threads – Chandrika Daily https://www.chandrikadaily.com Sat, 30 Aug 2025 14:47:27 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg threads – Chandrika Daily https://www.chandrikadaily.com 32 32 പുത്തന്‍ ഫീച്ചറുകളുമായി ഇന്‍സ്റ്റഗ്രാം ത്രഡ്‌സ് https://www.chandrikadaily.com/instagram-threads-with-new-features.html https://www.chandrikadaily.com/instagram-threads-with-new-features.html#respond Sat, 30 Aug 2025 14:46:51 +0000 https://www.chandrikadaily.com/?p=352269 ഇലോൺ മസ്‌കിന്റെ എക്സിനോട് മത്സരിക്കാൻ മെറ്റ അവരുടെ മൈക്രോബ്ലോഗിംഗ് പ്ലാറ്റ്‌ഫോമായ ത്രെഡ്‌സിൽ പുതിയ മാറ്റങ്ങൾ കൊണ്ടുവരുന്നു. ഉപയോക്താക്കൾക്ക് കൂടുതൽ സൗകര്യങ്ങൾ ലഭ്യമാക്കുന്നതിനായി നീളമുള്ള കുറിപ്പുകളും അഞ്ച് മിനിറ്റ് വരെ ദൈർഘ്യമുള്ള വീഡിയോകളും പോസ്റ്റ് ചെയ്യാനുള്ള ഫീച്ചറുകളാണ് ത്രെഡ്സിൽ വരാൻ പോകുന്നത്.

ഇതുവരെ 500 അക്ഷരങ്ങൾ മാത്രമാണ് ത്രഡ്‌സിൽ പോസ്റ്റ് ചെയ്യാൻ സാധിച്ചിരുന്നത്. ഇതിൽ മാറ്റം വരുത്തിക്കൊണ്ട് പുതിയ ‘ടെക്സ്റ്റ് അറ്റാച്ച്‌മെന്റ്’ ഫീച്ചറിലൂടെ ഉപയോക്താക്കൾക്ക് വലിയ ലേഖനങ്ങളും കുറിപ്പുകളും ഒറ്റ പോസ്റ്റായി പങ്കിടാനാകും. വലിയ ടെക്സ്റ്റ് പോസ്റ്റുകൾ പല ഭാഗങ്ങളായി ഇടുന്നതിന് പകരം, മുഴുവൻ വിവരങ്ങളും ഒരൊറ്റ പോസ്റ്റിൽ ഉൾക്കൊള്ളിക്കാൻ സാധിക്കും. ഒരു പുസ്തകത്തിൽ നിന്നുള്ള ഉദ്ധരണികളോ, വാർത്താ റിപ്പോർട്ടുകളോ എളുപ്പത്തിൽ പങ്കിടാൻ ഇത് സഹായിക്കും. പുതിയ ഫീച്ചർ ഉപയോഗിച്ച് പോസ്റ്റ് ചെയ്യുമ്പോൾ ഒരു പ്രത്യേക ചാരനിറത്തിലുള്ള കോളത്തിൽ പോസ്റ്റിന്റെ പ്രിവ്യൂ കാണാൻ സാധിക്കും.

നീളമുള്ള കുറിപ്പുകൾക്കൊപ്പം, ത്രഡ്‌സിൽ ഇനി അഞ്ച് മിനിറ്റ് വരെ ദൈർഘ്യമുള്ള വീഡിയോകൾ പോസ്റ്റ് ചെയ്യാനും സാധിക്കും. നിലവിൽ ലിങ്കുകളും ഫോട്ടോകളും അഞ്ച് മിനിറ്റ് വരെയുള്ള വീഡിയോകളും പങ്കിടാൻ സാധിക്കും. വീഡിയോ പോസ്റ്റുകൾക്ക് വലിയ സ്വീകാര്യത ലഭിക്കുന്ന ഈ കാലത്ത് ഈ മാറ്റം ഉപയോക്താക്കളെ ആകർഷിക്കാൻ സാധ്യതയുണ്ട്.

