ഇന്ന് ഉച്ചക്ക് രണ്ടരയോടെയാണ് കതിരൂരില്‍ ബോംബ് നിര്‍മ്മാണത്തിനിടെ സ്‌ഫോടനമുണ്ടായത്. മൂന്ന് പേരാണ് സംഘത്തിലുണ്ടായിരുന്നത് എന്നാണ് പ്രാഥമിക നിഗമനം. ഇതില്‍ മാഹി സ്വദേശികളായ എം.റമീഷ്, ഭീരജ് എന്നിവരെ തിരിച്ചറിഞ്ഞിട്ടുണ്ട്. ഇതില്‍ വടകര അഴിയൂര്‍ കളവറത്ത് രമ്യത നിവാസില്‍ കുട്ടു എന്ന പി.എം രമീഷ്,  ടി.പി ചന്ദ്രശേഖരന്‍ വധക്കേസിലെ 24ാം പ്രതിയായിരുന്നു. അഴിയൂര്‍ സ്വദേശിയായ രമീഷിനതിരെ തെളിവ് ലഭിക്കാത്തതോടെ കോടതി വെറുതെവിടുകയായിരുന്നു. കൊടിസുനിയുമായി അടുത്ത ബന്ധമുള്ള ആളാണ് രമീഷ്.

മറ്റൊരു പ്രതിയായ കെ.​സി. രാമചന്ദ്രന്‌ -205. 185 ദി​വ​സ​ത്തെ സാ​ധാ​ര​ണ പ​രോ​ളും 20 ദി​വ​സ​ത്തെ അ​ടി​യ​ന്ത​ര പ​രോ​ളും. ആ​റാം പ്ര​തി സി​ജി​ത്തി​നാ​ണ് ഏ​റ്റ​വും കൂ​ടു​ത​ൽ അ​ടി​യ​ന്ത​ര പ​രോ​ൾ അ​നു​വ​ദി​ച്ച​ത്. 135 അ​ടി​യ​ന്ത​ര പ​രോ​ള​ട​ക്കം 186 ദി​വ​സം സി​ജി​ത്ത് പു​റ​ത്തു​ണ്ടാ​യി​രു​ന്ന​താ​യി മു​ഖ്യ​മ​ന്ത്രി നി​യ​മ​സ​ഭ​യി​ൽ ​ന​ൽ​കി​യ മ​റു​പ​ടി​യി​ൽ പ​റ​യു​ന്നു.

അ​നൂ​പ് -120, ഷി​നോ​ജ് -105, മു​ഹ​മ്മ​ദ് ഷാ​ഫി -135, കി​ർ​മാ​ണി മ​നോ​ജ് -120, റ​ഫീ​ക്ക് -125, ടി.​കെ. ര​ജീ​ഷ് -90, സി. ​മ​നോ​ജ് -117ഉം ​പ​രോ​ളു​ക​ൾ ല​ഭി​ച്ചു. ഒ​ന്നാം പ്ര​തി കൊ​ടി സു​നി​യെ​ന്ന സു​നി​ല്‍ കു​മാ​റാ​ണ് പ​രോ​ളു​ക​ളി​ൽ പി​ന്നി​ൽ. -60 ദി​വ​സം. കൊ​ടി സു​നി​ക്കും ഷി​നോ​ജി​നും ടി.​കെ. ര​ജീ​ഷി​നും അ​ടി​യ​ന്ത​ര പ​രോ​ൾ ന​ൽ​കി​യി​ട്ടി​ല്ലെ​ന്നും രേ​ഖ​ക​ൾ പ​റ​യു​ന്നു. ക​ഴി​ഞ്ഞ ജൂ​ണി​ൽ ചേ​ർ​ന്ന നി​യ​മ​സ​ഭ സ​മ്മേ​ള​ന​ത്തി​ൽ ഐ.​സി. ബാ​ല​കൃ​ഷ്ണ​ൻ ഉ​ന്ന​യി​ച്ച ചോ​ദ്യ​ത്തി​ന് ഇ​ന്ന​ലെ​യാ​ണ് മ​റു​പ​ടി ന​ല്‍കി​യ​ത്.

