തെരഞ്ഞെടുപ്പില്‍ വ്യാപക ക്രമക്കേട് നടന്നുവെന്ന് കോണ്‍ഗ്രസും സി.പി.എമ്മും തെരഞ്ഞെടുപ്പ് കമ്മീഷന് പരാതി നല്‍കിയിരുന്നു. രാവിലെ 7 മുതല്‍ വൈകിട്ട് വരെയായിരിക്കും വോട്ടെടുപ്പ്. ത്രിപുര വെസ്റ്റ്, ത്രിപുര ഈസ്റ്റ് എന്നീ രണ്ട് ലോക്‌സഭാ മണ്ഡലങ്ങളാണ് ഇവിടെയുള്ളത്.

ഭരണകക്ഷിയായ ബി.ജെ.പിയുടെ നേതൃത്വത്തില്‍ വ്യാപകരീതിയില്‍ ബൂത്ത് പിടുത്തവും ക്രമക്കേടും നടന്നതായി കോണ്‍ഗ്രസും സി.പി.എമ്മും ആരോപിച്ചിരുന്നു. റീ പോളിംഗ് നടത്തിയില്ലെങ്കില്‍ സുപ്രിം കോടതിയെ സമീപിക്കുമെന്ന് ഇരു പാര്‍ട്ടികളും അറിയിച്ചിരുന്നു. തുടര്‍ന്നാണ് വീണ്ടും തെരഞ്ഞെടുപ്പ് നടത്താന്‍ കമ്മീഷന്‍ തീരുമാനിച്ചിരിക്കുന്നത്.

മാനേജ്‌മെന്റില്‍ അടുത്തിടെയുണ്ടായ മാറ്റം നിയമപ്രകാരമല്ലെന്ന് കാണിച്ച് വെസ്റ്റ് ത്രിപുര കളക്ടര്‍ ന്യൂസ് പേപ്പേഴ്‌സ് രജിസ്ട്രാര്‍ക്ക് റിപ്പോര്‍ട്ട് നല്‍കിയതിനെ തുടര്‍ന്നാണ് രജിസ്‌ട്രേഷന്‍ റദ്ദാക്കിയത്. 1978ല്‍ പ്രവര്‍ത്തനമാരംഭിച്ച പത്രത്തിന്റെ ഉടമസ്ഥാവകാശം ആദ്യം സി.പി.എമ്മിന് തന്നെയായിരുന്നു. 2012ല്‍ ഒരു രജിസ്‌ട്രേഡ് സൊസൈറ്റിക്കും കഴിഞ്ഞമാസം പുതുതായി രൂപവത്കരിച്ച ഒരു ട്രസ്റ്റിനും ഉടമസ്ഥാവകാശം കൈമാറി.

സംസ്ഥാനത്തെ ബി.ജെ.പി സര്‍ക്കാറിന്റെ ഗൂഢാലോചനയാണ് പത്രത്തിനെതിരായ നീക്കത്തിന് പിന്നിലെന്ന് സി.പി.എം ആരോപിച്ചു. മാധ്യമസ്വാതന്ത്ര്യത്തിനെതിരായ നാണംകെട്ട ആക്രമണമാണിതെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി ഡല്‍ഹിയില്‍ പ്രതികരിച്ചു.

The Congress party respects the mandate of the people of Tripura, Nagaland and Meghalaya.

We are committed to strengthening our party across the North East and to winning back the trust of the people.

My sincere thanks to each and every Congress worker who toiled for the party.

