ന്യൂഡല്‍ഹി: ജാര്‍ഖണ്ഡില്‍ ജയ് ശ്രീറാം വിളിയുടെ പേരില്‍ ആള്‍ക്കൂട്ടം അടിച്ച് കൊന്ന തബ് റേസ് അന്‍സാരിയുടെ കുടുംബത്തിന് സുപ്രിം കോടതിയെ സമീപിക്കാന്‍ നിയമ സഹായവുമായി മുസ്ലിം യൂത്ത് ലീഗ് ദേശീയ കമ്മിറ്റി. തബ്‌റേസിന്റെ വിധവ ഷഹിസ്ത പര്‍വീ ണിനൊപ്പം മുസ്്‌ലിം യൂത്ത് ലീഗ് ദേശീയ ജനറല്‍ സെക്രട്ടറി സി.കെ സുബൈര്‍, വൈസ് പ്രസിഡണ്ട് അഡ്വ.വി.കെ ഫൈസല്‍ ബാബു, കത്വ കേസിലെ അഭിഭാഷകന്‍ അഡ്വ: മുബീന്‍ ഫാറൂഖി എന്നിവര്‍ സുപ്രിം കോടതിയിലെ മുതിര്‍ന്ന അഭിഭാഷകന്‍ ഫുസൈല്‍ അയ്യൂബിയുമായി ഇതുസംബന്ധിച്ച് ചര്‍ച്ച നടത്തി.
കഴിഞ്ഞ ജൂണ്‍ 18നാണ് തബ്‌റേസ് കൊല്ലപ്പെട്ടത്. രാത്രിയില്‍ സുഹൃത്തുക്കളോടൊപ്പം സഞ്ചരിക്കുകയായിരുന്ന യുവാവിനെ ജയ് ശ്രീറാം വിളിക്കണമെന്നാവശ്യപ്പെട്ട് ക്രൂരമായി മര്‍ദ്ദിക്കുകയായിരുന്നു. അക്രമികള്‍ തന്നെ ഇതിനെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിച്ചു. തുടര്‍ന്ന് ആശുപത്രിയില്‍ വച്ച് തബ് റേസ് മരണപ്പെട്ടുവെങ്കിലും മരണകാരണം ഹൃദയസ്തംഭനമാണെന്ന് വരുത്തി തീര്‍ക്കാനാണ് പോലീസ് ശ്രമിച്ചത്. ഇത് പ്രതികള്‍ക്ക് വേണ്ടികേസ് അട്ടിമറിക്കാനുളള ശ്രമത്തിന്റെ ഭാഗമാണെന്ന് ഭാര്യ ഷഹിസ്ത ആരോപിച്ചിരുന്നു.
ഈ സാഹചര്യത്തിലാണ് നിഷ്പക്ഷമായ അന്വേഷണവും, വിചാരണയും ആവശ്യപ്പെട്ട് സുപ്രിംകോടതിയെ സമീപിക്കാന്‍ കുടുംബത്തിന് സഹായവുമായി മുസ്ലിം യൂത്ത് ലീഗ് മുന്നോട്ട് വന്നത്.ബാബരി മസ്ജിദ് കേസിലെ അഭിഭാഷകരായ ഫുസൈല്‍ അയ്യൂബി നിരവധി കേസുകളില്‍ ഇരകള്‍ക്ക് വേണ്ടി നിലയുറപ്പിക്കുന്ന ആക്റ്റിവിസ്റ്റ് കൂടിയാണ്.
ഷഹിസ്തയോടൊപ്പം മാതാവ് ഷഹനാസ് ബീഗം,തബ്‌റേസിന്റെ മാതൃസഹോദരന്‍ അക്ബര്‍ അന്‍സാരി, ജാര്‍ഖണ്ഡ് സംസ്ഥാന മുസ്ലിം യൂത്ത് ലീഗ് കണ്‍വീനര്‍ ഇര്‍ഫാന്‍ ഖാന്‍ തുടങ്ങിയവരും ഉണ്ടായിരുന്നു.
കേസിന്റെ നിലവിലെ സാഹചര്യങ്ങള്‍ വിശദമായി ചോദിച്ചറിഞ്ഞ നേതാക്കളും യൂത്ത് ലീഗ് നേതാക്കളും തുടര്‍ നടപടികള്‍ തീരുമാനിച്ച് മുന്നോട്ട് പോകും.
ജയ് ശ്രീരാംവിളിയുടെ പേരില്‍ മനുഷ്യരെ അടിച്ച് കൊല്ലുന്നവര്‍ യഥാര്‍ത്ഥത്തില്‍ ശ്രീരാമ നിന്ദ നടത്തുകയാണെന്ന് സി കെ സുബൈര്‍ പറഞ്ഞു. തബ്‌റേസ് അന്‍സാരിക്കു നീതി ലഭിക്കാനുള്ള നിയമപോരാട്ടത്തില്‍ കുടുംബത്തിന് മുസ്ലിം യൂത്ത് ലീഗ് ദേശീയ കമ്മിറ്റിയുടെ സര്‍വ്വ പിന്തുണയും ഉണ്ടാകുമെന്നും അദ്ദേഹം പറഞ്ഞു.

