സ്വര്‍ണ്ണക്കടത്തിനായി കൊടിസുനിയും സംഘവും ഗള്‍ഫിലേക്കയച്ച റാഷിദ് എന്ന യുവാവ് ഡിസംബര്‍ എട്ടിന് തിരികെയെത്തി. രഹസ്യഭാഗത്ത് ഒളിപ്പിച്ച് എത്തിച്ച സ്വര്‍ണവുമായി കൊച്ചിയില്‍ നിന്ന് കണ്ണൂരിലേക്ക് ട്രെയിന്‍ യാത്രക്കിടെ 14 ലക്ഷം വില വരുന്ന സ്വര്‍ണ്ണം നഷ്ടമായി. ഈ പണം തിരികെക്കിട്ടാന്‍ യുവാവിനെയും സഹോദരനെയും ഭീഷണിപ്പെടുത്തുകയും യുവാവിന്റെ സഹോദരനെ തട്ടിക്കൊണ്ടുപോയി മര്‍ദിക്കുകയും ചെയ്തുവെന്നാണ് കേസ്.

യുവാവിന്റെ സഹോദരനെ വയനാട്ടിലേക്ക് തട്ടിക്കൊണ്ടു പോയി തോക്കുചൂണ്ടി ഭീഷണിപ്പെടുത്തി ക്രൂരമായി മര്‍ദിച്ചു. രക്ഷപ്പെടുത്തിയിട്ടും വീട്ടിലെത്തിയും ഭീഷണി തുടര്‍ന്നു. ഇവരുടെ ഉമ്മ നല്‍കിയ പരാതിയിലാണ് അന്വേഷണവും അറസ്റ്റും. കൊടിസുനി ഈ സമയം പരോളിലായിരുന്നുവെന്ന് പോലീസ് പറയുന്നു. സജീര്‍, സമീര്‍, പ്രകാശ് എന്നീ മൂന്നുപേര്‍ കൂടി പിടിയിലായി. കൂടുതല്‍ പേര്‍ പിടിയിലാകാനുണ്ട്.

ടി.പി വധക്കേസിലെ പതിമൂന്നാം പ്രതിയായ പി.കെ കുഞ്ഞനന്തന്‍ നിലവില്‍ സി.പി.എം പാനൂര്‍ ഏരിയാ കമ്മിറ്റി അംഗമാണ്. ഇളവ് നല്‍കണമെങ്കില്‍ കൊല്ലപ്പെട്ടയാളുടെ ബന്ധുക്കളുടെ മൊഴി രേഖപ്പെടുത്തേണ്ടതുണ്ട്. ബന്ധുക്കളുടെ മൊഴിയുടെ അടിസ്ഥാനത്തിലാണ് ജയില്‍വകുപ്പ് പ്രതിയെ മോചിപ്പിക്കണോ വേണ്ടയോ എന്ന കാര്യത്തില്‍ ജയില്‍ അഡൈ്വസറി ബോര്‍ഡിന് നിര്‍ദേശം നല്‍കുന്നത്.

ഇതിന്റെ ഭാഗമായി കൊളവല്ലൂര്‍ സ്‌റ്റേഷനിലെ എസ്.ഐ ടി.പിയുടെ ഭാര്യ കെ.കെ രമയുടെ മൊഴി രേഖപ്പെടുത്തി. കണ്ണൂര്‍ എസ്.പിയായിരിക്കും ഇത് സംബന്ധിച്ച് സര്‍ക്കാറിന് റിപ്പോര്‍ട്ട് നല്‍കുക. ഒരു നിലക്കും കുഞ്ഞനന്തന് ശിക്ഷാ ഇളവ് നല്‍കാന്‍ അനുവദിക്കില്ലെന്ന് കെ.കെ രമ വ്യക്തമാക്കി.

കുഞ്ഞനന്തന് നേരത്തെയും സര്‍ക്കാര്‍ വഴിവിട്ട് പരോള്‍ അനുവദിച്ചിരുന്നു. പാനൂര്‍ ഏരിയാ കമ്മിറ്റി യോഗത്തില്‍ പങ്കെടുക്കാന്‍ കുഞ്ഞനന്തന് സര്‍ക്കാര്‍ പരോള്‍ അനുവദിച്ചിരുന്നു.