— Office of RG (@OfficeOfRG) March 5, 2018

ന്യൂദല്‍ഹി: 25 വര്‍ഷക്കാലം ത്രിപുരയെ സേവിക്കാന്‍ പാര്‍ട്ടിക്ക് അവസരം തന്ന സംസ്ഥാനത്തെ ജനങ്ങളോട് നന്ദി അറിയിച്ച് സീതാറാം യെച്ചൂരി. ബിജെപിയുടേയും ആര്‍ എസ് എസിന്റേയും ദുഷിച്ച രാഷ്ട്രീയത്തെതിരായ പോരാടുമെന്നും യെച്ചൂരി പറ്ഞ്ഞു. ‘ബിജെപിയേയും അവരുടെ ഭിന്നിപ്പിക്കല്‍ രാഷ്ട്രീയത്തേയും എതിര്‍ക്കുന്നത് ത്രിപുരയില്‍ മാത്രമല്ല ഇന്ത്യയിലുടനീളം ഞങ്ങള്‍ തുടരും,’ ഫേസ്ബുക്കില്‍ എഴുതിയ കുറിപ്പില്‍ യെച്ചൂരി വ്യക്തമാക്കി.

‘ബിജെപിയുടേയും ആര്‍ എസ് എസിന്റേയും ദുഷ്ടലാക്കോടെയുള്ള രാഷ്ട്രീയ നീക്കങ്ങളെ പരാജയപ്പെടുത്തുക എന്നത് ഇന്ത്യയുടെ ഭരണഘടനാ മൂല്യങ്ങളില്‍ വിശ്വസിക്കുന്ന എല്ലാവരുടേയും ആവശ്യമാണ്,’ എന്നും അദ്ദേഹം വ്യക്തമാക്കി. ഈ പോരാട്ടം തുടരുകയാണെന്ന പ്രഖ്യാപനവുമായാണ് യെച്ചൂരിയുടെ കുറിപ്പ് അവസാനിക്കുന്നത്.

കൊല്‍ക്കത്ത: ദേശീയതലത്തില്‍ മാത്രമല്ല പാര്‍ട്ടിക്കകത്തും ദൂരവ്യാപക ഫലങ്ങളുണ്ടാക്കാന്‍ ശേഷിയുള്ളാണ് ഇന്ന് പുറത്ത് വന്ന ത്രിപുര തിരഞ്ഞെടുപ്പു ഫലം. 25 വര്‍ഷമായി സിപിഎം അധികാരത്തിലിരിക്കുന്ന ത്രിപുരയില്‍ ഇതാദ്യമായി ബി്.ജെ.പി ജയിച്ചുകയറിയിരിക്കുന്നു.

‘ത്രിപുരയില്‍ സിപിഎം വിജയിച്ചാല്‍ നിലവിലെ നയങ്ങളിലൊന്നും മാറ്റമുണ്ടാകില്ല. എന്നാല്‍ ബിജെപിയാണു വിജയിക്കുന്നതെങ്കില്‍ കോണ്‍ഗ്രസ് ബന്ധത്തെപ്പറ്റി ഉള്‍പ്പെടെ പാര്‍ട്ടി പുനര്‍വിചിന്തനം നടത്തേണ്ടി വരും’– പാര്‍ട്ടിയുടെ ത്രിപുരയിലെ മുതിര്‍ന്ന നേതാവ് വാര്‍ത്താഏജന്‍സിയായ പിടിഐയോടു വ്യക്തമാക്കിയ നയമാണിത്. ഹൈദരാബാദ് പാര്‍ട്ടി കോണ്‍ഗ്രസ് അംഗീകരിക്കുന്നതിനു മുന്‍പ്, കോണ്‍ഗ്രസ് ബന്ധത്തില്‍ ഉള്‍പ്പെടെ, നിലവില്‍ തുടരുന്ന നയത്തില്‍ മാറ്റം വരാന്‍ സാധ്യതയുണ്ടെന്നും കേന്ദ്ര കമ്മിറ്റി അംഗം കൂടിയായ ഇദ്ദേഹം പറഞ്ഞു. സി.പി.എം തോറ്റതോടെ ഈ നയം മാറ്റം ഏകദേശം ഉറപ്പായിട്ടുണ്ട്.
‘ബിജെപി സൃഷ്ടിക്കുന്ന ഭീഷണിയെപ്പറ്റി ബംഗാള്‍ ഘടകത്തിനു കൃത്യമായ ധാരണയുണ്ട്. എന്നാല്‍ കേരള ഘടകത്തിന് ഇക്കാര്യം ഇപ്പോഴും മനസ്സിലായിട്ടില്ല’– നേതാവ് പറഞ്ഞു. കോണ്‍ഗ്രസുമായുള്ള ബന്ധം സംബന്ധിച്ച് അനുകൂല നിലപാട് പാര്‍ട്ടി ജനറല്‍ സെക്രട്ടറി സീതാറാം യച്ചൂരിയും ബംഗാള്‍ ഘടകത്തിലെ വലിയൊരു വിഭാഗം നേതാക്കളും വ്യക്തമാക്കിയിട്ടുണ്ട്. എന്നാല്‍ മുന്‍ ജനറല്‍ സെക്രട്ടറി പ്രകാശ് കാരാട്ടും കേരള ഘടകവുമാണ് ഇക്കാര്യത്തില്‍ തടസ്സം നില്‍ക്കുന്നതെന്നും അദ്ദേഹം വ്യക്തമാക്കി.

