സംഭവത്തിന് രണ്ട് ദിവസം ശേഷം കോഴിക്കോട്ടേക്ക് പോയ മണികണ്ഠന്‍ തലകറങ്ങി വീണതോടെയാണ് പരിക്കിന്റെ ഗൗരവം പുറത്തറിയുന്നത്. ആശുപത്രിയിലെത്തിച്ച് പരിശോധിച്ചപ്പോഴാണ് തലയോട്ടി തകര്‍ന്നതായി കണ്ടെത്തിയത്. തുടര്‍ന്ന് കോഴിക്കോട് മെഡിക്കല്‍ കോളജില്‍ അടിയന്തര ശസ്ത്രക്രിയ നടത്തി. നിലവില്‍ മണികണ്ഠന്‍ അട്ടപ്പാടി കൊട്ടത്തറ സര്‍ക്കാര്‍ ആശുപത്രിയില്‍ ചികിത്സയിലാണ്. സംഭവത്തില്‍ മര്‍ദനം നടത്തിയ പാലൂര്‍ സ്വദേശി രാമരാജിനെതിരെ കേസ് രജിസ്റ്റര്‍ ചെയ്തിട്ടുണ്ടെങ്കിലും തുടര്‍ നടപടികള്‍ ഉണ്ടാകുന്നില്ലെന്നതാണ് കുടുംബത്തിന്റെ പരാതി.

ഉന്നതിയില്‍ താമസിക്കുന്നവര്‍ക്ക് അടിസ്ഥാന ശുചിത്വ സൗകര്യങ്ങള്‍ പോലും ലഭ്യമല്ലെന്നതാണ് ഗുരുതരാവസ്ഥയ്ക്ക് കാരണമാകുന്നത്. 15 വീടുകളിലായി കഴിയുന്ന ഉന്നതി നിവാസികള്‍ക്ക് ആകെ ഉപയോഗിക്കാവുന്നത് രണ്ട് ശുചിമുറികള്‍ മാത്രമാണ്. വര്‍ഷങ്ങള്‍ക്ക് മുന്‍പ് നിര്‍മിച്ച അഞ്ച് ശുചിമുറികളില്‍ മൂന്ന് എണ്ണം പൂര്‍ണമായും ഉപയോഗശൂന്യമായ അവസ്ഥയിലാണ്.

ഉന്നതിയിലെ കാനയില്‍ നിന്നുള്ള മലിനജലം വീടുകളുടെ മുന്നിലൂടെ പൊട്ടി ഒഴുകുന്നതായും നാട്ടുകാര്‍ പറയുന്നു. ഇതുമൂലം നിരവധി സ്ത്രീകള്‍ക്കും കുട്ടികള്‍ക്കും രോഗലക്ഷണങ്ങള്‍ അനുഭവപ്പെടുന്നുണ്ടെന്നാണ് വിവരം.

കോളറ വ്യാപനം തടയാന്‍ അടിയന്തര നടപടികള്‍ സ്വീകരിക്കണമെന്ന ആവശ്യവുമായി ഉന്നതി നിവാസികള്‍ രംഗത്തെത്തി. ട്രൈബല്‍ വകുപ്പും ആരോഗ്യ വകുപ്പും തങ്ങളെ തിരിഞ്ഞുപോലും നോക്കുന്നില്ലെന്ന കടുത്ത ആരോപണവും നാട്ടുകാര്‍ ഉന്നയിക്കുന്നു.മലിനമായ ജലത്തിലൂടെയും ഭക്ഷണത്തിലൂടെയും പകരുന്ന ഒരു ബാക്ടീരിയല്‍ അണുബാധയാണ് കോളറ. വിബ്രിയോ കോളറെ എന്ന ബാക്ടീരിയയാണ് രോഗത്തിന് കാരണം. ഈ ബാക്ടീരിയ ചെറുകുടലില്‍ വിഷവസ്തു ഉല്‍പ്പാദിപ്പിക്കുകയും അതുവഴി ശരീരത്തില്‍ നിന്ന് വലിയ അളവില്‍ വെള്ളം പുറത്തുപോകുകയും ചെയ്യുന്നു.

കഠിനമായ വയറിളക്കം, ഛര്‍ദി, അതിവേഗ നിര്‍ജലീകരണം എന്നിവയാണ് പ്രധാന ലക്ഷണങ്ങള്‍. ശുചിത്വമില്ലാത്ത പ്രദേശങ്ങളിലാണ് കോളറ പടരാനുള്ള സാധ്യത കൂടുതലെന്ന് ആരോഗ്യ വിദഗ്ധര്‍ മുന്നറിയിപ്പ് നല്‍കുന്നു.

