ടെലികോം ഓപ്പറേറ്റര്‍മാരില്‍ നിന്ന് ശേഖരിക്കുന്ന വരിക്കാരുടെ കെവൈസി റെക്കോര്‍ഡ് അനുസരിച്ചായിരിക്കും കോള്‍ വരുമ്പോള്‍ പേര് കാണിക്കുന്നത്. ഇതുമായി ബന്ധപ്പെട്ട കണ്‍സള്‍ട്ടേഷന്‍ പേപ്പര്‍ ട്രായി വരും ദിവസങ്ങളില്‍ തന്നെ തയ്യാറാക്കുമെന്നാണ് സൂചന. നിലവില്‍ ട്രൂകോളര്‍ വഴി ഉപയോക്താക്കള്‍ക്ക് പേര് കണ്ടുപിടിക്കാവ് കഴിയുന്നുണ്ട്. ഡേറ്റാ ക്രൗഡ് സോഴ്സ് ചെയ്തു പ്രവര്‍ത്തിക്കുന്ന ഇതു പോലെയുള്ള ആപ്പുകള്‍ക്ക് പരിമിതികളുണ്ട്.എന്നാല്‍ ഇതിനു വിപരീതമാണ് ട്രായിയുടെ അപ്‌ഡേറ്റ്. കോള്‍ ചെയ്യുന്ന ആളുടെ വിവരങ്ങള്‍ ഫോണ്‍ സ്‌ക്രീനുകളില്‍ കാണിക്കാനുള്ള സംവിധാനം രൂപപ്പെടുത്തുന്നതിനെക്കുറിച്ച് ഉടനെ ചര്‍ച്ച നടത്തി റിപ്പോര്‍ട്ട് തയാറാക്കും. ഇതിനെ കുറിച്ച് കൂടിയാലോചിക്കണമെന്ന് എന്നാവശ്യപ്പെട്ട് ട്രായിയ്ക്ക് നേരത്തെ തന്നെ ഡിപ്പാര്‍ട്ട്മെന്റ് ഓഫ് ടെലികോമില്‍ നിന്ന് നിര്‍ദേശം ലഭിച്ചിരുന്നു. നിലവില്‍ ട്രൂകോളറില്‍ പേര് കാണിക്കുന്നത് ഫോണിലെ കോണ്ടാക്ട് ലിസ്റ്റിനെ അടിസ്ഥാനമാക്കിയാണ്. ഒരാളുടെ നമ്ബര്‍ പലരുടെയും ഫോണില്‍ സേവ് ചെയ്തിരിക്കുന്നത് പലതരത്തിലാകും. അതില്‍ ഒരുപോലെ വരുന്ന പേരാണ് ട്രൂകോളര്‍ കാണിക്കുന്നത്. എന്നാല്‍ ട്രായി കൊണ്ടുവരുന്ന സംവിധാനത്തില്‍ തിരിച്ചറിയല്‍ രേഖയിലെ അതേ പേരു തന്നെയാകും വിളിക്കുമ്‌ബോള്‍ ഫോണില്‍ കാണിക്കുന്നത്. ക്രൗഡ് സോഴ്സിങ് ഡേറ്റയെ അടിസ്ഥാനമാക്കി കോളര്‍മാരെ കണ്ടെത്തുന്ന ആപ്പുകളെക്കാള്‍ വിശ്വാസ്യത ഇതിനുണ്ടെന്നാണ് റിപ്പോര്‍ട്ടുകള്‍ പറയുന്നത്.

