രക്ഷാപ്രവര്‍ത്തനങ്ങളില്‍ സഹായിക്കാന്‍ ദേശീയ ദുരന്തനിവാരണ സേനയോടും (എന്‍ഡിആര്‍എഫ്) ഇന്ത്യന്‍ സൈന്യത്തോടും സര്‍ക്കാര്‍ അഭ്യര്‍ത്ഥിച്ചിട്ടുണ്ടെന്ന് ജലസേചന മന്ത്രി എന്‍ ഉത്തം കുമാര്‍ റെഡ്ഡി പറഞ്ഞു.

96 അംഗ എന്‍ഡിആര്‍എഫ് സംഘവും ഇന്ത്യന്‍ ആര്‍മിയുടെ എന്‍ജിനീയര്‍ ടാസ്‌ക് ഫോഴ്സിലെ (ഇടിഎഫ്) ഉദ്യോഗസ്ഥരും രാത്രിയോടെ ദോമലപെന്റയിലെത്തി.

തുരങ്കത്തിനുള്ളില്‍ കുടുങ്ങിയവര്‍ ജീവിച്ചിരിപ്പുണ്ടോ എന്ന ചോദ്യത്തിന്, ‘ഇതുവരെ ഇതേക്കുറിച്ച് ഒരു വിവരവുമില്ല, പക്ഷേ അവര്‍ ജീവിച്ചിരിപ്പുണ്ടെന്ന പ്രതീക്ഷയോടെയാണ് ഞങ്ങള്‍ മുന്നോട്ട് പോകുന്നത്, തുരങ്കത്തിനുള്ളില്‍ വായുസഞ്ചാരത്തിന് പ്രശ്നമില്ല’ എന്ന് മന്ത്രി പറഞ്ഞു.

അതേസമയം, തുരങ്കത്തില്‍ കുടുങ്ങിയ തൊഴിലാളികളെ രക്ഷിക്കാന്‍ സാധ്യമായ എല്ലാ സഹായവും ഉറപ്പാക്കണമെന്ന് ജാര്‍ഖണ്ഡ് മുഖ്യമന്ത്രി ഹേമന്ത് സോറന്‍ തെലങ്കാന മുഖ്യമന്ത്രി എ രേവന്ത് റെഡ്ഡിയോട് അഭ്യര്‍ത്ഥിച്ചു.

ജാര്‍ഖണ്ഡില്‍ നിന്നുള്ള നാല് തൊഴിലാളികളാണ് തുരങ്കത്തില്‍ കുടുങ്ങിയത്.

പ്രാഥമിക വിവരം അനുസരിച്ച്, തുരങ്കത്തില്‍ കുടുങ്ങിയ ജാര്‍ഖണ്ഡില്‍ നിന്നുള്ള നാല് തൊഴിലാളികള്‍ ഗുംല ജില്ലയില്‍ നിന്നുള്ളവരാണെന്ന് ഒരു ഉദ്യോഗസ്ഥന്‍ പറഞ്ഞു.

ശനിയാഴ്ച രാവിലെ 8 മണിയോടെ 60 ഓളം തൊഴിലാളികള്‍ നല്ലമല വനത്തിലൂടെയുള്ള ടണലിലേക്ക് ശ്രീശൈലം കായലിനടുത്തുള്ള ദോമലപെന്റയില്‍ നിന്ന് നക്കലഗണ്ടി റിസര്‍വോയറിലേക്ക് പ്രവേശിച്ചു. തുരങ്കത്തിനുള്ളില്‍ 14 കിലോമീറ്റര്‍ ചുറ്റളവില്‍ നിര്‍മാണ പ്രവര്‍ത്തനങ്ങള്‍ നടത്തുന്നതിനിടെയാണ് പെട്ടെന്നുള്ള വെള്ളത്തിന്റെ കുത്തൊഴുക്കില്‍ മേല്‍ക്കൂര തകര്‍ന്നതെന്ന് സര്‍ക്കാര്‍ വൃത്തങ്ങള്‍ അറിയിച്ചു.

തൊഴിലാളികള്‍ അവരുടെ ദിനചര്യയുടെ ഭാഗമായി ടണല്‍ ബോറിംഗ് മെഷീന്‍ ഉപയോഗിക്കാന്‍ തുടങ്ങിയെന്ന് വൈകുന്നേരം ദോമലപെന്റയില്‍ മാധ്യമപ്രവര്‍ത്തകരോട് സംസാരിച്ച ഉത്തം പറഞ്ഞു. ”അവര്‍ തുടങ്ങിയപ്പോള്‍ വലിയ ശല്യം ഉണ്ടായില്ല. കുറച്ച് സമയത്തിന് ശേഷം, ഭൂമിശാസ്ത്രപരമായ തകരാറുകള്‍ കാരണം ജലപ്രവാഹം ഉണ്ടായി.