നെയ്യാറ്റിന്‍കര ഉപതെരഞ്ഞെടുപ്പില്‍ ജയിക്കാന്‍ കോണ്‍ഗ്രസ് ആണ് ചന്ദ്രശേഖരനെ കൊലപ്പെടുത്തിയത് എന്ന കെ.ടി ജലീലിന്റെ പ്രസംഗത്തിന്റെ വീഡിയോ ആണ് ഇപ്പോള്‍ വീണ്ടും സോഷ്യല്‍ മീഡിയയില്‍ തരംഗമായിരിക്കുന്നത്. ഇത് സത്യമാണെന്ന് കാലം തെളിയിക്കുമെന്നും ജലീല്‍ പ്രസംഗത്തില്‍ പറയുന്നുണ്ട്.

എന്നാല്‍ സി.പി.എം സംസ്ഥാന നേതൃത്വത്തിന്റെ നിര്‍ദേശപ്രകാരമാണ് കൊലപാതകം നടന്നതെന്നായിരുന്നു പിന്നീട് തെളിഞ്ഞത്. കോടിയേരി ബാലകൃഷ്ണനും മുഖ്യമന്ത്രി പിണറായി വിജയനും ജയിലിലെത്തി ടി.പി വധക്കേസ് പ്രതികളുമായി കൂടിക്കാഴ്ച നടത്തി. പിണറായി അധികാരത്തിലെത്തിയ ശേഷം പ്രതികള്‍ യാതൊരു ഉപാധിയുമില്ലാതെ യഥേഷ്ടം പരോളിലിറങ്ങി പാട്ടും ഡാന്‍സുമായി ആഘോഷിക്കുന്നതിന്റെ വീഡിയോ ദൃശ്യങ്ങള്‍ പുറത്തുവന്നുകൊണ്ടിരിക്കുകയാണ്. പെരിയ കൊലപാതകത്തില്‍ തങ്ങള്‍ക്ക് പങ്കില്ലെന്ന് സി.പി.എം ആവര്‍ത്തിക്കുമ്പോള്‍ സി.പി.എം നേതാക്കളുടെ മുന്‍ നിലപാടുകളിലെ കാപട്യം വീണ്ടും ചര്‍ച്ചയാവുകയാണ്.

പിണറായി വിജയന്‍ അധികാരത്തിലെത്തിയത് മുതല്‍ ടി.പി വധക്കേസ് പ്രതികള്‍ക്ക് പ്രത്യേക പരിഗണനയാണ് നല്‍കിവരുന്നത്. പി.കെ കുഞ്ഞനന്തന്‍, കിര്‍മാണി മനോജ്, കൊടി സുനി തുടങ്ങിയവര്‍ക്കെല്ലാം മാനദണ്ഡങ്ങളില്ലാതെ പരോള്‍ അനുവദിക്കുകയാണ്. ഇതിനെതിരെ ടി.പി ചന്ദ്രശേഖരന്റെ ഭാര്യ കെ.കെ രമ സമര്‍പ്പിച്ച ഹര്‍ജി പരിഗണിച്ച ഹൈക്കോടതി സര്‍ക്കാറിനെതിരെ രൂക്ഷ വിമര്‍ശനമുന്നയിച്ചിരുന്നു.

സംഭവത്തില്‍ വിശദമായ അന്വേഷണം വേണമെന്ന് വി.ടി ബല്‍റാം എം.എല്‍.എ ആവശ്യപ്പെട്ടു. ഗുരുതര രോഗമാണെന്ന കാരണം പറഞ്ഞ് പരോളിലിറങ്ങിയ ശേഷം പാട്ടും ഡാന്‍സുമായി ആഘോഷിക്കുന്നതിനെ കുറിച്ച് സര്‍ക്കാര്‍ മറുപടി പറയണമെന്നും ബല്‍റാം ആവശ്യപ്പെട്ടു.