എക്സിലും നീളമുള്ള കുറിപ്പുകൾ പോസ്റ്റ് ചെയ്യാനുള്ള സൗകര്യം ‘ആർട്ടിക്കിൾ’ എന്ന ഫീച്ചറിലൂടെ ലഭ്യമാണ്. എന്നാൽ ഇത് എക്സ് പ്രീമിയം സബ്‌സ്‌ക്രൈബർമാർക്ക് മാത്രമുള്ളതാണ്. എന്നാൽ ത്രെഡ്‌സിൽ ഈ പുതിയ സൗകര്യം എല്ലാ ഉപയോക്താക്കൾക്കും സൗജന്യമായി ലഭിക്കും. ഈയൊരു നീക്കം കൂടുതൽ ആളുകളെ ത്രെഡ്‌സിലേക്ക് ആകർഷിക്കുമെന്നും എക്സുമായി നേരിട്ടുള്ള മത്സരത്തിന് വഴിയൊരുക്കുമെന്നുമാണ് വിലയിരുത്തൽ.

]]> https://www.chandrikadaily.com/instagram-threads-with-new-features.html/feed 0 ത്രെഡ്സ് മടുത്തോ?; ഉപഭോക്താക്കളുടെ എണ്ണം കുത്തനെ കുറഞ്ഞെന്ന് കണക്ക് https://www.chandrikadaily.com/tired-of-threads-it-is-estimated-that-the-number-of-customers-has-decreased-sharply.html https://www.chandrikadaily.com/tired-of-threads-it-is-estimated-that-the-number-of-customers-has-decreased-sharply.html#respond Thu, 20 Jul 2023 12:16:42 +0000 https://www.chandrikadaily.com/?p=265573 മെറ്റയുടെ ഏറ്റവും പുതിയ സോഷ്യല്‍ മീഡിയ പ്ലാറ്റ്‌ഫോമായ ത്രെഡ്‌സില്‍ നിന്ന് കൊഴിഞ്ഞുപോക്ക് തുടരുന്നു. കഴിഞ്ഞ ഒരാഴ്ചയ്ക്കിടെ 50 ശതമാനം കുറവാണ് ഉണ്ടായിരിക്കുന്നത്. ഈ മാസം അഞ്ചിന് ആരംഭിച്ച ത്രഡ്‌സ് തുടക്കത്തില്‍ വലിയ തരംഗമാണ് സോഷ്യല്‍ മീഡിയ രംഗത്ത് ഉണ്ടാക്കിയത്. ആരംഭിച്ച സമയത്ത് അഞ്ചു കോടി ഉപഭോക്താക്കള്‍ ഉണ്ടായിരുന്നെങ്കിലും ഇന്ന് അത് നേര്‍ പകുതിയായി രണ്ടരക്കോടിയിലേക്ക് ചുരുങ്ങിയിരിക്കുന്നു. ഇതില്‍ തന്നെ ആപ്പ് സ്ഥിരമായി ഉപയോഗിക്കുന്നവര്‍ വളരെ ചുരുക്കമാണെന്നും പുതിയ ഉപഭോക്താക്കള്‍ വരുന്നില്ലെന്നും അന്താരാഷ്ട്ര മാധ്യമങ്ങള്‍ പുറത്തുവിട്ട കണക്കുകള്‍ പറയുന്നു.

ട്വിറ്ററിന് വലിയ ഒരു എതിരാളി എന്ന രീതിയില്‍ ആയിരുന്നു ത്രെഡ്‌സ് വന്നിരുന്നത്.