എന്നാല്‍ ഇതിനെതിരെ യച്ചൂരി തന്റെ അഭിപ്രായം വ്യക്തമാക്കിയിരുന്നു. സിപിഎം എന്നാല്‍ കമ്യൂണിസ്റ്റ് പാര്‍ട്ടി ഓഫ് കേരള മാര്‍ക്‌സിസ്റ്റ് അല്ലെന്നും രാജ്യത്തെ പൊതുസാഹചര്യം കേരളത്തിലെ സഖാക്കള്‍ തിരിച്ചറിയണമെന്നുമാണു തന്റെ നിലപാടിനെ നേരത്തേ തള്ളിയ പ്രകാശ് കാരാട്ട്, എസ്. രാമചന്ദ്രന്‍പിള്ള, പിണറായി വിജയന്‍, കോടിയേരി ബാലകൃഷ്ണന്‍ എന്നിവരെ സാക്ഷി നിര്‍ത്തി യച്ചൂരി മറുപടി നല്‍കിയത്.

അക്രമ സംഭവങ്ങള്‍ ഉണ്ടായതായി റിപ്പോര്‍ട്ടില്ല. രണ്ട് ക്രൂഡ് ബോംബുകള്‍ സുരക്ഷാ സേന കണ്ടെത്തി. ഇത് നിര്‍വീര്യമാക്കിയതായും വക്താക്കള്‍ അറിയിച്ചു. വിവിപാറ്റ് മെഷീന്‍ ഉപയോഗിച്ച് നടത്തിയ ആദ്യത്തെ തെഞ്ഞെടുപ്പായിരുന്നു ത്രിപുരയിലേത്. ആകെയുള്ള 60 സീറ്റുകളില്‍ 59 സീറ്റുകളിലാണ് മത്സരം നടക്കുന്നത്. 3214 പോളിങ് സ്‌റ്റേഷനുകളിലായാണ് വോട്ടെടുപ്പ് നടന്നത്. സിപിഎം സ്ഥാനാര്‍ത്ഥി രാമേന്ദ്ര നാരായണ്‍ ദേബ് വര്‍മയുടെ മരണത്തെ തുടര്‍ന്ന് ചറിലാം മണ്ഡലത്തിലെ വോട്ടെടുപ്പ് അടുത്ത മാസം 12 ലേക്ക് മാറ്റി വച്ചു. 60 സീറ്റുകളില്‍ 20 സീറ്റുകള്‍ പട്ടിക വര്‍ഗ സംവരണമാണ്. 307 സ്ഥാനാര്‍ത്ഥികളാണ് രംഗത്തുള്ളത്. ത്രിപുര ഇന്നു വരെ കണ്ടിട്ടില്ലാത്ത തെരഞ്ഞെടുപ്പ് പ്രചാരണത്തിനാണ് സംസ്ഥാനം സാക്ഷിയായത്. സിപിഎം ഭരണം പൊളിക്കാന്‍ കേന്ദ്രഭരണത്തിന്റെ പിന്‍ബലത്തില്‍ ബിജെപി പ്രചാരണം ശക്തമാക്കിയതാണ് പ്രചാരണം വാശിയേറിയതാക്കിയത്.