ജാര്‍ഖണ്ഡിലെ ജംഷഡ്പൂരിനടുത്താണ് 22 വയസുകാരനായ അന്‍സാരി കൊല്ലപ്പെട്ടത്. പുലര്‍ച്ചെ വരെ മര്‍ദ്ദനത്തിനിരയാക്കിയ ശേഷം പൊലീസിന് കൈമാറുകയായിരുന്നു. അവശനായിരുന്ന അന്‍സാരിക്ക് അടിയന്തിരമായി ലഭിക്കേണ്ട ചികിത്സ പോലും നിഷേധിച്ച് കസറ്റഡിയില്‍ സൂക്ഷിച്ചു. നാല് ദിവസത്തിനു ശേഷം മരണപ്പെട്ട അവസ്ഥയിലാണ് ആശുപത്രിയിലെത്തിച്ചത്. കള്ളനെന്ന് ആരോപിച്ചാണ് അദ്ദേഹത്തെ ക്രൂരമായി മര്‍ദ്ദിച്ചത്. പൂനെയില്‍ ജോലി ചെയ്യുന്ന അദ്ദേഹം ജോലി സ്ഥലത്തേക്ക് മടങ്ങാനിരിക്കുകയായിരുന്നു. അദ്ദേഹത്തെക്കുറിച്ച് നാട്ടുകാര്‍ക്കൊക്കെ നല്ല അഭിപ്രായമായിരുന്നു.

പ്രതികളെ രക്ഷപ്പെടുത്താനാണ് ഈ കള്ളക്കഥ ഉണ്ടാക്കുന്നത്. പൊലീസ് സ്‌റ്റേഷനിലെത്തിയ ഞങ്ങളെ അദ്ദേഹത്തെ കാണാനോ സംസാരിക്കാനോ അനുവദിച്ചില്ല. ചികിത്സ ലഭ്യമാക്കണം എന്നാവശ്യപ്പെട്ടപ്പൊള്‍ നിങ്ങളെയും കസ്റ്റഡിയിലെടുക്കുമെന്ന് പോലീസ് ഭീഷണിപ്പെടുത്തി. വിതുമ്പിക്കരഞ്ഞ് കൊണ്ട് അന്‍സാരിയുടെ ഭാര്യ ഷഹിസ്ത പര്‍വീണ്‍ നേതാക്കളോട് പറഞ്ഞു.
അനാഥനായിരുന്ന അന്‍സാരി ഒരു മാസം മുന്‍പാണ് വിവാഹിതനായത്. ജീവിതത്തെക്കുറിച്ചുള്ള അവരുടെ സ്വപ്‌നങ്ങളെയാണ് വര്‍ഗീയത തലക്ക് പിടിച്ച ആള്‍ക്കൂട്ടം തല്ലിക്കൊന്നത്. വിഷയം ഉന്നയിച്ച് കൊണ്ട് പാര്‍ലമെന്റില്‍ മുസ്്‌ലിം ലീഗ് എം.പി മാര്‍ നടത്തിയ ഇടപെടലുകളെ കുടുംബം അഭിനന്ദിച്ചു. മുസ്്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി അടിയന്തിര പ്രമേയത്തിന് നോട്ടീസ് നല്‍കിയിരുന്നു.