പെരിയ ഇരട്ടക്കൊലപാതകത്തില്‍ ടിപി വധക്കേസ് പ്രതികള്‍ ഉള്‍പ്പെട്ടിട്ടുണ്ടോ എന്ന് പരിശോധിക്കണമെന്ന് തിരുവഞ്ചൂര്‍ രാധാകൃഷ്ണന്‍. ഈ കൊലപാതകം നടക്കുന്നതിന് തൊട്ട് മുമ്പ് ടി പി വധക്കേസിലെ പ്രതികളായ കിര്‍മാണി മനോജിനും റഫീഖിനും പരോള്‍ നല്‍കി പുറത്തുവിട്ടിരുന്നു. പരോളിലിറങ്ങിയ ശേഷം ഇവര്‍ എവിടെയാണെന്നും അവരുടെ പ്രവര്‍ത്തനങ്ങള്‍ എന്തെല്ലാമെന്ന് അന്വേഷിക്കണമെന്നും അദ്ദേഹം ആവശ്യപ്പെട്ടു. കൊല നടത്തുന്നതിന് മുമ്പ് യുവാക്കളെ ഇടിച്ചിട്ട വാഹനത്തെക്കുറിച്ചും അന്വേഷിക്കണമെന്നും തിരുവഞ്ചൂര്‍ രാധാകൃഷ്ണന്‍ ആവശ്യപ്പെട്ടു.

അടിയന്തരമായ കാര്യങ്ങള്‍ക്ക് മാത്രമാണ് കൊലക്കേസ് പ്രതികള്‍ക്ക് പരോള്‍ അനുവദിക്കുക എന്നാല്‍ ഇപ്പോള്‍ അത്തരം എന്ത് ഗുരുതരമായ ആവശ്യമാണ് കിര്‍മാണി മനോജിനും റഫീഖിനും ഉണ്ടായിരുന്നതെന്നും പരോള്‍ വാങ്ങി ഇരുവരും എങ്ങോട്ടാണ് പോയതെന്നതിനും മുഖ്യമന്ത്രി മറുപടി പറയേണ്ടി വരുമെന്നും തിരുവഞ്ചൂര്‍ രാധാകൃഷ്ണന്‍ ആവശ്യപ്പെട്ടു.

പരാതി വടകര സി.ഐക്ക് കൈമാറിയതിനെ തുടര്‍ന്ന് വിശദമായ മൊഴിയെടുക്കുന്നതിനായി പരാതിക്കാരെ വിളിച്ചുവരുത്തി. മറ്റൊരാളുടെ കൂടെ പോയ ഭാര്യയില്‍ നിന്നും നിയമപരമായ വിടുതല്‍ വേണമെന്നും ഭാര്യ കൂടെ കൂട്ടിയ എട്ടും അഞ്ചും വയസുള്ള മക്കളെ തിരികെ വേണമെന്നുമാണ് പരാതിയിലെ ആവശ്യം. വിയ്യൂര്‍ സെന്‍ട്രല്‍ ജയിലില്‍ ജീവപര്യന്തം തടവില്‍ കഴിയുന്ന മനോജ് 11 ദിവസത്തെ പരോളില്‍ ഇറങ്ങിയാണ് വിവാഹം കഴിച്ചത്.

ടി.പി ചന്ദ്രശേഖരന്റെ നാട്ടുകാരി കൂടിയായ യുവതിയെയാണ് കിര്‍മാണ മനോജ് വടകരയില്‍ നിന്നും 800 കിലോമീറ്റര്‍ അപ്പുറത്തുള്ള പുതുച്ചേരി സിന്ധാന്തന്‍ കോവില്‍ വച്ചുതാലി കെട്ടിയത്. വിവാദം പേടിച്ച് പാര്‍ട്ടി പ്രവര്‍ത്തകരെ ഒഴിവാക്കി അടുത്ത ബന്ധുക്കള്‍ മാത്രമാണ് കല്ല്യാണത്തില്‍ പങ്കെടുത്തിരുന്നത്. ടി.പി വധക്കേസിലെ മറ്റൊരു പ്രതിയായ മുഹമ്മദ് ഷാഫി കഴിഞ്ഞ വര്‍ഷം വിവാഹിതനായിരുന്നു. എ.എന്‍ ഷംസീര്‍ എം.എല്‍.എ അന്ന് ചടങ്ങില്‍ പങ്കെടുത്തത് വിവാദമായിരുന്നു.

