കുട്ടിക്ക് ന്യൂമോണിയ ലക്ഷണങ്ങള്‍ ഉണ്ടായിരുന്നില്ലെന്നും, മസ്തിഷ്‌ക ജ്വര ലക്ഷണങ്ങള്‍ കണ്ടതുകൊണ്ടാണ് മെഡിക്കല്‍ കോളജിലേക്ക് റഫര്‍ ചെയ്തതെന്നും. എന്നാല്‍ ആശുപത്രിയിലെത്തും മുമ്പേ കുട്ടി മരിച്ചിരുന്നുവെന്നും താമരശ്ശേരി താലൂക്ക് ആശുപത്രി സൂപ്പ്രണ്ട് വ്യക്തമാക്കി.

പോസ്റ്റ്മോര്‍ട്ടം റിപ്പോര്‍ട്ടില്‍ കുട്ടിയുടെ നട്ടെല്ലില്‍ നിന്ന് എടുത്ത സാമ്പിളില്‍ അമീബയുടെ സാന്നിധ്യം കണ്ടെത്തിയതായി വ്യക്തമാക്കുന്നു. കൂടാതെ, തലച്ചോറില്‍ നീര്‍കെട്ട് ഉണ്ടായിരുന്നതായും രേഖയുണ്ട്. ഇത് അമീബിക് മസ്തിഷ്‌ക ജ്വരത്തിന്റെ പ്രധാന ലക്ഷണമാണെന്ന് വിദഗ്ധര്‍ പറയുന്നു.

‘വെറ്റ് മൗണ്ട് പരിശോധനയില്‍ അമീബ കണ്ടെത്തിയിട്ടുണ്ടെങ്കില്‍, മരണകാരണം ന്യൂമോണിയയായി രേഖപ്പെടുത്തുന്നത് തെറ്റിദ്ധാരണയ്ക്കിടയാക്കും. ന്യൂമോണിയ കാരണം ഇത്ര പെട്ടെന്ന് മരണം സംഭവിക്കുക അപൂര്‍വം. തലച്ചോറിലെ നീര്‍കെട്ട് തന്നെയായിരിക്കും മരണത്തിലേക്ക് നയിച്ചത്.”സ്വകാര്യ ആശുപത്രിയിലെ ഡോക്ടര്‍ അഭിപ്രായപ്പെട്ടു.

വിദഗ്ധരുടെ അഭിപ്രായത്തില്‍, തിരുവനന്തപുരം പബ്ലിക് ഹെല്‍ത്ത് ലാബില്‍ പി.സി.ആര്‍. പരിശോധന നടത്തുമ്പോള്‍ അമീബ കണ്ടെത്തുന്നത് ബുദ്ധിമുട്ടായിരിക്കും, കാരണം സാമ്പിള്‍ മാറ്റത്തിനിടെ അമീബയുടെ സജീവത നഷ്ടമാകാം.

അനയയും സഹോദരങ്ങളും കുളത്തില്‍ മുങ്ങിക്കുളിച്ചിരുന്നതായി വിവരം ലഭിച്ചിട്ടുണ്ട്. സഹോദരികളില്‍ ഒരാള്‍ക്ക് പിന്നീട് രോഗം സ്ഥിരീകരിക്കുകയും, ചികിത്സ ലഭിക്കുകയും ചെയ്തു. മകളുടെ മരണത്തില്‍ ചികിത്സാ വീഴ്ച ആരോപിച്ച് പിതാവ് താലൂക്ക് ആശുപത്രിയിലെ ഡോക്ടറെ വെട്ടിപ്പരിക്കേല്‍പ്പിച്ചിരുന്നു.

മരണകാരണം സംബന്ധിച്ച ആശയക്കുഴപ്പം തുടരുന്നതിനാല്‍, മെഡിക്കല്‍ കോളേജ് അധികൃതരും മെഡിക്കല്‍ ബോര്‍ഡും ഉടന്‍ വ്യക്തത വരുത്തുമെന്നാണ് പ്രതീക്ഷ.

പ്രതികളെ പരീക്ഷയെഴുതാന്‍ അനുവദിക്കില്ലെന്ന് കഴിഞ്ഞ ദിവസം തന്നെ പ്രതിപക്ഷ വിദ്യാര്‍ത്ഥി സംഘടനകള്‍ വ്യക്തമാക്കിയിരുന്നു. പ്രതികളായ വിദ്യാര്‍ത്ഥികളെ സ്‌കൂളില്‍ എത്തിച്ച് പരീക്ഷ എഴുതിക്കുന്നതില്‍ സുരക്ഷാ പ്രശ്നമടക്കം വിലയിരുത്തി വെള്ളിമാട് കുന്നിലെ ഒബ്‌സെര്‍വേഷന്‍ ഹോമില്‍ തന്നെ പരീക്ഷക്കായി പ്രത്യേക സൗകര്യം ഒരുക്കുകയായിരുന്നു.

