെ നേതൃത്വത്തിലുള്ള വൈ. എസ്.ആര്‍. സി.പി സര്‍ക്കാര്‍ അധികാരമേല്‍ക്കും. നാളെ ചേരുന്ന പാര്‍ട്ടി നിയമസഭാകക്ഷി യോഗം ജഗനെ മുഖ്യമന്ത്രി സ്ഥാനത്തേക്ക് തെരഞ്ഞെടുക്കും. മുന്‍ കോണ്‍ഗ്രസ് മുഖ്യമന്ത്രി വൈ.എസ് രാജശേഖര റെഡ്ഢിയുടെ മകനായ ജഗന്‍ ക്ഷേത്ര നഗരമായ തിരുപ്പതിയില്‍ വെച്ചായിരിക്കും സത്യപ്രതിജ്ഞ ചെയ്യുക.

ആന്ധ്രയുടെ പ്രത്യേക പദവിക്കായുള്ള ഞങ്ങളുടെ ആവശ്യങ്ങള്‍ തുടരും വിജയശേഷം ജഗന്‍ വ്യക്തമാക്കി. ഈ വിഷയത്തില്‍ ഞാന്‍ മോഡിയുമായി കൂടിക്കാഴ്ച നടത്തുമെന്നും ഞങ്ങളുടെ ആവശ്യം അറിയിക്കുമെന്നും ജഗന്‍ മോഹന്‍ റെഡ്ഡി പറഞ്ഞു
സംസ്ഥാനത്ത് കനത്ത പരാജയമടഞ്ഞതിന് പിന്നാലെ ലോക്‌സഭയില്‍ ഒരംഗം മാത്രമായ ടി.ഡി.പിയുടെയും ചന്ദ്രബാബു നായിഡുവിന്റേയും ദേശീയ രാഷ്ട്രീയ ഭാവി തന്നെ ഇനി ചോദ്യം ചെയ്യപ്പെടും. 10 വര്‍ഷത്തെ കാത്തിരിപ്പിനൊടുവിലാണ് 47 കാരനായ ജഗനെ തേടി സംസ്ഥാന ഭരണമെത്തുന്നത്. 2009ല്‍ പിതാവ് വൈ.എസ്.ആറിന്റെ മരണത്തോടെ മുഖ്യമന്ത്രി സ്ഥാനത്തിനായി ചരടുവലി തുടങ്ങിയ ജഗന്‍ ഇതിന് സാധിക്കാതെ വന്നതോടെയാണ് കോണ്‍ഗ്രസ് പിളര്‍ത്തി വൈ.എസ്.ആര്‍. സി.പി രൂപീകരിച്ചത്.

അഖിലേഷ്, മായാവതി, മമത, രാഹുല്‍ തുടങ്ങി പ്രതിപക്ഷ നേതാക്കളെയെല്ലാം മര്യാദയില്ലാത്ത ഭാഷയിലാണ് മോദി അഭിസംബോധന ചെയ്യുന്നതെന്നും ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ നായിഡു പറഞ്ഞു. മെയ് 23ഓടെ മോദിയുടെയും ബി.ജെ.പിയുടേയും ധിക്കാരം അവസാനിക്കും.

ബി.ജെ.പി ഇതര മതേതര ജനാധിപത്യ സര്‍ക്കാര്‍ കേന്ദ്രത്തില്‍ അധികാരത്തിലെത്തുമെന്നും നായിഡു ശുഭാപ്തി വിശ്വാസം പ്രകടിപ്പിച്ചു. നേരത്തെ ബി.ജെ.പിയുമായി യോജിച്ചു പോയിരുന്നെങ്കിലും ഇന്ന് സാഹചര്യങ്ങള്‍ മാറി. ഇന്ന് രാജ്യത്തെ ജനാധിപത്യം നേരിടുന്ന ഏറ്റവും വലിയ ഭീഷണി ബി.ജെ.പിയാണെന്നും അദ്ദേഹം പറഞ്ഞു. ഇത്തവണ ബി.ജെ.പി, ജഗന്‍, കെ.സി.ആര്‍ തുടങ്ങിയവരെയാണ് എതിര്‍ക്കുന്നത്. കഴിഞ്ഞ അഞ്ചു വര്‍ഷമായി ആന്ധ്രക്ക് വേണ്ടി നിരവധി കാര്യങ്ങള്‍ ചെയ്തിട്ടുണ്ട് അതിനാല്‍ തന്നെ നല്ല ഭരണത്തെ ജനങ്ങള്‍ പിന്തുണക്കുമെന്നാണ് വിശ്വാസമെന്നും അദ്ദേഹം കൂട്ടിച്ചേര്‍ത്തു.

