torture against children – Chandrika Daily

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ച 22കാരന്‍ പിടിയില്‍

webdesk14 — Sun, 26 Mar 2023 10:19:40 +0000

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ച 22കാരന്‍ പിടിയില്‍. അന്നക്കര സ്വദേശി കുര്യക്കോട്ടു വീട്ടില്‍ അഭിഷേകിനെയാണ് കുന്ദംകുളം പൊലീസ് അറസ്റ്റുചെയ്തത്. സമൂഹ മാധ്യമങ്ങള്‍ വഴി ഇരുവരും പരിചയപ്പെട്ട് പ്രണയത്തിലാവുകയായിരുന്നു.

പിന്നീട് പ്രതി ശാരീരികമായി ഉപദ്രവിക്കാന്‍ തുടങ്ങിയതോടെ ബന്ധത്തില്‍ പെണ്‍കുട്ടി പിന്മാറി. വീട്ടില്‍ പ്രതി അതിക്രമിച്ചു കയറി പെണ്‍കുട്ടിക്കുനേരെ ലൈംഗികാതിക്രമം നടത്തുകയും ദൃശ്യങ്ങളെടുത്ത് ഭീഷണിപ്പെടുത്തുകയും ചെയ്തതാണ് പരാതി.

ഏഴു വയസുകാരിയെ പീഡിപ്പിച്ച് കൊലപ്പെടുത്തിയ യുവാവിന് മൂന്നു ജീവപര്യന്തവും 26 വര്‍ഷം കഠിന തടവും

web desk 1 — Thu, 18 Jul 2019 03:01:50 +0000

കൊല്ലം: ഏഴ് വയസുകാരിയെ പീഡിപ്പിച്ച് കൊലപ്പെടുത്തിയ കേസില്‍ പ്രതിക്ക് മൂന്നു ജീവപര്യന്തവും 26 വര്‍ഷം കഠിന തടവും. ശിക്ഷ വെവ്വേറെ അനുഭവിക്കണം. പ്രതി മൊത്തം 68 വര്‍ഷം തടവ് അനുഭവിക്കണം. 3,20,000 രൂപ പിഴയും അടക്കണം. അഞ്ചല്‍ ഏരൂര്‍ തിങ്കള്‍കരിക്കം വടക്കേചെറുകര രാജേഷ് ഭവനില്‍ രാജേഷ്(25) ആണ് പ്രതി. കൊല്ലം ഒന്നാം അഡീഷണല്‍ സെഷന്‍സ് കോടതി(പോക്‌സോ പ്രത്യേക കോടതി) ജഡ്ജി ഇ.ബൈജു ആണ് ശിക്ഷ വിധിച്ചത്.
പ്രതിയുടെ പ്രായം പരിഗണിച്ചാണ് വധശിക്ഷ ഒഴിവാക്കുന്നതെന്ന് കോടതി അറിയിച്ചു. പ്രതി ഒന്നര വര്‍ഷം ജയിലിലായിരുന്നു. ശിക്ഷാ വിധി പ്രകാരം ഇയാള്‍ 96 വയസുവരെ ജയിലില്‍ കഴിയേണ്ടതായി വരും.
ഇന്ത്യന്‍ ശിക്ഷാനിയമം 302 (കൊലപാതകം), 376(ബലാത്സംഗം), 377 (പ്രകൃതിവിരുദ്ധ പീഡനം), 366 (തട്ടിക്കൊണ്ടുപോകല്‍), 297 (മൃതദേഹത്തോട് അനാദരവ് കാണിക്കല്‍) എന്നീ കുറ്റകൃത്യങ്ങള്‍ക്കും പോക്‌സോ നിയമം മൂന്ന്, നാല്, അഞ്ച്, ആറ് വകുപ്പുകള്‍ പ്രകാരവുമാണ് പ്രതി കുറ്റക്കാരനാണെന്ന് കണ്ടെത്തി ശിക്ഷ വിധിച്ചത്.
2017 സെപ്റ്റംബര്‍ ഒന്‍പതിനാണ് കേസിനാസ്പദമായ സംഭവം. പീഡനത്തിനിരായായി കൊല്ലപ്പെട്ട പെണ്‍കുട്ടിയുടെ ബന്ധു കൂടിയാണ് പ്രതിയായ രാജേഷ്. ട്യൂഷനുവിടാന്‍ വേണ്ടി അമ്മൂമ്മയുമൊത്തുപോയ കുട്ടിയെ, അവരില്‍ നിന്നും ഏറ്റെടുത്ത പ്രതി മുന്‍കൂട്ടി തയ്യാറാക്കിയ പദ്ധതി പ്രകാരം കാട്ടിലേക്ക് കൂട്ടിക്കൊണ്ടുപോയി ക്രൂരമായി ബലാത്സംഗം ചെയ്തും പ്രകൃതിവിരുദ്ധ പീഡനങ്ങള്‍ക്ക് വിധേയമാക്കുകയും ചെയ്തശേഷം കൊലപ്പെടുത്തുകയായിരുന്നു.
സാഹചര്യതെളിവുകളെ ആസ്പദമാക്കി നടത്തിയ അന്വേഷണത്തില്‍ ശാസ്ത്രീയ തെളിവുകളാണ് പ്രധാനമായത്. കുട്ടിയെ സ്വകാര്യ ഭാഗങ്ങളില്‍ നിന്നും, വായില്‍ നിന്നും കണ്ടെടുത്ത ദ്രവങ്ങള്‍ പ്രതിയുടെ ഡി.എന്‍.എ ആണെന്ന് കണ്ടെത്തി. കൂടാതെ കുട്ടിയുടെ നഖങ്ങള്‍ക്കിടയില്‍ നിന്നും പ്രതിയുടെ കോശങ്ങളും വസ്ത്രങ്ങളുടെ അംശങ്ങളും കണ്ടെത്തിയിരുന്നു.
പുനലൂര്‍ ഡിവൈഎസ്പിയായിരുന്ന ബി.കൃഷ്ണകുമാറിന്റെ നിര്‍ദ്ദേശാനുസരണം അഞ്ചല്‍ സിഐ ആയിരുന്ന എ അഭിലാഷാണ് കേസ് അന്വേഷിച്ചത്. അന്വേഷണ സംഘത്തെ കോടതി പ്രത്യേകം പ്രശംസിച്ചു. അഡ്വ. ജി മോഹന്‍രാജ് ആയിരുന്നു കേസിന്റെ സ്‌പെഷ്യല്‍ പ്രോസിക്യൂട്ടര്‍.

