todays gold rate – Chandrika Daily

സ്വര്‍ണത്തിന് വില കൂടി, റെക്കോര്‍ഡിലേക്ക്

webdesk13 — Tue, 04 Apr 2023 05:25:01 +0000

സ്വര്‍ണത്തിന് ഇന്ന് വീണ്ടും വില കൂടി. ഗ്രാമിന് 60 രൂപയും പവന് 480 രൂപയുമാണ് ഒറ്റയടിക്ക് വില കൂടിയത്. ഇതോടെ പവന് 44,240 എന്ന എക്കാലത്തെയും റെക്കോര്‍ഡ് വിലയിലേക്ക് സ്വര്‍ണം തിരിച്ചെത്തി. ഗ്രാമിന് 5530 രൂപയാണ് ഇന്നത്തെ വില.

കഴിഞ്ഞ മാസം 18നായിരുന്നു സ്വര്‍ണം ആദ്യമായി ഈ വില തൊട്ടത്. മാര്‍ച്ച് ഒമ്പതിന് 40,720 രൂപയായിരുന്നു സ്വര്‍ണത്തിന് 9ദിവസം കൊണ്ടാണ് 3500 രൂപയോളം വര്‍ധിച്ച് 44,240 രൂപയായത്.

ഏപ്രില്‍ ഒന്നിന് 44,000 രൂപയായിരുന്നു ഒരു പവന്‍ സ്വര്‍ണത്തിന്റെ വില. രണ്ടാം തീയതി ഈ വിലയില്‍ മാറ്റമുണ്ടായിരുന്നില്ല. തുടര്‍ന്ന് ഇന്നലെ പവന്‍ വില 240 രൂപ കുറഞ്ഞത് 43,760 രൂപയിലെത്തി. ഗ്രാമിന് 30 താഴ്ന്ന് 5,470 രൂപയായിരുന്നു വില.

സ്വര്‍ണവില കുറഞ്ഞു; പവന്‍ വില 42000 രൂപ

webdesk14 — Mon, 13 Feb 2023 05:21:53 +0000

സംസ്ഥാനത്ത് സ്വര്‍ണവില കുറഞ്ഞു. പവന് 80 രൂപ കുറഞ്ഞ് സ്വര്‍ണത്തിന്റെ വില 42,000 രൂപയായി. ഗ്രാമിന് 10 രൂപ കുറഞ്ഞ് 5250 രൂപയിലെത്തി. ഈ മാസത്തിന്റെ തുടക്കത്തില്‍ 42,200 രൂപയായിരുന്നു സ്വര്‍ണവില. രണ്ടിന് ഇത് 42,880 രൂപയായി ഉയര്‍ന്നു.

സ്വര്‍ണ വീണ്ടും വില താഴ്ന്നു

Test User — Thu, 24 Jun 2021 07:39:40 +0000

കൊച്ചി: സംസ്ഥാനത്ത് സ്വര്‍ണവില വീണ്ടും കുറഞ്ഞു. 80 രൂപ താഴ്ന്ന് പവന് 35,200 രൂപയായി ഗ്രമാമിന് 10 രൂപ കുറഞ്ഞ് 4400 രൂപയായി.

സംസ്ഥാനത്ത് കഴിഞ്ഞ ദിവസങ്ങളില്‍ സ്വര്‍ണ വിലയില്‍ വന്‍ ഇടിവാണ് ഉണ്ടായത് .ആഗോള വിപണിയില്‍ സ്വര്‍ണവിലയിലെ മാറ്റങ്ങളാണ് സംസ്ഥാനത്ത് സ്വര്‍ണ വില കുറയാന്‍ കാരണം