മോദി ഭരണത്തിന് കീഴില്‍ ന്യൂനപക്ഷങ്ങള്‍ അരക്ഷിതാവസ്ഥയിലാണ്. കഴിഞ്ഞ അഞ്ച് വര്‍ഷമായി യു.പി, കശ്മീര്‍ തുടങ്ങി രാജ്യത്തെ വിവിധ സംസ്ഥാനങ്ങളില്‍ ന്യൂനപക്ഷങ്ങള്‍ കടുത്ത പരീക്ഷണമാണ് നേരിടുന്നതെന്നും അദ്ദേഹം പറഞ്ഞു. മുത്തലാഖ് കൊണ്ടു വന്നത് മുസ്്‌ലിംകളെ ജയിലിലിടുക എന്ന ലക്ഷ്യത്തോടെയാണെന്നും നായിഡു ആരോപിച്ചു. മോദിയോടൊപ്പം വൈ.എസ്.ആര്‍.സി.പി നേതാവ് ജഗന്‍ മോഹന്‍ റെഡ്ഢിയേയും നിശിതമായി നായിഡു വിമര്‍ശിച്ചു.

തുളസിത്തോട്ടത്തില്‍ വളര്‍ന്ന കഞ്ചാവ് ചെടിയാണ് ജഗനെന്നും നായിഡു പറഞ്ഞു. രാജ്യത്ത് 31 ക്രിമിനല്‍ കേസുകളുള്ള ഏക നേതാവാണ് ജഗനെന്നും നായിഡു ആരോപിച്ചു.

അതേ സമയം തെലങ്കാനയില്‍ നിന്നും ടി.ഡി.പി ലോക്‌സഭാ തെരഞ്ഞെടുപ്പില്‍ മത്സരിക്കില്ലെന്നും നായിഡു വ്യക്തമാക്കി. ടി.ഡി.പി മത്സരിക്കുന്നത് വോട്ടുകള്‍ വിഭജിക്കുന്നതിനും ഇതുവഴി ടി.ആര്‍.എസിനും ബി.ജെ.പിക്കും സഹായകരമാവുമെന്ന കണക്കുകൂട്ടലിന്റെ അടിസ്ഥാനത്തിലാണ് മത്സര രംഗത്തു നിന്നും പിന്‍മാറുന്നതെന്നും അദ്ദേഹം അറിയിച്ചു.

നാല്‍പ്പതോളം തെലുങ്ക് ചിത്രങ്ങളില്‍ അഭിനയിച്ചിട്ടുള്ള താരമാണ് വാണിവിശ്വനാഥ്. ആന്ധ്രാപ്രദേശ് മുന്‍മുഖ്യന്ത്രിയും സൂപ്പര്‍താരവുമായിരുന്ന എന്‍.ടി.രാമറാവുവിന്റെ നായികയായും വാണിവിശ്വനാഥ് അഭിനയിച്ചിട്ടുണ്ട്. ഇക്കാരണങ്ങളാണ് വാണി വിശ്വനാഥിനെ ടി.ഡി.പി നേതൃത്വം പരിഗണിക്കുന്നത്.

