കോലാറിലെ മെഹ്ത്ത ട്രാന്‍സ്‌പോര്‍ട്ടിന്റെ ഉടമസ്ഥയിലാണ് ലോറി. എസ്വിടി ട്രേഡേഴ്‌സ്, എ.ജി ട്രേഡേഴ്‌സ് എന്നിവരുടെ തക്കാളികളാണ് ലോറിയില്‍ ഉണ്ടായിരുന്നത് എന്ന് പൊലീസ് പറയുന്നു. ലോറി എടുത്തു പോയതിനുശേഷം ലോറിയെ കുറിച്ച് യാതൊരുവിധ വിവരവുമില്ല. പൊലീസ് അന്വേഷണം ആരംഭിച്ചു.

ചൊവ്വാഴ്ച മുതല്‍ ചെന്നൈ നഗരത്തിലാകെയുള്ള 82 പൊതുവിതരണ കേന്ദ്രങ്ങളിലും കിലോയ്ക്ക് 60 രൂപ നിരക്കില്‍ തക്കാളി വില്‍ക്കുമെന്നും മന്ത്രി വ്യക്തമാക്കി. കര്‍ഷകരില്‍ നിന്ന് നേരിട്ട് തക്കാളി സംഭരിച്ചാകും ഇത്തരത്തില്‍ വിതരണം ചെയ്യുകയെന്നും മന്ത്രി പെരിയകറുപ്പന്‍ പറഞ്ഞു. എല്ലാ വര്‍ഷവും ഒരു പ്രത്യേക സീസണുകളില്‍ തക്കാളിയുടെ വില റെക്കോര്‍ഡ് ഉയരത്തില്‍ എത്തുന്നതിന് പരിഹാരം കാണുമെന്നും അദ്ദേഹം വ്യക്തമാക്കി. ഭാവിയില്‍ ഇത്തരം സംഭവങ്ങളും പൂഴ്ത്തിവെപ്പും ഉണ്ടാകാതിരിക്കാന്‍ നടപടി സ്വീകരിക്കുമെന്ന് അദ്ദേഹം വിവരിച്ചു.

തക്കാളി മാത്രമല്ല മറ്റ് പച്ചക്കറി ഉത്പന്നങ്ങളുടെ വിപണി വില കുതിച്ചുയരുന്നത് തടയാനും നടപടി സ്വീകരിക്കുമെന്ന് മന്ത്രി കൂട്ടിച്ചേര്‍ത്തു. സംസ്ഥാനത്തുടനീളമുള്ള പുതിയ ഫാംഫ്രഷ് വെജി ഔട്ട്‌ലെറ്റുകളില്‍ വിപണി വിലയുടെ പകുതിക്ക് വിലയ്ക്ക് പച്ചക്കറി ലഭ്യമാക്കുമെന്നും അദ്ദേഹം വിശദീകരിച്ചു. പച്ചക്കറി വില പിടിച്ചുനിര്‍ത്താനുള്ള എല്ലാ വിധത്തിലുള്ള നടപടികളും സ്വീകരിക്കുമെന്നും മന്ത്രി പെരിയകറുപ്പന്‍ വ്യക്തമാക്കി.