സ്വര്‍ണവില വീണ്ടും കൂടുമ്പോള്‍ ആശങ്കപ്പെടേണ്ടതുണ്ടോ? വിദഗ്ധര്‍ പറയുന്നത് ഇങ്ങനെ

ചന്ദ്രിക വെബ് ഡെസ്‌ക്‌ — Mon, 14 Sep 2020 06:20:44 +0000

കോഴിക്കോട്: ചരിത്രത്തിലെ ഏറ്റവും ഉയര്‍ന്ന വിലയിലെത്തിയ സ്വര്‍ണം വീണ്ടും തിരിച്ചു കയറുമ്പോള്‍ ഉപഭോക്താക്കള്‍ ആശങ്കപ്പെടേണ്ടതുണ്ടോ? അടുത്തിടെയായി വ്യാപാരമേഖലയില്‍ നിന്ന് ഉയരുന്ന ചോദ്യം ഇതാണ്. പവന് 120 രൂപ വര്‍ധിച്ച് 37,920 രൂപക്കാണ് ഇന്ന് വ്യാപാരം നടക്കുന്നത്. 4740 രൂപയാണ് ഗ്രാമിന് വില. ഈ മാസത്തെ ഏറ്റവും ഉയര്‍ന്ന വിലയാണിത്. ഈ മാസം 10ന് പവന് വില 37,920 തന്നെയായിരുന്നു. പിന്നീട് 120 രൂപ കൂറഞ്ഞ് 37,800 രൂപക്കാണ് കഴിഞ്ഞ മൂന്ന് ദിവസമായി വ്യാപാരം നടന്നിരുന്നത്. ഇന്ന് വീണ്ടും വില തിരിച്ചു കയറുകയായിരുന്നു.

വീണ്ടും സ്വര്‍ണവില ഉയര്‍ന്നുപോവുമോ എന്ന ആശങ്ക ഉപഭോക്താക്കളില്‍ ശക്തമാണ്. വിവാഹം അടക്കമുള്ള കാര്യങ്ങള്‍ക്ക് സ്വര്‍ണം വാങ്ങാനുള്ളവര്‍ക്കാണ് ഈ ആശങ്ക കൂടുതല്‍. എന്നാല്‍ കോവിഡ് പ്രതിസന്ധിയെ ലോകം മറികടന്നു തുടങ്ങിയതിനാല്‍ വലിയ വിലക്കയറ്റം ഇനിയുണ്ടാവില്ലെന്നാണ് പ്രവചിക്കപ്പെടുന്നത്. മാത്രവുമല്ല കോവിഡ് പ്രതിസന്ധി മറികടന്ന് വിപണി സ്ഥിരത കൈവരിക്കുന്നതോടെ വില ഇനിയും കുറയുമെന്നും വിലയിരുത്തപ്പെടുന്നു. നിലവില്‍ വിപണി സ്ഥിരത കൈവരിക്കാത്തതുകൊണ്ടാണ് വിലയില്‍ ചാഞ്ചാട്ടമുണ്ടാവുന്നത്.

കോവിഡ് പ്രതിസന്ധിയെ തുടര്‍ന്നാണ് കഴിഞ്ഞ മാസം സ്വര്‍ണവില കുതിച്ചു കയറിയത് എന്നാണ് വിലയിരുത്തപ്പെടുന്നത്. യുഎസ്-ചൈന പോര് മുറുകിയതും വിപണിയില്‍ പ്രതിഫലിച്ചു. എന്നാല്‍ കോവിഡ് വാക്‌സിന്‍ ഗവേഷണത്തില്‍ വലിയ പുരോഗതിയുണ്ടായതോടെ വിപണിയിലും അത് പ്രതിഫലിക്കുകയായിരുന്നു. കോവിഡ് പ്രതിസന്ധിയെ മറികടക്കാന്‍ ഗള്‍ഫ് മേഖലയിലെ അടക്കമുള്ള വികസിത രാജ്യങ്ങള്‍ പുതിയ ഉത്തേജന പാക്കേജുകള്‍ പ്രഖ്യാപിച്ചതും സ്വര്‍ണവിലയിലും പ്രതിഫലിക്കുന്നുണ്ടെന്നാണ് വിലയിരുത്തപ്പെടുന്നത്.

മാറിമറിഞ്ഞ് സ്വര്‍ണവില; വീണ്ടും ഇടിവ്

chandrika — Fri, 28 Aug 2020 06:54:44 +0000

സംസ്ഥാനത്ത് സ്വര്‍ണവിലയില്‍ വീണ്ടും ഇടിവ്. പവന് ഒറ്റയടിക്ക് 400 രൂപകുറഞ്ഞ് 37,840 രൂപയായി. 4730 രൂപയാണ് ഗ്രാമിന്റെ വില. അന്താരാഷ്ട്ര വിപണിയില്‍ ഒരു ട്രോയ് ഔണ്‍സിന് 1,929.94 ഡോളറാണ് വില.