തെലങ്കാനയില്‍ ടി.ഡി.പിയുടെ ശക്തി കുറഞ്ഞുവരുന്ന അവസരത്തിലാണ് സിനിമാതാരങ്ങളെ ഇറക്കിയുള്ള ഭാഗ്യപരീക്ഷണത്തിന് പാര്‍ട്ടി മുതിരുന്നത്. മാത്രമല്ല തെലുങ്കുദേശത്തില്‍ സജീവമായിരുന്ന നടി റോജ വൈ.എസ്.ആര്‍ കോണ്‍ഗ്രസിലേക്ക് ചേക്കേറിയതും വാണിയുടെ സാധ്യത വര്‍ദ്ധിപ്പിക്കുന്നുവെന്ന കണക്കുകൂട്ടലിലാണ് ടി.ഡി.പി നേതൃത്വം.

യു.എസിലെ അലാസ്‌കയില്‍ മൂര്‍ത്തി സഞ്ചരിച്ച കാറും ട്രക്കും കൂട്ടിയിടിച്ചാണ് അപകടമുണ്ടായത്. മൂര്‍ത്തിക്കൊപ്പമുണ്ടായിരുന്ന മൂന്ന് പേരും അപകടത്തില്‍ മരിച്ചു.

ഒക്ടോബര്‍ ആറിന് നടക്കുന്ന ജി.ഐ.ടി.എ.എം അലൂമ്‌നി മീറ്റില്‍ പങ്കെടുക്കാനായി യു.എസില്‍ എത്തിയതായിരുന്നു അദ്ദേഹം. വന്യജീവി സങ്കേതം സന്ദര്‍ശിച്ച് മടങ്ങവേയായിരുന്നു അപകടം.

മുഖ്യമന്ത്രി ചന്ദ്രശേഖര റാവു നിയമസഭ പിരിച്ചുവിട്ടതോടെയാണ് തെലങ്കാനയില്‍ വീണ്ടും തെരഞ്ഞെടുപ്പിന് കളമൊരുങ്ങിയത്. സംസ്ഥാനത്തെ രാഷ്ട്രീയ സാഹചര്യം ടി.ആര്‍.എസിന് അനുകൂലമായ സാഹചര്യത്തിലായിരുന്നു നാല് വര്‍ഷം പൂര്‍ത്തിയാക്കിയ നിയമസഭ ചന്ദ്രശേഖര റാവു പിരിച്ചുവിട്ടത്. എന്നാല്‍ അവസരത്തിനൊത്ത് കോണ്‍ഗ്രസ് പ്രവര്‍ത്തിച്ചതോടെ കാര്യങ്ങള്‍ കോണ്‍ഗ്രസിന് അനുകൂലമാവുകയായിരുന്നു എന്നാണ് രാഷ്ട്രീയ നിരീക്ഷകരുടെ വിലയിരുത്തല്‍.

വരാനിരിക്കുന്ന തെരഞ്ഞെടുപ്പില്‍ തെലുങ്കു ദേശം പാര്‍ട്ടി (ടി.ഡി.പി)യുമായി സഖ്യം ചേര്‍ന്ന് തെരഞ്ഞെടുപ്പിനെ നേരിടാനാണ് കോണ്‍ഗ്രസ് ആദ്യം തീരുമാനിച്ചിരുന്നത്. സി.പി.ഐയും പിന്തുണയുമായിയെത്തിയതോടെ തെലങ്കാനയിലെ രാഷ്ട്രീയ ട്രെന്‍ഡ് മാറുകയായിരുന്നു. ഒടുവില്‍ ടി.ജെ.എസും എത്തിയതോടെ സഖ്യം കൂടുതല്‍ കരുത്തായി.

