thalipparamb – Chandrika Daily https://www.chandrikadaily.com Tue, 25 Nov 2025 06:18:12 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg thalipparamb – Chandrika Daily https://www.chandrikadaily.com 32 32 പോലീസ് വാഹനത്തിന് നേരെ സ്റ്റീല്‍ ബോംബ് എറിഞ്ഞ കേസ്: ഇടതു സ്ഥാനാര്‍ഥിയും ഡി.വൈ.എഫ്.ഐ പ്രവര്‍ത്തകനും കുറ്റക്കാരെന്ന് കോടതി https://www.chandrikadaily.com/case-of-throwing-steel-bomb-at-police-vehicle-left-candidate-and-dyfi-activist-found-guilty-by-court.html https://www.chandrikadaily.com/case-of-throwing-steel-bomb-at-police-vehicle-left-candidate-and-dyfi-activist-found-guilty-by-court.html#respond Tue, 25 Nov 2025 06:18:12 +0000 https://www.chandrikadaily.com/?p=365219 തളിപ്പറമ്പ്: പൊലീസ് വാഹനത്തിന് നേരെ സ്റ്റീല്‍ ബോംബെറിഞ്ഞ കേസില്‍ ഇടതു സ്ഥാനാര്‍ഥി ഉള്‍പ്പെടെ രണ്ട് ഡി.വൈ.എഫ്.ഐ പ്രവര്‍ത്തകര്‍ കുറ്റക്കാരാണെന്ന് തളിപ്പറമ്പ് അഡീഷണല്‍ സെഷന്‍സ് ജഡ്ജി കെ.എന്‍. പ്രശാന്ത് വിധിച്ചു. ഇവര്‍ക്കുള്ള ശിക്ഷ ചൊവ്വാഴ്ച പ്രഖ്യാപിക്കും.

പയ്യന്നൂര്‍ നഗരസഭയിലെ വെള്ളൂര്‍ മൊട്ടമ്മല്‍ വാര്‍ഡിലെ എല്‍ഡിഎഫ് സ്ഥാനാര്‍ഥിയും ഡി.വൈ.എഫ്.ഐ ജില്ല കമ്മിറ്റി അംഗവും പയ്യന്നൂര്‍ ബ്ലോക്ക് സെക്രട്ടറിയുമായ വി.കെ. നിഷാദ് (35), ടി.സി.വി നന്ദകുമാര്‍ (35), എ. മിഥുന്‍ (36), കെ.വി. കൃപേഷ് (38) എന്നിവര്‍ പ്രതികളായിരുന്നു. ഇവരില്‍ ഒന്നും രണ്ടും പ്രതികളായ നിഷാദിനും നന്ദകുമാര്‍ക്കുമാണ് കുറ്റം തെളിഞ്ഞത്. മിഥുനും കൃപേഷിനെയും കോടതി വെറുതെ വിട്ടു.

2012 ഓഗസ്റ്റ് 1-നാണ് സംഭവം നടന്നത്. അരിയില്‍ ഷുക്കൂര്‍ വധക്കേസില്‍ അന്നത്തെ സി.പി.എം ജില്ലാ സെക്രട്ടറി പി. ജയരാജനെ പൊലീസ് അറസ്റ്റ് ചെയ്തതിനെ തുടര്‍ന്ന് സംസ്ഥാനത്ത് വ്യാപകമായി അക്രമ സംഭവങ്ങള്‍ അരങ്ങേറി. ഇതിന്റെ ഭാഗമായാണ് പയ്യന്നൂരില്‍ പൊലീസ് വാഹനത്തിന് നേരെ സ്റ്റീല്‍ ബോംബെറിഞ്ഞതെന്നും കേസ് വ്യക്തമാക്കുന്നു.

യൂത്ത് കോണ്‍ഗ്രസ് നേതാവ് രൂപേഷിനെ ഒരു സംഘം സി.പി.എം പ്രവര്‍ത്തകര്‍ ആക്രമിക്കുന്നു എന്ന വിവരമറിഞ്ഞ് തിരികെ പോകുകയായിരുന്ന പൊലീസ് സംഘത്തിന്മേലാണ് പ്രതികള്‍ ബൈക്കിലെത്തി ബോംബെറിഞ്ഞതെന്ന് പ്രോസിക്യൂഷന്‍ വാദിച്ചു. പ്രോസിക്യൂട്ടര്‍മാരായ യു. രമേശന്‍, മധു എന്നിവര്‍ സര്‍ക്കാരിനുവേണ്ടി ഹാജരായി.

