ബംഗളൂരു: ടിപ്പു സുല്‍ത്താന്‍ ജയന്തി ആഘോഷിക്കുന്നത് നിര്‍ത്തിവെച്ച ബി.ജെ.പി നടപടിക്കെതിരെ പ്രതികരണവുമായി കോണ്‍ഗ്രസ് നേതാവ് സിദ്ധരാമയ്യ. ബ്രിട്ടീഷുകാര്‍ക്കെതിരെ പൊരുതിയ സുല്‍ത്താന്‍ എന്ന നിലയില്‍ തുടങ്ങിയ ആഘോഷമാണ് ടിപ്പു ജയന്തി എന്ന് സിദ്ധരാമയ്യ പറഞ്ഞു.

ബ്രിട്ടീഷുകാര്‍ക്കെതിരെ പൊരുതിയ ആള്‍ എന്ന നിലയില്‍ കര്‍ണാടക ജനത അത് അംഗീകരിച്ചു. രാജ്യത്തിന്റെ സ്വാതന്ത്ര്യത്തിന് വേണ്ടി പൊരുതിയ ആദ്യ സ്വാതന്ത്ര്യ സമര സേനാനിയായാണ് ടിപ്പു സുല്‍ത്താനെ താന്‍ കാണുന്നതെന്നും സിദ്ധരാമയ്യ പറഞ്ഞു.

ന്യൂനപക്ഷ വിഭാഗത്തില്‍ നിന്നുള്ളയാളായത് കൊണ്ടാണ് ബി.ജെ.പി ടിപ്പു സുല്‍ത്താന്‍ ജയന്തി അവസാനിപ്പിച്ചത്. ബി.ജെ.പി ന്യൂപക്ഷങ്ങള്‍ക്ക് എതിരാണ്. അവര്‍ മതേതരവാദികള്‍ അല്ലെന്നും അതിനെ താന്‍ എതിര്‍ക്കുന്നുവെന്നും മുന്‍ മുഖ്യമന്ത്രി വ്യക്തമാക്കി.

2015ല്‍ സിദ്ധരാമയ്യയുടെ നേതൃത്വത്തിലുള്ള കോണ്‍ഗ്രസ് സര്‍ക്കാരാണ് വാര്‍ഷികാഘോഷമായി ടിപ്പു സുല്‍ത്താന്‍ ജയന്തി ആഘോഷിച്ചുതുടങ്ങിയത്. ഇത് ന്യൂനപക്ഷ പ്രീണനമാണെന്ന് ആരോപിച്ച് ബിജെപി അന്നുമുതല്‍ എതിര്‍പ്പുമായി രംഗത്തുണ്ടായിരുന്നു.

മുഖ്യമന്ത്രി ബി.എസ് യെദിയൂരപ്പയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗമാണ് ടിപ്പു ജയന്തി ഇനിമുതല്‍ ആഘോഷിക്കേണ്ടതില്ലെന്ന് തീരുമാനമെടുത്തത്. ആഘോഷം റദ്ദാക്കിയെന്നറിയിച്ച് സാംസ്‌കാരിക വകുപ്പ് സര്‍ക്കുലറും പുറത്തിറക്കി. എല്ലാ വര്‍ഷവും നവംബറിലാണ് ആഘോഷം നടത്തിയിരുന്നത്.

Honouring India’s first freedom fighter & the Tiger of Mysore for his bravery & sacrifice in fighting the British. Karnataka salutes his patriotism, courage & military excellence. #TipuJayanti pic.twitter.com/0x3ymK8yKd

— CM of Karnataka (@CMofKarnataka) November 10, 2017

A large crowd of Tipu Sultan supporters gather outside Vidhan Soudha, ahead of the official government #TipuJayanti celebrations at 6pm. pic.twitter.com/FwUb6QXZYe

— Arun Dev (@ArunDev1) November 10, 2017

ബിജെപി പ്രതിഷേധത്തിനിടെ നടന്ന ആഘോഷത്തില്‍ വന്‍ ജനപങ്കാളിത്തമാണ് ഉണ്ടായത്. ടിപ്പു സുല്‍ത്താന്‍ ജയന്തി ആഘോഷിക്കാനായി വിദാന്‍ സൗധയ്ക്ക് പുറത്ത് നടന്ന റാലിയിലും നിരവധി ആളുകള്‍ പങ്കെടുത്തു.

