അതിനിടെ കടുത്ത സാമ്പത്തിക പ്രതിസന്ധിക്കിടയിലും ഈ വര്‍ഷവും കേരളീയം സംഘടിപ്പിക്കാനൊരുങ്ങുന്ന സര്‍ക്കാറിനെതിരെയും കെ.കെ രമ രൂക്ഷമായി വിമര്‍ശിച്ചു. കഴിഞ്ഞ കേരളീയത്തില്‍ പരിപാടി അവതരിപ്പിച്ച കലാകാരന്മാര്‍ക്ക് പണം കൊടുത്തിട്ടില്ല. കഴിഞ്ഞ കേരളീയവുമായി ബന്ധപ്പെട്ട് കണക്കിതുവരെ പറഞ്ഞിട്ടില്ലെന്നും അത് പറയാതെയാണ് വീണ്ടും കേരളീയം സംഘടിപ്പിക്കുന്നതെന്നും അത് ശരിയായ നടപടിയല്ലെന്നും കെ.കെ രമ പറഞ്ഞു.

കോഴിക്കോട്/വടകര: ടി.പി ചന്ദ്രശേഖരന്‍ വധക്കേസില്‍ ശിക്ഷിക്കപ്പെട്ട് ജയിലില്‍ കഴിയുന്ന പാനൂര്‍ ഏരിയാ കമ്മിറ്റി അംഗം പി.കെ കുഞ്ഞനന്തന് ശിക്ഷയില്‍ ഇളവ് നല്‍കാനുള്ള നീക്കം വിവാദമാവുന്നു. എഴുപത് വയസ് തികഞ്ഞവര്‍ക്കും ഗുരുതരമായ ആരോഗ്യപ്രശ്‌നമുളളവര്‍ക്കും നല്‍കുന്ന ആനുകൂല്യം അനുസരിച്ചാണ് കുഞ്ഞനന്തനെ ജയില്‍ മോചിതനാക്കാന്‍ ശ്രമം നടക്കുന്നത്. ആഭ്യന്തരവകുപ്പിന്റെ നിര്‍ദേശമനുസരിച്ച് കണ്ണൂര്‍ എസ്.പി റിപ്പോര്‍ട്ട് തയാറാക്കാന്‍ കൊളവല്ലൂര്‍ എസ്.ഐക്ക് നിര്‍ദേശം നല്‍കിയിരിക്കുകയാണ്. മരണപ്പെട്ട ആളിന്റെ ബന്ധുക്കളുടെ മൊഴിയെടുക്കുന്നതിന്റെ ഭാഗമായി കെ.കെ രമയുടെ മൊഴിയെടുത്തിരുന്നു. ഇളവ് അനുവദിക്കാനുള്ള നീക്കം നിയമപരമായി നേരിടുമെന്ന് കെ.കെ രമ വ്യക്തമാക്കി.
ടി.പി ചന്ദ്രശേഖരന്‍ വധക്കേസിലെ 13ാം പ്രതിയായ കുഞ്ഞനന്തന്‍ പാര്‍ട്ടി നടത്തുന്ന കൊലപാതകങ്ങളുടെയെല്ലാം ബുദ്ധികേന്ദ്രമാണെന്ന്്് ടി.പി വധക്കേസിന്റെ സന്ദര്‍ഭത്തില്‍ പൊലീസ് വ്യക്തമാക്കിയിരുന്നു. ടി.പി ചന്ദ്രശേഖരന്‍ ഒരു ശല്യമാണെന്നും അവനെ അവസാനിപ്പിക്കണമെന്നും കൊടിസുനി ഉള്‍പ്പെടെയുള്ള മറ്റു പ്രതികളോട് കുഞ്ഞനന്തന്‍ പറഞ്ഞിരുന്നു. കുറ്റകൃത്യം നടത്തിയവരുടെയും ആസൂത്രണം ചെയ്തവരുടെയും കണ്ണിയായി പ്രവര്‍ത്തിക്കുകയായിരുന്നു കുഞ്ഞനന്തന്‍.
ടി.പി കേസില്‍ കുറ്റകൃത്യം നടത്തിയവര്‍ ഒന്നൊന്നായി പിടിയിലായ ഘട്ടത്തില്‍ കുഞ്ഞനന്തന്‍ ഒളിവില്‍ പോവുകയായിരുന്നു. ബംഗളുരു, പൂന, ബല്‍ഗാം എന്നിവിടങ്ങളില്‍ മാറി മാറി സഞ്ചരിച്ചു. മുന്‍കൂര്‍ ജാമ്യത്തിനായി അപേക്ഷിച്ചിരുന്നുവെങ്കിലും കിട്ടിയില്ല. ഇതോടെ 2012 ജൂണില്‍ കോടതിയില്‍ കീഴടങ്ങുകയായിരുന്നു. ഇടതുമുന്നണി സര്‍ക്കാര്‍ അധികാരമേറ്റശേഷം കുഞ്ഞനന്തന് പലതവണ പരോള്‍ അനുവദിക്കുകയുണ്ടായി.
2017 നവംബര്‍ 10ന് കുന്നോത്ത്് പറമ്പ് ലോക്കല്‍ കമ്മിറ്റി സമ്മേളനത്തില്‍ കുഞ്ഞനന്തന്‍ പങ്കെടുത്തത് വിവാദമായിരുന്നു. പൊതുവേദിയിലും പ്രകടനത്തിലും അദ്ദേഹം പങ്കെടുക്കുകയുണ്ടായി. രാഷ്ട്രീയ എതിരാളികളെ ശാരീരികമായും മാനസികമായും തകര്‍ക്കുന്നതില്‍ വളരെക്കാലമായി പാനൂര്‍ മേഖലയില്‍ പ്രവര്‍ത്തിക്കുന്ന ആളാണ് കുഞ്ഞനന്തന്‍. അക്രമം ആസൂത്രണം ചെയ്യുന്നതില്‍ വിദഗ്ധനാണ്. ടി.പി കേസിലെ പ്രതികള്‍ക്ക് കൃത്യത്തിനുശേഷം ഒളിത്താവളങ്ങള്‍ ഒരുക്കുന്നതിലും കുഞ്ഞനന്തന് പങ്കുണ്ടായിരുന്നതായി വ്യക്തമായിരുന്നു.