ജയപ്രകാശ് അസോസിയേറ്റ്സ് കമ്പനിയിലെ ഒരു പ്രോജക്ട് എഞ്ചിനീയര്‍, ഫീല്‍ഡ് എഞ്ചിനീയര്‍, നാല് തൊഴിലാളികള്‍, ടണല്‍ ബോറിങ് മെഷീന്‍ പ്രവര്‍ത്തനങ്ങള്‍ കൈകാര്യം ചെയ്യുന്ന റോബിന്‍സ് ഇന്ത്യയില്‍ നിന്നുള്ള രണ്ട് പ്രവര്‍ത്തകര്‍ എന്നിവരാണ് കുടുങ്ങിയത്. ഉത്തര്‍പ്രദേശ്, ജാര്‍ഖണ്ഡ്, പഞ്ചാബ്, ജമ്മു കശ്മീര്‍ എന്നിവിടങ്ങളില്‍ നിന്നുള്ളവരാണ് ഇവര്‍.

തുടക്കത്തില്‍, തുരങ്കം തകരുന്നത് മൂന്ന് മീറ്റര്‍ വരെ നീളത്തിലായിരുന്നു. തകര്‍ച്ചയുടെ വ്യാപ്തി വര്‍ധിച്ചേക്കാമെന്ന് അധികൃതര്‍ പിന്നീട് പറഞ്ഞു.

ഭൂഗര്‍ഭ തകരാര്‍ സ്ഥിരപ്പെട്ടതിന് ശേഷം രക്ഷാപ്രവര്‍ത്തനം ആരംഭിക്കുമെന്ന് ഉത്തം പറഞ്ഞു. ”തുരങ്കത്തിനുള്ളില്‍ 14 കിലോമീറ്റര്‍ ഉള്ളില്‍ ഈ സംഭവം നടന്നതിനാല്‍ ചില വെല്ലുവിളികള്‍ ഉണ്ടാകും. രക്ഷാപ്രവര്‍ത്തനങ്ങള്‍ക്ക് മേല്‍നോട്ടം വഹിക്കാന്‍ രാജ്യത്തെ ഏറ്റവും മികച്ച ടണല്‍ വിദഗ്ധരെ ഞങ്ങള്‍ ലഭ്യമാക്കുന്നുണ്ട്,” അദ്ദേഹം കൂട്ടിച്ചേര്‍ത്തു. 2023ല്‍ ഉത്തരാഖണ്ഡിലെ തുരങ്കത്തില്‍ കുടുങ്ങിയ തൊഴിലാളികളെ രക്ഷിച്ച വിദഗ്ധരുമായും സര്‍ക്കാര്‍ സംസാരിച്ചിരുന്നതായി അദ്ദേഹം വെളിപ്പെടുത്തി.

അതേസമയം, തുരങ്കത്തിന്റെ മേല്‍ക്കൂര തകര്‍ന്ന വിവരം ലഭിച്ചയുടന്‍ മുഖ്യമന്ത്രി രേവന്ത് റെഡ്ഡി ഞെട്ടി. ജില്ലാ കളക്ടര്‍, എസ്പി, ഫയര്‍ സര്‍വീസ് വിഭാഗം, ഹൈദ്രാ, ഇറിഗേഷന്‍ ഉദ്യോഗസ്ഥര്‍ എന്നിവര്‍ സംഭവസ്ഥലത്തെത്തി ദുരിതാശ്വാസ നടപടികള്‍ സ്വീകരിക്കാന്‍ നിര്‍ദേശം നല്‍കി.

രക്ഷാപ്രവര്‍ത്തനത്തിനായി സിംഗാരേണി കോളിയേഴ്സിന്റെ ഒരു സംഘത്തെയും വിന്യസിച്ചിട്ടുണ്ട്.

ആവശ്യമായ രക്ഷാപ്രവര്‍ത്തനങ്ങള്‍ വേഗത്തിലാക്കാനും കുടുങ്ങിക്കിടക്കുന്ന തൊഴിലാളികളെ രക്ഷിക്കാനും മുഖ്യമന്ത്രി ഉദ്യോഗസ്ഥരോട് ആവശ്യപ്പെട്ടു.