ബി ജെ പി നേതാവും മുന്‍മുഖ്യമന്ത്രിയുമായ ജഗദീഷ് ഷെട്ടാര്‍ ടിപ്പു സുല്‍ത്താന്റെതിനു സമാനമായി തലപ്പാവ് ധരിച്ചു നില്‍ക്കുന്ന ഫോട്ടോ സമൂഹമാധ്യമങ്ങളില്‍ വൈറലായതാണ് ടിപ്പു വിരുദ്ധരെ വെട്ടിലാക്കിയത്.

ബംഗളൂരു സെന്‍ട്രല്‍ എം.പിയും ബിജെപി നേതാവുമായ പി സി മോഹന്‍, ബിജെപി മുന്‍ ഉപമുഖ്യമന്ത്രി ആര്‍ അശോക് എന്നിവരും ടിപ്പു തൊപ്പി ധരിച്ച ചിത്രത്തിലുണ്ട്.

Photo of BJP leaders dressed as Tipu Sultan surfaces amid birthday row | @nagarjund https://t.co/kB5yUl1C7U

— News18 (@CNNnews18) October 23, 2017

പുതിയ വിവാദം ടിപ്പു ജയന്തി ആഘോഷവുമായി മുന്നോട്ട് പോകുന്ന കോണ്‍ഗ്രസിന് ഊര്‍ജമായിക്കുകയാണ്. ടിപ്പു വിഷയത്തില്‍ ബി.ജെ.പിയുടെ ഇരട്ടത്താപ്പാണ് വെളിയില്‍ വന്നിരിക്കുന്നതെന്ന് കര്‍ണാടക പി.സി.സി പ്രസിഡന്റ് ദിനേശ് ഗുണ്ടു റാവു പറഞ്ഞു.
വിഷയം വിവാദമായതോടെ ടിപ്പു ജയന്തി ആഘോഷിക്കുന്നതിനെതിരെ നിലപാടെടുത്ത ബിജെപിക്കെതിരെ ചിത്രം ആയുധമാക്കുകയാണ് കോണ്‍ഗ്രസ്.

നേരത്തെ ടിപ്പു ജയന്തി ആഘോഷിക്കുന്നതിനെതിരെ ബി.ജെ.പി നേതാക്കള്‍ രംഗത്തെത്തിയിരുന്നു. ടിപ്പു ജയന്തി ആഘോഷച്ചടങ്ങളുകളില്‍ പങ്കെടുക്കാന്‍ തന്നെ ക്ഷണിക്കരുതെന്ന് ആവശ്യപ്പെട്ട് കേന്ദ്രമന്ത്രി അനന്ത്കുമാര്‍ ഹെഗ്ഡെ സംസ്ഥാന ചീഫ് സെക്രട്ടറിക്ക് കത്ത് അയക്കുകയും ചെയ്തിരുന്നു.

അതേസമയം ഫോട്ടോയെ സംബന്ധിച്ച വിശദീകരണവുമായി ഷെട്ടറുടെ രംഗത്തെത്തി. ‘മൈനോരിറ്റി മോര്‍ച്ച സംഘടിപ്പിച്ച അവാര്‍ഡ് ചടങ്ങില്‍നിന്നുള്ള ഫോട്ടോയാണ് ഇപ്പോള്‍ പ്രചരിക്കുന്നത്. സംഘാടകര്‍ തന്ന തലപ്പാവും വാളുമാണത്. അത് സര്‍ക്കാര്‍ ചടങ്ങ് അല്ലായിരുന്നെന്നും, ഷെട്ടാര്‍ പറഞ്ഞു.
സര്‍ക്കാറിന്റെ ഫണ്ട് ഉപയോഗിച്ചുള്ള ടിപ്പു ജയന്തി ആഘോഷത്തെയാണ് ബിജെപി എതിര്‍ക്കുന്നതെന്നും എന്നാല്‍, സ്വകാര്യ ചടങ്ങായി കോണ്‍ഗ്രസ് സംഘടിപ്പിച്ചു കൊള്ളട്ടെയെന്നും അദ്ദേഹം പറഞ്ഞു.

Tipu Sultan fought against Britisher's, sacrificed his life. Sanghi's sided wd the british, the reason why they hate our freedom fighters.!