അതേസമയം പ്രതികളായ വിദ്യാത്ഥികളെ പരീക്ഷ എഴുതാന്‍ അനുവദിച്ചത് തെറ്റായ സന്ദേശം നല്‍കുമെന്ന് ഷഹബസിന്റെ പിതാവ് പറഞ്ഞു. എസ്എസ്എല്‍സി പരീക്ഷ നടക്കുന്ന വരും ദിവസങ്ങളിലും പ്രതിഷേധം തുടരാനാണ് സാധ്യത.

ഉച്ചയ്ക്ക് 12 മുതല്‍ 2 വരെയാകും പ്രതിപക്ഷം ഉന്നയിച്ച പ്രമേയം ചര്‍ച്ച ചെയ്യുക. രമേശ് ചെന്നിത്തലയാണ് അടിയന്തര പ്രമേയത്തിന് നോട്ടീസ് നല്‍കിയത്. സംസ്ഥാനത്തെ വിദ്യാര്‍ത്ഥികള്‍ക്കിടയിലും യുവാക്കള്‍ക്കിടയിലും അക്രമങ്ങള്‍ വര്‍ധിച്ചുവരുന്ന സാഹചര്യം സഭ നിര്‍ത്തിവെച്ച് ചര്‍ച്ച ചെയ്യണമെന്നായിരുന്നു ആവശ്യം.

അതേസമയം, കൊലപാതകത്തില്‍ പ്രതികളെന്ന് സംശയിക്കുന്ന വിദ്യാര്‍ത്ഥികളെ വെള്ളിമാടുകുന്നു ജുവൈനല്‍ ഹോമില്‍ തന്നെ പരീക്ഷ എഴുതിക്കാനുള്ള നീക്കത്തിനെതിരെ യുവജന സംഘടനയുടെ പ്രതിഷേധം ശക്തമായിരുന്നു. ജുവൈനല്‍ ഹോമിലേക്ക് എംഎസ്എഫ് പ്രവര്‍ത്തകര്‍ മാര്‍ച്ച് നടത്തുകയും തുടര്‍ന്ന് സംഘര്‍ഷമുണ്ടായി. പൊലീസും പ്രവര്‍ത്തകരും തമ്മിലുള്ള സംഘര്‍ഷത്തിനിടെ പവര്‍ത്തകരെ അറസ്റ്റു ചെയ്തു നീക്കി. ജുവൈനല്‍ ഹോമിലേക്ക് യൂത്ത് കോണ്‍ഗ്രസ്, കെഎസ്‌യു നടത്തിയ മാര്‍ച്ചിലും സംഘര്‍ഷമുണ്ടായി. ഇവരെ പൊലീസ് തടഞ്ഞു.

ഇന്നലെ രാത്രി താമരശ്ശേരി ചെക്ക് പോസ്റ്റിന് സമീപത്തെ ടേക്ക് എ ബ്രേക്ക് എന്ന കടയിലായിരുന്നു സംഭവം. രാത്രി 12ഓടെ അഞ്ചുപേരെത്തി ബ്രോസ്റ്റഡ് ചിക്കന്‍ ചോദിക്കുകയായിരുന്നു. തീര്‍ന്നെന്ന് പറഞ്ഞതോടെ സംഭവം വാക്കുതര്‍ക്കത്തിലേക്ക് എത്തി. ഇത് പിന്നീട് ആക്രമണത്തിന് വഴിമാറുകയായിരുന്നു.

ഉടമ ഫഈദിനും ജീവനക്കാരനായ മെഹ്ദി ആലമിനും മര്‍ദനമേറ്റു. കടയിലെ സാധനങ്ങളും അക്രമികള്‍ നശിപ്പിച്ചു. സംഭവത്തിന്റെ സി.സി.ടി.വി ദൃശ്യങ്ങള്‍ പുറത്തുവന്നു. രണ്ടുപേരെ പൊലീസ് കസ്റ്റഡിയിലെടുത്തിട്ടുണ്ട്.

ഭാര്യയ്‌ക്കൊപ്പം താമരശ്ശേരിയില്‍ വാടക വീട്ടിലാണ് ഇയാള്‍ താമസിച്ചിരുന്നത്. പരിക്കേറ്റ ഭാര്യ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലാണ്. വെള്ളിയാഴ്ചയാണ് പത്തൊന്‍പതുകാരിയായ ഭാര്യയെ പ്രതി ക്രൂരമായി മര്‍ദ്ദിച്ചത്.

തടഞ്ഞുവച്ച് മാരകായുധം ഉപയോഗിച്ച് അപായപ്പെടുത്താന്‍ ശ്രമിച്ചതിനാണ് പൊലീസ് കേസെടുത്തത്. താമരശ്ശേരി കോടതി പ്രതിയെ റിമാന്‍ഡ് ചെയ്തു.