യൂത്ത് ലീഗ് പ്രസിഡണ്ട് സാബിര്‍ എസ് ഗഫാറിന്റെ നേതൃത്വത്തില്‍ ജില്ലാ പോലീസ് സൂപ്രണ്ടിനെ നേരില്‍ കണ്ടു. സംഭവത്തില്‍ അന്‍സാരിയെ കസ്റ്റഡിയിലെടുത്ത പോലീസ് ഓഫീസര്‍മാരുടെ പങ്ക് പുറത്ത് കൊണ്ടുവരുന്ന വിധം നിഷ്പക്ഷവും നീതിപൂര്‍വ്വവുമായ അന്വേഷണം വേണമെന്ന് അദ്ദേഹം ആവശ്യപ്പെട്ടു. മുസ്ലിം ലീഗ് സംസ്ഥാന ജനറല്‍ സെക്രട്ടറി സാജിദ് ആലം, യൂത്ത് ലീഗ് ജാര്‍ഖണ്ഡ് സംസ്ഥാന പ്രസിഡണ്ട് ഇര്‍ഫാന്‍ ഖാന്‍, മുസ്ലിം ലീഗ് സംസ്ഥാന വൈസ് പ്രസിഡണ്ട് മുഫ്തി സയീദ് ആലം, എം എസ് എഫ് കണ്‍വീനര്‍ മിര്‍ ഷെഹ്‌സാദ്, അബ്ദുള്‍ ഖയ്യും അന്‍സാരി, തബ് റേസ് ഖാന്‍, ഷഹ്‌സാദി ഖാത്തൂന്‍ എന്നിവരുടെ നേതൃത്വത്തിലുള്ള സംഘമാണ് സന്ദര്‍ശനം നടത്തിയത്.

വര്‍ദ്ധിച്ചു വരുന്ന ഈ ഭീകരത തടയാന്‍ ശക്തമായ നിയമ നിര്‍മ്മാണം വേണം. സുപ്രിം കോടതിയുടെ നിര്‍ദ്ദേശമുണ്ടായിട്ടും കേന്ദ്ര സര്‍ക്കാര്‍ അനാസ്ഥ തുടരുന്നത് ഈ ഭീകരതക്ക് ചുട്ടു പിടിക്കാനാണ്. ഈ ആള്‍ക്കൂട്ട ഭീകരതക്കു പിന്നിലെ വംശീയ വര്‍ഗീയ അജണ്ടകള്‍ തിരിച്ചറിയപ്പെടണം. ദളിത് സമൂഹത്തിനെതിരായ അതിക്രമങ്ങള്‍ തടയുന്ന നിയമത്തിന്റെ മാതൃകയില്‍ ന്യൂനപക്ഷങ്ങള്‍ക്കെതിരായ അതിക്രമങ്ങള്‍ തടയാന്‍ നിയമനിര്‍മ്മാണം ആവശ്യപ്പെട്ട് പ്രക്ഷോഭ പരിപാടികള്‍ക്ക് മുസ്ലിം യൂത്ത് നേതൃത്വം കൊടുക്കുമെന്ന് സാബിര്‍ എസ് ഗഫാര്‍, സി കെ സുബൈര്‍ എന്നിവര്‍ അറിയിച്ചു.

കൊലപാതകം മനുഷ്യത്വത്തിനേറ്റ കളങ്കമാണ്. അധികാരികളുടെ നിശബ്ദത തന്നെ ഞെട്ടിക്കുന്നുവെന്നും രാഹുല്‍ പറഞ്ഞു. മരണാസന്നനായ യുവാവിനെ നാല് ദിവസം കസ്റ്റഡിയില്‍ വെച്ചെന്നും രാഹുല്‍ കൂട്ടിച്ചേര്‍ത്തു.

ഝാര്‍ഖണ്ഡിലെ ഖര്‍സ്വാന്‍ ജില്ലയില്‍ ജൂണ്‍ 18നാണ് തബ്രെസ് അന്‍സാരിയെ മോഷണക്കുറ്റം ആരോപിച്ച് ആള്‍ക്കൂട്ടം ആക്രമിച്ചത്. ഗുരുതരാവസ്ഥയില്‍ പ്രാദേശിക ആസ്പത്രിയില്‍ പ്രവേശിപ്പിച്ച അന്‍സരി ജൂണ്‍ 22 ന് മരണത്തിന് കീഴടങ്ങുകയായിരുന്നു. മുസ്ലിമായത് കൊണ്ടാണ് തബ്രേസ് അന്‍സാരി കൊല്ലപ്പെട്ടതെന്ന് കഴിഞ്ഞ ദിവസം ഭാര്യ പ്രതികരിച്ചിരുന്നു.

