TODAY GOLD RATE – Chandrika Daily

സ്വര്‍ണവിലയില്‍ ഇളവ് തുടരുന്നു

webdesk18 — Fri, 02 May 2025 06:13:17 +0000

സ്വര്‍ണവിലയില്‍ ഇടിവ് തുടരുന്നു. ഒരു പവന്‍ സ്വര്‍ണത്തിന് 160 രൂപ കുറഞ്ഞ് 70,040 രൂപയുമായി. ഒരുഗ്രാം സ്വര്‍ണത്തിന് 20രൂപ കുറഞ്ഞ് 8755 രൂപയായി. തുടര്‍ച്ചയായി വന്‍ ഇടിവാണ് സ്വര്‍ണവിലയില്‍ സംഭവിക്കുന്നത്. യു.എസും മറ്റ് രാജ്യങ്ങളും തമ്മിലുള്ള വ്യാപാര യുദ്ധത്തില്‍ ഇളവ് വരുമെന്ന പ്രതീക്ഷയാണ് സ്വര്‍ണ വില കുറയാനുള്ള പ്രധാന കാരണം. കഴിഞ്ഞ ദിവസം വിലയില്‍ 1640 രൂപയുടെ കുറവാണ് ഉണ്ടായത്. ഒരു പവന്‍ സ്വര്‍ണത്തിന്റെ വില 70,200 രൂപയായാണ് കുറഞ്ഞത്.

കുതിച്ചുകയറി സ്വര്‍ണവില; പവന് 2200 രൂപ വര്‍ധിച്ചു

webdesk18 — Tue, 22 Apr 2025 04:57:45 +0000

സംസ്ഥാനത്ത് സ്വര്‍ണവിലയില്‍ വന്‍ വര്‍ധന. പവന് 2200 രൂപ വര്‍ധനിച്ച് 74,320 രൂപയായി ഉയര്‍ന്നു. ഗ്രാമിന് 275 രൂപയുടെ വര്‍ധിച്ച് 9290 രൂപയായി ഉയര്‍ന്നു. ലോക വിപണിയിലും സ്വര്‍ണവിലയില്‍ വന്‍ വര്‍ധനയാണ് രേഖപ്പെടുത്തുന്നത്. ഈ രീതിയില്‍ മുന്നോട്ട് പോവുകയാണെങ്കില്‍ സ്വര്‍ണവില ലക്ഷം തൊടുമെന്നാണ് സാമ്പത്തിക വിദഗ്ധരുടെ അനുമാനം.

സ്‌പോട്ട് ഗോള്‍ഡിന്റെ വില ഔണ്‍സിന് 3400 ഡോളറും കടന്നു. 2.7 ശതമാനം നേട്ടത്തോടെ സ്‌പോട്ട് ഗോള്‍ഡിന്റെ വില 3,417.62 ഡോളറായി. യു.എസിന്റെ ഗോള്‍ഡ് ഫ്യൂച്ചര്‍ നിരക്കും ഉയരുകയാണ്. 2.9 ശതമാനം നേട്ടത്തോടെ 3,425.30 ഡോളറായാണ് വില ഉയര്‍ന്നത്.

തുടര്‍ച്ചയായ രണ്ടാം ദിനവും സ്വര്‍ണവില താഴേക്ക്

webdesk18 — Thu, 27 Feb 2025 05:43:42 +0000

തുടര്‍ച്ചയായ രണ്ടാം ദിനവും സ്വര്‍ണവിലയില്‍ ഇടിവ്. ഒരു പവന്‍ സ്വര്‍ണത്തിന് 320 രൂപ കുറഞ്ഞ് 64,080 രൂപയായി. ഗ്രാമിന്റെ വില 40 രൂപ കുറഞ്ഞ് 8010 ആയി. ഫെബ്രുവരി 25ന് സ്വര്‍ണവില റെക്കോഡ് നിരക്കിലെത്തിയിരുന്നു. 64,600 രൂപയായിരുന്നു അന്നത്തെ വില. പിന്നീട് തുടര്‍ച്ചയായ രണ്ട് ദിവസങ്ങളില്‍ സ്വര്‍ണവില ഇടിയുകയായിരുന്നു. ഡോളര്‍ കരുത്താര്‍ജിച്ചതും യു.എസില്‍ ട്രഷറി വരുമാനം ഉയര്‍ന്നതും അന്താരാഷ്ട്ര വിപണിയില്‍ സ്വര്‍ണവില ഉയരുന്നതിനുള്ള കാരണമായി.

റെക്കോഡ് നിരക്കിലെത്തിയതിന് പിന്നാലെ തുടര്‍ച്ചയായ രണ്ടാം ദിനമാണ് വിലയില്‍ ഇളവ് വരുന്നത്‌

പൊള്ളുന്ന വില; സംസ്ഥാനത്ത് സ്വര്‍ണ വില കുതിച്ചുയരുന്നു

webdesk18 — Fri, 31 Jan 2025 06:58:34 +0000

സംസ്ഥാനത്ത് സ്വര്‍ണ വിലയില്‍ വന്‍വര്‍ധന. പവന് 960 രൂപ കൂടി 61840 രൂപയായി. ഗ്രാമിന് 120 രൂപ വര്‍ധിച്ച് 7730 രൂപയായി. കഴിഞ്ഞ ദിവസം പവന് 60760 രൂപയായിരുന്നു. ഇക്കഴിഞ്ഞ ബുധനാഴ്ചയാണ് സ്വര്‍ണ വില ആദ്യമായി അറുപതിനായിരം കടന്ന് ഒരു പവന് 60200 രൂപയായിരുന്നു. നവംബര്‍ മുതല്‍ ഫെബ്രുവരി വരെ സ്വര്‍ണത്തിന് സീസണ്‍ സമയമായതിനാലാണ് സ്വര്‍ണവില ഉയരാന്‍ പ്രധാന കാരണം.