സ്വര്‍ണവില ഓരോ ദിവസവും സ്വര്‍ണവില മാറിമറിയുകയാണ്. കഴിഞ്ഞ ദിവസങ്ങളിലെ ഇടിവിന് പിന്നാലെ ഇന്നലെ പവന് 240 രൂപ വര്‍ധിച്ചിരുന്നു. ആഗസ്റ്റ് 26ന് പവന്‍ വില 38,000 രൂപയായിരുന്നു. തുടര്‍ന്ന് കഴിഞ്ഞദിവസം 240 രൂപവര്‍ധിച്ച് 38,240 രൂപയുമായി. തുടര്‍ന്നാണ് വീണ്ടും പവന് 400 രൂപയുടെ ഇടിവുണ്ടായത്.

ഇതോടെ സ്വര്‍ണവിലയില്‍ ഏറ്റവും ഉയര്‍ന്ന നിലാവരമായ പവന് 42,000 രൂപയില്‍നിന്ന് 17 ദിവസംകൊണ്ട് 4,160 രൂപയുടെ കുറവുണ്ടായി. കഴിഞ്ഞ ആഗസ്‌റ് ഏഴിനാണ് പവന് 42,000 രൂപ എന്ന നിലയിലേക്ക് ഉയര്‍ന്നത്. തുടര്‍ന്ന് സ്വര്‍ണവിലയില്‍ വില കൂടുകയും കുറയുകയും ചെയ്യുന്ന സാഹചര്യമുണ്ടായി. പിന്നാലെ വലിയ തോതിലുള്ള ഇടിവാണ് ഇപ്പോള്‍ പ്രകടമായിരിക്കുന്നത്.

റെക്കോര്‍ഡുകള്‍ തകര്‍ത്ത് സ്വര്‍ണവില കുതിക്കുന്നു; പവന് വില മുപ്പതിനായിരത്തിലേക്ക്

ചന്ദ്രിക വെബ് ഡെസ്‌ക്‌ — Wed, 04 Sep 2019 05:49:23 +0000

കൊച്ചി: റെക്കോര്‍ഡുകള്‍ തകര്‍ത്ത് സ്വര്‍ണവില കുതിക്കുന്നു. ഇന്ന് പവന് 320 രൂപ വര്‍ധിച്ച് 29120 രൂപയായി. ഗ്രാമിന് 40 രൂപ കൂടി 3640 രൂപയായി. സാമ്പത്തിക പ്രതിസന്ധിയും രൂപയും മൂല്യത്തകര്‍ച്ചയുമാണ് സ്വര്‍ണവിലയില്‍ പ്രതിഫലിക്കുന്നത്.

കഴിഞ്ഞ ഒരു മാസമായി സ്വര്‍ണവില തുടര്‍ച്ചയായി വര്‍ധിച്ചുവരുകയാണ്. കഴിഞ്ഞ മാസത്തിന്റെ തുടക്കത്തില്‍ 25680 രൂപയായിരുന്നു ഒരു പവന്‍ സ്വര്‍ണത്തിന്റെ വില. ഒരു മാസം കഴിഞ്ഞപ്പോള്‍ സ്വര്‍ണവിലയില്‍ ഏകദേശം 3500 രൂപയുടെ വര്‍ധനയാണ് ഉണ്ടായിരിക്കുന്നത്. ഉത്സവസീസണ്‍ ആരംഭിച്ചതോടെ ഇനിയും സ്വര്‍ണവില ഉയരുമെന്നാണ് വ്യാപാരികള്‍ പറയുന്നത്.

സംസ്ഥാനത്ത് സ്വര്‍ണവില കുറഞ്ഞു

Test User — Sun, 21 Jul 2019 08:17:33 +0000

സംസ്ഥാനത്ത് സ്വര്‍ണവില കുറഞ്ഞു. പവന് 400 രൂപ കുറഞ്ഞ് 25,720 രൂപയിലാണ് ഇന്ന് വ്യാപാരം നടക്കുന്നത്. ഒരു ഗ്രാമിന് 3,215 രൂപയിലാണ് വ്യാപാരം. 24 ക്യാരറ്റ് സ്വര്‍ണം പവന് 26,840 രൂപയിലാണ് വ്യാപാരം പുരോഗമിക്കുന്നത്. അതേസമയംസംസ്ഥാനത്ത് വെള്ളിവിലയും മാറ്റമില്ലാതെ തുടരുകയാണ്. വെള്ളി ഗ്രാമിന് 41.16 രൂപ എന്ന നിരക്കിലാണ് ഇന്ന് വ്യാപാരം നടക്കുന്നത്. ഒരു കിലോ വെള്ളിക്ക് 41,160 രൂപ എന്ന നിരക്കിലാണ് വ്യാപാരം.

