രണ്ടു ഗുഡ്സ് ട്രെയിനുകള്‍ കൂടി ട്രയല്‍ റണ്ണിന്റെ ഭാഗമായി പാതയില്‍ ഓടിക്കും. അതിനു ശേഷമായിരിക്കും ഗതാഗതം പുനഃസ്ഥാപിക്കുന്നതില്‍ അന്തിമ തീരുമാനം എടുക്കുകയെന്നാണ് വ്ിവരം.

കഴിഞ്ഞ വെള്ളിയാഴ്ചയാണ് കൊങ്കണ്‍ പാതയില്‍ മണിടിച്ചില്‍ ഉണ്ടായത്. മണ്ണിടിച്ചിലിനെ തുടര്‍ന്ന പാത സുരക്ഷിതമല്ലെന്ന് കണ്ടെത്തുകയും കര്‍ണാടകയിലെ പാടിക്കും – കുലശേഖരണം ഇടയില്‍ പുതിയ ട്രാക്ക് നിര്‍മ്മിക്കുകയുമായിരുന്നു. ഒരു പാത മാത്രം ഉള്ള ഈ ഭാഗത്ത് 400 മീറ്റര്‍ പുതിയ പാത സ്ഥാപിച്ചാണ് ഗതാഗതം പുനസ്ഥാപിക്കുന്നത്.

മണ്ണിടിച്ചിലിനെ തുടര്‍ന്ന് കൊങ്കണ്‍ വഴിയുള്ള പ്രധാന ട്രയിനുകള്‍ റദ്ദു ചെയ്യുകയും മറ്റുള്ളവ വഴി തിരിച്ച് വിടുകയുമായിരുന്നു. കാസര്‍കോട് നിന്നും മുംബൈയിലേക്ക് പോകുന്ന ട്രയിനുകള്‍ സൂറത്ത് കല്‍ വഴിയാണ് സര്‍വീസ് നടത്തുന്നത്. കൊങ്കണ്‍ പാത അടച്ചതോടെ യാത്രക്കാര്‍ വലിയ പ്രയാസമാണ് അനുഭവിക്കുന്നത്.

ശനിയാഴ്ച സര്‍വീസ് നടത്തേണ്ട തിരുവനന്തപുരം-ഹസ്രത്ത് നിസാമുദ്ദീന്‍ എക്സ്പ്രസ് (22653), ഓഖ-എറണാകുളം എക്സ്പ്രസ് (16337), തിരുവനന്തപുരം-ലോക്മാന്യതിലക് നേത്രാവതി എക്സ്പ്രസ് (16346) എന്നിവ പൂര്‍ണമായും റദ്ദാക്കിയിട്ടുണ്ട്. കൊങ്കണ്‍ വഴി സര്‍വീസ് നടത്തേണ്ട നാളത്തെ കൊച്ചുവേളി-ഛണ്ഡിഗഢ് എ്ക്സ്പ്രസ് (12217), എറണാകുളം-നിസാമുദ്ദീന്‍ മംഗള എക്സ്പ്രസ് (12617), കൊച്ചുവേളി-ശ്രീഗംഗാനഗര്‍ എക്സ്പ്രസ് (16312) എന്നിവ ഈറോഡ് വഴിയായിരിക്കും സര്‍വീസ് നടത്തുക.

ഇന്ന് രാവിലെ 10.50ന് എറണാകുളത്ത് നിന്ന് പുറപ്പെടേണ്ട മംഗള എക്‌സ്പ്രസ് രണ്ടു മണിക്കൂറോളം വൈകി ഉച്ചക്ക് ഒരു മണിക്കാണ് പുറപ്പെട്ടത്. തിരുവനന്തപുരം-ഹസ്രത്ത് നിസാമുദ്ദീന്‍ രാജധാനി എക്‌സ്പ്രസ് വൈകിട്ട് 7.15ന് പുറപ്പെടേണ്ടതിന് പകരം മണിക്കൂറുകള്‍ വൈകി നാളെ പുലര്‍ച്ചെ 4.30നാണ് തിരുവനന്തപുരം സെന്‍ട്രലില്‍ നിന്ന് യാത്ര തുടങ്ങുക. അനുബന്ധ സര്‍വീസുകള്‍ അനിശ്ചിതമായി വൈകുന്നതിനാല്‍ നാളെ വൈകിട്ട് 7.15ന് പുറപ്പെടേണ്ട കൊച്ചുവേളി-അമൃത്സര്‍ എക്‌സ്പ്രസ് (12483) രാത്രി 10.30നായിരിക്കും പുറപ്പെടുക. ഇന്ന് രാത്രി 11.30ന് പുറപ്പെടേണ്ടിയിരുന്ന എറണാകുളം-ഹസ്രത്ത് നിസാമുദ്ദീന്‍ ദുരന്തോ എക്‌സ്പ്രസ് (12283) നാളെ ഉച്ചക്ക് 1.30ന് എറണാകുളത്ത് നിന്ന് പുറപ്പെടും.

