തദ്ദേശ സ്ഥാപനങ്ങൾക്കുൾപ്പെടെ ഈ നിയന്ത്രണം ബാധകമാണ്. ഇതുസംബന്ധിച്ച കത്ത് ധനവകുപ്പ് അഡീഷണൽ ചീഫ് സെക്രട്ടറി ട്രഷറി ഡയറക്ടർക്ക് കൈമാറി. നേരത്തെ ഓണച്ചിലവുകൾക്കായി 4200 കോടിയോളം രൂപ കടമെടുക്കാൻ സംസ്ഥാന സർക്കാരിന് കേന്ദ്രം അനുമതി നൽകിയിരുന്നു.

ഈ സാമ്പത്തിക വർഷം 37512 കോടി രൂപ കടമെടുക്കാനാണ് സംസ്ഥാനത്തിന് സാധിക്കുക. ഇതിൽ ‍‍ഡിസംബർ വരെയുള്ള 21253 കോടി രൂപ സെപ്റ്റംബർ രണ്ടുവരെ സംസ്ഥാന സർക്കാർ കടമെടുത്തിരുന്നു. ബാക്കി തുക അടുത്ത വർഷം ‍ജനുവരി മുതൽ മാർച്ച് വരെയായിരിക്കും എടുക്കാനാവുക.

ബജറ്റില്‍ നീക്കിവെച്ച തുകയ്ക്ക് പുറമെ അധികഫണ്ടായാണ് ബസിന് തുക അനുവദിച്ചത്. ട്രഷറി നിയന്ത്രണം ബസ് വാങ്ങുന്നതിന് ബാധകമല്ലെന്നും ധനവകുപ്പ് ഉത്തരവില്‍ പറയുന്നു. അഞ്ച് ലക്ഷം രൂപയ്ക്ക് മുകളിലുള്ള ബില്ലുകള്‍ മാറാന്‍ ധനവകുപ്പിന്റെ അനുമതി ആവശ്യമാണ്. ഇത് മറികടക്കാനാണ് ട്രഷി നിയന്ത്രണത്തില്‍ നിന്ന് ഒഴിവാക്കിയത്.

ബസ് വാങ്ങുന്നതിനുള്ള ചെലവ് ഇന്‍ഫര്‍മേഷന്‍ ആന്‍ഡ് പബ്ലിസിറ്റി വകുപ്പിന്റെ പേരിലാണ് വകയിരുത്തിയിരിക്കുന്നത്. ഈ ബസ് നിര്‍മിക്കുന്നതിന് പണം ആവശ്യപ്പെട്ട് സെപ്റ്റംബര്‍ 25നാണ് സ്വിഫ്റ്റിന്റെ പേരില്‍ കെഎസ്ആര്‍ടിസി എം.ഡി ബിജു പ്രഭാകര്‍ ധനവകുപ്പിന് കത്ത് നല്‍കിയത്. ഇത് പരിഗണിച്ച ഒക്ടോബര്‍ എട്ടിന് ഫയലില്‍ അനുകൂല തീരുമാനം രേഖപ്പെടുത്തുകയായിരുന്നു. ഇതേത്തുടര്‍ന്നാണ് നവംബര്‍ പത്തിന് പണം അനുവദിച്ച് ധനവകുപ്പ് ഉത്തരവ് ഇറക്കിയത്.

അടുത്തിടെ കെ സ്വിഫ്റ്റ് പുറത്തിറക്കിയ ഹൈബ്രിഡ് സ്ലീപ്പര്‍ ബസ് ആണ് കൂടുതല്‍ സംവിധാനങ്ങളോടെ നവകേരളസദസിന് മുഖ്യമന്ത്രിയുടെയും മന്ത്രിമാരുടെയും യാത്രയ്ക്കായി ഉപയോഗിക്കുക. എയര്‍കണ്ടീഷന്‍ ചെയ്ത ബസില്‍ ഇരുപതിലേറെ പേര്‍ക്ക് കിടന്ന് യാത്ര ചെയ്യാനും സംവിധാനം ഉണ്ടാകും.