രാവിലെ മുതല്‍ തന്നെ പോളിങ് സ്‌റ്റേഷനുകളില്‍ വോട്ടര്‍മാരുടെ നീണ്ടനിര തന്നെയുണ്ടായിരുന്നു. സംസ്ഥാനത്തിന്റെ ഉയര്‍ന്ന പ്രദേശങ്ങളിലും കനത്ത പോളിങാണ് രേഖപ്പെടുത്തിയത്. തെരഞ്ഞെടുപ്പ് വോട്ടിങ് യന്ത്രങ്ങള്‍ ഉപയോഗിച്ചായിരുന്നു വോട്ടെടുപ്പ്. മെഷീനില്‍ തകരാര്‍ കണ്ടെത്തിയ 150 സ്റ്റേഷനുകളില്‍ വോട്ടെടുപ്പിന് താമസം നേരിട്ടു.
സിപിഎം വോട്ടര്‍മാരെ ഭീഷണിപ്പെടുത്തിയതായും ബിജെപി വിജയം കൈവരിക്കുമെന്നും ബിജെപി സംസ്ഥാന അധ്യക്ഷന്‍ ബിപ്‌ലബ് കുമാര്‍ ദേബ് പറഞ്ഞു. പോളിങ് ഓഫീസര്‍മാര്‍ മോശമായി പെരുമാറിയതായി കോണ്‍ഗ്രസ് സ്ഥാനാര്‍ത്ഥി ബിജ്രജിത് സിന്‍ഹ ആരോപിച്ചു. എന്നാല്‍, കേന്ദ്രസേന വോട്ടര്‍മാരോടും ഉദ്യോഗസ്ഥരോടും മോശമായി പെരുമാറിയതായി സിപിഎം സ്ഥാനാര്‍ത്ഥി ബിജോയി ലക്ഷ്മി സിന്‍ഹ പരഞ്ഞു.

എല്‍ഡിഎഫില്‍ സിപിഎം 57 സീറ്റില്‍ മത്സരിക്കുമ്പോള്‍ സിപിഐ, ഫോര്‍വേഡ് ബ്ലോക്ക് ഓരോ സീറ്റുകളിലാണ് മത്സരിക്കുന്നത്. ബിജെപി 51 സീറ്റുകളിലും സഖ്യകക്ഷിയായ ഐപിഎഫ്ടി ഒന്‍പത് സീറ്റുകളിലും മത്സരിക്കുന്നു. 59 സീറ്റുകളിലാണ് കോണ്‍ഗ്രസ് മത്സരിക്കുന്നത്. ഗോതമി കക്‌ബോന്‍ മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥിയെ നിര്‍ത്തിയില്ല. 2008ലും 2013ലും നടന്ന തെരഞ്ഞെടുപ്പില്‍ റെക്കാര്‍ഡ് പോളിങാണ് രേഖപ്പെടുത്തിയത്. 92ഉം 91ഉം ശതമാനം. അടുത്ത മാസം മൂന്നിന് തെരഞ്ഞെടുപ്പ് ഫലം പ്രഖ്യാപിക്കുക.