ടി.പി വധക്കേസ് പ്രതികളും ചന്ദ്രബോസ് വധക്കേസിലെ പ്രതി മുഹമ്മദ് നിഷാമും ഉള്‍പ്പെടെയുള്ള 1800 പേര്‍ക്ക് ശിക്ഷാ ഇളവ് നല്‍കാനായി ജയില്‍ വകുപ്പ് തയ്യാറാക്കിയ പട്ടിക നേരത്തെ വിവാദമായിരുന്നു. സുപ്രീം കോടതിയുടെ മാര്‍ഗ്ഗനിര്‍ദ്ദേശങ്ങള്‍ പാലിച്ചില്ലെന്ന് കാണിച്ച് പട്ടിക ഗവര്‍ണര്‍ തിരിച്ചയക്കുകയും ചെയ്തു.

കഴിഞ്ഞ കേരളപ്പിറവി ദിനത്തിലാണ് ശിക്ഷാ ഇളവ് നല്‍കേണ്ടവരുടെ പട്ടിക സംസ്ഥാന ജയില്‍ വകുപ്പ് തയ്യാറാക്കിയത്. പ്രമാദമായ ഒട്ടേറേ കേസിലെ പ്രതികള്‍ ഉള്‍പ്പെട്ട പട്ടികയായിരുന്നു ഇത്. വിവാദമായതോടെ മന്ത്രി എ.കെ ബാലന്‍ അധ്യക്ഷനായ ഉപസമിതിയെ വിഷയം പരിശോധിക്കാന്‍ നിയോഗിച്ചു. തുടര്‍ന്നാണ് സ്ഥിരം കുറ്റവാളികള്‍, മയക്കുമരുന്ന പ്രതികള്‍, പോക്‌സോ കേസുകളിലെ പ്രതികള്‍, വാടക കൊലയാളികള്‍ എന്നിവരെ ഒഴിവാക്കിയത്.

ബുധനാഴ്ച രാത്രിയാണ് ഷംസീര്‍ എം.എല്‍.എ ഷാഫിയുടെ വീട്ടിലെത്തിയത്. വ്യാഴാഴ്ചത്തെ വിവാഹത്തിന് മുന്നോടിയായി അടുത്ത സുഹൃത്തുക്കള്‍ക്ക് നടത്തിയ വിവാഹ സല്‍ക്കാരത്തിലാണ് ഷംസീര്‍ പങ്കെടുത്തത്. ഇതിന്റെ ചിത്രങ്ങള്‍ ഇപ്പോള്‍
സമൂഹമാധ്യമങ്ങളിലുള്‍പ്പെടെ പ്രചരിക്കുകയാണ്. ശിക്ഷയനുഭവിക്കുന്ന മുഹമ്മദ് ഷാഫി പരോളില്‍ ഇറങ്ങിയാണ് വിവാഹത്തിനെത്തിയത്. കൊയിലാണ്ടിയില്‍വെച്ചാണ് വിവാഹം.

നേരത്തെ ടി.പി കേസ് പ്രതികളെ പുറത്തുവിടുമെന്ന് സൂചന ലഭിച്ചിരുന്നു. എന്നാല്‍ ഇതു സംബന്ധിച്ചുള്ള ചോദ്യങ്ങളില്‍ സംഭവത്തെക്കുറിച്ച് അറിയില്ലെന്നാണ് മുഖ്യമന്ത്രി പിണറായി വിജയന്‍ പ്രതികരിച്ചത്. 2016 ല്‍ കേരളപ്പിറവി ദിനത്തോടനുബന്ധിച്ചാണു പ്രത്യേക ശിക്ഷായിളവ് ഉദ്ദേശിച്ചിരുന്നത്. ഇതനുസരിച്ച് മൂവായിരത്തോളം തടവുകാരില്‍ 2262 പേര്‍ക്ക് ശിക്ഷായിളവ് നല്‍കണമെന്ന് കാണിച്ച് ജയില്‍വകുപ്പ് 2016 ഒക്ടോബര്‍ 17ന് സര്‍ക്കാരിന് പ്രോപ്പസല്‍ സമര്‍പ്പിച്ചു. ഇതില്‍ നിന്ന് തെരഞ്ഞെടുത്ത 1850 തടവുകാരെയാണ് മോചിപ്പിക്കാന്‍ ശ്രമിച്ചത്. ഈ ശുപാര്‍ശ ഗവര്‍ണര്‍ക്ക് ലഭിച്ചപ്പോള്‍ ഗവര്‍ണ്ണര്‍ തടയുകയായിരുന്നു. ലിസ്റ്റ് ഗവര്‍ണര്‍ തിരിച്ചയക്കുകയും ചെയ്തു. പിന്നീട് ലിസ്റ്റ് പരിശോധിച്ചു. ഇതുപ്രകാരം നൂറോളം പേരാണ് ജയിലില്‍ നിന്ന് പുറത്തുവരികയുള്ളൂവെന്ന് ജയില്‍ മേധാവി ആര്‍.ശ്രീലേഖ പറയുന്നു.