വളാഞ്ചേരി പീഡനം; പ്രതി ഷംസുദ്ദീന്റെ മുന്‍കൂര്‍ ജാമ്യ ഹര്‍ജി തള്ളി

web desk 1 — Sat, 01 Jun 2019 15:44:40 +0000

വളാഞ്ചേരി: വളാഞ്ചേരിയില്‍ പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ പ്രതിയായ വളാഞ്ചേരി നഗരസഭ ഇടതു കൗണ്‍സിലര്‍ ഷംസുദ്ദീന്റെ മുന്‍കൂര്‍ ജാമ്യ ഹര്‍ജി തള്ളി. മഞ്ചേരി പോക്‌സോ കോടതിയാണ് ജാമ്യ ഹര്‍ജി തള്ളിയത്. ഷംസുദ്ദീന്‍ ഇപ്പോഴും ഒളിവിലാണ്.

പ്രതിയെ സംരക്ഷിക്കുന്നതിനു പിന്നില്‍ മന്ത്രി കെ.ടി ജലീലാണെന്ന് പീഡനത്തിനിരയായ പെണ്‍കുട്ടിയുടെ സഹോദരി നേരത്തെ വെളിപ്പെടുത്തിയിരുന്നു. ഇതേ തുടര്‍ന്ന് ജലീലിനെതിരെ നിരവധി തവണ യു.ഡി.എഫ് സമരവും നടത്തിയിരുന്നു. പ്രതി വിദേശത്തേക്ക് കടന്നെന്നും പിടികൂടാന്‍ കഴിയാത്ത സാഹചര്യമാണുള്ളതെന്നുമാണ് പെണ്‍കുട്ടിയുടെ ബന്ധുക്കളോട് പൊലീസ് പറഞ്ഞത്. ഇയാള്‍ക്കെതിരെ ലുക്കൗട്ട് നോട്ടീസ് പുറപ്പെടുവിക്കുക മാത്രമാണ് പൊലീസ് ഇതു വരെ ചെയ്തത്. പീഡനവുമായി ബന്ധപ്പെട്ട അന്വേഷണത്തില്‍ ഇതു വരെ കാര്യമായ പുരോഗതി ഉണ്ടായിട്ടില്ല.

