കിളിമീന്‍, ചാള, അയല, കണവ, ചെമ്മീന്‍ കൊയ്ത്തിന്റെ ചാകരയാണ് ബോട്ടുകള്‍ പ്രതീക്ഷിക്കുന്നത്. തീരദേശങ്ങളില്‍ ഒന്നര മാസമായി അടഞ്ഞു കിടക്കുന്ന ഇന്ധന പമ്പുകള്‍ സജീവമായിക്കഴിഞ്ഞു. ഒപ്പം ഐസ്പ്ലാന്റുകളും കച്ചവടകേന്ദ്രങ്ങളുമെല്ലാം പുതുകാലത്തെ വരവേല്‍ക്കാന്‍ തയ്യാറെടുത്തു. ഇന്ന് രാത്രി കടലിലേക്ക് പോകുന്നതിനുള്ള വലയും മറ്റും ഒരുക്കുന്നതിനുള്ള അന്തിമഘട്ട തിരക്കിലാണ് തൊഴിലാളികള്‍. ലക്ഷങ്ങള്‍ മുടക്കി ബോട്ടുകളുടെ അറ്റകുറ്റപണികള്‍ പലരും നടത്തിക്കഴിഞ്ഞു. വലകള്‍, ഇന്ധനം, സംഭരണ സംവിധാനങ്ങള്‍, ഭക്ഷണ വസ്തുക്കള്‍, സുരക്ഷ സംവിധാനങ്ങള്‍ തുടങ്ങിയവയൊക്കെ ഒരുക്കി ബോട്ടുകള്‍ ഇന്നലെ തന്നെ പുറത്തിറങ്ങി കഴിഞ്ഞു. കടലിലേക്ക് പോകുന്നത് ഇന്ന് അര്‍ധരാത്രിയാണെന്ന് മാത്രം.

മുട്ടയിടുന്നതിനായാണ് മത്സ്യങ്ങൾ വയലിലേക്കും പുഴയിലേക്കും കയറിവരുന്നത്. വയർ നിറയെ മുട്ടയുമായി സഞ്ചരിക്കുന്ന തള്ള മത്സ്യങ്ങളെയാണ് ഊത്തപിടിത്തത്തിലൂടെ കൂട്ടക്കുരുതിക്ക് ഇരയാക്കുന്നത്.

മഴക്കാലത്ത് വ്യാപകമായി ഇത്തരം മീനുകളെ വേട്ടയാടുന്നുണ്ട്. ദിവസങ്ങൾ മാത്രം നീണ്ടു നിൽക്കുന്ന ഈ നിയമവിരുദ്ധ മത്സ്യബന്ധനത്തിലൂടെ വൻതോതിലുള്ള മത്സ്യസമ്പത്താണ് നശിപ്പിക്കുന്നത്.

നിലവില്‍ എറണാകുളം ജില്ലാ പ്രവര്‍ത്തന മേഖലയാക്കിയിട്ടുള്ള ഇതരസംസ്ഥാന യാനകള്‍ അവരവരുടെ സംസ്ഥാനങ്ങളിലേക്ക് ട്രോളിങ് നിരോധനം ആരംഭിക്കുന്ന സമയത്തിനുള്ളില്‍ മടങ്ങേണ്ടതാണെന്ന് കലക്ടര്‍ കര്‍ശന നിര്‍ദേശം നല്‍കിയിട്ടുണ്ട്.

ട്രോളിംഗ് നിരോധനത്തിനുള്ള ഒരുക്കങ്ങളെല്ലാം പൂര്‍ത്തിയായിട്ടുണ്ട്. മത്സ്യബന്ധനത്തിനായി കടലില്‍ പോയ വലിയബോട്ടുകള്‍ രാത്രിയോടെ തിരിച്ചെത്തും. നിരോധനത്തെ തുടര്‍ന്ന് തൊഴില്‍ നഷ്ടമാകുന്ന മത്സ്യത്തൊഴിലാളികള്‍ക്ക് സര്‍ക്കാര്‍ സൗജന്യ റേഷന്‍ നല്‍കും. എല്ലാ തീരദേശ ജില്ലകളിലും 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ പ്രവര്‍ത്തനം ആരംഭിച്ചിട്ടുണ്ട്.

പരമ്പരാഗത മത്സ്യത്തൊഴിലാളികള്‍ക്ക് ഉപരിതല മത്സ്യബന്ധനം നടത്താന്‍ തടസമില്ല. 4200 ഓളം മത്സ്യബന്ധന ബോട്ടുകള്‍ക്ക് നിരോധനം ബാധകമാകും. മത്സ്യത്തൊഴിലാളി കുടുംബങ്ങള്‍ക്ക് ട്രോളിങ് നിരോധന സമയത്ത് സര്‍ക്കാര്‍ സൗജന്യ റേഷന്‍ നല്‍കും. അയല്‍ സംസ്ഥാന ബോട്ടുകള്‍ നിരോധനം പ്രാബല്യത്തില്‍ വരുന്നതിന് മുന്‍പ് കേരള തീരം വിടണമെന്ന് മുന്നറിയിപ്പ് നല്‍കി.