മറ്റു ദിവസങ്ങളിലെ ട്രെയിന്‍ നിയന്ത്രണം ഇങ്ങനെ-വെള്ളി: ശീഗംഗാനഗര്‍-കൊച്ചുവേളി വീക്ക്‌ലി എക്‌സ്പ്രസ് (16311) ശാസ്താംകോട്ടയില്‍ അരമണിക്കൂറും ചെന്നൈ-എഗ്മോര്‍ ഗുരുവായൂര്‍ എക്‌സ്പ്രസ് (16127) കൊല്ലം ജങ്ഷനില്‍ ഒരു മണിക്കൂര്‍ 15 മിനുറ്റും തിരുവനന്തപുരം-ഹസ്രത്ത് നിസാമുദ്ദീന്‍ വീക്ക്‌ലി സൂപ്പര്‍ഫാസ്റ്റ് (22653) കൊല്ലത്ത് അരമണിക്കൂറും പിടിച്ചിടും. പാലക്കാട്-തിരുനെല്‍വേലി എക്‌സ്പ്രസും (16792) ഹൈദരാബാദ്-കൊല്ലം സ്‌പെഷ്യലും (07109) കായംകുളത്തിനും ശാസ്താംകോട്ടക്കും ഇടയില്‍ മൂന്നു മണിക്കൂറിലധികം പിടിച്ചിടും.

ശനി: കൊല്ലം-ഹൈദാരാബാദ് സ്‌പെഷ്യല്‍ ട്രെയിന്‍ (07110) കൊല്ലം ജങ്ഷനില്‍ നിന്ന് രണ്ടര മണിക്കൂര്‍ വൈകി പുലര്‍ച്ചെ 5.30ന് പുറപ്പെടും. വെരാവല്‍-തിരുവനന്തപുരം വീക്ക്‌ലി എക്‌സ്പ്രസ് (16333) ശാസ്താംകോട്ടയില്‍ അമ്പത് മിനുറ്റ് പിടിച്ചിടും. തിങ്കള്‍: കൊച്ചുവേളി-ലോക്മാന്യതിലക് ബൈവീക്ക്‌ലി എക്‌സ്പ്രസ് (22114) ഒരു മണിക്കൂര്‍ വൈകി പുലര്‍ച്ചെ 1.35ന് പുറപ്പെടും. കൊല്ലം സ്റ്റേഷനില്‍ 40 മിനുറ്റ് പിടിച്ചിടും. കൊല്ലം-ഹൈദരാബാദ് എക്‌സ്പ്രസ് (07142) അമ്പത് മിനുറ്റ് വൈകി പുലര്‍ച്ചെ 3.50ന് പുറപ്പെടും.

ബുധന്‍: തിരുവനന്തപുരം-ഹസ്രത്ത് നിസാമുദ്ദീന്‍ വീക്ക്‌ലി സൂപ്പര്‍ഫാസ്റ്റ് എക്‌സ്പ്രസ് (22655) പുലര്‍ച്ചെ രണ്ടിന് പുറപ്പെടും. കൊല്ലത്ത് 40 മിനുറ്റ് പിടിച്ചിടും. മുംബൈ-തിരുവനന്തപുരം വീക്ക്‌ലി എക്‌സ്പ്രസ് (16331) ശാസ്താംകോട്ടയില്‍ ഒരു മണിക്കൂര്‍ പത്തു മിനുറ്റും ഗുരുവായൂര്‍-ചെന്നൈ എഗ്മോര്‍ (16128) കരുനാഗപ്പള്ളിയില്‍ അമ്പത് മിനുറ്റും മംഗളൂരു-തിരുവനന്തപുരം എക്‌സ്പ്രസ് (16348) ഓച്ചിറയില്‍ 15 മിനുറ്റും പിടിച്ചിടും.