കൃഷിഭൂമി തിരിച്ചുനല്‍കണമെന്ന 2009ലെ സുപ്രിംകോടതി വിധി നടപ്പിലാക്കണമെന്ന് ആവശ്യപ്പെട്ട് 2018 മുതല്‍ നിലമ്പൂരിലെ 60 ആദിവാസി കുടുംബങ്ങള്‍ സമരം നടത്തിയിരുന്നു. 2023 മെയ് 10 മുതല്‍ നിലമ്പൂര്‍ ഐടിഡിപിക്ക് മുന്നിലേക്ക് സമരം മാറ്റി.

2014 മാര്‍ച്ചില്‍ നടത്തിയ ചര്‍ച്ചയില്‍ ഓരോ കുടുംബത്തിനും 50 സെന്റ് വീതം ആറുമാസത്തിനകം നല്‍കാമെന്ന് കളക്ടര്‍ രേഖാമൂലം ഉറപ്പുനല്‍കി. എന്നാല്‍ ആ ഉറപ്പ് പാലിക്കപ്പെട്ടില്ല. ഇതോടെയാണ് കലക്ടറേറ്റിനു മുന്നില്‍ ആദിവാസി ജനത രാപ്പകല്‍ സമരം ആരംഭിച്ചിരിക്കുന്നത്.

പിക്കപ്പ് വാനിലെത്തിയവര്‍ യുവാവിനെ പോസ്റ്റില്‍ കെട്ടിയിട്ട് ഒരു മണിക്കൂറോളം മര്‍ദിച്ചുവെന്നാണ് ആരോപണം. മെയ് 24ന് നടന്ന സംഭവത്തിന്റെ ദൃശ്യങ്ങള്‍ പുറത്ത് വന്നിട്ടുണ്ട്. സംഭവത്തില്‍ പരാതി നല്‍കിയിട്ടും കേസെടുക്കാന്‍ പൊലീസ് തയാറായിട്ടില്ലെന്നും ഷിബുവിന്റെ കുടുംബാംഗങ്ങള്‍ ആരോപിച്ചു.

അതേസമയം, മദ്യപിച്ചെത്തിയ യുവാവ് തങ്ങളെ ആക്രമിക്കുകയായിരുന്നുവെന്ന് പിക്കപ്പ് വാഹനത്തിന്റെ ഉടമകള്‍ ആരോപിക്കുന്നു. യ്രുവാവ് വാഹനത്തിന് നേരെ കല്ലെറിഞ്ഞുവെന്നും കല്ലേറില്‍ വാഹനത്തിന്റെ ചില്ല് തകര്‍ന്നുവെന്നും ആരോപണമുണ്ട്. തുടര്‍ന്ന് വാഹന ഉടമയുടെ പരാതിയുടെ അടിസ്ഥാനത്തില്‍ ഷിബുവിനെതിരെ കേസെടുത്തിട്ടുണ്ട്.

പരിക്കേറ്റ ഷിബു ആശുപത്രിയില്‍ ചികിത്സയിലാണ്. വാഹനത്തിന് മുന്നിലേക്ക് വീണ യുവാവിനെ ഒരു കാരണവുമില്ലാതെ വാഹനത്തിലുണ്ടായിരുന്നവര്‍ മര്‍ദിക്കുകയായിരുന്നു. കൈകെട്ടിയിട്ട ശേഷമായിരുന്നു ഷിബുവിനെ ഇവര്‍ മര്‍ദിച്ചത്. തുടര്‍ന്ന് പോസ്റ്റില്‍ കെട്ടിയിട്ടും മര്‍ദിച്ചതായി പിതാവ് പറയുന്നു.

ഇന്നലെയായിരുന്നു വായോധിക മരിച്ചത്. വൈകുന്നേരം നാല് വരേ ആംബുലന്‍സിനു വേണ്ടി കാത്തിരുന്നെങ്കിലും അനുവദിച്ചില്ല. തുടര്‍ന്നാണ് മൃതദേഹം ഓട്ടോയില്‍ കൊണ്ടു പോയത്. നടപടി ആവശ്യപ്പെട്ട് മാനന്തവാടി ട്രൈബല്‍ ഡെവലപ്‌മെന്റ് ഓഫീസിനു മുന്നില്‍ യുഡിഎഫ് പ്രതിഷേധിച്ചു.

കൽക്കുളം തീക്കടി നഗറിലെ വീട്ടിനകത്ത് ഇന്നലെ രാത്രിയാണ് ഇരുവരും തൂങ്ങി മരിച്ചത്. ഒരു കയറിൽ ഇരുവരും കെട്ടി തൂങ്ങിയ നിലയിലാണ്. കഴിഞ്ഞ മാസം ഇരുവരും വിഷം കഴിച്ച് ആത്മഹത്യക്ക് ശ്രമിച്ചിരുന്നു. ഇരുവരും കുറച്ച് മാസങ്ങളായി ഒരുമിച്ചാണ് താമസിച്ചിരുന്നത്. സംഭവത്തെ കുറിച്ച് പൊലീസ് അന്വേഷണം നടത്തിവരികയാണ്.

