വോട്ടര്‍ പട്ടികയില്‍ പേരു ചേര്‍ക്കാന്‍ ഇനിയും അവസരം നല്‍കുമെന്ന് മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണ തിരുവനന്തപുരത്തു നടത്തിയ വാര്‍ത്താ സമ്മേളനത്തില്‍ അറിയിച്ചു. ഏറ്റവും കൂടുതല്‍ വോട്ടര്‍മാര്‍ മലപ്പുറത്താണ്, കുറവ് വയനാട്ടിലും. കന്നി വോട്ടര്‍മാര്‍ 2.99 ലക്ഷം. 1,37,79,263 സ്ത്രീ വോട്ടര്‍മാരും 221 ട്രാന്‍സ്‌ജെന്‍ഡര്‍മാരും 90,709 പ്രവാസി വോട്ടര്‍മാരുമാണ് ഉള്ളത്.

ഏപ്രില്‍ 30നകം തെരഞ്ഞെടുപ്പ് നടപടിക്രമങ്ങള്‍ അവസാനിപ്പിക്കാനാണ് ആലോചന. അതേസമയം മറ്റുസംസ്ഥാനങ്ങളിലേതുപോലെ വിവിധ ഘട്ടങ്ങളായി നടക്കാനിടയില്ല. ഒറ്റഘട്ടമായി തെരഞ്ഞെടുപ്പ് നടത്തും. കേന്ദ്ര തെരഞ്ഞെടുപ്പ് കമ്മീഷന്‍ കേരളത്തില്‍ എത്തുന്നതോടെ ഇതുമായി ബന്ധപ്പെട്ട തീരുമാനമെടുക്കും.

അതേസമയം, നാളെ അന്തിമ വോട്ടോര്‍പട്ടിക നിലവില്‍വരും. വോട്ടര്‍പട്ടികയില്‍ പേരുചേര്‍ക്കാന്‍ തുടര്‍ന്നും അവസരമുണ്ടാകുമെന്നും ടികാറാം മീണ അറിയിച്ചു. കള്ളവോട്ട് തടയാന്‍ കര്‍ശന നടപടിയുണ്ടാകുമെന്നും ഇക്കാര്യത്തില്‍ രാഷ്ട്രീയ പാര്‍ട്ടികള്‍ സഹകരിക്കണമെന്നും അദ്ദേഹം പറഞ്ഞു.

എന്‍.എസ്.എസ് സമദൂരം വിട്ട് ശരിദൂരം സ്വീകരിച്ചതാണ് പ്രശ്‌നമായതെന്നായിരുന്നു മീണയുടെ പ്രസ്താവന. തെരഞ്ഞെടുപ്പ് ഓഫീസറുടെ ഈ പ്രസ്താവന സംഘടനയ്ക്ക് പൊതുജനമധ്യത്തില്‍ അവമതിപ്പുണ്ടാക്കിയെന്ന് കാണിച്ചാണ് എന്‍.എസ്.എസ് മീണയ്ക്ക് വക്കീല്‍ നോട്ടീസ് അയച്ചത്. പ്രസ്താവന പിന്‍വലിച്ച് മീണ പരസ്യമായി ക്ഷമാപണം നടത്തണമെന്നാണ് എന്‍.എസ്.എസിന്റെ ആവശ്യം. എന്‍.എസ്.എസ് ജനറല്‍ സെക്രട്ടറി ജി സുകുമാരന്‍ നായര്‍ക്ക് വേണ്ടി ഹൈക്കോടതി അഭിഭാഷകര്‍ ആര്‍.ടി പ്രദീപാണ് വക്കീല്‍ നോട്ടീസ് അയച്ചത്.

