ലോകത്ത് ജനാധിപത്യ സംവിധാനം നടപ്പിലാക്കാന്‍ ഒരുപാട് പ്രയത്‌നിച്ച ഒരു രാജ്യം എന്ന നിലയില്‍, ജനാധിപത്യ സംവിധാനം തെരഞ്ഞെടുത്ത ആദ്യ പശ്ചിമ ലോകരാഷ്ട്രമെന്ന നിലയ്ക്ക് നമ്മുടെ നടപടികള്‍ മൂലം ഇന്ത്യയുടെ മാന്യത നഷ്ടപ്പെടുമ്പോള്‍ ഇന്ത്യക്കാരനെന്ന നിലയ്ക്ക് തനിക്ക് അഭിമാനമില്ല. കശ്മീരിനു പുറത്തു നിന്നുള്ളവര്‍ക്ക് അവിടെ ഭൂമി വാങ്ങിക്കുന്നതില്‍ ഉണ്ടായിരുന്ന നിയന്ത്രണം എടുത്തു നീക്കിയതിലും അമര്‍ത്യ സെന്‍ വിമര്‍ശനം ഉന്നയിച്ചു.

അനുച്ഛേദം 370 റദ്ദാക്കുമ്പോള്‍ കശ്മീരില്‍ ഉണ്ടാകാന്‍ സാധ്യതയുള്ള അനിഷ്ട സംഭവങ്ങള്‍ ഒഴിവാക്കാന്‍ സര്‍ക്കാര്‍ നേരത്തെ തന്നെ മുന്‍കരുതലുകള്‍ സ്വീകരിച്ചിരുന്നുവെന്നും നേതാക്കളെ കരുതല്‍ തടങ്കലിലാക്കിയത് അതിന്റെ ഭാഗമാണെന്നുമുള്ള സര്‍ക്കാര്‍ വാദത്തെ അമര്‍ത്യ സെന്‍ പരിഹസിച്ചു
ഇത്തരം വാദങ്ങള്‍ കൊളോണിയലിസത്തിന്റെ ഏറ്റവും വലിയ ഒഴിവുകഴിവുകളാണെന്നും ഇങ്ങനെയാണ് 200 വര്‍ഷം ബ്രിട്ടീഷുകാര്‍ ഇന്ത്യ ഭരിച്ചിരുന്നതെന്നും അദ്ദേഹം ചൂണ്ടിക്കാട്ടി.

രാഷ്ട്രീയലക്ഷ്യത്തിനായി ഭരണതലത്തില്‍ സ്വീകരിക്കുന്ന നയങ്ങള്‍ മോദി പ്രഭാവത്തെ ഇല്ലാതാക്കി. കഴിഞ്ഞ മാര്‍ച്ചില്‍ ഉത്തര്‍പ്രദേശ് നിയമസഭാ തെരഞ്ഞെടുപ്പിലെ വന്‍വിജയത്തോടെ എതിരാളികളില്ലാത്ത നിലയില്‍ നിന്ന് മോദി ഏറെ പിന്നോക്കം പോയി. അടുത്ത തെരഞ്ഞെടുപ്പില്‍ ജയിക്കുമെങ്കിലും മോദിയുടെ തിളക്കം കുറഞ്ഞു. ഇതിന് സ്വയം പഴിച്ചാല്‍ മതി. സ്വന്തം പ്രതിച്ഛായയുടെ പ്രകടനപരതയില്‍ ഭരണം മറക്കുകയാണ് അദ്ദേഹം. ഷോ നിര്‍ത്തിയിട്ട് ഭരണം നടത്തണം. അല്ലെങ്കില്‍ വോട്ടര്‍മാര്‍ തിരിച്ചടിക്കുമെന്നും ലേഖനത്തില്‍ പറയുന്നു.

നോട്ട് നിരോധനം മൊത്തം ആഭ്യന്തരഉല്‍പ്പാദനം കാര്യമായികുറയാന്‍ ഇടയാക്കി. വേണ്ടത്ര മുന്നൊരുക്കമില്ലാതെ മോശമായ രീതിയിലാണ് ജി.എസ്.ടി നടപ്പിലാക്കിയത്. ജി.എസ്.ടി ഉള്‍പ്പെടെയുള്ള വിഷയങ്ങളില്‍ ഉയരുന്ന വിമര്‍ശനങ്ങളെ സര്‍ക്കാര്‍ അസഹിഷ്ണുത കൊണ്ടാണ് നേരിടുന്നത്. മാധ്യമങ്ങളെ ചങ്ങലക്കിടുകയാണ്. ഇന്ത്യയിലെ മാധ്യമപ്രവര്‍ത്തകര്‍ ഭീതിയിലാണ്. അമിത്ഷായുടെ മകന്‍ ജയ്ഷാക്കെതിരെ വാര്‍ത്ത നല്‍കിയ മാധ്യമത്തെ നിയമകുരുക്കില്‍ പെടുത്തുകയാണ് കേന്ദ്രസര്‍ക്കാര്‍. മോദിയെ അനുകരിക്കുന്ന തമാശക്കാര്‍ക്ക് അവസരം നിഷേധിക്കുന്നു. ശരിയായ വിമര്‍ശനം അനുവദിക്കാത്തതിനാല്‍ മോദിയുടെ നയങ്ങളും നിര്‍ദ്ദേശങ്ങളും ഫലപൂര്‍ത്തിയിലെത്തുന്നില്ലെന്നും ഇക്കണോമിസ്റ്റ് എഡിറ്റോറിയലില്‍ പറയുന്നു.