വിധവയായ റീനയുടെ മകന്‍ ഉണ്ണിക്കുട്ടന്‍ (23) വഴിക്കടവ് സ്‌റ്റേഷനില്‍ 2019ല്‍ റജിസ്റ്റര്‍ ചെയ്ത പോക്‌സോ കേസില്‍ പ്രതിയാണ്. കോടതിയില്‍ ഹാജരാകാത്തതിന് പ്രതിക്കെതിരെ അറസ്റ്റ് വാറന്റുണ്ട്. സംഭവത്തെക്കുറിച്ച് റീന പറഞ്ഞതിങ്ങനെ: ‘പുലര്‍ച്ചെ 5.30ന് വഴിക്കടവ്, പോത്തുകല്ല് സ്‌റ്റേഷനുകളിലെ 6 പൊലീസുകാര്‍ വീടിന്റെ പിന്‍വാതില്‍ ചവിട്ടിപ്പൊളിച്ച് അകത്തുകയറി. മൂടിപ്പുതച്ച് ഉറങ്ങുയായിരുന്ന സൂരജിനെ ഉണ്ണിക്കുട്ടനാണന്നു കരുതി പിടികൂടി. തടയാന്‍ ശ്രമിച്ച എന്നെ ലാത്തികൊണ്ട് അടിച്ചു, നെഞ്ചിനു ചവിട്ടി.

ഇളയ മകള്‍ ദൃശ്യ(7), സ്‌നേഹപ്രിയ എന്നിവരെ മര്‍ദിച്ചു. ദൃശ്യയുടെ പാഠപുസ്തകങ്ങള്‍ വാരി മുറ്റത്തിട്ടു. സൂരജിനെ മുറിയിലേക്ക് കൊണ്ടുപോയി മര്‍ദിച്ചു. കോളനിയില്‍ മറ്റൊരു വീട്ടില്‍ കിടന്നുറങ്ങുകയായിരുന്ന ഉണ്ണിക്കുട്ടനെ വാതില്‍ ചവിട്ടിപ്പൊളിച്ച് കയറി പിടികൂടി സംഘം മടങ്ങി. സൂരജിന്റെ വാരിയെല്ലിനു ക്ഷതമുണ്ട്. പൊലീസിനെതിരെ നീങ്ങിയാല്‍ പൊലീസ് ജീപ്പ് കേടുവരുത്തിയെന്ന കേസില്‍ പ്രതിയാക്കുമെന്ന് ഭീഷണിപ്പെടുത്തിയതായി ഉണ്ണിക്കുട്ടന്‍ സ്‌റ്റേഷനില്‍നിന്ന് ഫോണ്‍ ചെയ്തു പറയുന്നതിന്റെ ശബ്ദരേഖ കൈവശമുണ്ട്. കലക്ടര്‍ക്ക് പരാതി നല്‍കും’.

അതേസമയം, ആരോപണം അടിസ്ഥാനരഹിതമാണെന്ന് വഴിക്കടവ് പൊലീസ്. വാറന്റ് പ്രകാരം പിടികൂടാന്‍ മുന്‍പ് പലതവണ ശ്രമിച്ചപ്പോള്‍ ഉണ്ണിക്കുട്ടന്‍ കടന്നുകളഞ്ഞു. ഇത്തവണ കസ്റ്റഡിയില്‍നിന്ന് ബലമായി പ്രതിയെ മോചിപ്പിക്കാന്‍ ബന്ധുക്കള്‍ ശ്രമിച്ചു. കുടുംബാംഗങ്ങള്‍ക്ക് ഉന്തിലും തള്ളിനും ഇടയില്‍ പരുക്കേറ്റതാകാമെന്നും പൊലീസ് പറയുന്നത്.

സമരം അവസാനിപ്പിക്കാൻ ശ്രമം നടത്തണമെന്നാവശ്യപ്പെട്ട് സമരസമിതിയുടെ നേതൃത്വത്തില്‍ മുഖ്യമന്ത്രിക്കും പ്രധാനമന്ത്രിക്കും കത്തയച്ചു. സമരം നയിക്കുന്ന ബിന്ദു വൈലാശേരി, അമ്മിണി എന്നിവര്‍ നിരാഹാരസമരം തുടങ്ങിയിരുന്നു. കേന്ദ്ര സര്‍ക്കാര്‍ നടപ്പാക്കിയ വനാവകാശ നിയമമനുസരിച്ചുള്ള ഭൂമി, ഭൂരഹിതരായ തങ്ങള്‍ക്ക് ലഭിക്കണമെന്നാണ് ഇവരുടെ ആവശ്യം.

