മുന്‍ ഡിജിപി ടിപി സെന്‍കുമാര്‍ വിഷം കഴിച്ച് ആത്മഹത്യക്ക് ശ്രമിച്ചിരിക്കുന്നു, ഉടന്‍ രക്ഷിക്കണം എന്നായിരുന്നു സന്ദേശം. ഫോണ്‍കോളിന്റെ അടിസ്ഥാനത്തില്‍ വെസ്റ്റ് പൊലീസാണ് അന്വേഷണം നടത്തിയത്. കാനാട്ടുകര മേഖലയിലെ ഫഌറ്റില്‍ നിന്നാണ് എന്നാണ് സൂചന നല്‍കിയിരുന്നത്.

പൊലീസ് പുലര്‍ച്ചെയോടെ എത്തി ഇവിടെയുള്ള ഫഌറ്റുകളിലെല്ലാം പരിശോധന നടത്തി. ഫഌറ്റുകളില്‍ അന്വേഷണം നടത്തിയതിന് പിന്നാലെ സന്ദേശം ലഭിച്ച ഫോണ്‍ നമ്പര്‍ പിന്തുടര്‍ന്നു. ഇതില്‍ നിന്ന് കാനാട്ടുകരയിലെ ഫഌറ്റില്‍ താമസിച്ചിരുന്ന വയോധികയായ മുന്‍ അധ്യാപികയായിരുന്നു ഫോണ്‍ വിളിച്ചത് എന്ന് കണ്ടെത്തി. ഇവര്‍ക്ക് മാനസികാസ്വാസ്ഥ്യമുണ്ടെന്നാണ് കരുതുന്നത്. പൊലീസ് സംഭവത്തില്‍ ഇവര്‍ക്കെതിരെ കേസെടുത്തു.

സെന്‍കുമാറുമായുള്ള അഭിമുഖത്തിനിടെ അദ്ദേഹത്തിന് ഫോള്‍ കോണുകള്‍ വന്നിരുന്നു. തുടര്‍ച്ചയായി വന്ന ഒരു കോളില്‍ അദ്ദേഹം നടിയെക്കുറിച്ച് മോശം പരാമര്‍ശം നടത്തുകയായിരുന്നു. സ്ത്രീകളെ ആകമാനം അപമാനിക്കുന്നതായിരുന്നു പരാമര്‍ശങ്ങള്‍. ഞെട്ടിക്കുന്ന പരാമര്‍ശങ്ങള്‍ അഭിമുഖത്തോടൊപ്പം റെക്കോര്‍ഡ് ചെയ്യപ്പെട്ടിട്ടുണ്ട്. എന്നാല്‍ അത് തങ്ങളുടെ ലേഖകനോടു പറയാത്ത കാര്യങ്ങള്‍ അല്ലാത്തതിനാല്‍ പ്രസിദ്ധീകരിച്ചില്ലെന്നും പത്രാധിപര്‍ പറയുന്നു. അഭിമുഖം പരിശോധിക്കാവുന്നതാണ്. സെന്‍കുമാര്‍ പറഞ്ഞ കാര്യങ്ങള്‍ മാത്രമാണ് അഭിമുഖത്തിലുള്ളത്. സെന്‍കുമാറിന്റെ അറിവോടെയാണ് അഭിമുഖം റെക്കോര്‍ഡ് ചെയ്തതെന്നും ആ സമയം മറ്റൊരു മാധ്യമ പ്രവര്‍ത്തകനും ഉണ്ടായിരുന്നുവെന്നും സജി ജെയിംസ് പറയുന്നു.

മുസ്‌ലിംങ്ങള്‍ക്കെതിരെ ഗുരുതര ആരോപണങ്ങളായിരുന്നു വിവാദ അഭിമുഖത്തിലുണ്ടായിരുന്നത്. ആര്‍.എസ്.എസിനെ വെള്ളപൂശിയും മുസ്‌ലിംങ്ങളെ തീവ്രവാദികളുമായും പരാമര്‍ശിച്ച അഭിമുഖത്തില്‍ കേരളത്തില്‍ മുസ്‌ലിം ജനസംഖ്യ വര്‍ദ്ധിച്ചുവരുന്നുവെന്ന ആശങ്കയും അദ്ദേഹം പ്രകടിപ്പിച്ചിരുന്നു.

പൊലീസ് സേനയിലെ സുഖസൗകര്യങ്ങള്‍ അനുഭവിച്ച ശേഷം പുറത്ത് വന്ന് കുറ്റം പറയുന്നത് ശരിയായ നടപടിയല്ലെന്നും കേരള പൊലീസ് അസോസിയേഷന്‍ കൊല്ലം റൂറല്‍ ജില്ല സമ്മേളനം ഉദ്ഘാടനം ചെയ്ത് തച്ചങ്കരി പറഞ്ഞു.
മാധ്യമങ്ങളെ കൂട്ട് പിടിച്ച് പ്രശസ്തരാകാനാണ് ചിലരുടെ ശ്രമം. കുറച്ച് നാള്‍ കഴിഞ്ഞാല്‍ ഇവരെ ആരും ശ്രദ്ധിക്കില്ലെന്നും തച്ചങ്കരി പറഞ്ഞു.

പൊലീസ് സേനയുടെ എല്ലാ സൗകരങ്ങളും അനുഭവിച്ചശേഷം പുറത്തിറങ്ങി സേനയുടെ അന്തസ് കളയുന്ന പ്രസ്താവന നടത്തരുത്. കേരളാ പൊലീസ് ഒരു വ്യക്തിയല്ല, കൂട്ടായ്മയാണ്. ഫുഡ്‌ബോള്‍ മത്സരത്തിന് റഫറി, ഗാലറിയ്ക്ക് വേണ്ടി കാര്‍ഡ് ഉയര്‍ത്തരുത്. തനിക്ക് ശേഷം പ്രളയം എന്ന് ആരും കരുതരുത്. താല്‍കാലിക മായി കിട്ടുന്ന കൈയ്യടിയ്ക്ക് വേണ്ടി സേനയെ മറക്കരുത്. പുസ്തകമെഴുതി പ്രശസ്തരാവാനാണ് ചിലരുടെ ശ്രമമെന്നും തച്ചങ്കരി പറഞ്ഞു

ന്യൂറോ സര്‍ജന്‍ വേണ്ടിടത്ത് സര്‍ക്കാര്‍ വെച്ചത് കശാപ്പുകാരനെയാണ്. കുഴപ്പമുണ്ടാക്കുകയാണ് തന്റെ ലക്ഷ്യമെന്ന് തച്ചങ്കരി മുഖ്യമന്ത്രിയെ തെറ്റിദ്ധരിപ്പിച്ചു. ടോമിന്‍ തച്ചങ്കരി ഭരണപരമായ അറിവുള്ള ആളല്ല തുടങ്ങി നിരവധി വിമര്‍ശനങ്ങളാണ്് തച്ചങ്കെരിക്കെതിരെ സെന്‍കുമാര്‍ ചാനലിന് കൊടുത്ത അഭിമുഖത്തില്‍ ഉന്നയിച്ചത്.