പട്ടാമ്പി റെയില്‍വേ സ്റ്റേഷനില്‍ യുവാവ് ട്രെയിന്‍തട്ടി മരിച്ചു

webdesk17 — Tue, 11 Nov 2025 12:09:26 +0000

പാലക്കാട്: പാലക്കാട് പട്ടാമ്പി റെയില്‍വേ സ്റ്റേഷനില്‍ ദാരുണ സംഭവമുണ്ടായി. ഭാര്യയെയും മകനെയും യാത്രയാക്കാനെത്തിയ വ്യക്തി ട്രെയിന്‍തട്ടി മരിച്ചു. ഉത്തര്‍പ്രദേശ് സ്വദേശി ഇക്ബാല്‍ ഖാനാണ് മരിച്ചത്.

ഇന്ന് വൈകുന്നേരമാണ് ഒന്നാം നമ്പര്‍ പ്ലാറ്റ്ഫോമില്‍ അപകടം നടന്നത്. മംഗളലക്ഷദ്വീപ് എക്‌സ്പ്രസ് ട്രെയിനിലാണ് സംഭവം നടന്നത്. ഭാര്യയെയും മകനെയും ട്രെയിനില്‍ കയറ്റി ലഗേജ് കയറ്റുന്നതിനിടെയാണ് ഇയാള്‍ അപകടത്തിലായത്.

ട്രെയിന്‍ നീങ്ങിയതിന് പിന്നാലെയാണ് ഇക്ബാല്‍ ഖാന്‍ പ്ലാറ്റ്ഫോമില്‍ നിന്ന് തെന്നിവീണത്. സംഭവം കണ്ട് കുടുംബാംഗങ്ങള്‍ നിലവിളിക്കുമ്പോള്‍ യാത്രക്കാര്‍ ചെയിന്‍ വലിച്ച് ട്രെയിന്‍ നിര്‍ത്തിയെങ്കിലും ജീവന്‍ രക്ഷിക്കാനായില്ല.

കണ്ണൂരിലും നീലേശ്വരത്തുമായി മൂന്ന് തീവണ്ടികൾക്കുനേരേ കല്ലേറ് ; ജനൽ ചില്ലുകൾ തകർന്നു.

webdesk15 — Mon, 14 Aug 2023 00:59:05 +0000

കണ്ണൂരിലും നീലേശ്വരത്തുമായി മൂന്ന് തീവണ്ടികൾക്കുനേരേ ഇന്നലെ രാത്രി ഉണ്ടായ കല്ലേറുണ്ടായി.കല്ലേറിൽ രണ്ട് തീവണ്ടികളുടെ എ.സി. കോച്ചിൻ്റെ ജനൽ ചില്ലുകൾ തകർന്നു.തിരുവനന്തപുരം-ലേകമാന്യ തിലക് നേത്രാവതി എക്സ്പ്രസിന് നേരേ കണ്ണൂരിനും വളപട്ടണത്തിനും ഇടയിലാണ് കല്ലേറുണ്ടായത്. കണ്ണൂരിനും കണ്ണൂർ സൗത്തിനും ഇടയിൽ വെച്ച് മംഗ്ളൂരു- ചെന്നൈ സൂപ്പർ ഫാസ്റ്റിനാണ് രണ്ടാമത്തെ കല്ലേറുണ്ടായത്.ഓഖ-എറണാകുളം എക്സ്പ്രസിന് നേരെ നീലേശ്വരം സ്റ്റേഷൻ എത്തുംമുൻപും കല്ലേറുണ്ടായി.ആർക്കും പരിക്കേറ്റതായി റിപ്പോർട്ടില്ലെന്ന് റയിൽവേ അധികൃതർ പറഞ്ഞു.സംഭവത്തെ കുറിച്ച് റെയിൽവെ അന്വേഷണം ആരംഭിച്ചു.

trainattack – Chandrika Daily

പട്ടാമ്പി റെയില്‍വേ സ്റ്റേഷനില്‍ യുവാവ് ട്രെയിന്‍തട്ടി മരിച്ചു

കണ്ണൂരിലും നീലേശ്വരത്തുമായി മൂന്ന് തീവണ്ടികൾക്കുനേരേ കല്ലേറ് ; ജനൽ ചില്ലുകൾ തകർന്നു.