വ്യാഴം: കന്യാകുമാരി-ദിബ്രുഗഡ് വിവേക് എക്‌സ്പ്രസ് ഒരു മണിക്കൂര്‍ വൈകി രാത്രി 12ന് പുറപ്പെടും. വെള്ളി: കൊല്ലം-ഹൈദരാബാദ് എക്‌സ്പ്രസ് (07142) 50 മിനുറ്റ് വൈകി പുറപ്പെടും. ശീഗംഗാനഗര്‍-കൊച്ചുവേളി വീക്ക്‌ലി എക്‌സ്പ്രസ് (16311) അമ്പത് മിനുറ്റും ഗുരുവായൂര്‍-ചെന്നൈ എഗ്മോര്‍ (16128) 20 മിനുറ്റും ശാസ്താംകോട്ടയില്‍ പിടിച്ചിടും. 5,6,8,10 തീയതികളില്‍ തിരുവനന്തപുരം-മധുരൈ അമൃത എക്‌സ്പ്രസ് (16343) രണ്ടു മണിക്കൂര്‍ വൈകി അര്‍ധരാത്രി പന്ത്രണ്ടിന് പുറപ്പെടും. കൊല്ലം ജങ്ഷനില്‍ രണ്ടു മണിക്കൂറോളം പിടിച്ചിടുകയും ചെയ്യും. ചെന്നൈ-എഗ്മോര്‍ ഗുരുവായൂര്‍ എക്‌സ്പ്രസ് (16127) തിരുവനന്തപുരത്തിനും കൊല്ലം സ്റ്റേഷനുമിടയിലും രണ്ടുമണിക്കൂറിലേറെ പിടിച്ചിടും.

അതേസമയം തീപിടിത്തമുണ്ടായ ഇന്ധന ടാങ്കര്‍ ട്രെയിന്‍ അനുമതിയില്ലാതെ യാത്ര തുടരുന്നതായും റിപ്പോര്‍ട്ടുണ്ട്. കോട്ടയം മുട്ടമ്പലത്ത് നിര്‍ത്തിയിട്ട ടാങ്കര്‍ ട്രെയിന്‍ പരിശോധനയ്ക്കിടെ പുറപ്പെട്ടതയാണ് റിപ്പോര്‍ട്ട്. സ്റ്റേഷന്‍ മാസ്റ്ററുടെയും ഫയര്‍ ഫോഴ്സിന്റെയും നിര്‍ദേശം അവഗണിച്ചാണ് യാത്ര.

താല്‍പര്യമുള്ളവരെ പരിഗണിക്കുന്നില്ല
മറ്റ് ഡിവിഷനുകളില്‍ നിന്ന് കേരളത്തില്‍ ജോലി ചെയ്യാന്‍ താല്‍പര്യമുള്ളവരെ ഇങ്ങോട്ടു മാറ്റുമെന്ന് അറിയിച്ചെങ്കിലും അതും പ്രാവര്‍ത്തികമാക്കിയില്ല. പാളം ഉറപ്പിക്കാനും പരിശോധിക്കാനും ഉപയോഗിക്കുന്ന ബലാഷ് വണ്ടികളും പാളം ഫിക്‌സിംഗ് വണ്ടികള്‍ ഓടിക്കാനും ലോക്കോ പൈലറ്റുമാര്‍ വേണം. നിലവിലുള്ളവരെ ദിവസം രണ്ട് ഷിഫ്റ്റില്‍ പണിയെടുപ്പിച്ചാലും പണി പിന്നേയും ബാക്കിയാണ്. അമിത ജോലി ഭാരവും ഉറക്ക ക്ഷീണവും പൈലറ്റുമാരെ പോലെ യാത്രക്കാര്‍ക്കും പ്രയാസം സൃഷ്ടിക്കുന്നുണ്ട്.