പ്രമേയം അംഗീകരിക്കാന്‍ കേന്ദ്രത്തോട് അഭ്യര്‍ഥിക്കുന്നതായും തിവാരി പറഞ്ഞു കഴിഞ്ഞ നിവസമാണ് മന്‍മോഹന്‍ സിങ്ങിന് ഭാരത രത്‌ന നല്‍കണമെന്ന പ്രമേയം തെലങ്കാന നിയമസഭ പാസാക്കിയത് പ്രമേയത്തെ പ്രധാനപ്രതിപക്ഷ പാര്‍ട്ടിയായ ബിആര്‍എസും അനുകൂലിച്ചിരുന്നു.

കോണ്‍ഗ്രസ് പാര്‍ലമെന്ററി പാര്‍ട്ടി അധ്യക്ഷ സോണിയ ഗാന്ധി 2013ല്‍ സിംഗിന് അവാര്‍ഡ് നല്‍കാനുള്ള മുന്‍ രാഷ്ട്രിട്രപതി പ്രണബ് മുഖര്‍ജിയുടെ ശുപാര്‍ശയോട് പ്രതികരിച്ചില്ല എന്ന ബിജെപിയുടെ ആരോപണങ്ങള്‍ക്കിടയിലാണ് തെലങ്കാന നിയമത്തില്‍ പ്രമേയം വന്നത് തെലങ്കാന നിയമസഭയിലെ പ്രമേയത്തിന് കോണ്‍ഗ്രസ് പാര്‍ട്ടിയില്‍ നിന്ന് പിന്തുണ ലഭിച്ചിരുന്നു. പ്രമേയം അംഗീകരിക്കാന്‍ കേന്ദ്രത്തോട് അഭ്യര്‍ത്ഥിക്കുന്നുവെന്നും മന്‍മോഹന്‍ നമ്മുടെ രാജ്യത്തിന്റെ മഹത്തായ നേതാവായിരുന്നുവെന്നും അദ്ദേഹത്തിന് ഭാരത് നല്‍കണമെന്നും പ്രമേയത്തെ പിന്തുണച്ച് രാജ്യസഭയിലെ കോണ്‍ഗ്രസ് ഉപനേതാവി പ്രമോദ് തിവാരി പറഞ്ഞു.

ഇന്ന് മന്‍മോഹന്‍ സിങ്ങിന് ആദരം അര്‍പ്പിക്കുന്നതിനായി തെലങ്കാന നിയമസഭ പ്രത്യേക സെഷന്‍ നടത്തുകയുണ്ടായി. ഈ സെഷനിലാണ് പ്രതിമ സ്ഥാപിക്കുന്നത് സംബന്ധിച്ച് പ്രമേയം പാസാക്കിയത്. തെലങ്കാന സംസ്ഥാനം രൂപീകരിക്കുമ്പോള്‍ മന്‍മോഹന്‍ സിങ്ങായിരുന്നു പ്രധാനമന്ത്രി. സംസ്ഥാന രൂപീകരണത്തില്‍ നിര്‍ണായക പങ്ക് വഹിച്ച വ്യക്തി കൂടിയാണ് മന്‍മോഹന്‍ സിങ്.

അതേസമയം പ്രതിപക്ഷമായ ബി.ആര്‍.എസ് പ്രമേയത്തെ പിന്തുണച്ചെങ്കിലും ബി.ജെ.പി കടുത്ത വിമര്‍ശനമാണ് നിയമസഭയില്‍ ഉയര്‍ത്തിയത്. തെലുങ്കു മണ്ണിന്റെ മകനായ നരസിംഹറാവുവിന്റെ പ്രതിമയാണ് ആദ്യം നിയമസഭാ വളപ്പില്‍ സ്ഥാപിക്കേണ്ടതെന്ന് ബി.ജെ.പി പറഞ്ഞു. നരസിംഹറാവുവിന് അര്‍ഹിച്ച ആദരവ് കോണ്‍ഗ്രസ് നല്‍കുന്നില്ലെന്നും ബി.ജെ.പി ആരോപിച്ചു.

സംഭവവുമായി ബന്ധപ്പെട്ട് 8 ബി.ജെ.പി പ്രവര്‍ത്തകര്‍ അറസ്റ്റിലായിട്ടുണ്ടെന്നും ഇവര്‍ക്കെതിരെ രാജ്യദ്രോഹ കുറ്റം ചുമത്തിയിട്ടുണ്ടെന്നും രഘുനന്ദന്‍ റാവു പറഞ്ഞു. രംഗനാഥന്‍ എന്ന ഐ.പി.എസ് ഓഫീസറെ അനധികൃത നിര്‍മാണം പൊളിച്ചു നീക്കുന്നതിനായി നിയോഗിച്ചിട്ടുണ്ടെന്നും ബി.ജെ.പി എം.പി അവകാശപ്പെട്ടു.

