ഹൈക്കോടതിയുടെ വിമര്‍ശനത്തോട് പരോക്ഷമായി പ്രതികരിക്കുന്ന രീതിയിലായിരുന്നു കലക്ടറുടെ ഫെയ്‌സ്ബുക്ക് പോസ്റ്റ്. തനിക്ക് പറ്റിയ വീഴ്ച ആഘോഷിക്കുന്നവരോടുള്ള കടുത്ത മറുപടിയാണ് കലക്ടറുടെ ഫെയ്‌സ്ബുക്ക് പോസ്റ്റ്.

അവര്‍ നിങ്ങളെ
പരാജയപ്പെടുത്തുമായിരിക്കും
കത്തിക്കുമായിരിക്കും
അപമാനിച്ചേക്കാം
മുറിവേല്‍പിച്ചേക്കാം
ഉപേക്ഷിച്ചേക്കാം
പക്ഷേ,
്അവര്‍ക്ക് നിങ്ങളെ ഒരിക്കലും
നശിപ്പിക്കാനാകില്ല
ഒരു ഫീനിക്‌സ് പക്ഷിയെപ്പോലെ
ഉയിര്‍ത്തെഴുന്നേല്‍ക്കുക തന്നെ ചെയ്യും

മുന്‍ മന്ത്രി തോമസ് ചാണ്ടിയുടെ രാജിയിലേക്ക് നയിച്ച കായല്‍ കൈയ്യേറ്റ വിഷയത്തില്‍ ആലപ്പുഴ കലക്ടര്‍ ടി.വി.അനുപമക്ക് കഴിഞ്ഞ ദിവസം ഹൈക്കോടതിയുടെ വിമര്‍ശനം നേരിട്ടിരുന്നു. കലക്ടര്‍ നല്‍കിയ രണ്ട് നോട്ടീസുകള്‍ പിഴവുകള്‍ മൂലം ഹൈക്കോടതി റദ്ദാക്കിയിരുന്നു.

തോമസ് ചാണ്ടിയുടെ പേരിലല്ലാത്ത ഭൂമിയുടെ സര്‍വ്വേ നമ്പറിലാണ് നോട്ടീസ് അയച്ചത്. ഇത് തെറ്റാണെന്ന് അറിഞ്ഞതോടെ വീണ്ടും നോട്ടീസ് അയച്ചു. ‘കലക്ടറുടെ കസേരയില്‍ ഇരിക്കുന്നത് കലക്ടറോ വിദ്യാര്‍ത്ഥിയോ? കാര്യപ്രാപ്തിയില്ലെന്ന് കലക്ടര്‍ തെളിയിച്ചു. മറ്റൊരു വ്യക്തിയുടെ പേരിലുളള സര്‍വ്വേ നമ്പര്‍ എങ്ങിനെ തെറ്റും?’ ഹൈക്കോടതി ചോദിച്ചു.

തോമസ് ചാണ്ടി റസിഡന്റ് ഡയറക്ടറായ വാട്ടര്‍വേള്‍ഡ് ടൂറിസം കമ്പനിക്കെതിരെ നിലംനികത്തല്‍ ആരോപണത്തില്‍ നേരത്തേ ആലപ്പുഴ ജില്ലാ കലക്ടര്‍ നോട്ടിസ് പുറപ്പെടുവിച്ചിരുന്നു. ഈ സംഭവത്തില്‍ തുടര്‍നടപടികള്‍ ഹൈക്കോടതി സ്‌റ്റേ ചെയ്തിരുന്നു. ഇന്നു വരെയാണ് സ്‌റ്റേ അനുവദിച്ചത്.

ഇന്ന് കോടതിയില്‍ ഹാജരായ ആലപ്പുഴ കളക്ടര്‍ ടിവി അനുപമ ഇക്കാര്യത്തില്‍ പിഴവു സംബന്ധിച്ചെന്ന് കോടതിയോട് സമ്മതിച്ചു. ഇതിന് പിന്നാലെയാണ് വിമര്‍ശനം ഉണ്ടായത്.