നാഗര്‍കോവില്‍-മംഗളൂരു ഏറനാട് എക്സ്പ്രസ് (16606) എറണാകുളം ജങ്ഷനും കോഴിക്കോടിനുമിടയില്‍ സര്‍വീസ് നടത്തില്ല. എറണാകുളത്തെത്തുന്ന ട്രെയിന്‍ തിരിച്ച് നിലവിലെ സമയക്രമ പ്രകാരം പാസഞ്ചര്‍ സ്പെഷ്യലായി നാഗര്‍കോവിലേക്ക് സര്‍വീസ് നടത്തും.
മംഗളൂരു-നാഗര്‍കോവില്‍ ഏറനാട് എക്സ്പ്രസ് (16605) കോഴിക്കോട് വരെ മാത്രമേ സര്‍വീസ് നടത്തുകയുള്ളു. തിരിച്ച് നിലവിലെ സമയപ്രകാരം കോഴിക്കോട് നിന്ന് മംഗളൂരു വരെ പാസഞ്ചര്‍ സ്പെഷ്യല്‍ ട്രെയിനായി ഓടും.
തിരുവനന്തപുരം-കോഴിക്കോട് ജന്‍ശതാബ്ദി എക്സ്പ്രസ് (12076) പള്ളിപ്പുറം-കുറ്റിപ്പുറം സ്റ്റേഷനുകള്‍ക്കിടയില്‍ പിടിച്ചിടുന്നതിനാല്‍ രണ്ടു മണിക്കൂറും 40 മിനുറ്റും വൈകിയേ കോഴിക്കോട് എത്തുകയുള്ളു.

എറണാകുളം-നിസാമുദ്ദീന്‍ മംഗള എക്സ്പ്രസ് (12617), നാഗര്‍കോവില്‍-മംഗളൂരു പരശുറാം എക്സ്പ്രസ് (16650), കൊച്ചുവേളി-ലോക്മാന്യതിലക് ഗരീബ്രഥ് എക്സ്പ്രസ് (12202), പൂനെ-എറണാകുളം ബൈവീക്ക്ലി സൂപ്പര്‍ഫാസ്റ്റ് എക്സ്പ്രസ് (22150), തിരുവനന്തപുരം-ലോക്മാന്യതിലക് നേത്രാവതി എക്സ്പ്രസ് (16346) എന്നീ ട്രെയിനുകള്‍ 20 മുതല്‍ 60 മിനുറ്റ് വരെ പള്ളിപ്പുറം-കുറ്റിപ്പുറം സ്റ്റേഷനുകള്‍ക്കിടയില്‍ പിടിച്ചിടും.

തൃശൂര്‍-എറണാകുളം-കൊല്ലം പാതയില്‍ നിരവധി പാസഞ്ചര്‍ ട്രെയിനുകളും ഇന്ന് റദ്ദാക്കിയിട്ടുണ്ട്. പാസഞ്ചര്‍ ട്രെയിനുകള്‍ റദ്ദാക്കിയുള്ള നിയന്ത്രണം ഞായറാഴ്ച്ച വരെ തുടരും.

കേരളത്തില്‍ കോട്ടയം വഴിയുള്ള ട്രെയിനുകളും ഓടിതുടങ്ങി. ഏറണാകുളത്ത് നിന്നും വഞ്ചിനാട് വരെ പോകുന്ന ട്രെയില്‍ രാവിലെ ഓടിതുടങ്ങി. വേണാട് എക്‌സ്പ്രസും സര്‍വീസ് തുടങ്ങി. കൊല്ലം എറണാകുളം മെമു, എറണാകുളം തിരുവനവന്തപുരം സ്‌പെഷ്യല്‍ ട്രെയില്‍ എന്നിവയും സര്‍വീസ് നടത്തുന്നുണ്ട്.

കഴിഞ്ഞ മൂന്ന് ദിവസമായി കോഴിക്കോട് അവസാനിപ്പിച്ച മംഗലാപുരം-കൊയമ്പത്തൂര്‍ പാസഞ്ചര്‍ ട്രെയിന്‍ ഞായറാഴ്ച ഉച്ചയോടെ കൊയമ്പത്തൂരിലേക്ക് സര്‍വ്വീസ് പുനരാരംഭിച്ചു. മംഗലാപുരത്ത് നിന്നും കോയമ്പത്തൂരിലേക്ക് പോകുന്ന ഇന്റര്‍സിറ്റി എക്‌സ്പ്രസും മംഗളൂര്‍-ചെന്നൈ വെസ്റ്റ് കോസ്റ്റ് എക്‌സ്പ്രസും നേരത്തെയുള്ള ഷെഡ്യൂള്‍പ്രകാരം ഓടിതുടങ്ങി.