ന്യൂഡല്‍ഹി: ഇന്ത്യയില്‍ മൊബൈല്‍ ഫോണ്‍ നമ്പറുകള്‍ 11 അക്കമാക്കാനുള്ള കാര്യത്തില്‍ തീരുമാനമെടുക്കാനായി ഇന്ത്യന്‍ ടെലികോം മേഖലാ അധികാരികളായ ‘ട്രായ്’ പൊതുജനങ്ങളുടെ അഭിപ്രായം തേടി. രാജ്യത്ത് മൊബൈല്‍ ഫോണിന്റെ ഉപയോഗം വര്‍ദ്ധിച്ച് വരുന്നത് കണക്കിലെടുത്ത് ആ ആവശ്യത്തെ നേരിടുന്നതിന് വേണ്ടിയാണ് ട്രായ് ഈ തീരുമാനത്തിലേക്ക് എത്തുന്നത്. 2050തോടെ 260 കോടി മൊബൈല്‍ ഫോണ്‍ നമ്പറുകള്‍ രാജ്യത്ത് പുതുതായി വേണ്ടിവരുമെന്ന് കണ്ട് അതിനു വേണ്ടിയാണ് ഫോണ്‍ നമ്പറുകളുടെ അക്കങ്ങളുടെ എണ്ണത്തില്‍ മാറ്റം വരുത്തുന്നത്.

ഇപ്പോള്‍ മൊബൈല്‍ നമ്പറുകളില്‍ നിലവിലുള്ള പത്തക്ക സംവിധാനം തുടര്‍ന്നാല്‍ പുതിയ നമ്പറുകളെ ഉള്‍ക്കൊള്ളാന്‍ സാധിക്കില്ല. മൊബൈല്‍ ഫോണ്‍ നമ്പറുകള്‍ 11 അക്കമാക്കാനും, ലാന്‍ഡ്‌ലൈന്‍ നമ്പറുകള്‍ 10 തന്നെയായി നിലനിര്‍ത്താനുമാണ് ട്രായ് ഇപ്പോള്‍ ആലോചിക്കുന്നത്. ഇത് സംബന്ധിച്ച് ട്രായ് നിര്‍ദേശങ്ങള്‍ മുന്നോട്ട് വച്ചിട്ടുണ്ട്. ഡാറ്റാ ആവശ്യത്തിനായി ഉപയോഗിക്കുന്ന നമ്പറുകള്‍ 13 അക്കമാക്കാനും പദ്ധതിയിട്ടുണ്ട്. ‘ഇന്റര്‍നെറ്റ് ഒഫ് തിങ്ങ്‌സ്(പരസ്പര ബന്ധിതമായ ഇന്റര്‍നെറ്റ് കൂട്ടായ്മ)’ ഉള്‍പ്പെടെയുള്ള ഡാറ്റ അധിഷ്ഠിത സേവനങ്ങള്‍ക്ക് ഉപയോഗിക്കുന്ന നമ്പറുകള്‍ ഇതിനോടകം 13 അക്കമാക്കാനുള്ള നടപടികള്‍ സര്‍ക്കാര്‍ ആരംഭിച്ചിട്ടുണ്ട്.

‘ആധാര്‍ നമ്പര്‍ ഇല്ലാത്തവര്‍ക്ക് മൊബൈല്‍ സിം കാര്‍ഡ് നിഷേധിക്കരുതെന്ന് ടെലികോം കമ്പനികളോട് ആവശ്യപ്പെട്ടിട്ടുണ്ട്. മറ്റ് കെ.വൈ.സി രേഖകള്‍ സമര്‍പ്പിക്കുന്നവര്‍ക്ക് സിം നല്‍കാം.’- അരുണ സുന്ദരരാജന്‍ പറഞ്ഞു.

മൊബൈല്‍ ഫോണ്‍ ആധാറുമായി ബന്ധിപ്പിക്കണമെന്ന ഉത്തരവ് സുപ്രീം കോടതിയുടെ നിര്‍ദേശപ്രകാരമല്ലെന്ന് കഴിഞ്ഞ മാസം കേന്ദ്രം സുപ്രീം കോടതിയില്‍ സമ്മതിച്ചിരുന്നു. സേവനങ്ങള്‍ക്ക് ആധാര്‍ നിര്‍ബന്ധമാക്കണമെന്ന കേന്ദ്ര സര്‍ക്കാര്‍ തീരുമാനം സംബന്ധിച്ചുള്ള കേസുകളില്‍ ചീഫ് ജസ്റ്റിസ് ദീപക് മിശ്ര അധ്യക്ഷനായുള്ള ബെഞ്ച് വാദം കേട്ടു വരികയാണ്.