ത്രിപുരയില്‍ 60 അംഗ നിയമസഭയിലേക്കാണ് വോട്ടെടുപ്പ് ആരംഭിച്ചു. ആദിവാസി സമൂഹത്തിന്റെ വോട്ടുകള്‍ നിര്‍ണ്ണായകമാകുന്ന ത്രിപുരയില്‍ ഭരണകക്ഷിയായ സി.പി.ഐഎമ്മും ബി.ജെ.പിയും തമ്മിലാകും കനത്ത മത്സരം നടക്കുക. രണ്ടു മാസത്തോളമായി കനത്ത പ്രചാരണ പരിപാടികള്‍ നടന്നിരുന്നു. 60 അംഗങ്ങളുള്ള നിയസഭയില്‍ സി.പി.ഐ.എം മത്സരിക്കുന്നത് 57 സീറ്റുകളിലാണ്്. 51 സീറ്റുകളില്‍ ബി.ജെ.പിയും സഖ്യകക്ഷിയായ ഐ.പി.എഫ്.ടി ഒന്‍പതു സീറ്റുകളിലുമാണ് ജനവിധി തേടുന്നത്.

രണ്ടുതവണ പ്രധാനമമന്ത്രി നരേന്ദ്രമോദിയെുള്‍പ്പടെ പ്രചരണരംഗത്തെത്തിയിരുന്നു. സി.പി.ഐഎം സ്ഥാനാര്‍ഥികള്‍ക്ക് വോട്ടുചെയ്യണമെന്ന് ആവശ്യപ്പെട്ട് കേരള മുഖ്യമന്ത്രി പിണറായി വിജയനും ഫേസ്ബുക്കില്‍ കുറിപ്പ് രേഖപ്പെടുത്തിയിരുന്നു.

സംസ്ഥാനത്താകെ 50 റാലികളില്‍ മണിക് സര്‍ക്കാര്‍ പങ്കെടുത്തത്. 50 ശതമാനത്തിലധികം വരുന്ന ബംഗാളി വോട്ടും 30 ശതമാനത്തോളം വരുന്ന ആദിവാസി വോട്ടും ഇത്തവണ തെരെഞ്ഞെടുപ്പില്‍ നിര്‍ണായകമാകും, 25 ലക്ഷം വോട്ടര്‍മാരുള്ള ത്രിപുരയില്‍ 47,803 പേര്‍ ആദ്യമായി പോളിങ് ബുൂത്തിലേക്ക് എത്തുന്നവരാണ്.രാവിലെ ഏഴുമുതല്‍ ആരംഭിച്ച പോളിങ് വൈകിട്ട് നാലിന് സമാപിക്കും. പരമ്പരാഗത ശൈലിയില്‍ പ്രചരണം നടത്തിയ സി.പി.്െഎഎം നഗരവോട്ടുകളെക്കാള്‍ ഗ്രാമീണമേഖലയിലെ വോട്ടുകളിലാണ് നോട്ടമിട്ടിരിക്കുന്നത്.

ആകെയുള്ള 60 സീറ്റുകളില്‍ 59 സീറ്റുകളിലേക്കാണ് വോട്ടെടുപ്പ് നടക്കുന്നത്. ചാരിലം മണ്ഡലത്തിലെ വോട്ടെടുപ്പ് നീട്ടി വച്ചു. മത്സര രംഗത്തുണ്ടായിരുന്ന സിപിഎം സ്ഥാനാര്‍ത്ഥി രാമേന്ദ്ര നാരായണ്‍ ദേവ് ബര്‍മ ആറ് ദിവസങ്ങള്‍ക്ക് മുന്‍പു മരണപ്പെട്ടിരുന്നു. ഇതിനെ തുടര്‍ന്ന് ഈ മണ്ഡലത്തിലെ വോട്ടെടുപ്പ് മാര്‍ച്ച് 12ലേക്ക് മാറ്റി വെച്ചു. 20 സീറ്റുകള്‍ ഷെഡ്യൂള്‍ഡ് ട്രൈബ്‌സിന് വേണ്ടി നീക്കി വച്ചിരിക്കുകയാണ്. സിപിഎമ്മും ബിജെപിയും കോണ്‍ഗ്രസും ശക്തമായ പ്രചാരണമാണ് നടത്തിയത്. പ്രധാനമന്ത്രി നരേന്ദ്രമോദി, ബിജെപി ദേശീയ അധ്യക്ഷന്‍ അമിത് ഷാ, കേന്ദ്രമന്ത്രിമാരായ രാജ്‌നാഥ് സിങ്, അരുണ്‍ ജയ്റ്റ്‌ലി, നിതിന്‍ ഗഡ്കരി, സ്മൃതി ഇറാനി, ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് എന്നിവര്‍ അടക്കം നേതാക്കളുടെ നീണ്ട നിരയെയാണ് ബിജെപി പ്രചാരണത്തിനായി രംഗത്തിറക്കിയത്.