ഇക്കഴിഞ്ഞ ഏപ്രില്‍ 27നാണ് ഇരുവരുടേയും വിവാഹം. പൂനെയില്‍ ജോലി ചെയ്യുകയായിരുന്ന അന്‍സാരി തിരിച്ച് പോകാനായി ടിക്കറ്റും എടുത്തിരുന്നു. ജൂണ്‍ 18ന് നടന്ന ആക്രമണത്തെ തുടര്‍ന്ന് ചികിത്സയിലായിരുന്ന തബ്രേജ് അന്‍സാരിയാണ് ശനിയാഴ്ച്ച മരിച്ചത്. ഖാരസവാന്‍ സ്വദേശിയാണ് ഇദ്ദേഹം.

മുസ്‌ലിം ആയതിന്റെ പേരില്‍ തന്നെ മര്‍ദിച്ചതായി ഭര്‍ത്താവ് ഫോണ്‍ വിളിച്ച് പറഞ്ഞതായി ഷഹിസ്ത വ്യക്തമാക്കി. ‘പുലര്‍ച്ചെ 5 മണിയോടെയാണ് ഭര്‍ത്താവ് ഫോണ്‍ ചെയ്തത്. രാത്രി 10.30 മുതല്‍ ഗ്രാമവാസികള്‍ മര്‍ദിക്കുന്നതായി ഭര്‍ത്താവ് പറഞ്ഞു. കളളനെന്ന് വിളിച്ച് മുസ്‌ലിം ആയത് കൊണ്ടാണ് മര്‍ദിക്കുന്നതെന്നാണ് ഭര്‍ത്താവ് പറഞ്ഞത്. ഞങ്ങള്‍ അദ്ദേഹത്തെ കാണാന്‍ പോയപ്പോള്‍ അദ്ദേഹം സംസാരിക്കാന്‍ പോലും കഴിയാത്തത്രയും അവശനായിരുന്നു. ഞങ്ങള്‍ക്ക് നീതിയാണ് വേണ്ടത്. എന്റെ ഭര്‍ത്താവ് കൊല്ലപ്പെടാന്‍ മാത്രം തെറ്റൊന്നും ചെയ്തിട്ടില്ല,’ ഷഹിസ്ത ആവശ്യപ്പെട്ടു.

ധക്തിദിഹ് ഗ്രാമത്തില്‍ മോട്ടോര്‍സൈക്കിള്‍ മോഷ്ടിക്കാന്‍ ശ്രമിച്ചെന്ന് ആരോപിച്ചാണ് അന്‍സാരിയേയും മറ്റ് രണ്ട് പേരേയും നാട്ടുകാര്‍ പിടികൂടി മര്‍ദിച്ചത്. പിന്നീട് പൊലീസെത്തി ഇയാള്‍ക്കെതിരെ കേസെടുത്ത് കോടതിയില്‍ ഹാജരാക്കിയിരുന്നു. തുടര്‍ന്ന് റിമാന്‍ഡിലായ അന്‍സാരിയെ ശനിയാഴ്ചയാണ് പൊലീസ് ആശുപത്രിയിലെത്തിച്ചത്.

അതേസമയം, മരണകാരണം വ്യക്തമായിട്ടില്ലെന്നും പോസ്റ്റ്‌മോര്‍ട്ടം റിപ്പോര്‍ട്ടിനായി കാത്തിരിക്കുകയാണെന്നും പൊലീസ് വ്യക്തമാക്കി. അക്രമിക്കപ്പെട്ട അന്‍സാരിയെ കൊണ്ട് തീവ്ര ഹിന്ദുത്വ വാദികള്‍ ‘ജയ് ശ്രീറാം, ജയ് ഹനുമാന്‍’ വിളിപ്പിക്കുകയും ചെയ്തിരുന്നു. ഇതിന്റെ വീഡിയോ സോഷ്യല്‍ മീഡിയയില്‍ വൈറലാവുകയും ചെയ്തു.