കഴിഞ്ഞ ദിവസം സ്വര്‍ണവില സര്‍വ്വകാല റെക്കോര്‍ഡില്‍ എത്തിയിരുന്നു. കേന്ദ്ര ബജറ്റില്‍ സ്വര്‍ണത്തിന്റെ ഇറക്കുമതി തീരുവ 2.5 ശതമാനം ഉയര്‍ത്തി 12.5 ശതമാനമാക്കിയിരുന്നു. ഇതേത്തുടര്‍ന്നാണ് സ്വര്‍ണവില കുത്തനെ ഉയര്‍ന്നത്. ഡല്‍ഹിയില്‍ സ്വര്‍ണം പവന് 27,320 രൂപയിലും 24 ക്യാരറ്റിന് 28,280 രൂപയിലുമാണ് വ്യാപാരം നടക്കുന്നത്

സ്വര്‍ണ്ണം റെക്കോര്‍ഡ് വിലയിലേക്ക്

chandrika — Fri, 19 Jul 2019 07:21:21 +0000

കൊച്ചി: സംസ്ഥാനത്ത് സ്വര്‍ണ്ണം റെക്കോര്‍ഡ് വിലയിലേക്ക്. ഇന്ന് പവന് 200 രൂപ വര്‍ദ്ധിച്ചു. 26120 രൂപയാണ് ഇന്നത്തെ സ്വര്‍ണ്ണത്തിന്റെ വില. ഗ്രാമിന് 3265 രൂപയാണ് വില. ആഗോള വിപണിയിലും സ്വര്‍ണ്ണവില വന്‍തോതില്‍ വര്‍ദ്ധിച്ചിട്ടുണ്ട്.

സ്വര്‍ണവില കൂടി

ചന്ദ്രിക വെബ് ഡെസ്‌ക്‌ — Thu, 18 Jul 2019 04:37:19 +0000

കോഴിക്കോട്: സ്വര്‍ണവില വീണ്ടും ഉയര്‍ന്നു. ഗ്രാമിന് 25 രൂപ വര്‍ധിച്ച് 3240 രൂപയായി. പവന് 200 ഉയര്‍ന്ന് 25,920 രൂപയായി.

സംസ്ഥാനത്ത് സ്വര്‍ണ്ണവില കൂടി

chandrika — Tue, 09 Jul 2019 07:01:48 +0000

തിരുവനന്തപുരം: കേരളത്തില്‍ സ്വര്‍ണവിലയില്‍ കൂടി. ഗ്രാമിന് 3,205 രൂപയും പവന് 25,640 രൂപയുമാണ് സംസ്ഥാനത്തെ ഇന്നത്തെ സ്വര്‍ണ നിരക്ക്.

ഗ്രാമിന് 15 രൂപയും പവന് 120 രൂപയുമാണ് കൂടിയത്. ഇന്നലെ രാവിലെ ഗ്രാമിന് 3,190 രൂപയും പവന് 25,520 രൂപയുമായിരുന്നു നിരക്ക്. ജൂലൈ അഞ്ചിനാണ് ചരിത്രത്തിലെ ഏറ്റവും ഉയര്‍ന്ന നിരക്ക് സ്വര്‍ണത്തിന് രേഖപ്പെടുത്തിയത്. ഗ്രാമിന് 3,210 രൂപയും പവന് 25,680 രൂപയുമായിരുന്നു നിരക്ക്.

ആഗോളവിപണിയില്‍ സ്വര്‍ണവിലയില്‍ ഇന്ന് നേരിയ ഇടിവ് രേഖപ്പെടുത്തി. അന്താരാഷ്ട്ര വിപണിയില്‍ സ്വര്‍ണത്തിന് ട്രോയ് ഔണ്‍സിന് (31.1 ഗ്രാം) 1,394.89 ഡോളറാണ് ഇന്നത്തെ നിരക്ക്. 2.40 ഡോളറിന്റെ ഇടിവാണ് സ്വര്‍ണത്തിന് രേഖപ്പെടുത്തിയത്.