ഭൂരഹിതരായ ഓരോ ആദിവാസി കുടുംബത്തിനും ഏറ്റവും ചുരുങ്ങിയത് ഒരേക്കര്‍ ഭൂമി നല്‍കണമെന്നതാണ് സമരം നടത്തുന്നവരുടെ ആവശ്യം. സുപ്രീംകോടതി വിധിയുടെ അടിസ്ഥാനത്തില്‍ 275.13 ഏക്കര്‍ ഭൂമി വനം വകുപ്പ് റവന്യു വകുപ്പിന് ആദിവാസികള്‍ക്ക് കൈമാറാനായി നല്‍കിയിട്ടുണ്ട്. ഇതു വിതരണം ചെയ്യുന്നതിനായി അപേക്ഷ ക്ഷണിച്ചിരുന്നു. അതനുസരിച്ച്‌ ലഭിച്ച 626 അപേക്ഷകള്‍ സര്‍ക്കാരിന്‍റെ പരിഗണനയിലാണ്. ഇത്രയും പേര്‍ക്കു ഒരേക്കര്‍ വീതം ഭൂമി നല്‍കാൻ കഴിയില്ലെന്നാണ് അധികൃതര്‍ വ്യക്തമാക്കുന്നത്.

പകരം 10 മുതല്‍ 20 സെന്‍റ് വരെ ഭൂമി നല്‍കാമെന്നാണ് വാഗ്ദാനം. സബ്കളക്ടറും ഡെപ്യൂട്ടി കളക്ടറും നടത്തിയ ചര്‍ച്ചയും ഫലം കണ്ടില്ല. കളക്ടര്‍ നേരിട്ട് വരണമെന്ന കാര്യത്തില്‍ ആദിവാസികള്‍ ഉറച്ചു നിന്നു. സമരം വിജയം കാണാതെ പോകുന്നത് സമരം നടത്തുന്നവര്‍ ആദിവാസികള്‍ ആയതുകൊണ്ടാണെന്ന് ആക്ഷേപം ശക്തമാണ്. ജില്ലാ കളക്ടര്‍ സ്ഥലത്തെത്തി സമരം അവസാനിപ്പിക്കുന്നതിനു വേണ്ട ചര്‍ച്ച നടത്തണമെന്നാണ് ആദിവാസികളുടെ ആവശ്യം.

ഉള്‍ക്കാട്ടില്‍ പ്രസവിച്ചതിന് പിന്നാലെ വിദഗ്ധ ചികിത്സയ്ക്കായി തൃശൂര്‍ മെഡിക്കല്‍ കോളേജിലേക്ക് മാറ്റിയിരുന്നു. ആരും സഹായിക്കാനില്ലാത്തതിനാല്‍ ആശുപത്രി വിട്ട് ഇറങ്ങിയെന്ന് ഭര്‍ത്താവ് കണ്ണന്‍ പറഞ്ഞു. പിന്നീട് ശുദ്ധജലം ലഭിക്കാന്‍ വേണ്ടി ഉള്‍വനത്തിലെത്തി കാട്ടുചോല കണ്ടെത്തി അതിന്റെ സമീപത്ത് കുടില്‍ കെട്ടി താമസിക്കുകയായിരുന്നു.

ഉപഭോക്താക്കളില്‍നിന്ന് വായ്പ നല്‍കാമെന്ന് പറഞ്ഞ് ഇരുവരും ചേര്‍ന്ന് അപേക്ഷ വാങ്ങി. ആദിവാസികളുടെ പേരില്‍ ലോണ്‍ പാസാക്കി. എന്നാല്‍, പ്രതികള്‍ പണം കൈക്കലാക്കി. ഉപഭോക്താക്കള്‍ പണം തട്ടിയ വിവരം അറിഞ്ഞിരുന്നില്ല. അതിന് പുറമെയാണ് ഉപഭോക്താക്കളില്‍നിന്ന് തിരിച്ചടവ് തുകയും തട്ടിയെടുത്തത്. തുക സ്ഥാപനത്തില്‍ അടിച്ചിട്ടില്ലെന്നാണ് അധികൃതര്‍ പറയുന്നത്. ആദിവാസികള്‍ക്ക് പെട്ടെന്ന് തിരിച്ചറിയാന്‍ കഴിയാത്ത വിധമാണ് ഇവര്‍ തട്ടിപ്പ് നടത്തിയത്. പൊലീസ് അന്വേഷണം തുടങ്ങി.