രണ്ടാം സമ്മാനമായി ഒരു കോടി രൂപ വീതം 20 പേര്‍ക്കും ലഭിക്കും. മൂന്നാം സമ്മാനം 50 ലക്ഷം വീതം 20 പേര്‍ക്ക്, നാലാം സമ്മാനം 5 ലക്ഷം വീതം 10 പേര്‍ക്ക്, അഞ്ചാം സമ്മാനം 2 ലക്ഷം വീതം 10 പരമ്പരകള്‍ക്ക് ലഭിക്കുന്നതാണ്. 5000 മുതല്‍ 500 രൂപ വരെ നറുക്കെടുപ്പ് വിജയികള്‍ക്കും സമ്മാനങ്ങള്‍ നല്‍കാന്‍ വകുപ്പ് ഒരുക്കമാക്കി.

75 ലക്ഷം ടിക്കറ്റുകള്‍ വിറ്റഴിക്കപ്പെട്ട തിരുവോണം ബമ്പറിലെ ഏറ്റവും കൂടുതല്‍ ടിക്കറ്റ് വില്പന പാലക്കാട് (14,07,100) ആയിരുന്നു. തൃശ്ശൂര്‍ ജില്ല രണ്ടാം സ്ഥാനത്ത് (9,37,400), തിരുവനന്തപുരമാണ് മൂന്നാം സ്ഥാനത്ത് (8,75,900) നിന്നുള്ള ടിക്കറ്റ് വില്‍പ്പന രേഖപ്പെടുത്തിയിരിക്കുന്നത്.

കഴിഞ്ഞ 15 വർഷമായി കേരള ലോട്ടറി ടിക്കറ്റ് എടുക്കുന്ന വ്യക്തിയാണ് അല്‍ത്താഫ്. ഇത്തരമൊരു ഭാഗ്യം തേടിയെത്തിയതില്‍ വളരെ സന്തോഷമുണ്ടെന്നും അല്‍ത്താഫ് പറയുന്നു. സാധാരണക്കാരനായ അല്‍ത്താഫിന് ലോട്ടറിത്തുക കൊണ്ട് വീട് വയ്‌ക്കാനാണ് ആഗ്രഹം. ബമ്പറടിച്ച തുക ഉപയോഗിച്ച് നല്ലൊരു വീട് വയ്ക്കണമെന്നും മകളുടെ വിവാഹം നടത്തണമെന്നും അല്‍ത്താഫ് മാധ്യമങ്ങളോട് പ്രതികരിച്ചു.