കണ്ണൂര്‍-യശ്വന്ത്്പൂര്‍ ട്രെയിനും യശ്വന്ത്്പൂര്‍-കണ്ണൂര്‍ ട്രെയിനും നേരത്തെയുള്ള ഷെഡ്യൂര്‍ പ്രകാരം സര്‍വ്വീസ് തുടങ്ങി. അതേസമയം, സ്‌പെഷ്യല്‍ ട്രെയിനുകളായാണ് സര്‍വ്വീസ് നടത്തുന്നത്. ഇതിനാല്‍ യാത്രക്കാര്‍ക്ക് നേരത്തെയുള്ള റിസര്‍വ്വേഷന്‍ ലഭ്യമാകില്ല. ബംഗളൂരില്‍ നിന്നും മംഗലാപുരത്തേക്കുള്ള മാംഗളൂര്‍ എക്‌സ്പ്രസ് ഇന്ന് രാത്രി 11.55ന് പുറപ്പെടും. വരുംദിവസങ്ങളിലും കൂടുതല്‍ ട്രെയിനുകള്‍ സര്‍വ്വീസ് നടത്തി യാത്രാക്ലേഷം പരിഹരിക്കുമെന്ന് റെയില്‍വെ അധികൃതര്‍ വ്യക്തമാക്കി.

കഴിഞ്ഞ ദിവസങ്ങളില്‍ മംഗലാപുരത്തുനിന്ന് ട്രെയിനുകള്‍ കോഴിക്കോട് വരെ ഓടിയിരുന്നു. കുറ്റിപ്പുറത്തിനും ഷൊര്‍ണൂരിനും ഇടയില്‍ പള്ളിക്കല്‍ സ്റ്റേഷനില്‍ വെള്ളം കയറിയതിനെ തുടര്‍ന്നാണ് ഇതുവഴിയുള്ള ഗതാഗതം നിര്‍ത്തിവെച്ചത്. ഇതോടെ ഷൊര്‍ണൂര്‍ വഴി കടന്നുപോകേണ്ട ട്രെയിനുകളെല്ലാം നേരത്തെ കോഴിക്കോട് വെച്ച് സര്‍വ്വീസ് അവസാനിപ്പിക്കുകയായിരുന്നു.

പാസ്സഞ്ചര്‍ ട്രെയിനുകള്‍ തിരുവനന്തപുരം-ആലപ്പുഴ-എറണാകുളം വഴി സര്‍വീസ് നടത്തും. ദീര്‍ഘദൂര ട്രെയിനുകള്‍ തിരുവനന്തപുരം, തിരുനെല്‍വേലി, മധുര വഴി തിരിച്ചു വിടും. എറണാകുളത്തു നിന്ന് ആലപ്പുഴ വഴി തിരുവനന്തപുരത്തേക്കുള്ള ട്രെയിനുകള്‍ വേഗനിയന്ത്രണത്തില്‍ ഓടുമെന്നും തിരുവനന്തപുരം ഡിവിഷന്‍ അറിയിച്ചു. ഈ റൂട്ട് വഴി മൂന്നു സ്‌പെഷല്‍ ട്രെയിനുകള്‍ ഓടിക്കുമെന്നും റെയില്‍വേ അറിയിച്ചിട്ടുണ്ട്. രാവിലെ 11.30നും ഉച്ചയ്ക്കു രണ്ടിനും വൈകിട്ട് നാലിനുമാണ് സര്‍വീസ്. എല്ലാ സ്റ്റേഷനിലും സ്റ്റോപ്പുണ്ടാകും. 11.30ന് പുറപ്പെടുന്ന ട്രെയിന്‍ നാലു മണിയോടെ തിരുവനന്തപുരത്ത് എത്തും. കോഴിക്കോട് ഷൊര്‍ണൂര്‍ റെയില്‍ പാതയിലും ഇന്ന് ട്രെയിനുകള്‍ ഓടിയില്ല.

വടക്കുനിന്നുള്ള ട്രെയിനുകളെല്ലാം കോഴിക്കോട്ടും സമീപ സ്റ്റേഷനുകളിലും നിര്‍ത്തി. നിലമ്പൂര്‍ -ഷൊര്‍ണൂര്‍ പാതയില്‍ തടസ്സങ്ങളില്ല. കുറ്റിപ്പുറം, പള്ളിപ്പുറം പാലങ്ങള്‍ക്കുമുകളിലുടെ ഇപ്പോഴും വെള്ളമൊഴുകുകയാണ്. വെള്ളമൊഴിഞ്ഞാലും പാലങ്ങളുടെ സുരക്ഷാ പരിശോധന നടത്തിയതിനു ശേഷമേ സര്‍വീസ് പുനരാരംഭിക്കൂ.

