കാര്‍ബണ്‍ ഫൈബറും ടൈറ്റാനിയം ക്രാഫ്റ്റും അപകടകരമാണെന്നും ടൈറ്റന്റെ കാര്‍ബണ്‍ ഫൈബര്‍ ട്യൂബ് തകരുന്നതിനെക്കുറിച്ച് റഷ് തന്നോട് ആശങ്ക പ്രകടിപ്പിച്ചിരുന്നതായും കാള്‍ സ്റ്റാന്‍ലി പറഞ്ഞു. ചരിത്രത്തില്‍ ഇടം നേടാന്‍ അദ്ദേഹം തന്റെ ജീവനും ഉപയോക്താക്കളുടെ ജീവനും പണയപ്പെടുത്തുകയായിരുന്നുവെന്നും കാള്‍ പറയുന്നു. സമുദ്രത്തിനടിയില്‍ തകര്‍ന്നു കിടക്കുന്ന ടൈറ്റന്റെ ചിത്രമുണ്ടായിരുന്നു തന്റെ മനസ്സില്‍. സ്റ്റോക്ക്റ്റന്‍ റഷ് പറഞ്ഞ വാക്കുകളും. ടൈറ്റന്‍ പൊട്ടിത്തെറിക്കാന്‍ കാരണമായത് കാര്‍ബണ്‍ ഫൈബര്‍ ട്യൂബാണെന്ന് തനിക്ക് സംശയമൊന്നുമില്ലെന്നും കാള്‍ വ്യക്തമാക്കി. അറ്റ്‌ലാന്റിക് സമുദ്രത്തിന്റെ ആഴത്തിലേക്ക് യാത്ര തിരിച്ച ടൈറ്റന്‍ പേടകം ജൂണ്‍ 18നാണ് അപകടത്തില്‍പ്പെട്ടത്. യാത്ര തിരിച്ച് ഒന്നേമുക്കാല്‍ മണിക്കൂറിനുശേഷം പേടകവുമായുള്ള ആശയവിനിമയം മാതൃകപ്പലായ പോളാര്‍ പ്രിന്‍സിന് നഷ്ടമാകുകയായിരുന്നു. നാല് ദിവസത്തിന് ശേഷം ടൈറ്റന്റെ അവശിഷ്ടങ്ങള്‍ കണ്ടെത്തുകയും അഞ്ച് സഞ്ചാരികളും മരിച്ചെന്ന് പ്രഖ്യാപിക്കുകയുമായിരുന്നു.

ഞായറാഴ്ചയാണ് അഞ്ചുപേരുമായി പോയ മുങ്ങിക്കപ്പല്‍ കാണാതാവുന്നത്. അറ്റ്‌ലാന്റിക് സമുദ്രത്തില്‍ മുങ്ങിയ ടൈറ്റാനിക് കപ്പലിന്റെ അവശിഷ്ടങ്ങള്‍ കാണാന്‍ പോയ വിനോദസഞ്ചാരികലായിരുന്നു കപ്പലില്‍ല്‍ ഉണ്ടായിരുന്നത്.

പേടകത്തിലുള്ള 5 പേര്‍ക്ക് ജീവന്‍ നിലനിര്‍ത്താനുള്ള ഓക്‌സിജന്‍ ബാക്കിയുണ്ടോ അതല്ല തീര്‍ന്നിരിക്കാമോ എന്ന കാര്യത്തില്‍ ഔദ്യോഗിക സ്ഥിരീകരണം പുറത്തുവന്നിട്ടില്ല. പേടകം കണ്ടെത്താന്‍ കടലിന്റെ അടിത്തട്ടിലേക്ക് ഇറങ്ങിയ റോബട്ടിക് പേടകം തീവ്ര ശ്രമം തുടരുകയാണ്. പേടകത്തിലുള്ളവരെ രക്ഷിക്കാന്‍ പരമാവധി ശ്രമിക്കുമെന്നും യുഎസ് കോസ്റ്റ് ഗാര്‍ഡ് വ്യക്തമാക്കി.

ഫ്രഞ്ച് തീരത്തിനു സമീപമുള്ള ഇംഗ്ലിഷ് ചാനല്‍ ദ്വീപസമൂഹത്തില്‍ ഒന്നായ ഗേണ്‍സിയിലെ മഗെല്ലന്‍ കമ്പനിയുടെ ഉടമസ്ഥതയിലുള്ള ജൂലിയറ്റ് എന്ന സമുദ്രാന്തര തിരച്ചില്‍യാനത്തെയും രക്ഷാദൗത്യം നടക്കുന്നിടത്തേക്ക് എത്തിക്കാന്‍ ശ്രമിക്കുന്നു. ആദ്യം എത്തിച്ച യുഎസ് എയര്‍ക്രാഫ്റ്റില്‍ ജൂലിയറ്റ് കയറ്റാന്‍ സാധിക്കാത്തതിനാല്‍ മറ്റൊരു എയര്‍ക്രാഫ്റ്റ് എത്തിക്കും. ഫ്രാന്‍സിന്റെ റോബട്ടിക് പേടകം ‘വിക്ടര്‍ 6000’ രക്ഷാദൗത്യത്തില്‍ അണിചേര്‍ന്നിരുന്നു.