]]> https://www.chandrikadaily.com/tired-of-threads-it-is-estimated-that-the-number-of-customers-has-decreased-sharply.html/feed 0 ട്വിറ്ററിന് തലവേദന സൃഷ്ടിക്കാന്‍ ത്രെഡ് https://www.chandrikadaily.com/zuckerbergs-thread-to-hack-twitter.html https://www.chandrikadaily.com/zuckerbergs-thread-to-hack-twitter.html#respond Fri, 07 Jul 2023 11:20:53 +0000 https://www.chandrikadaily.com/?p=263444 വാഷിങ്ടണ്‍: ഇലോണ്‍ മസ്‌കിന്റെ ട്വിറ്ററിനെ വെട്ടാന്‍ സക്കര്‍ബര്‍ഗിന്റെ ത്രെഡ് ‘പണി’ തുടങ്ങി. ആദ്യ മണിക്കൂറില്‍ തന്നെ പുതിയ ആപ് ഇന്‍സ്റ്റാള്‍ ചെയ്തവരുടെ കണക്കുകള്‍ വച്ചു നോക്കിയാല്‍ ത്രെഡ് ട്വിറ്ററിന് തലവേദന സൃഷ്ടിക്കുമെന്ന് ഏതാണ്ട് ഉറപ്പായിട്ടുണ്ട്. ആദ്യ ഏഴ് മണിക്കൂറില്‍ 10 ദശലക്ഷത്തിലധികം പേരാണ് ത്രെഡിന്റെ ഉപയോക്താക്കളായി മാറിയത്. അതേസമയം ട്വിറ്റര്‍ അതേപടി കോപ്പിയടിച്ചതാണ് മെറ്റ പുതുതായി അവതരിപ്പിച്ച ത്രെഡെന്ന പരോക്ഷ പരിഹാസവുമായി ഇലണ്‍ മസ്‌ക് രംഗത്തെത്തി. ഒരു ടെക്‌സ്റ്റ് അതേപടി കോപ്പി ചെയ്ത് പകര്‍ത്താന്‍ ഉപയോഗിക്കുന്ന കമ്പ്യൂട്ടര്‍ കീ ബോര്‍ഡിലെ എളുപ്പവഴിയായ കണ്‍ട്രോള്‍ സി, വി എന്നീ മൂന്ന് അക്ഷരങ്ങള്‍ ട്വിറ്ററില്‍ പോസ്റ്റു ചെയ്തായിരുന്നു മസ്‌കിന്റെ പ്രതികരണം. ട്വിറ്ററിന് സമാനമായി ടെക്സ്റ്റ് മെസേജുകള്‍ തത്സയമയം പോസ്റ്റ് ചെയ്യാവുന്ന അതേ സംവിധാനമായാണ് ത്രെഡും രംഗത്തെത്തുന്നത്. അതേസമയം ട്വിറ്ററില്‍ നിന്ന് ചില വ്യത്യാസങ്ങള്‍ ത്രെഡിനുണ്ട്.

സ്ഥിരീകരിക്കപ്പെടാത്ത ഉപയോക്താക്കള്‍ക്ക് ട്വിറ്ററില്‍ പോസ്റ്റ് ചെയ്യാവുന്ന സന്ദേശത്തിന് 280 അക്ഷരങ്ങള്‍ എന്ന പരിധി നിശ്ചയിച്ചിട്ടുണ്ട്. ഇതിനു മുകളില്‍ പോസ്റ്റു ചെയ്യണമെങ്കില്‍ പണം നല്‍കണം. മാസം എട്ട് ഡോളര്‍ നല്‍കിയാല്‍ 25,000 അക്ഷരങ്ങള്‍ വരെയാണ് പരിധി ഉയരുക. അതേസമയം ത്രെഡ് 500 അക്ഷരങ്ങളാണ് പരിധി നിശ്ചയിച്ചിരിക്കുന്നത്.

ത്രെഡില്‍ പുതിയ ഉപയോക്താക്കള്‍ ലോഗിന്‍ ചെയ്യുന്നത് മെറ്റയുടെ തന്നെ ഇന്‍സ്റ്റഗ്രാം അക്കൗണ്ടുകളുമായി ബന്ധിച്ചാണ്. ഇന്‍സ്റ്റഗ്രാം പ്രൊഫൈല്‍ വിവരങ്ങള്‍ ഓട്ടോമാറ്റിക് ആയിത്തന്നെ ത്രെഡിലേക്ക് ഇംപോര്‍ട്ട് ചെയ്യപ്പെടും. ഇന്‍സ്റ്റഗ്രാമിന്റെ വലിയ ശൃംഖല വഴി ത്രെഡിന് ആളെക്കൂട്ടാനുള്ള തന്ത്രമായി കൂടിയാണ് ഇതിനെ കാണുന്നത്. അണ്‍വേരിഫൈഡ് ഉപയോക്താക്കള്‍ക്ക് അഞ്ച് മിനുട്ടു വരെയുള്ള വീഡിയോ ത്രെഡില്‍ അപ് ലോഡ് ചെയ്യാനാവും. ട്വിറ്ററില്‍ 2.20 മിനുട്ട് വീഡിയോ മാത്രമേ അപ് ലോഡ് ചെയ്യാനാകൂ.

]]> https://www.chandrikadaily.com/zuckerbergs-thread-to-hack-twitter.html/feed 0