പൊലീസ് ചെയ്യേണ്ട കാര്യം ഞങ്ങളുടെ കാര്യകര്‍ത്താക്കള്‍ ചെയ്താല്‍ അതില്‍ എന്താണ് തെറ്റെന്നും അദ്ദേഹം ചോദിച്ചു. പള്ളി നിര്‍മിക്കുന്നതിന് മുമ്പ് പഞ്ചായത്ത് സെക്രട്ടറിയുടേയോ മണ്ഡല്‍ റവന്യു ഓഫീസറടുയോ അനുമതി വാങ്ങിയിട്ടില്ല. ബി.ജെ.പി നിരവധി പരാതികള്‍ നല്‍കിയിട്ടും അനധികൃതമായി നിര്‍മിച്ച പള്ളികളില്‍ നടപടിയെടുക്കാന്‍ അധികൃതര്‍ തയാറായിട്ടില്ലെന്നും അദ്ദേഹം പറഞ്ഞു.

അതേസമയം, കഴിഞ്ഞ ദിവസം ബി.ജെ.പി പ്രവര്‍ത്തകരെ അറസ്റ്റ് ചെയ്തിട്ടുണ്ടെന്ന് അറിഞ്ഞ് രഘുനന്ദന്‍ റാവു പൊലീസ് സ്‌റ്റേഷനിലേക്ക് എത്തി ഉദ്യോഗസ്ഥരുമായി തര്‍ക്കിച്ചുവെന്നും റിപ്പോര്‍ട്ടുണ്ട്. തര്‍ക്ക ഭൂമി സര്‍ക്കാര്‍ നല്‍കിയത് തന്നെയാണെന്നും പിന്നീട് ഇത് സ്വകാര്യ വ്യക്തിക്ക് കൈമാറുകയായിരുന്നുവെന്നും ആരോപണം. ഭൂമി വില്‍പനയുമായി ബന്ധപ്പെട്ട് സമര്‍പ്പിക്കപ്പെട്ട രേഖകള്‍ അനധികൃതമാണെന്നാണ് കണ്ടെത്തിയിരിക്കുന്നത്.

ഗ്രാമത്തില്‍ മൂന്ന് പള്ളികള്‍ ഉണ്ടെന്നും ഇതെല്ലാം അനധികൃതമായി നിര്‍മിച്ചതാണെന്നാണ് മതില്‍ തകര്‍ത്തവരുടെ വാദമെന്നുമാണ് പൊലീസ് പറയുന്നത്. അതേസമയം, ദലിത് സമൂഹമല്ല ഗ്രാമത്തില്‍ പള്ളികള്‍ നിര്‍മിച്ചതെന്നും അധികൃതര്‍ അറിയിച്ചു.

ഇതോടെ, കോണ്‍ഗ്രസില്‍ ചേരുന്ന ഏഴാമത്തെ ബി.ആര്‍.എസ് എം.എല്‍.എയാണ് പാര്‍ട്ടി വര്‍ക്കിങ് പ്രസിഡന്റ് കെ.ടി രാമറാവുവിന്റെ അടുപ്പക്കാരന്‍ കൂടിയായ ബന്ദ്‌ല കൃഷ്ണ മോഹന്‍ റെഡ്ഡി.

നേരത്തെ ബി.ആര്‍.എസിന്റെ ആറ് എം.എല്‍.എമാര്‍ പാര്‍ട്ടിവിട്ട് കോണ്‍ഗ്രസില്‍ എത്തിയിരുന്നു. കഡിയം ശ്രീഹരി, ദാനം നാഗേന്ദര്‍, തെല്ലം വെങ്കട്ട് റാവു, പോചരം ശ്രീനിവാസ് റെഡ്ഡി, സഞ്ജയ് കുമാര്‍, കാലെ യാദയ്യ എന്നിവരാണ് കോണ്‍ഗ്രസില്‍ ചേര്‍ന്നിരുന്നത്. കഴിഞ്ഞദിവസം ആറ് എം.എല്‍.സിമാരും ഒരുമിച്ച് കോണ്‍ഗ്രസിലെത്തിയിരുന്നു.