കേരളത്തിലെ നായര്‍ സമുദായത്തിന്റേയും പൊതുസമൂഹത്തിന്റേയും സാമൂഹിക നവോത്ഥാനത്തിന് മുന്നില്‍ നിന്ന് പ്രവര്‍ത്തിച്ച എന്‍.എസ്.എസിനെതിരെ അപമാനിക്കുന്നതാണ് മുഖ്യ തെരഞ്ഞെടുപ്പ് ഓഫീസറുടെ പരാമര്‍ശമെന്ന് എന്‍.എസ്.എസ് ചൂണ്ടിക്കാണിക്കുന്നു. തിരുവനന്തപുരത്ത് നടത്തിയ പത്രസമ്മേളനത്തിനിടെയായിരുന്നു ടീക്കാ റാം മീണ എന്‍.എസ്.എസിനെ ബന്ധപ്പെടുത്തി പ്രസ്താവന നടത്തിയത്.

തിരുവനന്തപുരം : ഒരു രാജ്യം , ഒരു തെരഞ്ഞെടുപ്പ് ആശയത്തെ പിന്തുണച്ച് മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ. അടിക്കടിയുള്ള തെരഞ്ഞെടുപ്പും പെരുമാറ്റചട്ടവും വികസനപ്രവര്‍ത്തനങ്ങള്‍ക്ക് തടസ്സമാകുന്നു എന്ന ആക്ഷേപം ശരിയാണെന്നും മീണ പറഞ്ഞു. പെരുമാറ്റചട്ടം നിലവിലുള്ള ജില്ലകളില്‍, എംപി ഫണ്ടും എംഎല്‍എ ഫണ്ടും പുതുതായി അനുവദിക്കാനാകില്ലെന്നും അദ്ദേഹം ചൂണ്ടിക്കാട്ടി.പെരുമാറ്റ ചട്ടം എംഎല്‍എ ഫണ്ടിനും ബാധകമായതിനാല്‍ ഇത് വികസന പ്രവര്‍ത്തനങ്ങളെ ബാധിക്കും.അതിനാല്‍ ഇക്കാര്യത്തില്‍ വിശദമായ ചര്‍ച്ച നടക്കണം എന്നും മുഖ്യതെരഞ്ഞെടുപ്പ് ഓഫീസര്‍ അഭിപ്രായപ്പെട്ടു.

അതേ സമയം ഉപതെരഞ്ഞെടുപ്പിന് മുന്നോടിയായി സംസ്ഥാനത്തെ 4 ജില്ലകളില്‍ പെരുമാറ്റ ചട്ടം ഏര്‍പ്പെടുത്തി.കാസര്‍കോഡ് , എറണാകുളം, ആലപ്പുഴ, പത്തനംതിട്ട ജില്ലകളില്‍ ആണ് പെരുമാറ്റ ചട്ടം നിലവില്‍ വന്നത്.തലസ്ഥാന ജില്ലയിലായതിനാല്‍ തിരുവനന്തപുരം ജില്ലയില്‍ പെരുമാറ്റ ചട്ടം ഏര്‍പ്പെടുത്തിയിട്ടില്ല. വട്ടിയൂര്‍ക്കാവ് മണ്ഡലത്തില്‍ മാത്രം ആണ് പെരുമാറ്റ ചട്ടം ഉണ്ടാകുകയെന്നും ടിക്കാറാം മീണ വ്യക്തമാക്കി.

മഞ്ചേശ്വരത്തെ തെരഞ്ഞെടുപ്പ് കേസ് അവസാനിച്ചത് ജൂണിലായതിനാല്‍ ആറുമാസം പൂര്‍ത്തിയാകുന്ന നവംബര്‍ വരെ തെരഞ്ഞെടുപ്പിന് സമയമുണ്ട്. ഒക്ടോബറില്‍ വിജ്ഞാപനം വരികയും നവംബറില്‍ തെരഞ്ഞെടുപ്പ് നടുത്തുകയും ചെയ്യാനാണ് സാധ്യതയെന്ന് ടിക്കാറാം മീണ പറഞ്ഞു.