അതേസമയം പാര്‍ട്ടി ധ്യക്ഷന്‍ ചന്ദ്രശേഖര റാവുവിന്റെ നിലപാടില്‍ പ്രതിഷേധിച്ച് അംഗത്വം രാജിവെച്ച് നിയമസഭാംഗമായിരുന്ന ഭൂപതി റെഡ്ഡി കോണ്‍ഗ്രസ് ചേര്‍ന്നതും ഭരണ കക്ഷിയായിരുന്ന ടി.ആര്‍.എസിന് തിരിച്ചടിയായി. ടി.ആര്‍.എസിന്റെ രാജ്യസഭാ എം.പി ഡി ശ്രീനിവാസും പാര്‍ട്ടി വിട്ട് കോണ്‍ഗ്രസില്‍ ചേരുമെന്നും ശക്തമായ അഭ്യൂഹമുണ്ട്. നിലവില്‍ പാര്‍ട്ടി നേതൃത്വവുമായി അദ്ദേഹം ഉടക്കിലാണ്. കൂടാതെ കഴിഞ്ഞ ദിവസം പ്രശസ്ത തെലുങ്കു സിനിമാ നിര്‍മാതാവ് ബാന്ദ്ല ഗണേഷ് കോണ്‍ഗ്രസില്‍ ചേര്‍ന്നിരുന്നു. ഡല്‍ഹില്‍ നടന്ന ചടങ്ങില്‍ രാഹുല്‍ ഗാന്ധിയുടെ സാന്നിധ്യത്തിലായിരുന്നു ബാന്ദ്ല അംഗത്വമെടുത്തത്. കൂടുതല്‍ പേര്‍ ഇനിയും കോണ്‍ഗ്രസില്‍ ചേരുമെന്നാണ് വിവരം. മാത്രമല്ല, കോണ്‍ഗ്രസ് നേതൃത്വം നല്‍കുന്ന സഖ്യത്തില്‍ ചേരാന്‍ ചില പാര്‍ട്ടികളും തയ്യാറായിട്ടുണ്ട്.

നിയമസഭ പിരിച്ചുവിട്ടതിനു പിന്നാലെ തെലങ്കാനയില്‍ നിയമസഭാ തെരഞ്ഞെടുപ്പ് ഉടന്‍ നടത്തണമെന്നാണ് ടിആര്‍എസിന്റെ ആവശ്യം. എന്നാല്‍ കോണ്‍ഗ്രസ് ഇതിന് എതിരായിരുന്നു. രാഷ്ട്രപതി ഭരണം വേണമെന്നായിരുന്നു കോണ്‍ഗ്രസ് ആവശ്യപ്പെടുന്നിരുന്നത്. എന്നാല്‍ സാഹചര്യങ്ങള്‍ കോണ്‍ഗ്രസിന് അനുകൂലമായി മാറിയതോടെ മുന്‍ മുഖ്യമന്ത്രി ചന്ദ്രശേഖര റാവുവിന്റെയും ടി.ആര്‍.എസിന്റെയും ആശങ്ക വര്‍ധിചിരിക്കുകയാണ്.

ടി.ആര്‍.എസും ബി.ജെ.പിയും ഒത്തുകളച്ചാണ് നിയമസഭ പിരിച്ചുവിട്ടതെന്നാണ് കോണ്‍ഗ്രസിന്റെ ആ്‌ക്ഷേപം. ഇതിനെ പ്രതിരോധിക്കാനാണ് കോണ്‍ഗ്രസ് തെരഞ്ഞെടുപ്പ് സഖ്യമുണ്ടാക്കിയതും സര്‍ക്കാര്‍ നീക്കത്തിനെതിരെ സമരത്തിന് ഇറങ്ങിയതും. ബി.ജെ.പിയുമായി ടി.ആര്‍.എസ് സഖ്യത്തിലേര്‍പ്പെടുമെന്ന വാര്‍ത്തകളാണ് ടി.ആര്‍.എസിന്റെ തിരിച്ചടിക്ക് കാരണമായത് എന്നാണ് ചില പാര്‍ട്ടി നേതാക്കളുടെ ആരോപണം. മുന്‍ മുഖ്യമന്ത്രി ചന്ദ്രശേഖര റാവുവിനെതിരെ പാര്‍ട്ടിയിലെ ഒരു വിഭാഗം തിരിഞ്ഞതായും റിപ്പോര്‍ട്ടുണ്ട്.