ദാണ്ഡെ വിട്ടല്‍, ഭാനുപ്രസാദ് റാവു, എം.എസ് പ്രഭാകര്‍, ബൊഗാരപ്പു ദയാനന്ദ്, യഗ്ഗ മല്ലേഷം, ബസവരാജു സരയ്യ എന്നിവരാണ് കോണ്‍ഗ്രസില്‍ ചേര്‍ന്നത്. മുതിര്‍ന്ന ബി.ആര്‍.എസ് നേതാവും രാജ്യസഭാ എം.പിയുമായ കെ. കേശവ റാവുവും കഴിഞ്ഞദിവസം കോണ്‍ഗ്രസില്‍ ചേര്‍ന്നിരുന്നു.

ദണ്ഡേ വിട്ടൽ, ഭാനു പ്രസാദ്, ബി. ദയാനന്ദ്, പ്രഭാകർ റാവു, ബസവരാജു സരയ്യ, ഇ. മല്ലേശം എന്നിവരാണ് കോൺഗ്രസിൽ ചേർന്നത്. രണ്ട് ദിവസത്തെ യാത്രക്ക് ശേഷം രേവന്ത് റെഡ്ഡി തിരിച്ചുവന്നതിന് പിന്നാലെയായിരുന്നു നേതാക്കളുടെ പാർട്ടി പ്രവേശം. ഇതോടെ തെലങ്കാന ലെജിസ്ലേറ്റീവ് കൗൺസിലിൽ കോൺഗ്രസിന്‍റെ അംഗബലം 12 ആയി. നിയമസഭയിൽ 39ൽ നിന്ന് 33ആയി ബി.ആർ.എസിന്‍റെ അംഗബലം കുറയുകയും ചെയ്തു. കഴിഞ്ഞ വർഷം അസംബ്ലി തെരഞ്ഞെടുപ്പിൽ പാർട്ടി നേരിട്ട പരാജയത്തിന് പിന്നാലെ ആറോളം എം.എൽ.എമാർ രാജിവെച്ചിരുന്നു.

അതേസമയം നേതാക്കളുടെ കൂറുമാറ്റത്തിന് പിന്നാലെ കോൺഗ്രസിനെതിരെ രൂക്ഷ വിമർശനവുമായി ബി.ആർ.സ് നേതാവ് കെ.ടി രാമറാവു രംഗത്തെത്തിയിരുന്നു. മുൻകാലങ്ങളിലും കോൺഗ്രസ് അധികാരത്തിലുണ്ടായിരുന്ന കാലയളവിൽ ബി.ആർ.എസിൽ നിന്നും ഇത്തരം ചോർച്ച സംഭവിച്ചിട്ടുണ്ടെന്നും എന്നാൽ പിന്നീട് ക്രമേണ കോൺഗ്രസ് മുട്ടുമടക്കിയെന്നും റാവു പറഞ്ഞു.

2004-06 കാലഘട്ടത്തിൽ കോൺഗ്രസ് അധികാരത്തിലിരുന്ന കാലത്ത് സമാന രീതിയിലുള്ള കൊഴിഞ്ഞുപോക്ക് പാർട്ടിയിലും ഉണ്ടായിരുന്നുവെന്നും, പിന്നീട് തെലങ്കാനയിലെ ജനങ്ങൾ ശക്തമായ പ്രതിഷേധം രേഖപ്പെടുത്തുകയും കോൺഗ്രസ് തലയുയർത്തി നിൽക്കുകയുമായിരുന്നുവെന്നും കെ.ടി രാമ റാവു എക്സിൽ കുറിച്ചും.

സഞ്ജയ് കുമാറിനെ മുഖ്യമന്ത്രി എ. രേവന്ത് റെഡ്ഡിയാണ് കോണ്‍ഗ്രസിലേക്ക് സ്വാഗതം ചെയ്തതെന്ന് പാര്‍ട്ടി വൃത്തങ്ങള്‍ പറഞ്ഞു. രണ്ടാം തവണയാണ് ജഗതിയാല്‍ മണ്ഡലത്തില്‍ നിന്ന് സഞ്ജയ് കുമാര്‍ നിയമസഭയിലേക്ക് തെരഞ്ഞെടുക്കപ്പെടുന്നത്. മുഖ്യമന്ത്രിയും കൃഷി മന്ത്രി പൊങ്കുലേട്ടി ശ്രീനിവാസ് റെഡ്ഡിയും വസതിയിലെത്തി ഔദ്യോഗികമായി ക്ഷണിച്ചതിന് പിന്നാലെയാണ് പോച്ചാരം ശ്രീനിവാസ് കോണ്‍ഗ്രസില്‍ ചേര്‍ന്നത്. പോച്ചാരം ശ്രീനിവാസനോട് ഒരു മൂത്ത സഹോദരനെന്ന നിലയില്‍ പിന്തുണ നല്‍കാന്‍ രേവന്ത് റെഡ്ഡി അഭ്യര്‍ത്ഥിക്കുകയായിരുന്നു.

