2019 ലെ തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കുമ്പോള്‍ 13.46 ലക്ഷം രൂപയായിരുന്നു തേജസ്വിയുടെ ആകെ ആസ്തി. അഞ്ച് വര്‍ഷങ്ങള്‍ക്കിപ്പുറം എംപിയും ഭാരതീയ ജനത യുവ മോര്‍ച്ച അധ്യക്ഷനുമായ തേജസ്വി സൂര്യയുടെ സ്വത്ത് 4.10 കോടി രൂപയാണ്.മ്യൂച്വല്‍ ഫണ്ടിലൂടെയും ഷെയര്‍ മാര്‍ക്കറ്റിലൂടെയുമാണ് തേജസ്വിയുടെ സ്വത്ത് വര്‍ധിച്ചതെന്നാണ് അടുത്ത വൃത്തങ്ങള്‍ പറയുന്നത്. തേജസ്വി സൂര്യ 1.99 കോടി രൂപയാണ് മ്യൂച്വല്‍ ഫണ്ടില്‍ നിക്ഷേപിച്ചിരിക്കുന്നത്. 1.79 കോടി രൂപ ഷെയര്‍ മാര്‍ക്കറ്റിലും നിക്ഷേപിച്ചിട്ടുണ്ട്.

തേജസ്വി സൂര്യയ്ക്കെതിരെ മൂന്ന് കേസുകളാണ് നിലവിലുള്ളത്. മതസ്പര്‍ധ, അനധികൃത സംഘം ചേരല്‍ തുടങ്ങിയ വകുപ്പുകള്‍ പ്രകാരമാണ് കേസ്.