മഞ്ചേശ്വരത്തെ എംഎല്‍എയായിരുന്ന പി.വി.അബ്ദുള്‍ റസാഖ് കഴിഞ്ഞ ഒക്ടോബറില്‍ മരിച്ചതോടെയാണ് മണ്ഡലത്തില്‍ ഒഴിവുവന്നത്. എന്നാല്‍ ബിജെപി സ്ഥാനാര്‍ഥിയായിരുന്ന കെ. സുരേന്ദ്രന്‍ നല്‍കിയ തെരഞ്ഞെടുപ്പ് കേസ് അവസാനിച്ചത് കഴിഞ്ഞ ജൂണിലും. കേസില്‍ സാങ്കേതിക നടപടിക്രമങ്ങള്‍ മാത്രമാണ് ബാക്കി. ‘അന്നുമുതല്‍ കണക്കുകൂട്ടിയാല്‍ നവംബര്‍ വരെ സമയമുണ്ട്. അതിനാല്‍ ഒക്ടോബറില്‍ വിജ്ഞാപനം വരികയും നവംബറില്‍ തെരഞ്ഞെടുപ്പ് നടുത്തുകയും ചെയ്യാനാണ് സാധ്യത’ ‘ടിക്കാറാം മീണ പറഞ്ഞു.

കാസര്‍കോഡ് പിലാത്തറയില്‍ പത്മിനി രണ്ടു തവണ വോട്ടു ചെയ്തു. സുമയ്യ, സലീന എന്നിവരും രണ്ടുവോട്ട് ചെയ്തു. കള്ളവോട്ട് ചെയ്തവര്‍ക്കെതിരെ നിയമനടപടി സ്വീകരിക്കുമെന്നും മീണ വ്യക്തമാക്കി. സെലീനയെ അയോഗ്യയാക്കാന്‍ ശുപാര്‍ശ നല്‍കി. കാസര്‍കോട് മൂന്നിടത്ത് കള്ളവോട്ട് നടന്നെന്നും കമ്മിഷന്‍ അറിയിച്ചു.

കാസര്‍കോട് മണ്ഡലത്തില്‍ 90 ശതമാനത്തിലധികം പോളിങ് നടന്ന ബൂത്തുകളില്‍ റീ പോളിങ് വേണമെന്ന് യുഡിഎഫ് ആവശ്യപ്പെട്ടു. 110 ബൂത്തുകളില്‍ റീപോളിങ് വേണമെന്നാണ് ആവശ്യം. ഇക്കാര്യം ചൂണ്ടിക്കാട്ടി കോണ്‍ഗ്രസ്, വരണാധികാരിയായ ജില്ലാ കളക്ടര്‍ക്ക് പരാതി നല്‍കി. കാസര്‍കോട് മണ്ഡലത്തില്‍ കള്ളവോട്ടിന്റെ ദൃശ്യങ്ങള്‍ പുറത്തുവന്ന സാഹചര്യത്തിലാണ് കോണ്‍ഗ്രസിന്റെ നടപടി.

കാസര്‍കോട് മണ്ഡലത്തില്‍ 126 ബൂത്തുകളിലാണ് 90 ശതമാനത്തിലധികം വോട്ടിങ് നടന്നത്. അതില്‍ 110 ബൂത്തുകളില്‍ റീപോളിങ് വേണമെന്നാണ് യുഡിഎഫ് ആവശ്യമുന്നയിക്കുന്നത്. തൃക്കരിപ്പുര്‍, കല്യാശ്ശേരി, പയ്യന്നൂര്‍,കാഞ്ഞങ്ങാട് നിയമസഭാ മണ്ഡലങ്ങളിലെ ചില ബൂത്തുകളിലാണ് റീപോളിങ് ആവശ്യം ഉന്നയിച്ചിരിക്കുന്നത്. റീപോളിങ് നടക്കുന്ന ബൂത്തുകളില്‍ കേന്ദ്രസേനയെ വിന്യസിക്കണമെന്നും പോളിങ് ഉദ്യോഗസ്ഥരായി കേന്ദ്രസര്‍ക്കാര്‍ ജീവനക്കാരെ നിയോഗിക്കണമെന്നും യുഡിഎഫ് ആവശ്യപ്പെടുന്നു.