വരും ദിവസങ്ങളില്‍ കൂടുതല്‍ ബി.ആര്‍.എസ് എം.എല്‍.എമാര്‍ കോണ്‍ഗ്രസില്‍ ചേരാന്‍ സാധ്യതയുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. നേരത്തെ ബി.ആര്‍.എസ് എം.എല്‍.എമാരായ കഡിയം ശ്രീഹരി, ദാനം നാഗേന്ദര്‍, തെല്ലം വെങ്കട്ട് റാവു എന്നിവര്‍ കോണ്‍ഗ്രസില്‍ ചേര്‍ന്നിരുന്നു. ഇവരെ കൂടാതെ ഹൈദരാബാദ് മേയര്‍ വിജയലക്ഷ്മി ആര്‍. ഗദ്വാള്‍ ഉള്‍പ്പെടെ നിരവധി ബി.ആര്‍.എസ് നേതാക്കളാണ് പാര്‍ട്ടിവിട്ട് കോണ്‍ഗ്രസില്‍ ചേര്‍ന്നത്.

ബി.ആര്‍.എസ് എം.എല്‍.എമാരെ കോണ്‍ഗ്രസിലേക്ക് ക്ഷണിച്ചുകൊണ്ടുള്ള മുഖ്യമന്ത്രിയുടെ നീക്കം ഭരണഘടനാ വിരുദ്ധമെന്ന് ചൂണ്ടിക്കാട്ടി ബി.ആര്‍.എസ് നേതാവ് ശ്രാവണ്‍ ദാസോജു പ്രതികരിച്ചു. അന്തരിച്ച മുന്‍ മുഖ്യമന്ത്രി രാജീവ് ഗാന്ധി നടപ്പിലാക്കിയ നിയമങ്ങള്‍ക്ക് എതിരായാണ് തെലങ്കാന മുഖ്യമന്ത്രി പ്രവര്‍ത്തിക്കുന്നതെന്നും അദ്ദേഹം വിമര്‍ശിച്ചു.

‘രണ്ട് ലക്ഷം രൂപ വരെയുള്ള കാർഷിക കടം എഴുതിത്തള്ളാൻ മന്ത്രിസഭ തീരുമാനിച്ചു. കഴിഞ്ഞ സർക്കാർ 10 വർഷത്തെ ഭരണത്തിൽ 28,000 കോടി രൂപയുടെ കാർഷിക കടങ്ങൾ മാത്രമാണ് എഴുതിത്തള്ളിയത്. വായ്പ എഴുതിത്തള്ളുന്നതിന് സംസ്ഥാന ട്രഷറിക്ക് ഏകദേശം 31,000 കോടി രൂപ ചെലവ് വരുമെന്നും ഇതിന്റെ വ്യവസ്ഥകൾ ഉൾപ്പെടെയുള്ള വിശദാംശങ്ങൾ പിന്നീട് പ്രഖ്യാപിക്കുമെന്നും’ റെഡ്ഢി പറഞ്ഞു.

‘കർഷകരുടെ ക്ഷേമത്തിനായാണ് സർക്കാർ വായ്പ എഴുതിത്തള്ളാൻ തീരുമാനിച്ചത്. കഴിഞ്ഞ സർക്കാർ പത്ത് വർഷമായി കർഷകർക്ക് നൽകിയ വാഗ്ദാനങ്ങൾ പാലിച്ചില്ല. സംസ്ഥാനത്ത് അധികാരത്തിൽ വന്ന് എട്ട് മാസത്തിനുള്ളിൽ ഞങ്ങളുടെ സർക്കാർ കർഷകർക്ക് നൽകിയ വാഗ്ദാനം നിറവേറ്റുകയാണ്ണ് -റെഡ്ഢി പ്രസ്താവനയിൽ പറഞ്ഞു.

കർഷകരുടെ നിക്ഷേപ സഹായ പദ്ധതിയായ ‘റൈതു ഭരോസ’യുടെ നടപടിക്രമങ്ങൾ അന്തിമമാക്കുന്നതിന് ഉപമുഖ്യമന്ത്രി മല്ലു ഭട്ടി വിക്രമർക്കയുടെ നേതൃത്വത്തിൽ ക്യാബിനറ്റ് ഉപസമിതി രൂപീകരിക്കുമെന്നും റെഡ്ഡി പ്രഖ്യാപിച്ചു. മന്ത്രിസഭാ ഉപസമിതി രാഷ്ട്രീയ പാർട്ടികളുമായും മറ്റ് ബന്ധപ്പെട്ടവരുമായും കൂടിയാലോചന നടത്തി ജൂലൈ 15 നകം റിപ്പോർട്ട് സമർപ്പിക്കും.