അമേരിക്കന്‍ ഭരണകൂടം കൈകൊണ്ടിരിക്കുന്ന നടപടികള്‍ സ്വര്‍ണത്തിന്റെ വിലയെ സ്വാധീനിച്ചിട്ടുണ്ട്. ഡി ഡോളറൈസേഷന്‍ എതിരെ ശക്തമായ നടപടി ട്രംപ് എടുത്താല്‍ സ്വര്‍ണ വില ഇനിയും കൂടാനുള്ള സാധ്യതയുണ്ട്. അതേസമയം റഷ്യ-യുക്രൈന്‍ സംഘര്‍ഷത്തില്‍ അയവുവന്നാല്‍ സ്വര്‍ണവില കുറഞ്ഞേക്കാമെന്നും വ്യാപാരികള്‍ പറയുന്നു.

പൊള്ളും വില; റെക്കോഡിനരികെയെത്തി സ്വര്‍ണവില

webdesk18 — Fri, 17 Jan 2025 05:12:23 +0000

കൊച്ചി: സംസ്ഥാനത്ത് സ്വര്‍ണവിലയില്‍ വന്‍ വര്‍ധന. പവന് 480 രൂപ വര്‍ധിച്ച് 59,600 രൂപയായി ഉയര്‍ന്നു. ഗ്രാമിന് 60 രൂപയുടെ വര്‍ധനയാണ് ഇന്ന് ഉണ്ടായത്. ഒരു ഗ്രാം സ്വര്‍ണത്തിന്റെ വില 7450 രൂപയായി വര്‍ധിച്ചു.

കഴിഞ്ഞ ദിവസം ഒന്നരമാസത്തിനിടയിലെ റെക്കോഡ് നിരക്കിലേക്ക് സ്വര്‍ണവില എത്തിയിരുന്നു. 2,790 ഡോളറാണ് അന്താരഷ്ട്ര വിപണിയിലെ സ്വര്‍ണവില. സ്‌പോട്ട് ഗോള്‍ഡിന്റെ വില 0.8 ശതമാനത്തിന്റെ വര്‍ധനയുണ്ടായി. ഔണ്‍സിന് 2,716 ഡോളറായാണ് സ്വര്‍ണവില വര്‍ധിച്ചത്.

സംസ്ഥാനത്ത് സ്വര്‍ണവിലയില്‍ നേരിയ വര്‍ധന

webdesk18 — Wed, 08 Jan 2025 07:27:38 +0000

സംസ്ഥാനത്തെ സ്വര്‍ണവിലയില്‍ നേരിയ വര്‍ധന. പവന് 80 രൂപയും ഗ്രാമിന് 10 രൂപയും വര്‍ധിച്ചു. ഇതോടെ സംസ്ഥാനത്ത് ഒരു പവന്‍ സ്വര്‍ണത്തിന് 57800 രൂപയായി. ഗ്രാമിന് 7225 രൂപയാണ് ഇന്നത്തെ വില. തുടര്‍ച്ചയായ മൂന്ന് ദിവസം മാറ്റമില്ലാതെ തുടര്‍ന്ന ശേഷമാണ് ഇന്ന് സ്വര്‍ണവില ഉയര്‍ന്നിരിക്കുന്നത്.

ലോകത്തെ ഏറ്റവും വലിയ സ്വര്‍ണ ഉപഭോക്താക്കളാണ് ഇന്ത്യ. ഓരോ വര്‍ഷവും ടണ്‍ കണക്കിന് സ്വര്‍ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില്‍ സംഭവിക്കുന്ന ചെറിയ ചലനങ്ങള്‍ പോലും അടിസ്ഥാനപരമായി ഇന്ത്യയിലെ സ്വര്‍ണവിലയില്‍ പ്രതിഫലിക്കും.

തലപൊക്കി സ്വര്‍ണവില; വീണ്ടും 57,000ന് മുകളില്‍

webdesk17 — Mon, 09 Dec 2024 05:31:08 +0000

സംസ്ഥാനത്ത് സ്വര്‍ണവില ഇന്ന് ഉയര്‍ന്നു. 120 രൂപ വര്‍ധിച്ചതോടെ ഒരു പവന്‍ സ്വര്‍ണത്തിന്റെ വില വീണ്ടും 57,000 കടന്നു. ഇന്ന് ഒരു പവന്‍ സ്വര്‍ണത്തിന്റെ വില 57,040 രൂപയാണ്. ഗ്രാമിന് 15 രൂപയാണ് വര്‍ധിച്ചത്. 7130 രൂപയാണ് ഒരു ഗ്രാം സ്വര്‍ണത്തിന്റെ വില.

ഡിസംബര്‍ മാസത്തിന്റെ തുടക്കത്തില്‍ 57,200 രൂപയായിരുന്നു ഒരു പവന്‍ സ്വര്‍ണത്തിന്റെ വില. എന്നാല്‍ രണ്ടിന് 56,720 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്ക് സ്വര്‍ണവില കൂപ്പുക്കുത്തിയിരുന്നു. പിന്നീട് വില ഉയരുകയും താഴുകയും ചെയ്യുന്ന കാഴ്ചയാണ് കണ്ടത്.