റിപ്പബ്ലിക് ദിന പരേഡ് നടക്കുന്ന പ്രദേശത്തിന്റെ 14കിമീചുറ്റളവിലേക്ക് എത്തിച്ചേരരുതെന്ന് പൊലീസ് നിര്‍ദേശം കര്‍ഷകര്‍ അംഗീകരിക്കും. പരേഡ് സമാധാനപരമായിരിക്കുമെന്ന് സംയുക്ത കര്‍ഷക സംഘടനാനേതാക്കള്‍ നേരത്തെ വ്യക്തമാക്കിയിരുന്നു. 11 സംസ്ഥാനങ്ങളില്‍ നിന്നുള്ള കര്‍ഷകരുടെ അവസ്ഥകാണിക്കുന്ന നിശ്ചലദൃശ്യങ്ങളും ട്രാക്ടറില്‍ ഒരുക്കിയിട്ടുണ്ട്.

റാലിയ്ക്ക് അനുഭാവംപ്രകടിപ്പിച്ച് ആയിരങ്ങള്‍ വിവിധ കേന്ദ്രങ്ങളില്‍ പങ്കെടുക്കും.

റാലിയില്‍ കേന്ദ്ര, സംസ്ഥാന സര്‍ക്കാരുകളെ കമല്‍നാഥ് വിമര്‍ശിച്ചു. കാര്‍ഷിക നിയമത്തില്‍ കേന്ദ്രം പിടിവാശി ഉപേക്ഷിക്കണമെന്ന് അദ്ദേഹം പറഞ്ഞു. ഇതിനകം നിരവധി കര്‍ഷകരുടെ ജീവനാണ് നഷ്ടമായത്. നിയമം പിന്‍വലിക്കുന്നതുവരെ പിന്നോട്ടില്ലെന്നും കമല്‍നാഥ് വ്യക്തമാക്കി. മുതീര്‍ന്ന കോണ്‍ഗ്രസ് നേതാവ് ദ്വിഗ്വിജയ് സിംഗും പങ്കെടുത്തു.

കഴിഞ്ഞദിവസം കേന്ദ്രസര്‍ക്കാര്‍ കര്‍ഷകനേതാക്കളുമായി നടത്തിയ 9ാംവട്ട ചര്‍ച്ചയും പരാജയപ്പെട്ടിരുന്നു. 19ന് വീണ്ടും ചര്‍ച്ചയുണ്ട്.