അതേസമയം ഭാര്യയെ ക്രൂരമായി ബഹാവുദ്ദീന്‍ മര്‍ദ്ദിച്ചുവെന്ന് ഭാര്യയുടെ സഹോദരി റിപ്പോര്‍ട്ടറിനോട് പറഞ്ഞു. സ്ത്രീധനം ആവശ്യപ്പെട്ടായിരുന്നു മര്‍ദ്ദനം. ബഹാവുദ്ദീന്‍ ഭാര്യയുടെ മുടി മുറിച്ചുമാറ്റുകയും ചെയ്തു. കൈ കാലുകള്‍ തല്ലിയൊടിച്ചപ്പോള്‍ രണ്ടു മാസം ഗര്‍ഭിണിയായതിനാല്‍ എക്‌സറെ എടുക്കാന്‍ സാധിച്ചില്ല. മര്‍ദ്ദിക്കുന്ന സമയത്ത് ഭര്‍ത്താവിന്റെ സഹോദരി അടുത്തുണ്ടായിട്ടും തടഞ്ഞില്ലെന്നും ഭാര്യയുടെ സഹോദരി ആരോപിച്ചു.

ചൊവ്വാഴ്ച വൈകുന്നേരമാണ് സംഘര്‍ഷമുണ്ടായത്. കോളേജിലെ രണ്ടാം വര്‍ഷ വിദ്യാര്‍ഥികളെ മര്‍ദിച്ചെന്ന് ആരോപിച്ച് ഇരു വിഭാഗം വിദ്യാര്‍ഥികള്‍ ചേരിതിരിഞ്ഞും പുറമെ നിന്നെത്തിയവരും തമ്മിലാണ് സംഘര്‍മുണ്ടാവുകയായിരുന്നു. പൊലീസെത്തി ലാത്തിവീശിയാണ് സംഘര്‍ഷത്തിന് അയവുവരുത്തിയത്. സംഘര്‍ഷവുമായി ബന്ധപ്പെട്ട് രണ്ട് പരാതികള്‍ ലഭിച്ചിട്ടുണ്ടെന്നും ഇതിലാണ് നടപടിയെടുത്തതെന്നും പ്രിന്‍സിപ്പല്‍ പറഞ്ഞു. പരാതി താമരശ്ശേരി പൊലീസിന് കൈമാറിയതായും പ്രിന്‍സിപ്പല്‍ അറിയിച്ചു.

22ന് രാത്രി യാത്രയ്ക്ക് പൊതുജനങ്ങള്‍ ബദല്‍ മാര്‍ഗങ്ങള്‍ സ്വീകരിക്കണം എന്ന് കളക്ടര്‍ അറിയിച്ചു. സെപ്റ്റംബര്‍ പത്തിനാണ് കൂറ്റന്‍ യന്ത്രങ്ങളുമായി ലോറികള്‍ അടിവാരത്തെത്തിയത്. മൂന്നു മാസത്തിലേറെയായി ഇവ അടിവാരത്ത് നിര്‍ത്തിയിട്ടിരിക്കയാണ്. ചുരംവഴി ഇവ കൊണ്ടുപോകുന്നത് ഗതാഗത തടസ്സമുണ്ടാക്കുമെന്ന് കണ്ടെത്തി ജില്ലാ ഭരണകൂടം ഇവയുടെ യാത്ര തടഞ്ഞിരുന്നു.സത്യവാങ്മൂലം, 20 ലക്ഷം രൂപയുടെ ഡിമാന്‍ഡ് ഡ്രാഫ്റ്റ്, മിനിസ്ട്രി ഓഫ് റോഡ് ട്രാന്‍സ്പോര്‍ട്ട് അതോറിറ്റി സര്‍ട്ടിഫിക്കറ്റ് തുടങ്ങിയ രേഖകള്‍ അണ്ണാമലൈ ട്രാന്‍സ്പോര്‍ട്ട് കമ്പനി അധികൃതര്‍ ഹാജരാക്കി. ഇതോടെയാണ് ചുരം വഴിയുള്ള യാത്രയ്ക്ക് അനുമതി ലഭിച്ചത്.

ബംഗളൂരുവില്‍നിന്ന് മാഹിയിലേക്കു പോകുകയായിരുന്നു ലോറിയിൽ ഡ്രൈവർ മാത്രമായിരുന്നു ഉണ്ടായിരുന്നത്.മദ്യക്കുപ്പികളാണ് ലോറിയില്‍ ഉള്ളത്. ഡ്രൈവറെ നിസാര പരുക്കുകളോടെ ആശുപത്രിയില്‍ പ്രവേശിപ്പിച്ചു. അപകടത്തെത്തുടര്‍ന്ന് ബിവറേജസ് കോര്‍പ്പറേഷന്റെ സ്‌ക്വാഡ് സ്ഥലത്തെത്തിയിട്ടുണ്ട്. ആളുകളെ ലോറിക്ക് അടുത്തേക്ക് കടത്തിവിടുന്നില്ല.