ടി.പി വധക്കേസിലെ പതിമൂന്നാം പ്രതിയായ പി.കെ കുഞ്ഞനന്തന്‍ നിലവില്‍ സി.പി.എം പാനൂര്‍ ഏരിയാ കമ്മിറ്റി അംഗമാണ്. ഇളവ് നല്‍കണമെങ്കില്‍ കൊല്ലപ്പെട്ടയാളുടെ ബന്ധുക്കളുടെ മൊഴി രേഖപ്പെടുത്തേണ്ടതുണ്ട്. ബന്ധുക്കളുടെ മൊഴിയുടെ അടിസ്ഥാനത്തിലാണ് ജയില്‍വകുപ്പ് പ്രതിയെ മോചിപ്പിക്കണോ വേണ്ടയോ എന്ന കാര്യത്തില്‍ ജയില്‍ അഡൈ്വസറി ബോര്‍ഡിന് നിര്‍ദേശം നല്‍കുന്നത്.

ഇതിന്റെ ഭാഗമായി കൊളവല്ലൂര്‍ സ്‌റ്റേഷനിലെ എസ്.ഐ ടി.പിയുടെ ഭാര്യ കെ.കെ രമയുടെ മൊഴി രേഖപ്പെടുത്തി. കണ്ണൂര്‍ എസ്.പിയായിരിക്കും ഇത് സംബന്ധിച്ച് സര്‍ക്കാറിന് റിപ്പോര്‍ട്ട് നല്‍കുക. ഒരു നിലക്കും കുഞ്ഞനന്തന് ശിക്ഷാ ഇളവ് നല്‍കാന്‍ അനുവദിക്കില്ലെന്ന് കെ.കെ രമ വ്യക്തമാക്കി.

കുഞ്ഞനന്തന് നേരത്തെയും സര്‍ക്കാര്‍ വഴിവിട്ട് പരോള്‍ അനുവദിച്ചിരുന്നു. പാനൂര്‍ ഏരിയാ കമ്മിറ്റി യോഗത്തില്‍ പങ്കെടുക്കാന്‍ കുഞ്ഞനന്തന് സര്‍ക്കാര്‍ പരോള്‍ അനുവദിച്ചിരുന്നു.

ടി.പി വധക്കേസ് പ്രതികളും ചന്ദ്രബോസ് വധക്കേസിലെ പ്രതി മുഹമ്മദ് നിഷാമും ഉള്‍പ്പെടെയുള്ള 1800 പേര്‍ക്ക് ശിക്ഷാ ഇളവ് നല്‍കാനായി ജയില്‍ വകുപ്പ് തയ്യാറാക്കിയ പട്ടിക നേരത്തെ വിവാദമായിരുന്നു. സുപ്രീം കോടതിയുടെ മാര്‍ഗ്ഗനിര്‍ദ്ദേശങ്ങള്‍ പാലിച്ചില്ലെന്ന് കാണിച്ച് പട്ടിക ഗവര്‍ണര്‍ തിരിച്ചയക്കുകയും ചെയ്തു.