തെലങ്കാന സർക്കാറിന്റെ തീരുമാനത്തെ ‘ചരിത്രപരം’ എന്ന് രാഹുൽ ഗാന്ധി വിശേഷിപ്പിച്ചു. ‘കിസാൻ ന്യായ് (കർഷക നീതി) നിറവേറ്റുന്നതിനുള്ള ദൃഢനിശ്ചയത്തോടെയുള്ള ചുവടുവെപ്പാണിതെന്നും കോൺഗ്രസ് എം.പി പറഞ്ഞു. തന്റെ പാർട്ടി കേന്ദ്രത്തിൽ അധികാരത്തിലെത്തിയാൽ കാർഷിക കടങ്ങൾ എഴുതിത്തള്ളുമെന്ന് ഈ വർഷം ആദ്യം രാഹുൽ ഗാന്ധി വാഗ്ദാനം ചെയ്തിരുന്നു.

‘തെലങ്കാനയിലെ കർഷക കുടുംബങ്ങൾക്ക് അഭിനന്ദനങ്ങൾ! നിങ്ങളുടെ 2 ലക്ഷം രൂപ വരെയുള്ള എല്ലാ വായ്പകളും എഴുതിത്തള്ളിക്കൊണ്ട് ‘കിസാൻ ന്യായ്’ എന്ന ദൃഢനിശ്ചയം നിറവേറ്റുന്നതിനായി കോൺഗ്രസ് സർക്കാർ ചരിത്രപരമായ ഒരു ചുവടുവെപ്പ് നടത്തിയിരിക്കുന്നു. ഇത് 40 ലക്ഷത്തിലധികം കർഷക കുടുംബങ്ങളെ കടക്കെണിയിൽനിന്ന് രക്ഷിക്കും.

ഞാൻ എന്ത് പറഞ്ഞുവോ അത് ചെയ്തിരിക്കുന്നു. ഇതാണ് എന്റെ ശീലവും ഉദ്ദേശ്യവും. കർഷകരും തൊഴിലാളികളും ഉൾപ്പെടെയുള്ള സമൂഹത്തിലെ അവശത അനുഭവിക്കുന്ന വിഭാഗങ്ങളെ ശക്തിപ്പെടുത്തുന്നതിന് കോൺഗ്രസ് സംസ്ഥാന ഖജനാവിൽനിന്ന് ചെലവഴിക്കും എന്നതിന്റെ ഉറപ്പാണി​തെന്നും ‘എക്‌സി’ലെ പോസ്റ്റിൽ രാഹുൽ ഗാന്ധി പറഞ്ഞു.

അറസ്റ്റ് ചെയ്ത ഗൗഡിനെ ജുഡീഷ്യല്‍ കസ്റ്റഡിയില്‍ വിട്ടു. ജൂണ്‍ 15 ന് കാളേശ്വരം പദ്ധതിയുടെ ലക്ഷ്മി പമ്പ് ഹൗസിന് സമീപമുള്ള പഴയ പൊലീസ് സ്റ്റേഷന്‍ കെട്ടിടത്തില്‍ വെച്ചാണ് വനിതാ കോണ്‍സ്റ്റബിള്‍(42) ബലാത്സംഗത്തിനിരയായത്.ബലാത്സംഗം ചെയ്യുന്നതിനുമുമ്പ് പൊലീസ് ഉദ്യോഗസ്ഥന്‍ തന്റെ റിവോള്‍വര്‍ ഉപയോഗിച്ച് ഭീഷണിപ്പെടുത്തിയതായി അവര്‍ ആരോപിച്ചു.സംഭവം ആരോടെങ്കിലും വെളിപ്പെടുത്തിയാല്‍ കടുത്ത പ്രത്യാഘാതങ്ങള്‍ നേരിടേണ്ടിവരുമെന്നും ഗൗഡ് യുവതിയെ ഭീഷണിപ്പെടുത്തിയിരുന്നു.

