വിമര്‍ശനങ്ങള്‍ സഹിക്കാന്‍ ഒരു രാഷ്ട്രീയക്കാരന് തൊലിക്കട്ടി വേണമെന്ന് ചീഫ് ജസ്റ്റിസ് പരിഹസിച്ചു. ‘കോടതികളെ രാഷ്ട്രീയ യുദ്ധക്കളങ്ങളാക്കി മാറ്റാന്‍ കഴിയില്ലെന്ന് ഞങ്ങള്‍ പലതവണ ആവര്‍ത്തിച്ചിട്ടുണ്ട്. നിങ്ങളൊരു രാഷ്ട്രീയക്കാരനാണെങ്കില്‍, ഇതെല്ലാം സഹിക്കാനുള്ള തൊലിക്കട്ടി നിങ്ങള്‍ക്കുണ്ടായിരിക്കണം’ ഹൈക്കോടതി വിധിയെ ചോദ്യം ചെയ്തുള്ള ഹര്‍ജി തള്ളിക്കൊണ്ട് സുപ്രീംകോടതി പറഞ്ഞു.

രാഷ്ട്രീയ പ്രശ്‌നങ്ങള്‍ക്കായി കോടതികളെ ഉപയോഗിക്കുന്നതിനെതിരെ ബിജെപിക്ക് കോടതി മുന്നറിയിപ്പും നല്‍കി. ചീഫ് ജസ്റ്റിസ് ബി.ആര്‍. ഗവായ്, ജസ്റ്റിസ് കെ. വിനോദ് ചന്ദ്രന്‍, ജസ്റ്റിസ് അതുല്‍ എസ്. ചന്ദൂര്‍ക്കര്‍ എന്നിവരടങ്ങിയ ബെഞ്ചാണ് ഹര്‍ജി പരിഗണിച്ചിരുന്നത്.

ലോക്‌സഭാ തിരഞ്ഞെടുപ്പില്‍ ബിജെപിക്ക് 400 സീറ്റുകള്‍ ലഭിച്ചാല്‍ എസ്സി/എസ്ടി/ഒബിസി സംവരണം നിര്‍ത്തലാക്കുമെന്ന പ്രസ്താവനയെ തുടര്‍ന്നായിരുന്നു ബിജെപി സംസ്ഥാന ജനറല്‍ സെക്രട്ടറി കാരം വെങ്കടേശ്വരുവാണ് രേവന്ത് റെഡ്ഡിക്കെതിരെ കോടതിയെ സമീപിച്ചത്. നേരത്തെ ഹൈക്കോടതി തള്ളിയതിനെ തുടര്‍ന്നാണ് ബിജെപി സുപ്രീംകോടതിയിലെത്തിയത്.

ഹര്‍ജി പരിഗണനയ്‌ക്കെടുത്ത ഉടനെ ചീഫ് ജസ്റ്റിസ് ഇത് തള്ളുകയാണെന്ന് ബിജെപിക്കായി ഹാജരായ സീനിയര്‍ അഭിഭാഷകന്‍ രഞ്ജിത് കുമാറിനെ അറിയിച്ചു. അഭിഭാഷകന്‍ വിഷയം വീണ്ടും ഉന്നയിച്ചതോടെയാണ് കോടതി മുകളില്‍ പറഞ്ഞ പരാമര്‍ശങ്ങള്‍ നടത്തിയത്.

രേവന്ത് റെഡ്ഡി നടത്തിയ പരാമര്‍ശം ബിജെപി ദേശീയ ഘടകത്തിനെതിരെയാണ്. ബിജെപി തെലങ്കാനയ്ക്ക് ഇതൊരു അവഹേളനമായി കണക്കാനാകില്ലെന്നും ചൂണ്ടിക്കാട്ടിയാണ് ഹൈക്കോടതി ഹര്‍ജി തള്ളിയിരുന്നത്.

