ഹെല്‍മറ്റ് വെക്കാതെ വാഹനം ഓടിച്ചതിന് 41, ഒപ്പം സഞ്ചരിച്ചയാള്‍ ഹെല്‍മറ്റ് വയ്ക്കാത്തതിന് 28, സിഗ്‌നല്‍ ലംഘിച്ചതിന് അഞ്ച്, വാഹനം ഓടിക്കുമ്പോള്‍ മൊബൈല്‍ ഫോണ്‍ ഉപയോഗിച്ചതിന് 10, തെറ്റായി പാര്‍ക്ക് ചെയ്തതിന് മൂന്ന് എന്നിങ്ങനെ വിവിധ നിയമലംഘനങ്ങളാണ് ഇയാള്‍ ചെയ്തിരിക്കുന്നത്. ഇയാളുടെ വാഹനം പൊലീസ് കണ്ടുകെട്ടി.

ബുധനാഴ്ചയാണ് ഇയാളെ പൊലീസ് പിടികൂടിയത്. കോറമംഗലയില്‍ വച്ച് ട്രാഫിക്ക് സിഗ്‌നല്‍ തെറ്റിച്ചതിനെ തുടര്‍ന്ന് ഇയാളുടെ ബൈക്കിനു പൊലീസ് കൈ കാണിച്ചു. തുടര്‍ന്ന് അന്ന് തന്നെ ഇയാള്‍ അഞ്ച് തവണ നിയമലംഘനം നടത്തിയതായി കണ്ടെത്തി. പിന്നീട് വിശദമായി അന്വേഷണം നടത്തിയതിനെ തുടര്‍ന്നാണ് മറ്റ് നിയമലംഘനങ്ങളും പൊലീസ് മനസ്സിലാക്കിയത്.