സംസ്ഥാനത്ത് കുട്ടികള്‍ക്കെതിരായ അതിക്രമങ്ങള്‍ വര്‍ധിച്ചതായി റിപ്പോര്‍്ട്ട്

web desk 1 — Sat, 30 Mar 2019 16:52:12 +0000

തിരുവനന്തപുരം: കുട്ടികള്‍ക്കെതിരായ അതിക്രമങ്ങള്‍ വര്‍ധിച്ചതായി പൊലീസ് ക്രൈം റെക്കോര്‍ഡ്സ് ബ്യൂറോ റിപ്പോര്‍ട്ട്. കഴിഞ്ഞ പത്ത് വര്‍ഷത്തിനിടെയുണ്ടായ നിരവധി അതിക്രമങ്ങളുടെ ഞെട്ടിക്കുന്ന വിവരങ്ങളാണ് ക്രൈം റെക്കോര്‍ഡ്സ് ബ്യൂറോ പുറത്ത് വിട്ടിരിക്കുന്നത്.

2008 മുതല്‍ 2018 വരെയുള്ള കേസുകളാണ് റിപ്പോര്‍ട്ടിന് ആധാരമാക്കിയത്. പോക്‌സോ കേസുകളുടെ കാര്യത്തിലും വലിയ തോതിലുള്ള വര്‍ധനവാണ് സംസ്ഥാനത്ത് സംഭവിക്കുന്നത്. കുട്ടികള്‍ക്കെതിരായ അതിക്രമങ്ങളില്‍ 2008ല്‍ വെറും 549 കേസുകള്‍ മാത്രം രജിസ്റ്റര്‍ ചെയ്ത സംസ്ഥാനത്ത് പത്ത് വര്‍ഷങ്ങള്‍ക്കിപ്പുറം 2018ല്‍ അത് 4008 കേസുകളായി വര്‍ദ്ധിച്ചു.

പീഡനക്കേസുകള്‍ 215 എണ്ണം മാത്രമാണ് 2008ല്‍ ഉണ്ടായതെങ്കില്‍ ഇപ്പോള്‍ 1204 ആയി ഉയര്‍ന്നു എന്ന് റിപ്പോര്‍ട്ടില്‍ പറയുന്നു. അതേസമയം കഴിഞ്ഞ വര്‍ഷം മാത്രം 22 കുട്ടികളാണ് വിവിധ സംഭവങ്ങളിലായി ബന്ധപ്പെട്ട് ജീവന്‍ നഷ്ടപ്പെട്ടത്.

2569 മറ്റ് കേസുകളുടെ കുട്ടികള്‍ക്കെതിരായ അതിക്രമങ്ങളില്‍ സംസ്ഥാനത്ത് രജിസ്റ്റര്‍ ചെയ്യപ്പെട്ടു. 2018 ല്‍ സംസ്ഥാനത്തെ വിവിധ സ്റ്റേഷനുകളിലായി 3174 കേസുകള്‍ രജിസ്റ്റര്‍ ചെയ്യതു. ഇതും മുന്‍ വര്‍ഷത്തെക്കാള്‍ ഇരട്ടിയാണ്.

2019ലെ കണക്ക് പുറത്ത് വന്നതോടെ സംസ്ഥാനത്ത് കുട്ടികള്‍ക്കെതിരായ അതിക്രമങ്ങള്‍ വര്‍ധിച്ചതായി തെളിഞ്ഞു. ഈ വര്‍ഷം ജനുവരി മാസത്തെ കേസുകള്‍ മാത്രം 269 എണ്ണം കവിഞ്ഞു. തിരുവനന്തപുരം റൂറല്‍, മലപ്പുറം, എറണാകുളം റൂറല്‍ എന്നിങ്ങനെയാണ് ഒന്നും രണ്ടും മൂന്നും സ്ഥാനങ്ങളില്‍ ഉള്ളത്.