ഏഷ്യാനെറ്റ് ന്യൂസ് റിപ്പോര്‍ട്ടര്‍ ടി.വി പ്രസാദിന്റെ അന്വേഷണ പരമ്പരയാണ് തോമസ് ചാണ്ടിയുടെ ഭൂമികയ്യേറ്റം പുറത്തുകൊണ്ടുവരുന്നത്. കായല്‍ കയ്യേറ്റവുമായി ബന്ധപ്പെട്ട് മാധ്യമ വാര്‍ത്ത വന്നതോടെ വിഷയത്തില്‍ റിപ്പോര്‍ട്ട് സമര്‍പ്പിക്കാന്‍ സര്‍ക്കാര്‍ കളക്ടറെ ചുമതലപ്പെടുത്തുകയായിരുന്നു. മന്ത്രി കായല്‍ കയ്യേറിയതും ഭൂനിയമലംഘനങ്ങള്‍ നടത്തിയതും ശരിവച്ചായിരുന്നു കളക്ടര്‍ റിപ്പോര്‍ട്ട് നല്‍കിയത്. ഇത് ഹൈക്കോടതിയില്‍ നിന്നും ചാണ്ടിക്ക് വിമര്‍ശനമേല്‍ക്കാന്‍ കാരണമായി. തുടര്‍ന്നാണ് ഇന്ന് ഉച്ചയോടെ മന്ത്രിയുടെ രാജിയുണ്ടാവുന്നത്. രാജി പ്രഖ്യാപനമുണ്ടായതോടെ കളക്ടര്‍ക്ക് കയ്യടിയുമായി മലയാളികളെത്തി. പൊന്നാനി മാറഞ്ചേരി സ്വദേശിനിയായ ടി.വി അനുപമ കേരളത്തിലെ മികച്ച ഐ.എ.എസ് ഓഫീസര്‍മാരില്‍ ഒരാള്‍കൂടിയാണ്. കൈകുഞ്ഞുമായി പൊതുജനങ്ങളുടെ പ്രശ്‌നപരിഹാരത്തിനെത്തുന്ന അനുപമ ആലപ്പുഴയില്‍ ഏറെ സ്വീകാര്യയാണ്. നേരത്തേയും അനുപമയുടെ നടപടികള്‍ അഭിനന്ദനങ്ങള്‍ ഏറ്റുവാങ്ങിയിട്ടുണ്ട്. ഫുഡ് സേഫ്റ്റി കമ്മീഷനറായിരിക്കെയുള്ള അനുപമയുടെ പ്രവര്‍ത്തനങ്ങള്‍ ശ്രദ്ധേയമായിരുന്നു. മായം ചേര്‍ത്ത വസ്തുക്കള്‍ വില്‍ക്കുന്നതിനെതിരെയും അമിത വിലക്കയറ്റത്തിനെതിരെയും എടുത്ത നടപടികള്‍ സംസ്ഥാനത്ത് ഏറെ ചര്‍ച്ചയായിരുന്നു. കോഴിക്കോട് സബ് കലക്ടര്‍, കാസര്‍കോട് സബ് കലക്ടര്‍, തലശ്ശേരി സബ് കലക്ടര്‍, ആറളം െ്രെടബല്‍ ഡെവലപ്‌മെന്റ് മിഷന്‍ സ്‌പെഷ്യല്‍ ഓഫിസര്‍, സാമൂഹികനീതി വകുപ്പ് ഡയറക്ടര്‍ എന്നീ പദവികളും അനുപമ മുമ്പ് വഹിച്ചിട്ടുണ്ട്.