സിപിഎം മുഖ്യമന്ത്രി മണിക് സര്‍ക്കാര്‍ തുടര്‍ച്ചയായ അഞ്ച് തവണയാണ് സംസ്ഥാനത്ത് ഭരണത്തിലേറിയത്. പ്രചാരണത്തിന്റെ ഭാഗമായി 50 റാലികള്‍ സിപിഎം സംഘടിപ്പിച്ചു. സീതാറാം യെച്ചൂരി, വൃന്ദാകാരാട്ട് തുടങ്ങിയ നേതാക്കളും പ്രചാരണത്തിനെത്തി. കോണ്‍ഗ്രസും തെരഞ്ഞെടുപ്പ് പ്രചാരണം കൊഴുപ്പിച്ചു. കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധിയാണ് പ്രചാരണത്തിന് ചുക്കാന്‍ പിടിച്ചത്. അഗര്‍ത്തലയില്‍ നടന്ന റാലിയിലും രാഹുല്‍ പങ്കെടുത്തു.

307 പേരാണ് മത്സര രംഗത്തുള്ളത്. 57 സീറ്റുകളില്‍ സിപിഎം മത്സരിക്കുന്നു മറ്റുള്ള സീറ്റുകളില്‍ ആര്‍എസ്പി, ഫോര്‍വേര്‍ഡ് ബ്ലോക്ക്, സിപിഐയും മത്സരിക്കുന്നു. കോണ്‍ഗ്രസ് 59ഉം ബിജെപി 51ഉം ബിജെപി സഖ്യകക്ഷിയായ പീപ്പിള്‍സ് ഫ്രണ്ട് ഓഫ് ത്രിപുര ഒന്‍പതും സീറ്റുകളില്‍ മത്സരിക്കുന്നു. മാര്‍ച്ച് മൂന്നിനാണ് ഫലപ്രഖ്യാപനം. തെരഞ്ഞെടുപ്പിന്റെ ഭാഗമായി സംസ്ഥാനത്ത് സുരക്ഷ ശക്തമാക്കിയിട്ടുണ്ട്. സുഗമമായ തെരഞ്ഞെടുപ്പിനായി സുരക്ഷ ഉറപ്പാക്കിയിട്ടുണ്ടെന്നു സംസ്ഥാന പൊലീസ് ഡയറക്ടര്‍ ജനറല്‍ അഖില്‍ കുമാര്‍ ശുക്ല വ്യക്തമാക്കി. ഇന്‍ഡോ ടിബറ്റന്‍ ബോര്‍ഡര്‍ പൊലീസ് സേനയെ വിന്യസിച്ചിട്ടുണ്ട്. കേന്ദ്ര ആംഡ് സേന 300 പേരെയാണ് നിയോഗിച്ചിരിക്കുന്നത്. ഇന്‍ഡോ-ബംഗ്ലാദേശ് അതിര്‍ത്തിയില്‍ 856 കിലോമീറ്റര്‍ ഭാഗത്ത് ബിഎസ്എഫ് നിയന്ത്രണം ഏറ്റെടുത്തു.

