അയ്യർ മുംബൈയിലേക്ക് മടങ്ങിയെന്നാണ് റിപ്പോർട്ട്. ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ താരം ചികിത്സ തേടുമെന്നും, ഇന്ത്യൻ പ്രീമിയർ ലീഗ് സീസണിന് മുമ്പ് സുഖം പ്രാപിക്കുമെന്നാണ് പ്രതീക്ഷിക്കുന്നതെന്നും റിപ്പോർട്ടുണ്ട്. ഫോമിലല്ലാത്ത താരം, ആദ്യ രണ്ട് ടെസ്റ്റിലും മികച്ച പ്രകടനം ആയിരുന്നില്ല നടത്തിയത്. ശ്രേയസിനെ ടീമിൽ നിന്ന് ഒഴിവാക്കിയേക്കുമെന്ന അഭ്യൂഹങ്ങൾക്കിടെയാണ് താരത്തിൻ്റെ പരുക്കിനെക്കുറിച്ചുള്ള വാർത്തകൾ.

അതേസമയം, ഹൈദരാബാദിലും വിശാഖപട്ടണത്തും നടന്ന ആദ്യ രണ്ട് മത്സരങ്ങളിൽ നിന്ന് പിന്മാറിയ വിരാട് കോലി മൂന്നാം ടെസ്റ്റിലും കളിച്ചേക്കില്ല. രണ്ടാം ടെസ്റ്റിൽ പുറത്തായ കെഎൽ രാഹുലും രവീന്ദ്ര ജഡേജയും ടീമിൽ തിരിച്ചെത്തിയേക്കും. നിലവിൽ ഇരു ടീമുകളും ഓരോ ജയത്തോടെ പരമ്പരയിൽ ഒപ്പത്തിനൊപ്പമാണ്.