വനിതാ കോണ്‍സ്റ്റബിളിന്റെ പരാതിയെ തുടര്‍ന്ന് പൊലീസ് എസ്‌ഐയുടെ സര്‍വീസ് റിവോള്‍വര്‍ പിടിച്ചെടുത്ത് കസ്റ്റഡിയിലെടുത്തു.വിവിധ വകുപ്പുകള്‍ പ്രകാരം എസ്.ഐക്കെതിരെ കേസെടുത്തിട്ടുണ്ട്. ഇതിന് പിന്നാലെയാണ് മറ്റ് മൂന്ന് വനിതാ പൊലീസുകാരെയും ലൈംഗികമായി പീഡിപ്പിച്ചതായി എസ്‌ഐക്കെതിരെ കൂടുതല്‍ ആരോപണങ്ങള്‍ ഉയര്‍ന്നത്. തുടര്‍ന്ന് ഐ.ജി എ.വി രംഗനാഥ് ഗൗഡിനെ സര്‍വീസില്‍ നിന്നും പിരിച്ചുവിടുകയായിരുന്നു. അതിക്രമത്തിന് ഇരയായ യുവതിയുടെ പരാതിയില്‍ ഉത്തരവിട്ട പ്രാഥമിക അന്വേഷണത്തില്‍ എസ്‌ഐ ലൈംഗികമായി പീഡിപ്പിച്ചുവെന്ന് തെളിഞ്ഞതിനെ തുടര്‍ന്നാണ് പിരിച്ചുവിടല്‍.

കോണ്‍സ്റ്റബിള്‍ റിക്രൂട്ട്മെന്റ് പരീക്ഷാ തയ്യാറെടുപ്പുകള്‍ക്കായി സഹായിക്കാനെന്നെ പേരില്‍ മറ്റൊരു യുവതിയെ പീഡിപ്പിച്ചതിന് 2022 ജൂലൈയില്‍ ആസിഫാബാദ് ജില്ലയിലെ റെബ്ബെന പൊലീസ് സ്റ്റേഷനില്‍ ഗൗഡിനെതിരെ ഒരു കേസ് രജിസ്റ്റര്‍ ചെയ്തിട്ടുണ്ട്. തുടര്‍ന്ന് ഇയാളെ സസ്പെന്‍ഡ് ചെയ്തെങ്കിലും പിന്നീട് കാളേശ്വരം പൊലീസ് സ്റ്റേഷനിലേക്ക് നിയമിക്കുകയായിരുന്നു.

ബിജെപിക്കും സംഘപരിവാറിനുമെതിരെ ആഞ്ഞടിച്ച് തെലങ്കാന മുഖ്യമന്ത്രി രേവന്ത് റെഡ്ഡി. തെലങ്കാനയില്‍ കോണ്‍ഗ്രസ് 14 സീറ്റില്‍ വിജയിക്കും. എല്ലാ മരുന്നിനും എക്സ്പയറി ഡേറ്റ് ഉണ്ട്. അത് പോലെയാണ് മോദിയുടെ കാര്യവും. 2024 ലെ ലോക്സഭാ തിരഞ്ഞെടുപ്പില്‍ മോദി തോല്‍ക്കും. ബിആര്‍എസ്സിന് നഷ്ടമാകുന്ന വോട്ടുകള്‍ കിട്ടാന്‍ ബിജെപി ശ്രമിച്ചേക്കാം. എന്നാലും വിജയം കോണ്‍ഗ്രസ്സിനു തന്നെയായിരിക്കുമെന്നും രേവന്ത് റെഡ്ഡി പറഞ്ഞു.

ബിജെപിയെ പോലെ ദക്ഷിണേന്ത്യന്‍ സംസ്ഥാനങ്ങളോട് വിവേചനം കാണിക്കുന്ന സമീപനം കോണ്‍ഗ്രസ്സിനില്ലെന്നും ഹിന്ദി ഹൃദയഭൂമിയില്‍ വലിയ വിജയം ലഭിച്ചപ്പോഴും ദക്ഷിണേന്ത്യന്‍ നേതാക്കളെ കോണ്‍ഗ്രസ് കേന്ദ്ര സര്‍ക്കാരില്‍ ഉള്‍പ്പെടുത്തിയിരുന്നു എന്നും അദ്ദേഹം ഒര്‍മ്മിപ്പിച്ചു. ദക്ഷണേന്ത്യന്‍ സംസ്ഥാനങ്ങളില്‍ ബിജെപിക്ക് 20 ല്‍ കൂടുതല്‍ സീറ്റുകള്‍ ലഭിക്കില്ല. ഉത്തരേന്ത്യയില്‍ 2019 ലെ ഫലം ആവര്‍ത്തിക്കില്ലെന്നും അവിടെയും ബിജെപി തിരിച്ചടി നേരിടുമെന്നും അദ്ദേഹം പറഞ്ഞു.