റോഡ് നിര്‍മ്മാണവുമായി ബന്ധപ്പെട്ട് മൂന്നിടത്ത് നിലം നികത്തിയതായി കളക്ടറുടെ റിപ്പോര്‍ട്ട് പറയുന്നു. പാര്‍ക്കിംഗ് ഗ്രൗണ്ട് നിര്‍മ്മാണത്തിനായി നെല്‍വയല്‍ തണ്ണീര്‍ത്തട നിയമങ്ങള്‍ തോമസ് ചാണ്ടിയുടെ വാട്ടര്‍വേള്‍ഡ് കമ്പനി അട്ടിമറിച്ചുവെന്ന് കണ്ടെത്തിയിട്ടുണ്ട്. നിര്‍മ്മാണത്തിന് സംസ്ഥാന സര്‍ക്കാരിന്റെ അനുമതി വാങ്ങിയിരുന്നില്ലെന്ന് റിപ്പോര്‍ട്ടില്‍ പറയുന്നു. അതേസമയം, മന്ത്രിയുടെ രാജിക്കാര്യത്തില്‍ തീരുമാനം ഇന്നറിയാം. തിരുവനന്തപുരം ഏ.കെ.ജി സെന്ററില്‍ ചേരുന്ന സെക്രട്ടേറിയറ്റ് യോഗത്തില്‍ വിഷയം ചര്‍ച്ച ചെയ്യും. എന്നാല്‍ രാജിക്കാര്യത്തില്‍ സി.പി.എമ്മില്‍ വ്യത്യസ്ഥ അഭിപ്രായങ്ങളാണ് നിലവിലുള്ളത്. സംഭവത്തില്‍ തീരുമാനം എടുക്കുന്നത് എല്‍.ഡി.എഫ് യോഗത്തിലായിരിക്കും. യോഗം വിളിച്ചുചേര്‍ത്ത് മന്ത്രിയുടെ രാജിക്കാര്യം ചര്‍ച്ച ചെയ്യുന്നതിനാണ് സി.പി.എമ്മിന്റെ തീരുമാനം.

മന്ത്രിക്കെതിരെ സി.പി.ഐക്ക് കടുത്ത വിമര്‍ശനമാണുള്ളത്. എന്നാല്‍ സി.പി.എം പരസ്യവിമര്‍ശനമൊന്നും ഉന്നയിച്ചിട്ടുമില്ല. അതേസമയം, മന്ത്രിക്ക് എന്‍.സിപിയുടെ ഉറച്ച പിന്തുണ പ്രഖ്യാപിച്ചിട്ടുണ്ട്. മന്ത്രിയെ തുടക്കം മുതല്‍ സംരക്ഷിക്കുന്ന നിലപാടാണ് മുഖ്യമന്ത്രി പിണറായി വിജയനും കൈകൊണ്ടിട്ടുള്ളത്. എന്നാല്‍ കഴിഞ്ഞ ദിവസത്തെ പരസ്യവെല്ലുവിളിയെ തുടര്‍ന്ന് തോമസ്ചാണ്ടിയെ മുഖ്യമന്ത്രി ശാസിച്ചിരുന്നു.

കഴിഞ്ഞ ദിവസം വൈകിട്ട് റവന്യൂ പ്രന്‍സിപ്പല്‍ സെക്രട്ടറിക്കാണ് റിപ്പോര്‍ട്ട് സമര്‍പ്പിച്ചിരുന്നത്. നേരത്തേ കലക്ടര്‍ സമര്‍പ്പിച്ച റിപ്പോര്‍ട്ടില്‍ സൂചിപ്പിച്ചിരുന്നതിനേക്കാള്‍ കൂടുതല്‍ നിയമലംഘനങ്ങള്‍ നടത്തിയെന്നാണ് അന്തിമ റിപ്പോര്‍ട്ടില്‍ വ്യക്തമാക്കുന്നതെന്നാണ് സൂചന.

കൈയേറ്റം വ്യക്തമായാല്‍ ഗതാഗതമന്ത്രി സ്ഥാനത്തു നിന്നു തോമസ് ചാണ്ടിയെ നീക്കാന്‍ സര്‍ക്കാറിനുമേല്‍ സമ്മര്‍ദ്ദമേറും. അതേസമയം ചികിത്സാ കാരണത്താല്‍ മന്ത്രി ലീവില്‍ പോയതിലും ദുരൂഹതയുണ്ടന്നും ആരോപണമുയുരുന്നുണ്ട്. സര്‍ക്കാറിന്റെ ഒരു തുണ്ട് ഭൂമി പോലും കൈയേറിയിട്ടില്ലെന്നും, ഉണ്ടെങ്കില്‍ താന്‍ എം എല്‍ എ സ്ഥാനവും രാജി വെക്കന്‍ തയ്യാറാണെന്നും മന്ത്രി നിയമസഭിയിലും മാധ്യമങ്ങള്‍ക്കു മുന്നിലും വ്യക്തമാക്കിയിരുന്നു. ഈ സാഹചര്യത്തില്‍ പിണറായി മന്ത്രിസസഭയില്‍ നിന്ന് അടുത്ത മന്ത്രിയും രാജിവെച്ച് പുറത്തു പോകേണ്ടി വരുമോയെന്നാണ് ജനം ഉറ്റുനോക്കുന്നത്.