ഇസ്രാഈല്‍- ഇറാന്‍ സംഘര്‍ഷം രൂക്ഷമാകുന്നതിനിടെ രണ്ട് ദിവസം മുമ്പ് തെഹ്റാനില്‍ നിന്ന് എല്ലാവരും ഒഴിയണമെന്ന് ട്രംപ് ആവശ്യപ്പെട്ടിരുന്നു. ഇറാന് ആണവായുധം കൈവശംവെക്കാന്‍ കഴിയില്ലെന്നും എല്ലാവരും ഒഴിഞ്ഞുപോകണമെന്നും അദ്ദേഹം സമൂഹമാധ്യമത്തില്‍ കുറിച്ചിരുന്നു.

അതേസമയം സൗദി ഇറാന്റെ ആണവ കേന്ദ്രങ്ങള്‍ ആക്രമിക്കുന്നതിനെതിരെ രംഗത്തെത്തി. സിവിലിയന്‍ ആണവ കേന്ദ്രങ്ങള്‍ ആക്രമിക്കുന്നത് അന്താരാഷ്ട്ര നിയമങ്ങള്‍ക്ക് വിരുദ്ധമാണെന്ന് സൗദി ന്യൂക്ലിയര്‍ ആന്‍ഡ് റേഡിയോളജിക്കല്‍ റഗുലേറ്ററി കമ്മീഷനാണ് മുന്നറിയിപ്പ് നല്‍കിയത്.

ഇറാനിലെ ഖൊന്‍സാബ് ആണവ പ്ലാന്റില്‍ ഇസ്രാഈല്‍ ആക്രമണം നടത്തിയതിന് പിന്നാലെയാണ് സൗദിയുടെ പ്രതികരണം.

ശനിയാഴ്ച പുലര്‍ച്ചെ ആയുധധാരിയായ ഒരു അജ്ഞാതനാണ് കൊല നടത്തിയതെന്നും അതിനു ശേഷം ഇയാള്‍ ആത്മഹത്യ ചെയ്തുവെന്നും ജുഡീഷ്യറിയുടെ മീഡിയ സെന്റര്‍ പ്രസ്താവനയില്‍ പറഞ്ഞു. ചാരവൃത്തി, ഭീകരവാദം, ദേശീയ സുരക്ഷ എന്നിവക്കെതിരായ കുറ്റകൃത്യങ്ങളെ ചെറുക്കുന്നതില്‍ സജീവമായി ഏര്‍പ്പെട്ടിരുന്നവാരായിരുന്നു കൊല്ലപ്പെട്ട ജഡ്ജിമാര്‍. ഇരുവരും ധൈര്യവും അനുഭവപരിചയവുമുള്ളവരായിരുന്നുവെന്നും പ്രസ്താവനയില്‍ പറയുന്നു.

സംഭവത്തില്‍ ഒരു അംഗരക്ഷകനും പരിക്കേറ്റതായി സര്‍ക്കാര്‍ ഉടമസ്ഥതയിലുള്ള തെഹ്‌റാന്‍ ടൈംസ് റിപ്പോര്‍ട്ട് ചെയ്തു. ആക്രമണത്തില്‍ ഉള്‍പ്പെട്ടേക്കാവുന്ന മറ്റ് പ്രതികളെ കണ്ടെത്താനും അറസ്റ്റ് ചെയ്യാനും അന്വേഷണം നടക്കുന്നതായി ഇറാന്‍ മാധ്യമങ്ങള്‍ അറിയിച്ചു. 1998ല്‍ തെഹ്‌റാന്‍ ജുഡീഷ്യറിയുടെ തലവനായി സേവനമനുഷ്ഠിക്കുമ്പോള്‍ ജസ്റ്റിസ് ഇസ്ലാം റസിനി ഒരു വധശ്രമത്തിന് വിധേയനായിരുന്നു.