ത്രിപുര നിയമസഭാ തെരഞ്ഞെടുപ്പിന് സി പി എം കേരളാ ഘടകം നേതാക്കളെ പ്രചരണത്തിനിറക്കില്ലെന്ന് സൂചന. ജനറല്‍ സെക്രട്ടറി സീതാറാം യെച്ചൂരിക്കും പി ബി അംഗം പ്രകാശ് കാരാട്ടും ഉള്‍പ്പെടെയുള്ളവര്‍ പ്രചരണ രംഗത്ത് കളം നിറയുമ്പോള്‍ കേരളത്തില്‍ നിന്നുള്ള നേതാക്കളെ പങ്കെടുപ്പിക്കാത്തതിന് കാരണങ്ങള്‍ രണ്ടാണ്; ഒന്ന് അഴിമതി, രണ്ട് കോണ്‍ഗ്രസ് വിരോധം.

സ്വന്തമായി വീടോ, കാറോ, വരുമാനമോ ഒന്നുമില്ലാത്ത മുഖ്യമന്ത്രി മാണിക്കിനേപ്പോലുള്ളവര്‍ വന്‍ ആള്‍ക്കൂട്ടത്തെ ആകര്‍ഷിക്കുമ്പോള്‍ ദുബായിലും മറ്റും കോടികളുടെ സാമ്പത്തിക തട്ടിപ്പ് കേസുകളില്‍ ആരോപണ വിധേയരായി മുഖം നഷ്ടപ്പെട്ട കേരള നേതാക്കളെ അങ്ങോട്ട് അയക്കേണ്ടെന്നാണ് ത്രിപുര നേതാക്കളുടെ നിലപാട്.

യാത്ര ചെയ്യാന്‍ ഒരു കാറുപോലുമില്ലാതെ ഓട്ടോറിക്ഷയില്‍ സഞ്ചരിക്കുന്ന മുഖ്യമന്ത്രിയുടെ നാട്ടിലേക്ക് അമ്പതിനായിരം രൂപയുടെ കണ്ണട വയ്ക്കുന്ന നേതാക്കളെയും കോടികളുടെ വായ്പ നേടി വഞ്ചിക്കുന്ന മക്കളുടെ അച്ഛന്മാരെയുമൊന്നും അയക്കേണ്ടന്ന്! അവര്‍ പറയുന്നു,

രണ്ടാമത്തെ കാരണം രാഷ്ട്രീയമാണ്. കോണ്‍ഗ്രസുമായുള്ള സി പി എം സഖ്യത്തെ എതിര്‍ത്തത് സി പി എമ്മിലെ കേരള ഘടകമാണ്. ത്രിപുരയിലും കോണ്‍ഗ്രസുമായി തെരഞ്ഞെടുപ്പ് സഖ്യം ഉണ്ടാകാതെ പോയത് അതിനാലാണ്. നല്ലവരായ കോണ്‍ഗ്രസ് നേതാക്കള്‍ തങ്ങള്‍ക്ക് വോട്ട് ചെയ്യണമെന്നാണ് ത്രിപുര നേതാക്കളുടെ അഭ്യര്‍ത്ഥന. ഇവിടെ ബി ജെ പിയാണ് മുഖ്യ എതിരാളികള്‍.അതിനാല്‍ ത്രിപുരയിലെ സി.പി.എമ്മിന് താല്പര്യം കോണ്‍ഗ്രസ്സിനോടാണ്. എന്നാല്‍ കോണ്‍ഗ്രസ് വിരോധികളായ കേരളാ നേതാക്കളെത്തിയാല്‍ ത്രിപുരയിലെ കോണ്‍ഗ്രസുകാര്‍ ചിലപ്പോള്‍ പുനരാലോചന നടത്തും. അതിനാല്‍ ത്രിപുരയില്‍ തല്‍ക്കാലം സഹായം വേണ്ടെന്നാണ് കേരള നേതാക്കളോട് ത്രിപുര സി.പി.എം ഘടകത്തിന്റെ അഭ്യര്‍ത്ഥന.