]]> https://www.chandrikadaily.com/case-of-throwing-steel-bomb-at-police-vehicle-left-candidate-and-dyfi-activist-found-guilty-by-court.html/feed 0 കിണറ്റില്‍ വീണ് കുഞ്ഞ് മരിച്ച കേസ്; അമ്മ കുറ്റം സമ്മതിച്ചു https://www.chandrikadaily.com/a-case-where-a-child-died-after-falling-into-a-well-the-mother-confessed-to-the-crime.html https://www.chandrikadaily.com/a-case-where-a-child-died-after-falling-into-a-well-the-mother-confessed-to-the-crime.html#respond Tue, 04 Nov 2025 10:22:35 +0000 https://www.chandrikadaily.com/?p=361892 തളിപ്പറമ്പ് (കണ്ണൂര്‍): കിണറ്റില്‍ വീണ് മരണമെന്നായിരുന്നു ആദ്യം കരുതിയത് എന്നാല്‍ മൂന്ന് മാസം പ്രായമുള്ള കുഞ്ഞിന്റെ മരണം കൊലപാതകമായിരുന്നു എന്ന് അന്വേഷണത്തില്‍ വ്യക്തമായി. കുഞ്ഞിനെ കിണറ്റിലേക്കെറിഞ്ഞ് അമ്മ മുബഷിറ തന്നെയാണ് കൊലപ്പെടുത്തിയതെന്ന് പൊലീസ് അറിയിച്ചു.

കുറുമാത്തൂര്‍ ഡെയറി ജുമാമസ്ജിദിന് സമീപം വസിക്കുന്ന ആമിഷ് അലന്‍ എന്ന കുഞ്ഞാണ് മരിച്ചത്. തിങ്കളാഴ്ച രാവിലെ പത്ത് മണിയോടെയായിരുന്നു സംഭവം. മുബഷിറയുടെ നിലവിളി കേട്ട് നാട്ടുകാര്‍ ഓടിയെത്തി, സമീപവാസി കിണറ്റിലിറങ്ങി കുഞ്ഞിനെ പുറത്തെടുത്തു. കുഞ്ഞിനെ ഉടന്‍ തളിപ്പറമ്പ് സഹകരണ ആശുപത്രിയിലേക്കും പിന്നീട് പരിയാരം മെഡിക്കല്‍ കോളജിലേക്കും കൊണ്ടുപോയെങ്കിലും ജീവന്‍ രക്ഷിക്കാനായില്ല.

ആദ്യം മുബഷിറ പൊലീസിനോട് പറഞ്ഞത്, കുളിമുറിയില്‍ കുളിപ്പിക്കുന്നതിനിടെ അബദ്ധത്തില്‍ കുഞ്ഞ് കൈയില്‍നിന്ന് വഴുതി കിണറ്റിലേക്കുവീണു എന്നായിരുന്നു. എന്നാല്‍ സംഭവത്തെച്ചൊല്ലി പൊലീസിന് സംശയം തോന്നി. തുടര്‍ന്ന് ഡി.വൈ.എസ്.പി.യുടെ നേതൃത്വത്തില്‍ നടത്തിയ വിശദമായ ചോദ്യം ചെയ്യലില്‍, മുബഷിറ കുഞ്ഞിനെ കിണറ്റിലേക്കെറിഞ്ഞതായി സമ്മതിച്ചു.

കുഞ്ഞിന്റെ പിതാവ് ജാബിര്‍ ആണ്, അദ്ദേഹം കുടക് കുശാല്‍നഗറില്‍ ബിസിനസ് ചെയ്യുന്ന വ്യക്തിയാണ്. സഹോദരങ്ങള്‍: സഫ ഫാത്തിമ, അല്‍ത്താഫ്, അമന്‍.

സംഭവത്തെക്കുറിച്ച് പൊലീസ് വിശദമായ അന്വേഷണം തുടരുകയാണ്.

]]> https://www.chandrikadaily.com/a-case-where-a-child-died-after-falling-into-a-well-the-mother-confessed-to-the-crime.html/feed 0