കേരളത്തിലെ നിരവധി പ്രധാന ക്ഷേത്രങ്ങളുടെ കേന്ദ്രം കൂടിയാണ് തിരൂരും മലപ്പുറം ജില്ലയും എന്നിരിക്കെയാണ് ബി.ജെ.പി പ്രത്യേക സമുദായത്തെ ലക്ഷ്യം വെച്ച് സ്റ്റോപ്പുകൾ അനുവദിക്കാത്തത്. ഇതിനെ മറികടക്കാനുള്ള അടവായാണ് പലരും പ്രഖ്യാപനത്തെ കാണുന്നത്.

വാര്‍ത്താ സമ്മേളനത്തിലൂടെയാണ് അദ്ദേഹം വിവരം അറിയിച്ചത്, കൂടാതെ ഫേസ്ബുക്ക് വിഡിയോയും ഇതുമായി ബന്ധപ്പെട്ട് അദ്ദേഹം തന്റെ ഔദ്യോഗിക പേജിലൂടെ പങ്ക് വച്ചു.

ഇതുമായി ബന്ധപ്പെട്ട കാര്യങ്ങള്‍ റെയില്‍വേ മന്ത്രി അശ്വിനി വൈഷ്ണവിനെ നേരിട്ട് കണ്ട് ചര്‍ച്ച നടത്തുമെന്നും അദ്ദേഹം പറഞ്ഞു. പാസഞ്ചേഴ്സ് അമിനിറ്റീസ് കമ്മിറ്റി ഇതുസംബന്ധിച്ച ശുപാര്‍ശ റെയില്‍വേ ബോര്‍ഡിന് മുന്നില്‍ സമര്‍പ്പിക്കുമെന്നും ശുപാര്‍ശ അംഗീകരിക്കുമെന്നാണ് ശുഭപ്രതീക്ഷയെന്നും പി.കെ കൃഷ്ണദാസ് പറഞ്ഞു. അമൃത് ഭാരത് പദ്ധതി പ്രകാരമുള്ള വികസന പ്രവര്‍ത്തനങ്ങള്‍ തിരൂര്‍ റെയില്‍വേ സ്റ്റേഷനില്‍ പുരോഗമിച്ച് വരികയാണ്.