— Salman Nizami (@SalmanNizami_) October 22, 2017

കര്‍ണാടക സര്‍ക്കാര്‍ നവംബര്‍ 10നാണ് ടിപ്പു ജയന്തി ആഘോഷം സംഘടിപ്പിച്ചിരിക്കുന്നത്. ആഘോഷത്തിനെതിരെ സംസ്ഥാന വ്യാപകമായി പ്രതിഷേധം സംഘടിപ്പിക്കാനാണ് ബി.ജെ.പിയുടെ തീരുമാനം. അതേസമയം ടിപ്പു സുല്‍ത്താന് അനുകൂലമായി വന്‍ പ്രചാരണമാണ് സോഷ്യല്‍ മീഡയില്‍ നടക്കുന്നത്.
“ടിപ്പു സ്വാതന്ത്ര്യത്തനായി പോരാടിയ സുല്‍്ത്താനാണെന്നും, സങ്കികള്‍ ബ്രിട്ടീഷുകാര്‍ക്ക് ആനുകലരായതിനാലാണ് അവര്‍ ടിപ്പുവിനെ എതിര്‍ക്കുന്നതെന്നുമാണ്”, ട്വിറ്ററിലെ ഒരു പോസ്റ്റ്.

ടിപ്പു ജയന്തിക്ക് തന്നെ ക്ഷണിക്കേണ്ടെന്ന് കര്‍ണ്ണാടക സര്‍ക്കാറിനോട് കേന്ദ്ര മന്ത്രി്‌നന്തകുമാര്‍ ഹെഡ്‌ഗെ. നവംബര്‍ പത്തിന് കര്‍ണ്ണാടക സര്‍ക്കാര്‍ ആഘോഷിക്കുന്ന ടിപ്പു ജയന്തിയെ മന്ത്രി ലജ്ജിപ്പിക്കുന്ന പരിപാടിയെന്നും വിശേഷിച്ചു.

നിരവധി പേരെ കൊന്ന, കൂട്ട മര്‍ദ്ദനങ്ങള്‍ നടത്തിയ ഒരാളുടെ ജന്മദിന പരിപാടികള്‍ക്ക് തന്നെ ക്ഷണിക്കേണ്ടെന്ന് കര്‍ണ്ണാടക സര്‍ക്കാറിനെ അറിയിച്ചിട്ടുണ്ടെന്നാണ് ഹെഡ്‌ഗെ ഇന്നലെ ട്വിറ്ററില്‍ കുറിച്ചത്. എന്നാല്‍ സര്‍ക്കാറിന്റെ ഭാഗമായിരിക്കുന്ന ഒരാള്‍ ഇത്തരത്തില്‍ പെരുമാറരുതായിരുന്നുവെന്ന് കര്‍ണ്ണാടക മുഖ്യമന്ത്രി സിദ്ധരാമയ്യ പ്രതികരിച്ചു.

‘ സര്‍ക്കാറിന്റെ ഭാഗമായിരിക്കെ ഒരിക്കലുമിങ്ങനെ കുറിക്കരുതായിരുന്നു, ടിപ്പു ജയന്തിക്കുള്ള ക്ഷണക്കത്ത് എല്ലാ കേന്ദ്ര സംസ്ഥാന നേതാക്കള്‍ക്കും അയക്കും, സ്വീകരിക്കലും നിരാകരിക്കലും അവരുടെ താല്‍പര്യമാണ്’ സിദ്ധരാമയ്യ പറഞ്ഞു. കൊളോണിയല്‍ ശക്തികളില്‍ നിന്ന് ഇന്ത്യയെ മോചിപ്പിക്കാനായി നാലു യുദ്ധങ്ങളില്‍ ബ്രിട്ടീഷുകാര്‍ക്കെതിരെ ടിപ്പു പോരാടിയിട്ടുണ്ടെന്നും സിദ്ധരാമയ്യ കൂട്ടി ചേര്‍ത്തു.

അതേസമയം ടിപ്പു സുല്‍ത്താന്‍ ഒരു സ്വാതന്ത്ര സമര പോരാളിയായിരുന്നെന്നും അദ്ദേഹത്തിന്റെ ജന്മദിനം കൊണ്ടാടുന്നത് ന്യൂനപക്ഷ പ്രീണനത്തിന്റെ പേരിലല്ലെന്നും കോണ്‍ഗ്രസ്സ് പറഞ്ഞു. കര്‍ണ്ണാടകിയില്‍ ടിപ്പു ജയന്തി ആഘോഷിക്കുന്നത് നവംബര്‍ പത്തിനാണ്.