പരസ്യദാതാക്കള്‍ക്കും ഡയറക്ടറേറ്റ് ഓഫ് അഡ്വര്‍ടൈസിങ് ആന്‍ഡ് വിഷ്വല്‍ പബ്ലിസിറ്റി(ഡിഎവിപി)യ്ക്കും ഇതുവഴി തങ്ങളുടെ പണം ഫലപ്രദമായി വിനിയോഗിക്കാനാകുമെന്നും മന്ത്രാലയം പറയുന്നു. പരസ്യദാതാക്കളെ സഹായിക്കാന്‍ വേണ്ടിയാണിതെന്ന് ട്രായിയുടെ ന്യായീകരണം. ഏറ്റവും കൂടുതല്‍ പേര്‍ കാണുന്ന ചാനലുകള്‍ക്ക്, ഭരിക്കുന്നവരുടെ രാഷ്ട്രീയമനുസരിച്ച് പരസ്യങ്ങള്‍ നല്‍കാനും അതു തടയാനുമുള്ള നടപടികളും സ്വീകരിക്കാനാണ് ഇത്തരം സംവിധാനങ്ങള്‍ കൊണ്ടുവരുന്നതെന്ന് കോണ്‍ഗ്രസ് ആരോപിക്കുന്നു. എന്നാല്‍ ഇത് പൗരസ്വാതന്ത്രത്തിന്‍മേലുള്ള കടന്നുകയറ്റമാണെന്ന് ആരോപിച്ച് രാജ്യത്തിന്റെ വിവിധ ഭാഗങ്ങളില്‍ പ്രക്ഷോഭം ആരംഭിച്ചിട്ടുണ്ട്.

ഐ.എഫ്.സി ഉപയോഗിക്കാനായാണ് ട്രായി ശിപാര്‍ശെ ചെയ്തിരിക്കുന്നത്. ഇന്ത്യന്‍ വ്യോമ പാതയില്‍ ആഭ്യന്തര, അന്താരാഷ്ട്ര വിമാനങ്ങള്‍ക്ക് വോയ്‌സ്, വീഡിയോ, ഇന്റര്‍നെറ്റ് ഡാറ്റ ലഭ്യമാക്കാനുള്ള നിര്‍ദേശം 2017 ആഗസ്റ്റില്‍ ടെലികോം വകുപ്പ് ട്രായിക്ക് സമര്‍പ്പിച്ചിരുന്നു. ആരോഗ്യത്തിന് ഹാനികരമല്ലാത്ത രീതിയില്‍ രാജ്യാന്തര നിലവാരമനുസരിച്ച് വൈഫൈ സേവനം നല്‍കാമെന്നാണ് ട്രായ് വ്യക്തമാക്കിയിട്ടുള്ളത്. ഇന്ത്യന്‍ വ്യോമ പാതയില്‍ 3000 മീറ്റര്‍ ഉയരത്തില്‍ വിമാനങ്ങളില്‍ മൊബൈല്‍, ഇന്റര്‍നെറ്റ് ഉപയോഗിക്കാനാണ് അനുമതി നല്‍കുന്നത്. ഇത് ഭൂതല മൊബൈല്‍ നെറ്റ്‌വര്‍ക്കുകള്‍ക്കു കൂടി യോജിച്ചതാണ്.

ഓണ്‍ലൈന്‍ ഉപയോക്താക്കള്‍ക്കു തങ്ങളുടെ സമ്മതത്തോടെയല്ലാതെ സ്വയം ഡൗണ്‍ലോഡ് ചെയ്യപ്പെടുന്ന പരസ്യങ്ങള്‍ക്കു പണം നല്‍കേണ്ടിവരുന്ന സാഹചര്യം ആശാസ്യമല്ലെന്നാണു ട്രായിയുടെ നിലപാട്. എത്ര ഡേറ്റ ഉപയോഗിക്കപ്പെടുന്നു, ഇത് എങ്ങനെ നിയന്ത്രിക്കാം, ഇത്തരത്തിലുള്ള ഡേറ്റ വിനിയോഗത്തിനു പരിധി നിര്‍ണയിക്കാനാവുമോ തുടങ്ങിയ കാര്യങ്ങളാണു ചര്‍ച്ചചെയ്യുക.