കഴിഞ്ഞ കേരളപ്പിറവി ദിനത്തിലാണ് ശിക്ഷാ ഇളവ് നല്‍കേണ്ടവരുടെ പട്ടിക സംസ്ഥാന ജയില്‍ വകുപ്പ് തയ്യാറാക്കിയത്. പ്രമാദമായ ഒട്ടേറേ കേസിലെ പ്രതികള്‍ ഉള്‍പ്പെട്ട പട്ടികയായിരുന്നു ഇത്. വിവാദമായതോടെ മന്ത്രി എ.കെ ബാലന്‍ അധ്യക്ഷനായ ഉപസമിതിയെ വിഷയം പരിശോധിക്കാന്‍ നിയോഗിച്ചു. തുടര്‍ന്നാണ് സ്ഥിരം കുറ്റവാളികള്‍, മയക്കുമരുന്ന പ്രതികള്‍, പോക്‌സോ കേസുകളിലെ പ്രതികള്‍, വാടക കൊലയാളികള്‍ എന്നിവരെ ഒഴിവാക്കിയത്.

തിരുവനന്തപുരം: ടി.പി ചന്ദ്രശേഖരന്‍ വധം ആസൂത്രണം ചെയ്തത് പിണറായിയും പി.ജയരാജനുമാണെന്ന് കെ.കെ രമ. ആര്‍.എം.പി പ്രവര്‍ത്തകര്‍ക്കെതിരെ ഓഞ്ചിയത്ത് സി.പി.എം നടത്തുന്ന നരനായാട്ടില്‍ പ്രതിഷേധിച്ച് സെക്രട്ടറിയേറ്റിന് മുന്നില്‍ നടത്തിയ ദ്വിദിന സത്യാഗ്രഹത്തില്‍ മുഖ്യ പ്രഭാഷണം നടത്തുകയായിരുന്നു അവര്‍. പി.ജയരാജന്‍ ഒരു മാസികക്ക് നല്‍കിയ അഭിമുഖം വായിച്ചാല്‍ ഇക്കാര്യം വ്യക്തമാണ്. പാര്‍ട്ടി വിട്ടപ്പോള്‍ പിണറായിയും ജയരാജനുമാണ് ടി.പിയുമായി ചര്‍ച്ച നടത്തിയത്. കുഞ്ഞനന്തന്‍, മോഹനന്‍മാസ്റ്റര്‍, ഷംസീര്‍ തുടങ്ങിയവരൊക്കെ ഇതിനായി നിയോഗിച്ചവരാണ്. കിര്‍മാണി മനോജും ഷംസീറും തമ്മില്‍ സംസാരിച്ചതിന്റെ രേഖകളുണ്ട്. കേസില്‍ ശിക്ഷിച്ച കുഞ്ഞനന്തന്‍ കഴിഞ്ഞ 11 മാസത്തില്‍ 211 ദിവസം ജയിലിന് പുറത്തായിരുന്നു. പരോള്‍ നല്‍കുന്നതിന് സി.പി.എമ്മിന്റെ കൊലയാളികള്‍ക്ക് മാനദണ്ഡിമില്ലെന്നും അവര്‍ പറഞ്ഞു.
സത്യാഗ്രഹം പാര്‍ട്ടി ദേശീയ ചെയര്‍മാന്‍ ഗംഗാധര്‍ജി ഉദ്ഘാടനം ചെയ്തു. ത്രിപുരയില്‍ തെരഞ്ഞിടുപ്പില്‍ വിജയിച്ചതോടെ ബി.ജെ.പി ചെയ്യുന്നതുപോലെയാണ് ഓഞ്ചിയത്ത് ആര്‍.എം.പിക്കെതിരെ സി.പി.എം അക്രമം നടത്തുന്നതെന്ന് അദ്ദേഹം പറഞ്ഞു. ത്രിപുരയിലെ അനുഭവത്തില്‍നിന്ന് എതിര്‍ ശബ്ദങ്ങളെ ഉന്മൂലനം ചെയ്യുന്ന രീതി സി.പി.എം തിരുത്തണമെന്നും അദ്ദേഹം ആവശ്യപ്പെട്ടു. പ്രതിപക്ഷ ഉപനേതാവ് ഡോ. എം.കെ മുനീര്‍, ആര്‍.എം.പി സംസ്ഥാന സെക്രട്ടറി എന്‍. വേണു, കെ.പി പ്രകാശന്‍ തുടങ്ങിയവര്‍ സംസാരിച്ചു.