ഹൈദരാബാദ്: നിയമസഭാ തെരഞ്ഞെടുപ്പില്‍ വന്‍ വിജയം നേടി ലോക്‌സഭാ തെരഞ്ഞെടുപ്പിന് തയാറെടുക്കുന്ന ടി.ആര്‍.എസിന് തെലങ്കാനയില്‍ ആദ്യ തിരിച്ചടി. ടി.ആര്‍.എസ് പിന്തുണയോടെ സംസ്ഥാന ലെജിസ്ലേറ്റീവ് കൗണ്‍സിലിലേക്ക് മത്സരിച്ച മൂന്ന് സ്ഥാനാര്‍ത്ഥികളും തോറ്റു. ഇതില്‍ രണ്ട് പേര് സിറ്റിങ് എം.എല്‍.സിമാരാണ്. രണ്ട് സീറ്റുകള്‍ കോണ്‍ഗ്രസ് നേടിയപ്പോള്‍, ഒരിടത്ത് കോണ്‍ഗ്രസ്-സി.പി.ഐ പിന്തുണയോടെ മത്സരിച്ച അംഗവും വിജയിച്ചു. അധ്യാപക മണ്ഡലത്തിലും ഗ്രാജുവേറ്റ് മണ്ഡലത്തിലേക്കുമായി ഈ മാസം 22ന് നടന്ന തെരഞ്ഞെടുപ്പ് ഫലം ഇന്നലെയാണ് പുറത്തു വന്നത്. എം.എല്‍.എമാരുടെ ക്വാട്ടയില്‍ നിന്നും തെരഞ്ഞെടുപ്പ് നടന്നതിന് ശേഷം ഉപരിസഭയില്‍ സാന്നിധ്യം നഷ്ടമായ കോണ്‍ഗ്രസിന് വന്‍ തിരിച്ചുവരവിന് തെരഞ്ഞെടുപ്പ് ഫലം അവസരമൊരുക്കി. മുന്‍ മന്ത്രിയും മുതിര്‍ന്ന കോണ്‍ഗ്രസ് നേതാവുമായ ടി ജീവന്‍ റെഡ്ഢി കരീനഗര്‍-അദിലാബാദ്-നിസാമാബാദ്-മെദക് ഗ്രാജുവേറ്റ് മണ്ഡലത്തില്‍ നിന്നും വിജയിച്ചു. നിയമസഭാ തെരഞ്ഞെടുപ്പില്‍ ജഗതിയാല്‍ മണ്ഡലത്തില്‍ നിന്നും പരാജയപ്പെട്ട ജീവന്‍ റെഡ്ഢിക്ക് എം.എല്‍.സി വിജയം ആശ്വാസമാവുകയും ചെയ്തു. ടി.ആര്‍.എസ് പിന്തുണയോടെ മത്സരിച്ച മുന്‍ സര്‍ക്കാര്‍ ഉദ്യോഗസ്ഥന്‍ മാമിണ്ടല ചന്ദ്രശേഖര ഗൗഡിനെ 39,430 വോട്ടുകള്‍ക്കാണ് ജീവന്‍ റെഡ്ഢി ഗ്രാജുവേറ്റ് മണ്ഡലത്തില്‍ നിന്നുള്ള തെരഞ്ഞെടുപ്പില്‍ തോല്‍പിച്ചത്. കോണ്‍ഗ്രസ് പിന്തുണയുള്ള കെ രഘുത്തമന്‍ റെഡ്ഢി കരീം നഗര്‍-അദിലാബാദ്-നിസാമാബാദ്-മെദക് ടീച്ചേഴ്‌സ് മണ്ഡലത്തില്‍ നിന്നും വിജയിച്ചു. ടി.ആര്‍.എസിന്റെ ബി മോഹന്‍ റെഡ്ഢിയെ 1707 വോട്ടുകള്‍ക്കാണ് രഘുത്തമന്‍ റെഡ്ഢി തോല്‍പിച്ചത്. നിലവിലെ ലെജിസ്ലേറ്റീവ് കൗണ്‍സിലില്‍ ടി.ആര്‍.എസിന്റെ ചീഫ് വിപ്പായിരുന്ന പാട്ടൂരി സുധാകര്‍ റെഡ്ഢി നാലാം സ്ഥാനത്തേക്ക് പിന്തള്ളപ്പെട്ടു. നല്‍ഗോണ്ട-ഖമ്മം-വാറംഗല്‍ ടീച്ചേഴ്‌സ് മണ്ഡലത്തില്‍ നിന്നും ടി.ആര്‍.എസിന്റെ സിറ്റിങ് എം.എല്‍.സിയായിരുന്ന പുല രവീന്ദര്‍ കോണ്‍ഗ്രസ്-സി.പി.ഐ പിന്തുണയോടെ മത്സരിച്ച യുണൈറ്റഡ് ടീച്ചേഴ്‌സ് ഫെഡറേഷന്‍ അംഗം നര്‍സി റെഡ്ഢിയോട് തോറ്റു. നിയമസഭാ തെരഞ്ഞെടുപ്പ് ടി.ആര്‍.എസ് കൃത്രിമമായാണ് ജയിച്ചതെന്നതിന്റെ കൃത്യമായ തെളിവാണ് എം.എല്‍.സിയിലേക്ക് നടന്ന തെരഞ്ഞെടുപ്പ് ഫലമെന്ന് കോണ്‍ഗ്രസ് വക്താവ് ദസോയു സ്രാവണ്‍ പറഞ്ഞു.