ടി.പി വധക്കേസ് പ്രതികളും ചന്ദ്രബോസ് വധക്കേസിലെ പ്രതി മുഹമ്മദ് നിഷാമും ഉള്‍പ്പെടെയുള്ള 1800 പേര്‍ക്ക് ശിക്ഷാ ഇളവ് നല്‍കാനായി ജയില്‍ വകുപ്പ് തയ്യാറാക്കിയ പട്ടിക നേരത്തെ വിവാദമായിരുന്നു. സുപ്രീം കോടതിയുടെ മാര്‍ഗ്ഗനിര്‍ദ്ദേശങ്ങള്‍ പാലിച്ചില്ലെന്ന് കാണിച്ച് പട്ടിക ഗവര്‍ണര്‍ തിരിച്ചയക്കുകയും ചെയ്തു.

കഴിഞ്ഞ കേരളപ്പിറവി ദിനത്തിലാണ് ശിക്ഷാ ഇളവ് നല്‍കേണ്ടവരുടെ പട്ടിക സംസ്ഥാന ജയില്‍ വകുപ്പ് തയ്യാറാക്കിയത്. പ്രമാദമായ ഒട്ടേറേ കേസിലെ പ്രതികള്‍ ഉള്‍പ്പെട്ട പട്ടികയായിരുന്നു ഇത്. വിവാദമായതോടെ മന്ത്രി എ.കെ ബാലന്‍ അധ്യക്ഷനായ ഉപസമിതിയെ വിഷയം പരിശോധിക്കാന്‍ നിയോഗിച്ചു. തുടര്‍ന്നാണ് സ്ഥിരം കുറ്റവാളികള്‍, മയക്കുമരുന്ന പ്രതികള്‍, പോക്‌സോ കേസുകളിലെ പ്രതികള്‍, വാടക കൊലയാളികള്‍ എന്നിവരെ ഒഴിവാക്കിയത്.

ഫാ റോബിനെ സബ് ജയിലില്‍ നിന്ന് സെന്‍ട്രല്‍ ജയിലിലേക്ക് മാറ്റിയിരുന്നു. സുരക്ഷാ കാരണങ്ങള്‍ ചൂണ്ടിക്കാട്ടിയായിരുന്നു ജയില്‍ മാറ്റം. സെന്‍ട്രല്‍ ജയിലില്‍ എത്തിയപ്പോഴാണ് ടി.പി കേസിലെ പ്രതികള്‍ റോബിനെ മര്‍ദ്ദിച്ചത്. ഇക്കഴിഞ്ഞ വെള്ളിയാഴ്ച ജയിലില്‍ വിതരണം ചെയ്ത ബിരിയാണി കഴിക്കാതിരുന്നതിനെ തുടര്‍ന്ന് വീണ്ടും മര്‍ദ്ദിച്ചതായും റിപ്പോര്‍ട്ടുകളുണ്ട്.

പതിനാറുകാരിയെ പീഡിപ്പിച്ച് ഗര്‍ഭിണിയാക്കുകയും നവജാത ശിശുവിനെ അനാഥാലയത്തില്‍ ഒളിപ്പിക്കുകയും ചെയ്ത കേസില്‍ 2017 ഫെബ്രുവരിയിലാണ് ഫാ. റോബിന്‍ അറസ്റ്റിലായത്. കണ്ണൂരിലെ കൊട്ടിയൂരിനടുത്ത് നീണ്ടുനോക്കി സെന്റ് സെബാസ്റ്റിയന്‍സ് പള്ളിയില്‍ വികാരി ആയിരിക്കെയായിരുന്നു ഇയാള്‍ പെണ്‍കുട്ടിയെ പീഡിപ്പിച്ചത്. പെണ്‍കുട്ടി പ്രസവിച്ചതിനെ തുടര്‍ന്ന് കുഞ്ഞിനെ സഭയുടെ അനാഥാലയത്തിലാക്കിയിരുന്നു.