ഗുരുവായൂര്‍ – ചെന്നൈ എക്‌സ്പ്രസ് എറണാകുളത്ത് നിന്ന് പുറപ്പെടും. ഹൈദരാബാദ് – തിരുവനന്തപുരം ശബരി എക്‌സ്പ്രസ് സേലം വരെ വന്നു തിരിച്ചു പോകും. യശ്വന്തപുര – കൊച്ചുവേളി എക്‌സ്പ്രസ്, ചെന്നൈ – ആലപ്പി എക്‌സ്പ്രസ് എന്നിവ കോയമ്പത്തൂര്‍ വരെയേ ഉണ്ടാവൂ. മടക്ക സര്‍വീസ് കോയമ്പത്തൂരില്‍ നിന്നാണ്. എറണാകുളത്തു നിന്നു ചെന്നൈയിലേക്കു സ്‌പെഷല്‍ ട്രെയിന്‍ (06034) സര്‍വീസ് നടത്തും. (തിരുവനന്തപുരം, തിരുനെല്‍വേലി, മധുര വഴി) വൈകിട്ട് ആറിന് പുറപ്പെടും. കേരളത്തിലെ സ്റ്റോപ്പുകള്‍: ചേര്‍ത്തല, ആലപ്പുഴ, അമ്പലപ്പുഴ, ഹരിപ്പാട്, കായംകുളം,കൊല്ലം, തിരുവനന്തപുരം (രാത്രി 10.40).എറണാകുളം ജംഗ്ഷനില്‍നിന്നു രാവിലെ എട്ടു മണിക്കു തിരുവനന്തപുരത്തേക്ക് ആലപ്പുഴ വഴി സ്‌പെഷല്‍ പാസഞ്ചര്‍ ട്രെയിന്‍ സര്‍വീസ് നടത്തും. തിരുവനന്തപുരം സെന്‍ട്രലില്‍ നിന്ന് എറണാകളും ജംഗ്ഷനിലേക്കു രാവിലെ ഒമ്പതിന് സ്‌പെഷല്‍ പാസഞ്ചര്‍ ട്രെയിന്‍ സര്‍വീസ് നടത്തും.

തിരുവനന്തപുരം: കണ്ണൂര്‍- തിരുവനന്തപുരം ജനശതാബ്ദി കോച്ചുകളില്‍ വെള്ളം നിറയ്ക്കുന്ന ഹോസുകള്‍, മനുഷ്യവിസര്‍ജ്യമുള്‍പ്പെടെയുള്ള മാലിന്യങ്ങള്‍ നിറഞ്ഞ വെള്ളത്തിലൂടെ വലിച്ചു കൊണ്ടുപോകുന്നത്. ഈ ഹോസുകള്‍ ഉപയോഗിച്ചു നിറയ്ക്കുന്ന വെള്ളമാണ് ബോഗികളില്‍ യാത്രക്കാര്‍ മുഖം കഴുകാനും ചിലര്‍ കുടിക്കാനും ഉപയോഗിക്കുന്നത്. ഈ വെള്ളം തന്നെയാണ് ഭക്ഷണം പാകംചെയ്യാന്‍ ഉപയോഗിക്കുന്നതെന്നതും യാത്രക്കാരില്‍ ആശങ്ക പടര്‍ത്തുന്നു. തിരുവനന്തപുരം റയില്‍വേ സ്‌റ്റേഷനില്‍ നിന്ന് ഇത്തരത്തില്‍ വെള്ളം നിറയ്ക്കുന്ന വീഡിയോ പ്രമുഖ ഓണ്‍ലൈന്‍ മാധ്യമം റിപ്പോര്‍ട്ട് ചെയ്തതോടെയാണ് വൃത്തിഹീനമായ രീതിയിലൂടെയാണ് യാത്രക്കാര്‍ക്കു ആവശ്യത്തിനുവേണ്ട വെള്ളമെത്തിക്കുന്നത് എന്ന വിവരം പുറം ലോകം അറിയുന്നത്

നേരത്തെ ട്രെയിനുകളില്‍ വിതരണം ചെയ്യുന്ന ഭക്ഷണം ആഹാര യോഗ്യമല്ലെന്ന കണ്ടെത്തലുകള്‍പുറത്തുവന്നിരുന്നു. ടോയിലെറ്റ് വെള്ളവും ശുദ്ധീകരിക്കാത്ത വെള്ളവും ഉപയോഗിച്ചാണ് ഭൂരിഭാഗം ട്രെയിനുകളിലും ഭക്ഷണം ഉണ്ടാക്കുന്നതെന്നും അന്ന് കണ്ടെത്തിയിരുന്നു.

വീഡിയോ കാണാം.